หนาวอ้อมกอด...

[ไก่น้อย]

พี่ชายเอ้ย..คั่นบ่ฮักน้องแท้ อย่ามาแว่เทียวบอกฮัก ให้น้องปักษ์ใจมั่น คือทำกันคักแน่ ..แทะน่อ
เที่ยวมาแว่มาล่อ พอให้น้องได้ห่วงหา ปากกะว่าคิดฮอด แค่สิกอด..เพิ่นกะบ่เต็มใจ
เบิ่งสายตาบ่อาลัย บ่คิดนำกันพอก้อย ส่างมาคือเรือน้อย อ้ายพายไปตามหน้าที่
จอดก้ำนั้นแล้วหันมาจอดฝั่งนี คือโตพี่บ่ห่วงหา คั่นสิป๋า..ลาม้าง ชายเอ้ย น้องบ่ว่า
บอกกันสือๆโลดน๊า.. อย่าสิมาเฮดให้น้อง ครองความเศร้า เฝ้าล่ำคอย
คือเศษเล็ก เศษน้อย เสี้ยวเวลาแบ่งมาสู มันอดสูใจฮ้าย คือโตอ้ายบ่คิดนำ นั่นแหล่ว :'(

http://www.freewebs.com/thsriubol/konbormeejai.wma

[sompoi]

ม่วนๆๆ..น้องไก่น้อย..ม่วนนำแน่ะ..ให้เก้าพันเก้าร้อ ยเก้าสิบเก้าดอกโลด...

[ไก่น้อย]

ขอบคุณคะพี่มิก มือใหม่ดอก อดส่าอ่านเอาเถอะเนาะ ใจมักนั่นนา 55+

[สาวธาตุเชิงชุม]

ม่วนๆๆ จ้า แวะมาให้คะแนนคนหน้าตาดีบ้านนี้จ้า เอาไปคนละหนึ่งดอก อึบ อึบ

[บ่าวโจ่โล่]

คันบ่มัก บ่ฮักแท้ บ่มาแว มาเว้าต่อ แม่นบ่ฮักจั่งได๋น้อ จั่งมาขอส่งเว้า ว่าฮักเจ้าแต่ละวัน
เทียวตามฝันอยากพ้อหน้า เทียวมาหาย่อนเป็นห่วง อยากนำทวงหัวใจอ้าย ว่ามันย้ายไปอยู่นำ
เจ้าเป็นลำนาวาล่อง อ้ายเป์นเรือเฟือนำฝั่ง เทียวแต่ยั้งจอดท่า ถามหาเจ้าเว้าคิดถึง
ย่านแต่เจ้าบ่ซึ้ง บ่คิดถึงคือเว้าไส่ ย่านพ้อหน้ายามได๋ เผิ่นบ่ไขปากเว้า สิได้เศร้าดอกไส่ใจ
ย่านเจ้าไลห่างใบหน้า ย่านเจ้าลาหาความไส่ ย่านแท้น้อหัวใจ ไร้เศษเล็กเศษน้อย ฝอยรักเจ้ากะบ่มี
สิเต็มทีหล่ะน้ออ้าย ฮักเจ้าหลายบ่อาจเอ่ย ถ้าเจ้าเฉยไส่หน้าอ้าย ย่านตายแท้ย่อนรักเธอ เด้อหล่าเด้อ

[สาวบ้านนา]

นําแนะ ทดสอบ

โอ่ละน้อ.... อ้ายชายเอ๋ย... ครั้นแม่นอ้ายฮักน้องไห่ลืมตาใส่นํ้าแจ่ว... แสบคั่กปานใด๋ ...กะคือน้องประสงค์อ้ายคั่กหลายกะ

ปานนั้น...

ตามควมจาแล่ว... น้องอยากกินเข่าฮ่วมพา ....อยากนอนเอาขาก่ายแอวอ้าย... พู้นแหลว.... (นอนดิ้นเนาะ)

[ไก่น้อย]

อ้ายบ่าวโจ่โล่เอ้ย ....เป็นจั่งได่น่ออ้าย นานหลายบ่ได้ข่าว
ฮอดมื้อข้าวเล้า บ่เห็นเจ้าผู้คิดนำ
หรือว่าทำส่งโก้ แต่งโต เท่ห์สง่า
เลยลืมตอกมัดกล้า ลืมสาวหล่าผุแนมทาง ละบ๋อ..

( ปล..บ่ได้เข้ามายามบอร์ดผญาโดน ย้อนคิดบ่ออก อย่าฟ้าวลืมกันเด้อ 555+ )

[numwan]

คือมาแต่งม่วนแท้เนาะ เก่งแท้ๆๆ

[บ่าวโจ่โล่]

