สู่ขวัญนา [เอกสารเก่า] - บ้านมหา การศึกษา ศิลปะ วัฒนธรรม ท้องถิ่น (รวมก๊ก)

ดูเวอร์ชั่นเต็ม : สู่ขวัญนา

maanoy

07-16-2007, 08:13 PM

สู่ขวัญนา

ว่า ศรี ศรี วันนี้เป็นวันดี วันเศรษฐีเฒ่านกเอี้ยง เผิ่นได้เสี่ยงทำนายฝัน อยู่หลายวันเผิ่น ฝันหลาก เผิ่นจั่งฝากแม่ธรณี เผิ่นฝันดีบ่ตกยาก บ่ลำบากการทำนา พสุธาเก้าพันไฮ่ เผิ่นได้ใส่ข้าว สาลี ธรณีให้เลี้ยงโลก ให้มีโชคการทำนา แต่เดิมดากกเค้า คราวพระเจ้าพุทธโคดม พระบรมได้ ห้ามญาติ เผิ่นประกาศแบ่งเป็นตอน ตาออนซอนให้ถึกต้อง พวกพี่น้องนาหลุ่มและนาบ๋า พากันมา ยาดเอาน้ำ สองฝ่ายก้ำเมืองกบิล พอได้ยินเผยพระโอษฐ์ ให้ละโกรธและความหลง พระภุชงค์จึงได้ เทศน์ จั่งแบ่งเขตเป็นคันนา แบ่งกันมาขุดเป็นฮ่อง ให้เป็นป่องวารี ให้ได้มีทั้งสองฝ่าย น้ำไหลก่าย ไปเนืองนอง จั่งจับจองแบ่งกันใหม่ ป้านคันใหญ่เป็นไฮ่นา จั่งถือมาฮอดมื้อนี้ พระจั่งซี้ตาออนซอน ผ้าจีวรครองบ่า ตำราว่าคือตานา องค์พระศาสดาตรัสบอก ให้แบ่งออกเป็นตา เป็นไฮ่นาทั่วผืนผ้า ฮอดสังฆาฏิพาดบ่าภิกษุสงฆ์ พุทธองค์บัญญัติบอก ห้ามตัดอกพระวินัย เอาไปไสกะให้อยู่ ให้คือ หมู่พุทธา

สาธุ

รวงข้าว

07-17-2007, 08:39 AM

สาธุ..... คักเนาะจารย์

manit_2520

07-17-2007, 11:08 AM

ว่ามาเด้อขัวญเอ่ย

ว่ามาเด้อขัวญเอ่ย

sompoi

07-17-2007, 11:39 AM

โหหหห สามารถๆ ..ยอมรับๆหล่า..ตื่มแต้มๆ...ทั้งน้าบ่าว ทั้งสาวแก้ม.คักๆๆ..

manit_2520

07-17-2007, 02:20 PM

เมื่อได๋น้อสิไดไปงานผูกแขนของ (สาวธาตุเชิงชุม) น้อพี่น้องบ้านมหา 8)

