คิดฮอดซู้เก่า

[โป้ยก่าย]

ฝันเห็นหน้าอำคางามค่อง คิดฮอดน้องนางหล้าอยู่ใกล
คิดอยากได้เนื้ออุ่นเคียงสอง คองมาโดนเมื่อยมโนในเนื้อ
เหลือใจเด้อกสิเพแตกแล้ง ฝ้ากลั่นแกล้งแลงเซ้าเปล่าดาย
หลายปีดั้นคอยวันเหินห่าง ทางแห่งเยิ้นใกลกว้างกวาหลัง
ฝังใจมั่นสันใด๋บ่น้ออุ่น บุญพี่น้อยมโนเอ้าอั่งใน
ไฟเผาเนื้อปานเกลือทาตื้ม ลืมบ่ได้คนิงน้องผู้เดียว
เหลียวไปก้ำอุดรคำฟ้าย่อนย่อน เมฆตั้งก้อนสะออนโอ้อ่าวหา
นงนางหล้าอำคาคิดฮอดพี่ คือเก่ากี้บ่น้อหล้าว่าจั้งใด๋
หวังสิได้เป็นคู่เคียงสอง ตาเหลียวมองส่องทางหาเจ้า
เอาตนเข้าเดินทางฮีบด่วน ดงแด้นด้าวขวางกั้นกะซ่างตาม
ตามหาน้องหวังครองเคียงคู่ อยู่บ่ได้มโนฮ้อนซ้ำว่าไฟ นางเอ้ย

[ศรีสะท้าน]

@ คึดฮอดเจ้า ซู้เก่าคราวหลัง สายแนนบังบ่อมาย มีม้ม
ขมปานหน่อง หมองมะโนนำแนบ นอนบ่อแจบแอบได้ โศกีย์ไห่ฮ่ำฮอน
คึดอ้อนต้อน เป็นห่วงหวนจิต แสนสิทรมานคิด ค่ำแลงลงคล้อย
สำออยโอ้ โอนอนางนาถ ตัดบ่อขาดเกี่ยวต้อง คาข่องหว่างใจ
คึดอยากได้ มวลมอบมาสนิท คือจั่งแนวผองพิษ แล่นตำตายต้อง
คึดแล้วหมองเหมิดแม้ง คือไฟแดงมาจูดจี่ หนีกะหนีบ่อม้ม หากจมพื้นแผ่นเหว นั้นแหลว ฯฯฯ