โฮมผญาผู้ไท

[oof]

ผู้เลอได้ผญากะมาเว้านำเดวแน่เดอ

[ฅนภูไท]

แวะมาเบิ่งเว้านำมิเป๋นเดาะ ผุเลอเว้าเป๋นกะมาเว้าเฮ้อฟังแหน่

[aomecon]

พี่น้องเอ๋ย....เผอว่าแดนภูไทฮ้าง เยอะจูงแหนเพิ่นไปเบิ่ง
ฮ้างจังใด๋ ป่าไผ่ยังโซ้ยโล้ย ป่าโก้ยยังซ้ายล้าย
ซิไปฮ้างแม้นบ่อนเลอน้อ.....พี่น้องเอ๋ย
ขอมาเป็นพี่เป็นน้องนำแหน่เด้อ ซุมแซวซาวภูไท

[ฅนภูไท]

8) 8) 8) สุดยอดคับ มาม่วนมาตุ้มโฮมเด๋วเด้อครับ

[ฅนภูไท]

อะโหลๆๆๆ ประกาศหาบ่าวพรรณาเด้อได้ยินแล่วตอบแหน่ มาเว้าผญานำผุสาวแหน่ ข้อยเว้ามิเป้น

[oof]

โอยบ่าวผู้ไทเมืองนครพนมเอย อ้ายเอยน้องอยากถามข่าวอ้อยป้องถี่กินหวานเบิ่งเด
ถามข่าวตาลก้านก่องยามฮ้อน ถามข่าวม้อนนอนสองแม่อ้ายแก้มแล้วบ่
คั้นแม้นมอนมีพอแก้มทางน้องละไปหา
อ้ายเอยน้องนี้แล้ว น้องอยากถามเบิ่งผักบ้งโสนเทิงแม่อ้ายปุ
แม้นได้ผู้ถกยอดนึ่งดึงยอดต้มชมแล้วแต่เฮิงบ่ เฮ้อเจ้าไขวาจาเบิ่งดู

[oof]

โอยบ่าวผู้ไทเอย มาแต่ทางเลอเด เจ่ออ้ายปะสงส้างแนวเลอยังได้มา ไขปะต้านจาเว้านำน้องแน

[oof]

โอยหนออ้ายเอย บ่าวผู้ไทเอย บุญมีเคยหมายไฮ้ย้านถึป่าหญ้าคาเด บุญมีเคยหมายนาย้านถึป่าหญ้าแฝก ย้านเป็นของแขกค้าไทบ้านเพิ้นผัดหวง น้องหยะถามข่าวอ้อยบ้องถี่กินหวาน ถามข่าวตาลก้านก่องยามฮ้อน ถามข่าวม้อนปุมอนพอแล้วบ่ คั้นม้อนมีพอแก้มทางน้องหยะไปแกม แนมตานำ บ่าวผมดำเอย

[สาวบ้านนา]

นําแนะ

โอยบ่าวภูไทเอย มิมองน้องจักเลอเด น้องนี่ขี่ฮ่ายร่าย อยุ่ซ่ามเถ่าตายเลอเด

หยามใด่เลอ บ่าวภูไทเอย สิมาขอ มู่น้องกิ่นดอง ออนซอนลําโพงในงานแลนตําไจตุกตุก

[oof]

โอยบ่าวผู้งามน้องนี้เอย เสอกเดตั้งแต่บ้านยูไกล อ้ายเอย เสใจเดบ้านเฮามันผัดห่าง คั้นแม้นโคกมีกว้าง ป่ามีกั้ง ละเถิงอ้ายตั้งแต่เฮิง อ้ายเอย น้องมาจานำอ้ายบ่าวผู้ไทคือมาอ่งแท้หนอ ขอเฮ้ออ้ายจาเว้าความเดวนำน้องแน อ้ายอย่าเอ็ดหน้าไหม้ขวัญน้องกะมีตอม หรือทางอ้ายได้ชู้เมอชูฮวมบอนนอน ทางอ้ายได้เมช้อนนอนกลิ้งก่อมเสน่ห์ เสเจ่อเด เว้าแต่นำชู้เพิ้น

[oof]

