มีสิทธิ์ แค่...คิดฮอด

[NONGNAN]

คึดฮอดหลายอ้ายเอ๋ย
น้องบ่เคยคึดฮอดไผใจผวา
คึดฮอดถ้อยคำจำนรรจา
คึดฮอดหน้าคมเข้มเต็มแรงใจ

คึดฮอดเคยฝากรักสักพันครั้ง
คึดฮอดจังเบิ่งรูปอ้ายใจหวั่นไหว
คึดฮอดอ้ายบ่เคยเหลือเผื่อให้ใคร
คึดฮอดข้อยบ่อ้ายใจถามมา

คำถามหนึ่งเพื่อนถามยามวันว่าง
อะไรบ้าง ?ที่คึดออด...กอดบ่ได้?
ก็แฟนเขา..ของเขา..นั่นปะไร
รักแค่ไหน...บ่ได้กอด...คึดฮอดสิอดเอา..

[บ่าววิทย์]

;) ถึงสิมีสิทธิ์ แค่...คิดฮอด กะยังดีเนาะน้องแนน อิอิอิ 8)

[NONGNAN]

ค่ะ พี่วิทย์ กะคิดฮอด กะพอใจค่ะ

กะย้อนว่า...บ่กล้าเจอกลัวเผลอใจวิ่งไปกอด
จึงได้เก็บความคิดฮอด ไว่ในใจเสมอ
ส่งผ่านความรู้สึก มาถึงเธอ
บ่ได้เผลอ..ไปกอด คิดฮอด ขอทำใจ...

[บ่าววิทย์]

:D หน้าตาดีแล้ว คารมณ์ยังดีอีกเนาะน้องแนน มิน่าล่ะ แฟนเพลงแฟนรายการเพิ่นหลายคัก 5555 ;D

[ทองคำ]

บ่อยากดอก คันแม่นคิดฮอดอ้าย ให้มืนตาใส่น้ำแจ่ว เด้อ
นางแสบแฮงส่ำได่แล้ว ความฮักอ้ายกะท่อกัน หล่าเอย

[lawadee]

คือเป็นตาคิดฮอดแฮงแท้น้อ เอื้อยเอย ข้อยกาคิดฮอดคือกัน แฟนเพิ่นนั่นหนา
แต่บ่ผิดดอกเพิ่นกะเคยเป็นแฟนข้อยมาก่อนเด้ คนบ่แม่นคู่กันเอ็ดแนวใดกะคือสิแคล้วคลาดกัน เนาะเอื้อย... เว้ามาแล้วเศร้าเด

[NONGNAN]

เอ๋า สาวหนองบัวแม๋ มาว่าไป ทั่วแท้

[เซียงข่อล่อ]

บ่อยากดอก คันแม่นคิดฮอดอ้าย ให้มืนตาใส่น้ำแจ่ว เด้อ
นางแสบแฮงส่ำได่แล้ว ความฮักอ้ายกะท่อกัน หล่าเอย



นี่แหละที่มาของความรักทำให้คนตาบอด

[ศรีสะท้าน]

@ แต่ข้อยบ่อเอาดอกแนวนั้น แสบตา อิ อิ อิ ข้อยสิว่า....
หล่านางเอ้ยยย คันแม่นคึดฮอดอ้ายพายกะเป๋าหน่วยใหญ่ๆ เด้อหละนาง เก็บเสื้อผ้าแต่งไว้สิพาขึ้นรถทัวร์
เจ้าผู้ดวงดอกอั้วให้ฟ้าวแต่งเร็วไว อ้ายทิดศรีสิพาไปเที่ยวเมืองยะลาพุ้น หาเอาทุนเตรียมตั้ง หาซื้อบ้านจักหลังพอได้อาศัยอยู่
คันเฮาหมั่นเฮาดู๋ กิจการใหญ่น้อย รับรองได้ว่าเรื่องรวย ฯฯฯ ป๊ะ แต่งเอาเสื้อผ้า สิพาไปลงทุนค้าขายทางพู้น อิ อิ อิ

[สาวบ้านนา]

@ แต่ข้อยบ่อเอาดอกแนวนั้น แสบตา อิ อิ อิ ข้อยสิว่า....
หล่านางเอ้ยยย คันแม่นคึดฮอดอ้ายพายกะเป๋าหน่วยใหญ่ๆ เด้อหละนาง เก็บเสื้อผ้าแต่งไว้สิพาขึ้นรถทัวร์
เจ้าผู้ดวงดอกอั้วให้ฟ้าวแต่งเร็วไว อ้ายทิดศรีสิพาไปเที่ยวเมืองยะลาพุ้น หาเอาทุนเตรียมตั้ง หาซื้อบ้านจักหลังพอได้อาศัยอยู่
คันเฮาหมั่นเฮาดู๋ กิจการใหญ่น้อย รับรองได้ว่าเรื่องรวย ฯฯฯ ป๊ะ แต่งเอาเสื้อผ้า สิพาไปลงทุนค้าขายทางพู้น อิ อิ อิ



