สาวอุบลเปิดใจ [เอกสารเก่า] - บ้านมหา การศึกษา ศิลปะ วัฒนธรรม ท้องถิ่น (ฮักกันคือเก่า)

NONGNAN

08-19-2007, 09:29 AM

http://sriubol.googlepages.com/soawubolperdjai.wma

สายน้ำมูลเมืองอุบลเชื่อมโยงรัก แจ้งประจักษุ์ว่าใจสาวยังฮักมั่น
บ่าวยโส ใยอ้ายมาลืมกัน ตัดสัมพันธ์ที่ฝั่งมูลเมืองอุบล
งานแห่เทียวเวียนมาเหมือนปีก่อน อกสะท้อนคิดไปใจห่วงหา
คิดถึงอ้าย เเละถ้อยคำเคยสัญญา ทิ้งแก้วตา โศกศัลย์ วันแห่เทียน :'(

คนเมืองแปะ

08-19-2007, 11:31 AM

ม่วนน้องแนนม่วน

ศรีสะท้าน

08-19-2007, 11:38 AM

สายน้ำมูลเมืองอุบลเชื่อมโยงรัก แจ้งประจักษุ์ว่าใจสาวยังฮักมั่น
บ่าวทิดศรีใยอ้ายมาลืมกัน ตัดสัมพันธ์ที่ฝั่งมูลเมืองอุบล
งานแห่เทียวเวียนมาเหมือนปีก่อน อกสะท้อนคิดไปใจห่วงหา
คิดถึงศรีเเละถ้อยคำเคยสัญญา ทิ้งแก้วตา โศกศัลย์ วันแห่เทียน อิ อิ อิ แต่งม่วนบ่ออาวธี ข้อยแมะ

ไก่น้อย

08-19-2007, 12:55 PM

คักแท๊ ..บ่มีไผแต่งให้แต่งผญาจีบเจ้าของ ฮ่าๆๆๆ โอยยงึด อิ อิ...

ปล..ม่วนเทิงผญาเทิงเพลงจ้าน้องแนน ...

NONGNAN

08-19-2007, 03:43 PM

โอ๊ยงึด เนาะพี่ไก่น้อย

ศรีสะท้าน

08-19-2007, 03:53 PM

โอนอ ปอบเอ๊ยหล่า มาตำคนให่แหน่น๊า มาซ่างจา เว้าเย้ยใส่
จีบเจ้าของจั่งด๋ายยย เขาเลียนแบบนักร้อง พะอวนน้องซื่อแนน ซั้นเด้เดียวนี้ หืยยย นั่งอยู่ซื่อๆ แหน่ป็นหยัง ขี้ร้ายใหญ่นั้นแมะ ซ่างมาหาเย้ย บ่าวผู้ดีแท้
...เนาะแนน เนาะ.......จ้า พี่ศรี..

ไก่น้อย

08-19-2007, 04:01 PM

พี่น้องเอ้ย มาเด้อเบิ่งเอาไว่ บ่าวผู้ไคไทบ้านส่า ว่าอ้ายศรีเป็นบ้า
น้องแนนหล่า อย่าไปถือ บัดว่าฮาลังมื่อ มานั่งจ่อมพะนำ
ว่าไก่คำนางเอ้ย อ้ายอยากไปอุบลก้ำ บัดลังคำกะผั่นว่า เมืองสุรินทร์นั่นนา
อ้ายอยากไปแท้ๆ แม่อิหล่า ผั่นด่าเอา น่อละ...ชาย ..ศรีเอ้ยยย 5555+ (หาหม่องลงบ่ได้ )

ศรีสะท้าน

08-19-2007, 04:28 PM

ไก่เอ้ย คันแม่นตามใจได้ อ้ายสิไปเหมิดฮอด ตลอดทางฝ่ายก้ำ เหมิดซ้ำทั่วไทย
ไปไกลๆหลบลี้ หนีกาสินออกหาเที่ยว คึดซังคนบ้านเดียว หนีไปเทียวบ้านอื่นพู้น คือสิแม้งม่วนกะใจ หืยยย ไปเหมิดหั่นหล่ะ ว่าแต่มีหม่องนอน กับมีเข่ากิน

บ่าวโจ่โล่

08-19-2007, 05:35 PM

แม่นแนวได๋พ่อลุงเฒ่า คือจนเยาผู้สาวว่า เขาได้ฮ้องว่าบ้า เป็นหยังหล่ะเผิ่นว่าแฮง
ซุมคำแพงน้องสาวหล่า พากันจามาเย้ยไส่ ย่านลุงเฒ่านอนไหล สิเจ็บใจแตกม้าง เห็นใจบ้างแน่ผู้สาว
บัดว่ายามบักพร้าว มาคือซาวเอายามแก่ ข้าวอยู่นาแท้แท้ ยังคอยถ้าจนว่าเหลือง
อย่ามาเคืองตี๋ว่าเฒ่า พากันเอาเป็นแนวก่อน บัดฮอดยามขอพร สิได้ย่อนตั๊วเจ้า มีผู้เฒ่าได้อยู่เฮียง
นั่งเฝ้าเถียงกะได้น้อ สานกระทอ ยอกระต่า นั่งสานแหเฝ้านา ไปหาเก็บปลาข่อน สิได้ย่อนดอกอยู่เด้อ
นอนบ่หลับ ตกสะเพ้อ มีอยู่เด้อคนเป็นหมู่ ได้ผู้เฒ่าเป็นคู่ เผิ่นดู๋เว้าดอกบ่นอน........แม่นบ่อ้ายทิด

ศรีสะท้าน

08-19-2007, 05:52 PM

อื้ออ อดว่าแหน่ท่าน ว่าให้คักโพดดอก ยามนั้น กะบ่อม้มเฮาดอก พอใหญ่ อ้าย ลุง พาข่อยไปสมมาข่าไก่ แต่งพาขวัญ เตาะผู้เถ่าให้แหน่ คือเก่า นั้นหล่ะ หืยยย

NONGNAN

12-31-2007, 02:32 PM

โอ๊ย พูเฒ่าเคียด ฮ่า ๆๆๆๆๆๆๆๆๆๆๆๆ

aoxlee

01-01-2008, 01:48 PM

บ่าวพรรณานิคม

01-01-2008, 07:29 PM

สาวอุบลคนเขาส่าว่าน่ารัก
ที่รู้จักมีไม่หลายในบ้านมหา
เช่นติ๊คต๊อคเคยเห็นเป็นบุญตา
เมื่อครั้งครางานแห่เทียนเห็นที่อุบล