โอยหนอบ่าวผู้ไทข้อยเอย คั้นแม้นน้องได้ปิน้องละบินทางบน คั้นแม้นน้องได้หนน้องละบินทางฟ้า ไปทางเวหากว้างนำทางเมอบ้านอ้าย สุดที่บ้านไกลชาย สุดที่อ้ายมาไกลน้อง หาป่องท้างกะมีเห็น เย็นทางไปบ่าวผู้ไทเอย

[ฅนภูไท]

สาวนาง สุดยอด ครับ มิไปเป็นลุเภ้อ ภูไทเบาะสาวนาง 8) 8) 8)

[oof]

โอยบ่าวผู้ไทเอย เป็นเผอเดทางน้องเว้าทางอ้ายผัดมีจา แม่เจ้าป้อนซิ้นแข้ปะกะแจจังมีอ้าบ่ แม่เจ้าป้อนซิ้นช้างคางกะด้างปะมีเป็น ฮึว่าติน้องนี้เป็นคนกำยศต่ำ อ้ายมีหักไม้ค้ำป้ำไม้ยู้ชูอึ้นแม้นมีเพียงดาย บ่าวผู้ไทเอย

[oof]

โอยบ่าวผู้ไทเอย แมงฮ้นตายย้อยขี้ บ่าวผู้ดีตายย้อนอ่งดาย ผู้บ่าวเอย

[สาวบ้านนา]

เด๋วไป เก็บเงินค่ากระเป๋าผ้าก่อน ผุสาวบ้านเจ้าคือหนํ่าคั่กแทะ เจ้าไปลักหัวไจ๋เลามาติ บ่าวภู้

[ฅนภูไท]

มิได้ขี้อ่งเดาะ แต่เว้าผญานำมิเป็น สิดายเนาะน่าสิได้ผุมาแก้ผญาเจ้า
ปล. มิแม่นแนวนั้นเด้อสาวนางอย่าเห้าเจ๋อผิด

[oof]

เสียดายเดอ้ายเอย แนวฮีตคองบุฮานเฒ่า เจ้าผัดทิ้มปะปล่อย แนวว่าของแขกค้าต่างเมือง ทางเจ้าผัดฮับเอา
เสียดายแนวบุฮานเฒ่าฮีตเก่าเพิ้นได้แต่ง ผู้สาวแกว่งพวงหลา ผู้บ่าวมานั่งอ้อมชอมเกี้ยวเว้าผญา

[ฅนภูไท]

เอ็ดแนวเลอเส มิได้ทิ้มมิได้ปะ แต่ผุข้ามิถนัดอิหลีคับ เยอะเว้านำอยู่ แต่เว้ามิได้

[oof]

โอย....โอ้ย......นอบ่าวผู้ไทเอย อ้ายไปเก็บดอกหว้านบ้านเพิ้นมาบานบ่ เป็นเผอเดยังเวินเวินเก็บดอกกระเจียวแคมฮั้ว อ้ายเอยเจ้ามีคึดเห็นบ่แต่มื้อสองเฮาฮึ้นเทิงภูเก็บด อกดู่ ทางอ้ายป็นผู้กู้ทางชู้เป็นผู้ฮ้อยตะเง็นค้อยยังต่าว คืน โอยนอ.........อ้ายเอย ....บ่าวผู้ไทเอย อ้ายเอยน้องนี้คึดฮอดอ้ายสายเจ่อเผอละก่อมเด ทางพ่อแม่อ้ายมีพ้อมเบาะม้อมน้องแน่เป็นเผอ น้อยลาบเลอ ตาเบอบ่าวผู้ไทเอย ตาเบอบ่าวผู้ไทเอย.........

[oof]

มื้อนี้ผู้บ่าวไทพรรณามีมาบ่

[ฅนภูไท]

เห็นแว๊บๆๆอยู่ จักไปกะเลอแล่ว ฮ้องหากะฮอดมิตีง มิมาทักทายเด๋วเลย

[โป้ยก่าย]

โอ้ย อยากเว้านำเด้ อันผญาภูไทนี่แหม อิๆ

[บ่าวพรรณานิคม]

มาแล้วเด้อ...สาวภูไทเอ่ย...บ่าวภูมาแล้วคือมีเว้าผญ านำผุสาวน้อ

[ฅนภูไท]