ไปอยูทางอื่นบ่ได่ติ อย่าเป็นยะลาถ้อน ฮิฮิ

[จ๊ะเอ๋]

อยากลืมภาพเธอไปใจจะขาด
แต่ไม่อาจหักห้ามความลุ่มหลง
ได้แต่ปลอบตอบอ้างอย่างปลงปลง
ว่าจักลืมเธอลง...คงสักวัน

ฉันอยากถามเธอว่าเหนื่อยล้าไหม
ที่เธอแล่นอยู่ในหัวใจฉัน ?
แต่เป็นได้คงเพียงเสียงรำพัน
ด้วยรู้ดีเรานั้นห่างกันเกิน มีสิทธิ์แค่คิดฮอด

[ตะวันนา]

น้องได้สิทธิ์ แค่เพียงความคิดฮอด
อยากอยู่ในอ้อมกอดแต่บ่กล้า
บ่อาจหาญแม้เพียงพบสบสายตา
ถึงเว่าจาบ่อาจกล้าย้านอ้ายซัง

ได้แต่นั่งแนมอ้ายอยู่ห่าง...ห่าง
อยากจับมือย่างเคียงข้างได้แต่หวัง
แค่อ้ายยิ้มน้องปริ่มใจมีพลัง
บ่ได้นั่งในใจอ้าย...กะได้แต่คิดฮอด

[NONGNAN]

ได้สิทธิ์ แค่...คิดฮอด บ่หาญกอดอ้ายแฟนเขา
ได้เเต่เก็บหัวใจเศร้า เอาความเหงา ลาไกลพี่
ให้โชคดีเด้ออ้าย น้องคนพ่ายเอิ้นสั่งลา
เคยเว้าจากับน้อง ว่าเฮาสองสิหมั่นแก่น
บ่ได้อ้ายมาเป็นแฟน บ่เป็นหยังดอกอ้าย....น้องคนพ่าย..สิทำใจ :'(

[บ่าววิทย์]

;) ป้าดๆๆๆสาวๆในบ้านมหานี่มีแต่คนสวยๆเก่งๆเลยเนาะ อิอิอิ 8)

[ทองคำ]

แนนเอ้ย เจ้าอย่าเสียใจหล่า เขาบ่อเอาอ้ายบ่อว่า
อ้ายทองคำยังคอยท่า รอน้องอยู่ทุกวัน
สิบแม่น้ำมาขั้น อ้ายบ่อหวั่นคนิงจิต
เก้าผู้ซายเคยครองชิด หม่อมพะนางอ้ายทนได้
ขอแต่ใจนางหมั่น ความสัมพันธ์ให้คงที่
อ้ายทองคำผู้นี่ สิรับเมี้ยนแม่นสู่แนว แนนเอ้ย

[NONGNAN]

ฮ่วย....เก้าผู้ซายเคยครองชิด พะน่ะ พี่น้อง

[เซียงข่อล่อ]

แนนเอย....... (ขอนำจักหน่อย)
คันฮักเขาเจ้าอย่าไห้อย่าเสียใจให้เขาหมิ่น ในเมืองคนยังบ่สิ้นผูชายนั้นยังล้นหลาย
มันบ่ตายดอกเด้เจ้าส่ำเสียเขาไปซื่อๆ ส่ำผูบ่าวขึ้ดื้อ หาตั๋วให้เฮาฮัก ตั๋วให้มักเขาแล้ว ปล่อยถิ่มบ่ล่ำเหลี่ยว

ลำถืกกลอนบ่น้อนี้?

[สาวบ้านนา]

................อ้ายเอย ..จากอ้าย มาอยูต่างแดน แสนสิคึดฮอดหลาย ใจมีแตครุ่นคํานึงถึงอ้ายอยูเมืองไทย....

.............ย้อนความมจน จังจําจากอ้าย มาเฮ๊ดงานต่างบ้าน เมื่อยปานใด น้องกะสิทนเฮ๊ดเอา .............

........ครั้นมีเงินจักก้อนน้องสิต่าวคืน ย้อนไปตั้งโตอยทีู่ถิ่นเกิด มาเสี่ยงดวงต่างถิ่นได่ถวิล ถิ่นฐานบ้านเฮือน.....

...พลัดพลากเมืองไทยใกลบ้าน ห่วงพ่อแม่คึดฮอดอ้ายอยูเสมอ เห็นเครื่องบิน บินผ่านหยามใด ใจกะวิว วิว...

คึดฮอดหลาย ฮักอ้ายหลายเด้อ บ่าว จักบ่าว ไส ......"

