คำขยายความ ในภาษาอิสาน

[ไก่น้อย]

จากประสบการณ์ การเป็นประธานชมรมศิลปะภาษาอิสาน (ตั้งแต่เรียนมัธยม อิ อิ ) คำขยายความ ในภาษาอิสาน มีมากมายหลายอย่างแต่ละอย่างสิเว่าให้เห็นภาพของสิ่ง นั้นได้ชัดเจน มื้อนี้สิยกโตอย่าง คำขยายความของตุ่ม (ที่ขึ้นตามร่างกาย)
คำว่า ติปิ หมายถึง ตุ่มขนาดเล็กมาก
แตะแปะ หมายถึง ตุ่มขนาดเล็กแต่ใหญ่กว่าติปิ
เตะเปะ หมายถึง ตุ่มขนาดใหญ่
ตะปะ หมายถึง ตุ่มขนาดใหญ่กว่าเตะเปะ
เตดเปด หมายถึง ตุ่มขนาดใหญ่มาก
ตาดปาด หมายถึง ตุ่มขนาดใหญ่ที่สุด ;D ;D โอยยเมื่อยพี่น้อง นั่งหัวร่อเจ้าของ .... เติมให้แน่มีคำได่อีก

[สาวบ้านนา]

ป้าดดด เว้าเรืองตุ่ม คือมาบังเอิญแท้พี่ไก่ ฮ้ายกว่าแม่หมอ อิอิ ล้อเล่นเด้อ นางกะมีตุ่มขึ้นอยูแขนนิ ตุ่มน้อย น้อย ไปขึ้นภูมาวังอาทิตย์ที่แล้ว

คือตุ่มฟดแดดนิแหม๋ มีหมากเห็บเกาะมาสองโต งึดหลาย

[ศรีสะท้าน]

บู๊ยยยย ประธานชมรม พะนะ โรงเรียนได๋หล่ะเธอ อิ อิ อิ บ่อแม่นธรรมดาตั้วนี้แมะ เอ่อ ท่านประธานคร๊าบบบ เดี๋ยมกระผ๊มสิเอามาลงนำเด้อกร๊าบบบบ มีหลายโพด

[ไก่น้อย]

ฮ่วย เซนคาเบรียน กาฬสินธุ์ พุ้นแหล่ว 555+ รร. เดียวกันหละกับเจ้าอ้ายศรี แต่สิต่างกันสมัยข่อยเรียน บ่มี มศ. ห้า คือเจ้า นิหละ 555+

[บ่าวเซียงน้อย]

น้องไก่ยกตัวอย่างคําว่า"เตดเปด"มาให้อ้ายเบิ่งอีกแหน่ อ้ายได้ยินคนเว้ากันว่า "ไปเที่ยวบิ๊กซีโคราชเจอผู้สาวใสกางเกงยีนส์ เฮ็ดเตดเปดเลย"อิอิๆๆ ขยายความให้แหน่น้อง คริ คริๆๆๆๆๆๆๆ

[nuzing]

ภาษาอีสานมื่อนี่ขอเสนอคำว่า.....
จิ่งปิ่ง = ฮูขนาดเล็ก
จึ่งปึ่ง = ฮูขนาดปานกลาง
โจ่งโป่ง = ฮูขนาดใหญ่ = ประโยคบอกเล่า = ฮูดากผู่ลังคนโกนเฮ็ดโจ่งโป่งเลยแหม๋ะ

[โป้ยก่าย]

เอ้า อันคำว่าตุ้ปุ้ นี้แม่นใหญ่ซ้ำใด๋ซันหนะ อิอิ

[nuzing]

เอ้า อันคำว่าตุ้ปุ้ นี้แม่นใหญ่ซ้ำใด๋ซันหนะ อิอิ

.....เล็กน้อยถึงปานกลาง..... เนาะ อิอิ

[มั่วหน่าฮ่าน]

พอซำไดซำหนึ่งหั่นหล่ะ... ;D

[โป้ยก่าย]

เหลี๋ยวเบิ่งหน้าเอิกเฮ้ดพอตุ้ปุ้นี่ว่าตี้ อิอิ มันแม่นอยู่บ้อหละฮือ

[ไก่น้อย]

น้องไก่ยกตัวอย่างคําว่า"เตดเปด"มาให้อ้ายเบิ่งอีกแหน่ อ้ายได้ยินคนเว้ากันว่า "ไปเที่ยวบิ๊กซีโคราชเจอผู้สาวใสกางเกงยีนส์ เฮ็ดเตดเปดเลย"อิอิๆๆ ขยายความให้แหน่น้อง คริ คริๆๆๆๆๆๆๆ


โอยยน่อ คือสร้างความลำบากใจให้กับน้องแทะน่อบาดนิ ฮ่าๆๆๆ...อันความหมายกะคำว่าเตดเปดที่อ้ายเซียงเว่าถ ึงกะหมายถึงลักษณะเป็นสิวที่ใบหน้า ตุ่มใหญ่ๆ เฮดเตดเปต (สิวหัวช้าง ) ยุ ฮั่นละเนาะ ..อึฮึ ..555+

[บ่าวเซียงน้อย]

เอ้า//หัวช้างกะหัวช้างเป็นอันว่าอ้ายเข้าใจ คริ คริๆๆ

[ศรีสะท้าน]

ภาษาอีสานมื่อนี่ขอเสนอคำว่า.....
จิ่งปิ่ง = ฮูขนาดเล็ก
จึ่งปึ่ง = ฮูขนาดปานกลาง
โจ่งโป่ง = ฮูขนาดใหญ่ = ประโยคบอกเล่า = ฮูดากผู่ลังคนโกนเฮ็ดโจ่งโป่งเลยแหม๋ะ
ยังมีอีก ยายสอน จ่างป่าง = ฮูหรือโกนใหญ่ ขยายกว้าง ใหญ่กว่าฮูทั้งหมิดที่เจ้าว่ามา อิ อิ อิ
นอกจากนี้ยังมีคำที่ใช้กับประเภทฮู หรือโกนอีก หลายคำ เรียงตามลำดับจากน้อย ไปหาใหญ่เด้อ
ซี่หวี่ ซื่อหวื่อ โซ่โหว่ ซ่าหว่า อิ อิ อิ