ไปกะเลอมาเฒ่าคือช้าแท่หละมาเว้าผญาสู้สาวภูไทแหน่ ข้อยเว้ามิเป้น

[oof]

น้ำตาตกเอย ละเป็นตาดกกไฮแล้ว น้ำตาไหลเอย ละเป็นทางไชต้อน น้ำตาข้อนย้อนมีได้ผู้เว้านำ
ค่ำมาแล้วน้ำตาได้ไหลตก ทางอกเอยคึดฮอดแต่ผู้ไกล ทางใจเอยคึดฮอดผู้อยู่ห่าง ยืนเว้าอยู่ตะล้างทางเจ้าผัดมีฮาน
น้องละได้เมอบ้านแล้ว ทางแก่นแก้วชู้เพิ้นอ้ายเอย น้องละได้หนีไกลจำใจไลอ้าย ให้เจ้าอยู่ดีเย้อ
ขอเฮ้อสุขเกษมส้างนำนางผู้หมายช้อน เฮ้อได้นอนเทียมชู้คู่มิ่งจอมหัว อย่าได้มั่วหมองเศร้าความเหงาอย่าได้พา
น้องละดุ่งเมอหน้าย้านมันช้าค่ำทาง อ้ายเอย เมอกะเมอเดวน้องจำท่องทางไกล เมอกะเมอมีได้อ้ายเสือฮ้ายแม้นละกิน อ้ายเอย

[oof]

เว้านำแนเป็นเผอผู้บ่าวเอย

[โป้ยก่าย]

ว่าโอน้อ สาวภูไทเอ้ย บ่าวผู้ลาวนี้อยากมาขอจาเว้าสาวภูไทสิได้บ่ ขอกินข้าวฮ่วมซาน ขอเป็นหว่านฮ่วมกอ เป็นหมากยอฮ้วมต้นสิพอได้อยู่บ่น้อ คือสิม้วนอยากเว้าเป็นนำเด้คนภูเอ้ย บ่าวพรรณาเอ้ย

[ฅนภูไท]

ยกเวทีนี่เฮ้อจารย์ กับสาวภูไทเด้อครับผุเลอแพ้ต้องเล้งแจ่วฮ้อน สิเป้นกรรมการเอง อิอิอิ

[โป้ยก่าย]

มาซ่างว่าแท้คนภู มากเวทีให้ข้อย ย่านได้โตนฮ้านแล่นหนีอยู่ดอกสู้เพิ่บ่ได้ อิๆ

[oof]

ไปเหมิดแล้วบ่

[oof]

โอยอ้ายเอย บุญน้องนี้แม้นมีเคยหมายไฮ้ย้านถึป่าญ้าคา บุญน้องนี้แม้นมีเคยหมายนาย้านถึป่าญ้าแฝก ย้านเป็นของแขกค้าไทบ้านเพิ้นผัดหวง

[บ่าวพรรณานิคม]

โอ๊ยน้อ...สาวภูไทเอ๊ย..อ้ายเย่อะแอ่นนำเจ้า อ้ายเย่อะเว้านำอยู่นาง คาตะถางป่าญ่าคาเลยมิได้เวลามาแอ่นนำเจ้าแล้ว สาวภูไทเอ่ย

[oof]

โอยอ้ายเอย แม้นอ้ายเทวทางเวิ้งเฮิงหลายมันนานฮอดดาย เฮ้ออ้ายลัดป่าไม้ยังละใกล้บอนเซา

[oof]

คึดเบิ่งแนยามว่าเฮาฟันไม้ประสงหาแต่บอนกิ่ว ยามว่าเฮาห้าวห้วยประสงห้ามแต่บอนฮอม

[บ่าวพรรณานิคม]

สาวภูไทเอ่ย......ขันแมนย้างลัดได้บุ่ป่าไม้มันเค่อ ถางป่ามีเห้อเหลอฮ้าเสือมีเห้อยัง มันจังหล่ะฮอดบอนเซาอ้ายกะหล่ะเอ็ดเอ๋าด๋าย สาวภูไทเมองเขาวงเอ่ย

[oof]

เจ้าอย่าตีแถลงเว้า

[oof]

เจ้าอย่าตีแถลงเว้าเอาเลาแทนไม้ไผ่ เจ่อมีใหญ่อย่าเว้าพอเญ้าเฮ้อเก่าศรี

[north_star]