maanoy

07-17-2007, 04:09 PM

ท่านจั่งว่าเป็นไฮ่นา บาดนี้มาสิไถหว่าน สิได้ผ่านคองไถ มาเร็วไวกราบบาท บ่ได้ขาดฟ้า ใหม่ลงหนอง เสียงเนืองนองอึ่งอ่าง อยู่ใต้หล่างควายบักคูณ เบิ่งเผิ่นสูนฟืนฟาด เคาบ่ขาดสนดัง ปานสิพังเผิ่นห่าว ฟ้าวฝั่นข่าวเตรียมไถ ฝนตกไหลน้ำอั่ง ฝนไหลหลั่งตกลงมา เต็มไฮ่นาน้ำใหม่ กบเขียดไข่ปูปลา น้ำไฮ่นาล้นหลาก หลายเหลือมากเนืองนอง แสงกะบองออกจับเขียด ท่วมนา เอือดและนาทาม นาไผงามได้ใส่ฝุ่น ได้หลกฮุ่นฝักพีพวย ยามฝนฮวยเดือนหกออกใหม่ จับเอาใกล้ เฮือนไผเฮือนมัน ใบรวมโฮมกันเลี้ยงเจ้าปู่ เฒ่าจ้ำอยู่พิจารณา คางไก่มาแก๋ออก จั่งได้บอกลูก หลาน คางไก่ยานยาวโค้ง ฝนสิส่งปลายปี ฝนสิดีหลากหล้า น้ำอยู่ฟ้าเหลือหลาย แล้วระบายคางไก่ อีก เอามือฉีกออกมานำ จ่มมำๆ ชี้แก่แด่ เบิ่งหั่นแน่ดีคือกัน พอฮอดวันว่าตาแฮก เขากะแบกเอาไถ เอาลงไปเขยใหม่ เอาใจใส่ไถนาดี เอาแส่ตีควายบักด่อน ย่างออกก่อนว่าฮือ-ฮือ มือหนึ่งถือกำเชือก มือหนึ่งเถือกกำคันไถ ควายย่างไปว่าฮือฮ่อง-ฮือฮ่อง ดันหลังก่องก้อนขี้ไถ
ขออภัยนำแม่เจ้า สิเฮ็ดข้าวทำนา ขอขะมาพระแม่ ยามลูกแก่ไถไป ยามไถไวอย่าได้ พลาด ยามหลานคลาดอย่าโกรธา หลานทำนาหมายตักบาตร บ่ได้ขาดกินทาน ขอสมภารแก่กล้า พวกตูข้าทำนากิน ยามฝนรินบ่ได้อยู่ ทำเป็นหมู่นาดี มาหลายปีแต่พร้อมโลก นับว่าโชคได้นาหนอง ปานได้ทองสามเส้า ปานได้ข้าวพันเล่มเกวียน เฮ็ดหมุนเวียนบ่ได้ขาด ขอพระบาทแม่เจ้าธรณี อย่าได้มีใจตื่น อย่าแตกตื่นไปใส ขออภัยนำเจ้าแม่ ให้ได้แต่โภชนา ให้ได้มาทั้งข้าวเหนียวและข้าว จ้าว ข้าวช้างน้าว ทั้งข้าวขาว ข้างต้นยาวหอมอ่อน ให้ได้ป่อนทานัง ให้ได้ฝังข้าวบักหม่วย งามป่วย ล่วยข้าวงาช้างแลข้าวดอ เต็มในทอนั่นแม่นข้าวอีก่ำ ได้กินหน่ำนั่นแม่นข้าวสามเดือน ให้เต็มเฮือน อย่าเขินขาด สายน้ำไหลหลากเนืองนอง เดือนสิบสองให้ได้กินได้เกี่ยว ฮวงอย่าเหี่ยวสุกงอม ทั้งข้าว หอมเฮ็ดข้าวเม่า ให้เต็มเล้าสิได้กินได้ทาน เป็นข้าวสารเต็มไถ่ เลี้ยงคนใหญ่ทั้งโลกา มีนาเหนือ และนาใต้ นาท่งใหญ่มีหนอง ปลาเนืองนองดุกค่อ นามูลพ่อนาเซและนาห้วย ให้ได้ช่วยชูนำ พระ จอมธรรม์ฉันยามเช้า ถวายข้าวสังฆทาน เลี้ยงลูกหลานบ่ได้ขาด เม็ดข้าวอาจงามหลาย เหลือกิน ขายเงินอั่ง บ่ได้นั่งงอมือ เอาเกี่ยวถือก๋อเกี่ยว ข้าวบ่เหี่ยวงามดี ข้าวนาปีได้หลายหาบ
ผู้ข้าขาบแม่ธรณี อยู่ในน้ำให้มีปลา อยู่ในนาให้มีข้าว ขอแม่เจ้าจงอิดู ลูกหลานดู๋บนแม่ บาท เอาใส่ถาดเมี่ยงหมากและพาหวาน ของกินทานทั้งตาแฮก เอามาแจกผู้รักษา เจ้าจงมารับเอา สามื้อนี้วันนี้ ให้กอถี่ลำงาม อยู่นาทามและนาโคก ให้มีโชคเหลือตา ข้าวเต็มนาเหลืองอร่าม ว่ามา เยอขวัญเอย ให้เจ้ามาทั้งขวัญนาและขวัญข้าว ขวัญแม่เจ้าธรณี เจ้าจงมารวมอยู่ มาเป็นหมู่ให้ลูก ให้หลาน ให้ได้กินได้ทานอย่าให้ขาด อย่าได้เขินเป็นหาด อย่าได้ขาดเป็นวัง อย่าได้พังเพห่าง อย่า ได้ว่างเว้นหนี ให้ข้าวฮวงยาวพอศอก ให้ต้นข้าวสูงออกพอวา ให้เต็มนาท่งใหญ่ สัตว์น้อยใหญ่อย่า ได้มาราวี นกตัวดีอย่าบินผ่าน นกจาบปากก่านอย่ามาวน ขอให้ได้เลี้ยงลูกหลาน ตราบต่อเท่าอายุ เข้าห้าพันวัสสาก็ข้าเทอญฯ ภะ สะ ภะ โภชะนัง มะหาลาภัง สุขัง โหตุ สาธุ