[โป้ยก่าย]

สาวบ้านนาเอ้ย แม่นเจ้าจ้มหยังน้อหล้าสาวอำคาน้องของพี่
คือสิทุกข์โศกเศร้าแท้นน้อหลาเป็นเหลือโตนแท้น้อ
คันเจ้าคิดฮอดบ้านให้เปิดเบิ่งทีวี เอาช่องที่มีเมืองไทยเด้อหล้าเอ้ย
คันเจ้าคิดฮอดอ้ายให้แหงนเบิ่งอี่เกิ้งยามเดือนเพ็ญจ ั้งสิเห็นตากัน
กับอ้ายอยู่เทิงอี่เกิ้งใหญ่พุ้นสาวบ้านนาเอ้ย

[บ่าวโจ่โล่]

คนคืออ้าย กะได้สิทธิ์ เพียงคิดฮอด คือตาบอด สิหวังบายดาวเทิงฟ้า
คนคืออ้าย เจ้าให้สิทธิ์ แค่ห่วงหา คือคนนอกสายตา เจ้าดอกน้อง
คือเหลียวมอง สายลม โน้มกอไผ่ บ่มีสิทธิ์สิได้ เห็นโตซ้ำ
อ้ายเพียงเห็น ไผ่ไหวเอนแต่ละลำ ลมเจ้ากรรมบ่มีโต โผล่หน้าจ้อย
คนคือเจ้า กะเป็นคนในความคิด อ้ายบ่ได้มีสิทธิ์ อิหยังแท้
ฝากคำรัก คำคิดถึงมาตอแย กะดีใจหลายแท้ แท้ เจ้ารับรู้..........น้องหล่าเอ๊ย

[สาวบ้านนา]

โอ๊ยยยย... ได้ยินแล้วอ้าย คนซาวาอ้ายวาอ้ายได่เมียดีหลายงามหลาย ซามน้องอ้ายมาสิเบิ่ง

อั่นโตน้อง ดําขี่หลี๊ ซางขี้ฮ้ายจางซาติ เหลียวเบิ่งปากกะเฮ๊ดเจเว เฮ๊ีดหน้าพี๊วี๊ หลับตากะเฮ๊ดมิ่บมิ่บ

ละพออ้ายเอ้ย แหนมเบิ่งหยามใด๋ กะเป็นตาหน่าย บุญน้องน้อยเกิดซาตินี้คงบ่ดั่ยเลี้ยงลูกกับโตผู้เป็ นพ่อ

ละอายใจเด้ ฮักเค้าหลาย อยากอายจ่ม คือบ้าคือป่วงไปซั่นแหลว พี่เอ่ย....

[มั่วหน่าฮ่าน]

โอ๊ยยยย... ได้ยินแล้วอ้าย คนซาวาอ้ายวาอ้ายได่เมียดีหลายงามหลาย ซามน้องอ้ายมาสิเบิ่ง

อั่นโตน้อง ดําขี่หลี๊ ซางขี้ฮ้ายจางซาติ เหลียวเบิ่งปากกะเฮ๊ดเจเว เฮ๊ีดหน้าพี๊วี๊ หลับตากะเฮ๊ดมิ่บมิ่บ

ละพออ้ายเอ้ย แหนมเบิ่งหยามใด๋ กะเป็นตาหน่าย บุญน้องน้อยเกิดซาตินี้คงบ่ดั่ยเลี้ยงลูกกับโตผู้เป็ นพ่อ

ละอายใจเด้ ฮักเค้าหลาย อยากอายจ่ม คือบ้าคือป่วงไปซั่นแหลว พี่เอ่ย....
....ฮ่วย....เบิ่งซงเจ้าคือสิผุขี่ฮ้ายอีหลีแท่ะ...เ อิ๊กส์ๆๆ หยอกเล่นเด้อนาง

[โป้ยก่าย]

สาวนาบ้านนาเอ้ย เถิงแม่นฮูปฮ่างฮายกะบ่หน่ายหนีใกล สิเอาใจกลมเกียวบ่เกี่ยวไผพอดี้
สิให้มีแต่โตเจ้าบ่เอาไผมาซ้อนบ่อน ว่าแต่เจ้างามงอนอย่าตัดลอนฮักอ้ายให้ไทบ้านเพิ่นหยั น
ในชาตินี้ขอมักเจ้าท่อนั้นบ่ปันแบ่งเป็นสอง สิให้คอยโดยปานใด๋บ่เปลี่ยนดอกเด้อน้อง หล้าเอ้ยนางเอ้ย
โอยยยหาหม่องลงบ่ได้ อิอิ

[เซียงข่อล่อ]

คันแม่นไผฮูปฮ้ายให้ฟ้าวตายแล้วเกิดใหม่ คันแม่นฮูปเจ้าคัยงามเป็นตาเบิ่งแล้ว โตอ้ายจังสิแย้งดอกน้องเอย

[จ๊ะเอ๋]

มาเข้ากับชีวิตข่อยหลายๆ 8)