เยอะแอ่นนำอยู่ แต่แอ่นผญามิเป๋น

โอยสาวผู้ฮู้ชู้ผู้ดีอ้ายเอย
เจ้าผู้กกไม้โหลงเคอเก้ว
กกไม้เสี้ยวเคอไต่
กกไฮ่นกกายังได้ช้น
คนผู้จบคือน้อง
ละม้มได้ชู้คอยเบาะเด
โอยซู้หลังน้องผัดคอย
ซู้น้อยน้องผัดถ้า
ซู้หน้าเล้งลุน้อยคองถ้าน้องยูเฮอน

เมอเสน้องเอย เมอเล้งลุช้อยโผ
เมอเจ๋ลุช้อยซู้ คั้นบุญยู้ยังละได้เจ้าข้อยฮ้วมเดว

[บ่าวพรรณานิคม]

สาวภูไทเอ๊ย...มีได้ตีแถลงเว้าเอาไม้ไผ่มาเฮ็ดปี่ ขันแม้นเสียงมีดีมีต้องเงงหูเซอด๋าย สาวภูไทเอ่ย

[oof]

โอยผู้บ่าวเอย เพิ้นทั้งหลายโอย ๆไห้นำไม้ไล่สาขี เพิ้นทั้งหลายโอยๆไห้นำผีผู้ตายจาก
น้องนี้ฟายน้ำตาไห้นำอ้ายผู้มีตาย อ้ายเอย คั้นความมักคือข้าวข้อยได้มาพบพ้อ
ขอทานกินเฮ้อมันอิ่ม เป็นคือดวงดอกไม้ละเน็บไว้ส้องผม ดมมีเปิดเดบ่าวผู้ไทเอย

บ่าวดาวเหนือไปเอาผญามาตะสิเลอหนอ คือสีคุ้นๆ

[บ่าวพรรณานิคม]

ผู๋สาวภูไทเอ้ย....ขันแม้นอ้ายมีตายคือจังไห้ฮ้องนำ ไห้ย้อนเสเจ๋อผะเหลอเด้ ไห้ย้อนเสเจ๋อผะเหลอคำ แม้นคึดฮอดนำก้ำฝ่ายบ่าวภูไทเมองพรรณาเบาะเด ผู๋สาวเอ่ย

[oof]

โอยบ่าวเมืองพรรณาเอย น้องนี้เสียอกเดตั้งแต่บ้านอยู่ไกล
เสียใจเดตั้งแต่บ้านอยู่ห่าง บ้านไกลบ้าน บ้านน้องห่างไกลชาย

[NONGNAN]

มิแม่นคนภูไท แต่ว่าเป๋นสะใภ้ภูไทยเลยมาเว้านำ
ผญาภูไทเว้ามิได้เดาะ...ผู้เลอเว้าเป็น เว้าเห้อฟังแหน่

[aomecon]

โอ้เด้....สาวภูไทเอย.....พอได้ยินความเว้า ความจาคือหละมาพาโม้นแท้น้อ
อ้ายเยอะขอจอดยั้ง เว้านำนางซิได้บ่
อ้ายนี้แล้ว เนาอยู่ก้ำ เมองนาแกถิ่นสถาน
มาเอ็ดการเอ็ดงาน อยู่สารคามทางพี้
เห็นน้ำซีไหลผ่าน คึดฮอดบ้านเมองเก่า
คึดฮอดสาวผู้เคยเว้า คึดฮอดเจ้าผู้เคยว่า
คึดฮอดสาวบ้านป่า สาวภูไทผู้อยู่เค้อ เจออ้ายหลดโมหมอง
น้องเอ๋ยน้อง แม้นว่าทองคำก้อน ออนซอนอ้ายเยอะถาม
แม้นว่าไม้ลำนี้ มีผีคุ้มอ้ายเยอะถาม
แม้นว่าไม้ลำงาม มีคนหามแล้วหือบ่
ขอเห้อน้องตอบถ้อย ผญาอ้ายแอ่วถาม แหน่เด้อ สาวภูไทเอย

[aomecon]