maanoy

07-17-2007, 04:11 PM

คาถาเสกน้ำรดนา
หลังจากสูตรขวัญนาแล้ว ให้ทำน้ำมนต์รดนา คาถาว่า ดังนี้
1. ว่า นะโม ตัสสะ ฯลฯ สัมมา สัมพุทธัสสะ 3 จบ
2. ว่า ไตรสรณะคม พุทธัง สะระณัง คัจฉามิ ธัมมัง สะระนัง คัจฉามิ สังฆัง สะระณัง คัจฉามิ ทุติยัมปิฯลฯ ตะติยัมปิฯลฯ ว่าเหมือนเดิม
3. นัตถิ เม สะระณัง อัญญัง พุทโธ เม สะระณัง วะรัง เอเตนะ สัจจะวัชเชนะ โหตุ เต ชะยะมัง คะลัง
นัตถิ เม สะระณัง อัญญัง ธัมโม เม สะระณัง วะรัง เอเตนะ สัจจะวัชเชนะ โหตุ เต ชะยะมัง คะลัง
นัตถิ เม สะระณัง อัญญัง สังโฆ เม สะระณัง วะรัง เอเตนะ สัจจะวัชเชนะ โหตุ เต ชะยะมัง คะลัง
4. สักกัตตะวา พุทธะระตะนัง โอสะถัง อุตตะมัง วะรัง หิตัง เทวะมนุสสานัง พุทธะเตเชนะ โสตถินา นัสสันตุปัททะวา สัพเพ ทุกขา วูปะสะเมนตุ เต
สักกัตตะวา ธัมมะระตะนัง โอสะถัง อุตตะมัง วะรัง หิตัง เทวะมนุสสานัง ธัมมะเตเชนะ โสตถินา นัสสันตุปัททะวา สัพเพ ทุกขา วูปะสะเมนตุ เต
สักกัตตะวา สังฆะระตะนัง โอสะถัง อุตตะมัง วะรัง หิตัง เทวะมนุสสานัง สังฆะเตเชนะ โสตถินา นัสสันตุปัททะวา สัพเพ ทุกขา วูปะสะเมนตุ เต
กก กอ ดอ ดก ท่านว่า ข้าวบ่มีโรค บ่เป็นบั่ว หมากดกดั้วงามดี ดีนักแล

maanoy

07-17-2007, 04:13 PM

อั่น....หนุ่มโนนนารายณ์....อยู่บ้านได๋น้อ.......คื อ..มาพ้อไทบ้านเดี๋ยวกั๋นน้อ....โต้อยู่บ้านได๋เฮ้ย. ..มามามา..มากิ้น..เหล้า...ขันหมาก...อิอิ..

maanoy

07-17-2007, 04:16 PM

ฮ้วย....หมอสูตรขวัญแก้ม...แห่งขอนแก่นจังได๋จังเอา. ...ฮูป....แม่อะวีโก้ก๋าพ่ออะวีโก้มาลงบาดที่นี่.... .เว๋ย...รวงข้าวกะด๋าย...บาดจังซี่มาบอกว่าคักน้อจาร ย์พะนะ...บาดลังเถือ..คือบอกว่า..อยากมาวหลายพ่อมะระ อึงอิอิ

manit_2520

07-19-2007, 07:40 AM

อั่น....หนุ่มโนนนารายณ์....อยู่บ้านได๋น้อ.......คื อ..มาพ้อไทบ้านเดี๋ยวกั๋นน้อ....โต้อยู่บ้านได๋เฮ้ย. ..มามามา..มากิ้น..เหล้า...ขันหมาก...อิอิ..

ข้าน้อยอยู่ทาง อ.รัตนบุรี เด้อ ท่านหมาน้อยอยู่ทางได๋น้อบ้านเกิดเมืองนอน

maanoy

07-19-2007, 07:45 AM

manit_2520

07-20-2007, 10:49 AM

อิอิ...........โต้อยู่รัตนบุรี...บ้อบ้านได๋ละ...นี ่กะอยู่รัตนบุรี.............ตำบลโนนบ้านขี้เหล็ก... .......
เอาบ้านเลขที่บ่อ...อิอิ
.................................................. .....รัตนบุรีคงสิเป็นจังหวัดอีกบ่อดลเนาะ...อยู่ทาง โนนสั้นบ้อเจ้า ย้ายครัวมาอยู่กรุงเทพตี้หล่า..
เห๋อ..............พ้อคนไทยบ้านเดี๋ยวกัน........... ....ดีใจหล๊ายหลาย..มามะเอามาเป๊ก....อิอิ
หมอกำลังสูตรขวัญข้าว..เฮากะเป็กไปนำซั้นตั้ว
ผมอยู่ บ้านผักไหม เด้อกะยินดีได๋พ้อคนบ้านเดียวกันคนตำบลเดียวกันบ้านข ี้เหล็กผมกะฮู้จักอยู่ใกล้ๆบ้านโนนจานแม้นบ่ครับนาผม กะอยู่แถวโนนตาเห็นเด้ออ้ายเจ่าทำงานอยู่แถวได๋น้อจั กมื่อสิไปหากินเหล้านำแต่ว่าเหล้าขาวผมบ่กินเด้อมันค ันคออยากกินเหล้าโทรบ้านเฮานั้นมีบ่ใส่ไว้จักไห่เด้อ เดียวสิไป

maanoy

07-20-2007, 11:18 AM

ฮ้วยมาพ้อคนบ้านเดียวกัน...บ้าผักไหม...โอ้ย..น้อ... หมูสมัยเรียนนำกัน...กะมีหลายคนอยู่..(สมัยเรียนบ้าน คำผง..................โนนตาเห็นหม่องตีไก่...ไกล้บ้ านโนนก่อ...
บ้านโนจานส่วยแปนแลน..โอ้ยน้อ....
อ้ายกะมาเฮ็ดงานก่อสร้างหล่า.....เฮ็ดนาบ่อเป็นนำเผิ ่น...อิอิ