ผักสะแงะ

[ฅนภูไท]

มาเบิ่งหน้าตาผักสะแงะเด้อ
http://img132.imageshack.us/img132/9548/ssl12548vu4.jpg

ผักสะแงะหน้าตาคล้ายๆๆผักชีไทย แต่มีกลิ่นฉุนกว่า บ่รู้ว่าที่อื่นเขาเอิ้นจั่งได๋ เอาไว้ใส่แกงหน่อไม้ กับหมกหน่อไม้ [ ภูไทบ้านผมเด้อ] ไผมีข้อมูล อิหยังเอามาเพิ่มเติมให้แหน่ครับ

ข้อมูลจาก ขุนสุราพ่าย เพิ่นหามาให้ครับ

1. ชื่อ ผักชีไร่
2. ชื่ออื่น หอมแย่ หอมไร่ (ตาดภูวง) อีแยะ (กะเลิงกุดบาก) ผักสะแงะ (ภาคอีสาน)

3. ชื่อวิทยาศาสตร์ Coriandrum spp.

4. วงศ์ UMBELLIFERAE

5. ชื่อสามัญ -

6. แหล่งที่พบ พบมากในภาคอีสานส่วนเหนือ

7. ประเภทไม้ ไม้ล้มลุก

8. ลักษณะทางพฤกษศาสตร์
ต้น เป็นพรรณไม้ล้มลุกลำต้นตั้งตรง ภายในกลวงไม่ค่อยแตกกิ่ง ลำต้นจะสูงขึ้นเมื่อออกดอก สูงประมาณ 10-30 ซม.

ใบ ใบเดี่ยว ขอบใบหยักเว้าลึกเข้าหาเส้นกลางใบ คล้ายใบผักชีมีสีเขียวเข้ม

ดอก เป็นดอกช่อออกที่ปลายยอด ดอกมีขนาดเล็กมี 5 กลีบ สีขาว

ผล เล็กกว่าเมล็ดผักชี สีน้ำตาล หัวท้ายแหลม

9. ส่วนที่ใช้บริโภค ใบ ลำต้น ราก เมล็ด
10. การขยายพันธุ์ เมล็ด

11. สภาพแวดล้อมที่เหมาะสม สภาพพื้นที่ตามไร่สวน

12. ฤดูกาลที่ใช้ประโยชน์ ตลอดปี

13. คุณค่าทางอาหาร ยังไม่มีข้อมูล
14. การปรุงอาหาร ลำต้น นำไปใส่แกงต่างๆ เช่น แกงหน่อไม้ แกงเลา แกงหวาย กินเป็นผักสดใบมีกลิ่นหอม เก็บแห้งได้กลิ่นไม่เปลี่ยน ใช้ได้ทั้งต้น รากหอมเหมือนต้นใช้แต่งกลิ่นอาหาร เมล็ดหอมฉุน ชาวภาคตะวันออกนำมาตำผสมกับพริกแกง

15. ลักษณะพิเศษ สรรพคุณทางยา แก้ท้องอืด ท้องเฟ้อ แก้วิงเวียน เข้าเครื่องยาจีน

16. ข้อควรระวัง -

17. เอกสารอ้างอิง
สถาบันการแพทย์แผนไทย กรมการแพทย์ กระทรวงสาธารณสุข. 2542. ผักพื้นบ้านภาคอีสาน 302 หน้า.

[มั่วหน่าฮ่าน]

บ่เคยเห็น บ่เคยกินเลยครับ...แปลกดี

[ไก่น้อย]

ข้อมูลใหม่อีกแล้ว ..ผักสะแงะ ..ว่าติ ลาวกาสินมืดตึบบ่เคยเห็น ขอบคุณคร้าบบที่นำมาให้เบิ่ง

[บ่าวพล]

ได้ยินชื่อว่าแม่นผักกะแยะ ( สะระแหน่ )

[ฅนภูไท]