โอ้น้อ.....สาวภูไทเอย....เทิงหลายเพิ่นเมาเหล้า อ้ายผัดเมาน้ำท่า
เมาความเว้าความจา น้องหล้าได้แถลง
แม้นเจ้าแปงความเว้า โต๊ะอ้ายเห้อหลงลม
ตกสนมโคมหนาม ให้ซายซ้ำน้ำเจ๋อ
โอ้ย...อยากเป็นเสอเด้น้อ พอสิได้สีกเอิก
อยากเห็นเจ๋อเลิ๊กเลิ๊ก ว่ามันเป็นแนวใด๋แท้
แม้นมันมีหลายแง้ หลายลิ้น หลายบ่อน
มีเทิงหลุบเทิงดอน ขอเห้อน้องตอบมาเบิงดู๊.....สาวภูไทเอย

[ฅนภูไท]

สุดยอดครับ 8) 8) 8)

http://www.hotlinkfiles.com/files/232089_ekdvr/%E0%B8%A5%E0%B8%B3%E0%B8%A0%E0%B8%B9%E0%B9%84%E0%B 8%97.wma]ลำภูไท.wma

[บ่าวพรรณานิคม]

คักๆบ่าวภูไทนครพนม สอนเห้อแนน้า เย่อะเว้าผญาเป็นคือเจ้าเด้ 1 แต้มเด้อ

[oof]

โอยบ่าวผู้ไทนาแกน้องนี้เอย
ได้ฟังความอ้ายชายนาถจอมแพง
ทางน้องละแถลงตออ้ายบ่าวพี่ชาย
น้องนี้กุดแต่สอนสาวฮึ้นบ่มีชายมาเกี้ยวหุ้ม
ผัดแต่เป็นพุ่มไม้เคอเกียวกะบ่มี
ย้านเด.........ย้านอ้ายตีแถลงล้มตมบ่มีพลาดมื้น
ย้านอ้ายตีแถลงเว้าเอาน้ำเหล้าตางนำท่า
โต๊ะเฮ้อน้องอย่าชู้มาแล้วผัดมีเอา
โอย.......บ่าวผู้ดีเอย
ย้านเด... เจ้าผู้แมงภู่เผิ้ง
บินอบู่เทิงปายไม้
มาลาไขกาบอ้าจาต้านเจ้ามีตอม

[oof]

โอยบ่าวผู้ไทเอย
เจ้าผู้มีสองแล้วอย่าลงเฮือนเฮ้อหมาเห่า
เฮ้อเจ้าอยู่ตำข้าว เอาลุช้อยเม เจ้าพุ้น

[aomecon]

โอ้น้อ...สาวภูไทเอย....อ้ายนี้ปลอดอ้อยซ้อย เสมออ้อยกลางกอ
กาบกะมิห่อ หน่อน้อยกะมิซ้อน
ซู้ซิซ้อน เทียมข้างกะมิมี
อ้ายนี้แล้ว เจ๋อประสงค์ไม้ จังได้แบกขวานมา
เจ๋อประสงค์ต่อปลา จังหาแหมาพร้อม
เจ๋อประสงค์นางน้อง จังได้คอนหาบกะต่า
หวังเฮ็ดนาโฮ้มน้อง จังคอนกล้าเจ้าแข่งฝน...สาวภูไทเอย

[oof]

โอย......บ่าวผู้ไทเอย 
อ้ายมาละน้องไว้ผู้เดียวมีได้มู
อ้ายมาปะน้องไว้ไปหาชู้ทางใด
คึดฮอดเดจนไห้นำตาย่อย...กะบ่มีผู้ออย
น้ำตาไหลค้อยๆลงโฮมเป็นน้ำแกว่ง
เหลือแฮงถ้า...ป่าฮกว่าละบ้น
หนามสนว่าละพา
เฮ้อน้องอย่าชู้แล้ว..ทางอ้ายแม้นมีมา

[aomecon]

โอ้ยน้อ.....สาวภูไทเอย...คือแต่ความปากเว้า ทางในปานมะเด่อ
หวานเนาะเน้อ ในส้มจังหมากนาวแท้น้อ
คันมิจริงเจ้าอย่าเว้า คันมิเอาเจ้าอย่าว่า
มิแม้นเตาะมัดกล้า ดำนาแล้วเยบเส่อตม หละน้อสาวภูไทเอย