บ่ได้จาปากเว้า บ่ได้เอาความมาว่า บ่ได้พ้อพบหน้า พอปานฟ้าได้ห่างฝน
ย่อนว่า วนนำงานยุ่ง มันตุงนังตั้งหลายอย่าง อ้ายกะบ่ค่อยว่าง จั่งวางบอร์ด จ่ายผญา
บ่ไปไสเด้อหล้า ยังอยากจานำคือเก่า มีมื้อได๋ใจเหงา ยังอยากเว้ากับน้อง พอมีหม่องได้พักเซา
ยังคิดฮอดหมู่เจ้า คือนาข้าวถ้าฝนหลั่ง ว่างกว่านี้คือหนหลัง อ้ายกะจั่งค่อยเว้า ดอกนำเจ้าหมู่สุคน
ห่างบ่ดนดอกเด้อหล้า ห่างหน้าบร์อดบ้านมหา สิกลับมาเขียนคือเก่า สิมาจามาเว้า นำหมู่เจ้าคือเก่าเด้อ
ปลาละเมออยากเห็นน้ำ ซามสายฝนสิมาหลั่ง สะนูว่าวกะอยากดัง มานั่งถ้าลมจ้าว คันหนาวแล้วจั่งสิลอย
คืออ้ายเวลาว่าง ถ้าหนทางกลับมาไหม่ ยังบ่ได้ไปไส ในหัวใจยังคิดฮอด อยากเขียนบอร์ด คือเก่าเด้อ

[ไก่น้อย]

บ่ได้จาปากเว่า นางละเหงาคิดฮอดพี่
เคยเว่ากันดี ดี ผั่นสิหายไปจ้อย คำน้อยๆ เพิ่นบ่ลา
งานหนักหนา หลายติอ้าย ชายเอ้ยบ่มาแว๋
มายามกันแน่แม๋ ฮู้บ่ว่าคิดฮอด คนเคยเว่ากล่าวนำ
....แม่นอ้ายทำเสร็จสร้าง แล้วงานกะมาผ่านแน่เด้อ
เลาะมานำกลางบ้าน ให้นางหล่า ได้เบิ่งฮอย แน่สั่นแหลวว ...

[maxlinee]

บ่ได้จาปากเว่า นางละเหงาคิดฮอดพี่
เคยเว่ากันดี ดี ผั่นสิหายไปจ้อย คำน้อยๆ เพิ่นบ่ลา
งานหนักหนา หลายติอ้าย ชายเอ้ยบ่มาแว๋
มายามกันแน่แม๋ ฮู้บ่ว่าคิดฮอด คนเคยเว่ากล่าวนำ
....แม่นอ้ายทำเสร็จสร้าง แล้วงานกะมาผ่านแน่เด้อ
เลาะมานำกลางบ้าน ให้นางหล่า ได้เบิ่งฮอย แน่สั่นแหลวว ...


คักนอเจ้า ข่อยอ่านละเคลิ้มเลย

[โป้ยก่าย]

ป้าดดด มาฟังคำผญาเว้าเพิ่นสรรค์เอาแต่คำม้วน เป็นสำนวนต่อเนื่องฟังแล้วซ่างม่วนหู
มาขอแจมพอได้ฮู้ ศึกษาเรื่องวาทศิล เคยได้ยินแต่เพิ่นจา จั้งอยากมาขอเว้า บทสำเนาเผยอ้างแถลงการณ์
เอื้อนเอ้ย มีเทิงคำเปรียบเปรย อุปมายกขั้น พอเป็นเรื่องให้ต่อเติม มามื้อนี้หวังสิขอกล่าวเริ่ม เผดียงต่อ
พอเป็นไปคันบ่ไคคือความจาให้กล่าวเตือนแน่เด้อเจ้า เอาแต่พอเพียงนี้มันเต็มทีเหมิดหม่องว่า คอยพ้อกันเทื่อหน้า สิมาเว้าอีกเทื่อลุน พี่น้องเอ้ย

[ไก่น้อย]

อาศัยว่ามักอ่าน กะเลยหาญมาหัดเว่า คำผุเฒ่าโบราณเพิ่นพาว่า อยากซึมซับเทือมื้อหน้า สิได้เว่าสูลูก-หลาน สั่นดอก ..อาจารย์เปิ้มเอ้ย ...

ปล..มองการณ์ไกลขนาด ;D ;D

[โป้ยก่าย]

ไก่น้อยเอ้ย ให้ข้อยมาขอเว้าแจมผญานำเจ้าแน่ ซั่งมาม้วนคักแท้เป็นน่าซื่นสะออน
ตอนนี่ยังบ่เก่งแท้กะอยากแวะมายาม พอได้ถามความเป็นไปเรื่องผญาสิพอได้บ่หน้อ ไก่น้อยเอ้ย

อิอิ ทรงบ่เป็นท่าปานใด๋

[ไก่น้อย]

โอ่น่อ อ้ายเอ้ย
น้องอยากถามข่าวเจ้า ถามข่าวถึงปลา
น้องอยากถามข่าวนา ถามข่าวถึงข้าว
น้องอยากถามข่าวเจ้า มีไผแล้วละไป่
หยับมานั่งใกล้ๆ ให้นางได้ ส่งคำถาม แน่น๊า............. ( บึ่ยย ..;D )

[โป้ยก่าย]

โอ่น่อ นางเอ้ย
อ้ายนี้เกิดอยู่ก้ำเมืองหนองคายฟ้าย่อนๆ เห็นแต่เมฆตั้งก้อนซอนขึ้นเป็นถี่ถันตั้วหละนาง
ใจประสงค์ทางน้องจั้งได้เที่ยวมาหา ว่าสิมาขอเซาแวะกินข้าวแลงนำเจ้า จักคาบสั้นดอกสิได้บ่ อิอิ โอ้ยข้อยหละเหมิดหม่องเว้า