อิอิอิ เป็นผักที่คู่กับชาวภูไทมาแต่ปู่แต่ย่า บ่ค่อยแพร่หลาย คนบ่ค่อยรู้จักกันครับ

[มั่วหน่าฮ่าน]

ถามคนอยู่หม่องเฮ็ดงาน เขาว่าเป็นสมุนไพรเด้ ... ภาษาจีนเขาเอิ้น เฮี่ย..จักแมนอันเดียวกันบ่ดอก

[ดอกสเลเต]

คึดฮฮดบ้านเด้ ปาดนี้บ่าวภูไทแกงไส หน่อไม้ไร่น้อ ชดน้ำฮ้อนๆ หอมกลิ่นผักสะแงะ...เด้เว้ามา

[สาวบ้านนา]

ได้ยินชื่อว่าแม่นผักกะแยะ ( สะระแหน่ )


มืนตาแหน๋ หมูต๋อน http://www.abbotfun.com/tonyjaathai/fanclub/webboard/picture/0898_11.gifนี้แนะ คาตาสว่าง

มาคือผักซีตอนต้นแก่ๆแท้

[บ่าวเซียงน้อย]

แล้วสะระแหน่บ้านเจ้าเอิ้นหยังครับ คนภูไท

[ฅนภูไท]

http://img225.imageshack.us/img225/5316/sarknaeec5.jpg

ผักสาระแหน่ บ้านผมเอิ้น ผักอีเสริม ครับ

[บ่าวเซียงน้อย]

ต่างถิ่นต่างภาษา แต่ก็บ่อเป็นหยังคนอิสานเฮา ถึงสิอยู่ม่องได๋ก็ฮักกัน แพงกันคือข้าวเหนียวปั้นนี้ตั้วครับ

[ฅนภูไท]

แม่นแล้วครับอ้ายเซียง คนอิสานอาจสิต่างถิ่นต่างภาษา แต่มี ข้าวเหนียวกับปลาแดก นี่หละที่เป็นเอกลักษณ์ของเฮาชาวอิสานขนานแท้....

[บ่าวพล]

มืนตาแหน๋ หมูต๋อน http://www.abbotfun.com/tonyjaathai/fanclub/webboard/picture/0898_11.gifนี้แนะ คาตาสว่าง

มาคือผักซีตอนต้นแก่ๆแท้


อืมมมมมม ถั่งแล้วกะสำรวจมือแหน่เด้อมีหยังติดมานำบ่เหลืองๆนะ แมะ หรือบ่กะเส้นดำๆ..

[ตุ๊กตาไล่ฝน]

ฮ่าๆๆ อ้ายภู ผักอันนี่บ้านน้องกะมีอีกแล่ว .......

ใบมันเพิ่นจะเอาใส่แกงหน่อไม้แบบบ้านอ้ายหล่ะ
ส่วนดอกแห้งเพิ่นจะเอาใส่แกงขนุนจ๊า..... กลิ่นมันฉุนมาก ทางภาคเหนือ จะเอิ้นว่า ผักหอมแย่ จ๊า......

[ฅนภูไท]

แม่นติสาวตุ๊กตา เอ้าบ่บอกบ่รู้นะนี่ โอ้...กินคือกันอย่ตั้วเนาะ

[ขอโทษที่คิดถึง...เด็กดื้อ]

ผักซะแงะ....แถวบ้านคือสิบ่มีดอกเพราะบ่เคยเห็น
บ่เคยยินชื่อ บ่เคยกินนำ...แต่กะแปลกดีอยาก
ได้พันธุ์ไปปลูกที่ไร่แท้....อิอิอิ ^-^

[nu_meaw]

อันนี้สาวเหมียวกะบ่เคยกินเด้อ ผักอันนี้

[ขุนสุราพ่าย]

ข้อมูลเพิ่มเติมจ้า หอมแย่ หอมไร่ (ตาดภูวง) อีแยะ (กะเลิงกุดบาก) ผักสะแงะ (ภาคอีสาน) ::)

อ้างอิง http://singburi.doae.go.th/acri/www/Native_veg/v214.htm