# บ่าวเมืองยศภูมิใจเสนอ... โม่ม..#

[บ่าวพล]

โม่ม..... แปลว่า กินครั้งเดียวหมด โดยต้องเป็น ก้อน หรือ เป็นลูก แต่ถ้าเป็นน้ำจะไช้ไม่ได้กับกรณีนี้ โตอย่าง บ่าวเมืองแปะนั่งกินข้าวจี่ ยุข้างกองไฟ ว่าแต่เห็นบ่าวพล หย่างมาย้านบ่าวพลได้กินนำ เลาเลย.. โม่ม ..เข้าไปเบิดทั้งปั้น ติดคอ ดีตั่วบ่ตาย เกือบได้เสียเงินชาว ;D ;D

[บ่าวคนเดิม]

โม่มลูกหล่า....เร็วๆ เดี่ยวแมวโพงซิมายาดกิน พอได้ยินเฒ่าแม่เว้าแนวนั้น ผู้ข้าฯ กะโม่มลึด เลย....

บ่ได้ย่านแมวโพงมายาดกินดอก...ย่านถืกแซ้ อีแม่ ฮ่าๆๆ

[ไก่น้อย]

บึ่ยย บักหล่าคือสิอ้วนเป็นตาขันแข่วเนาะ กินข้าวๆเก่งๆเลี้ยงง่ายๆเด้อ ..
ปล.. .โม่มหล่า โม่ม อั้ม (พัชราภา) สิป้อน... 555+

[ศรีสะท้าน]

โหม่ม เป็นกิริยาของการกิน เปรียบได้กับภาษาไทยว่า อ้ำ
..ยามหนาว สาวไก่ตีนแตกนั่งเฝ่ากองไฟ บ่อมีเวียกนั่งกินเข่าจี่เหลือคำสุดท้าย เห็นคนมา ย้านเขายาด เทิงอยากอาย เลยฟ้าวโม่ม เข่าขี่ จนตาตี่ๆ เหลือกโท่โล่..

[kulwarin_j]

โหม่ม กับ กินโป่ม ความหมายเดียวกันบ่จ้า

[คนเมืองแปะ]

บ่คือกันเด้อครับสาวปานวาด โหม่ม สิเป็นการกินอาจสิเป็นคำน้อยกะได้คำใหญ่ๆกะได้ ส่วนกินโป่ม คือการกินคำใหญ่ๆแมะครับ

[kulwarin_j]

บ่คือกันเด้อครับสาวปานวาด โหม่ม สิเป็นการกินอาจสิเป็นคำน้อยกะได้คำใหญ่ๆกะได้ ส่วนกินโป่ม คือการกินคำใหญ่ๆแมะครับ



ครับผม รับทราบ

[มั่วหน่าฮ่าน]

เอ.......แล้วกินโป่ม กับ ซวดลวด มันใกล้เคียงกันบ่ครับ...?

[kulwarin_j]

เอ.......แล้วกินโป่ม กับ ซวดลวด มันใกล้เคียงกันบ่ครับ...?


น่าสิแม่นยุค่ะ

[numwan]

เขาเอิ้น กินคำใหญ่ เนาะ

[หล่อร้อยเมตร]

ยกโตอย่างนำแหน่ครับ ..... เช่น อ้ายทิดคำศรี โม่มผุสาวส่ำน้อยเบิดโต แบบนี้ถืกบ่ครับ เอิ๊กๆ

[คนเมืองแปะ]

ยกโตอย่างนำแหน่ครับ ..... เช่น อ้ายทิดคำศรี โม่มผุสาวส่ำน้อยเบิดโต แบบนี้ถืกบ่ครับ เอิ๊กๆ


ผู้สาวสิบ่คาคอติบ่าวหล่อ โม่ม เบิดโตเลยแมะ ค่อยๆกินกะได้ดอกข่อยว่า :D :D

[spirit13]

คั่นโมมเบิดโตนั่น กะต้องใส่คำว่า "สะแตก" แล้วคับ :D

[ติ๋ม เปอร์โย]

อ้ายหล่อ//ยกโตอย่างนำแหน่ครับ ..... เช่น อ้ายทิดคำศรี โม่มผุสาวส่ำน้อยเบิดโต แบบนี้ถืกบ่ครับ เอิ๊กๆ

มีแต่อ้ายหละมั้งโม่มผู้สาวเบิดโต ทำท่าตู่ผู้อื่นคือหลาย ฮึสิเถียงตี้ 55++อย่าเด้อเจ้าเว้าให้ติ๋มฟังเองเด๋ ;) ;D ;D