ไปไต้ปลาหรือฟันปลา

[บ่าวเซียงน้อย]

http://baanmaha.us/up/file/117-2.jpg มื้อนี้สิพาพี่บ่าวคนเดิมไปไต้ปลาหรือว่าไปฟันปลา เริ่มจากตกกลางคืนฟ้าขาวดาวแจ้งเอาแบตเตอร์รี่ใส่หัว คนละอันพร้าคนละดวงและข่องไส่ปลา ย่างนําก้นกันไปตามทุ่งนา หรือหนองนําที่มีปลาชุกชุม พูดถึงไปไต้ปลากลางคืนนี้เมื่อปลาเจอไฟแบตเตอร์รี่ก็ สิไปบ่อเป็น ช่วงนั้นก็ใช้มีดหรือพร้าฟันไปที่ตัวปลา พอได้เต็มข่องก็พากันกลับ ขากลับไปพ้อไซอ้ายคําศรีมาใส่ใว้แต่หัวเว็นเอามือไปโ จมเบิ่ง บ๊ะ ปลาเต็มไซแมะ บ่าวเซียงน้อยว่าสิลักยามไซอ้ายคําศรีสาบ้อ http://baanmaha.us/up/file/117-5.jpg

[ติ๋ม เปอร์โย]

ใส่ผ้าโสร่งหย่างนำหลังนั่นบ่ย่านปลิงกัดบ้อ อิอิ

[ศรีสะท้าน]

แน้...อาวเซียงนี้กะดาย สิมาหลอยยามแต่ไซกันเด้ติ๋ม เป็นตาซังแฮง สิได้ใส่กุญแจไซนำพร้อมบ้อเหออ จั่งสิม้มมือคน อิ อิ อิ ไผว่าเอาพร้าไปหาฟันปลา เพิ่นกะเอาง้าว(ดาบ) ซั้นตั้วฟันแมะ มันจั่งยาวฟันง่าย ...อั่นติ๋ม..ปลิงกัดเลาบ่อย้านดอกอาวเซียง เลาย้านแต่ปลิงมันเข่า.........เข่าในผ้าโสร่งนั้นแม ะ คิก ๆ ๆ ๆ

[ไก่น้อย]

ฮืมม...ชีวิตพอเพียงแบบฉบับลูกอิสาน โตจริง ..ขอบคุณข้อมูลดี ๆคะ
ฮ่าๆๆ ..ป้าดด ชุดหาปลา 2 พ่อใหย่คือเป็นตาปลาตื่นแทะหละ..

[สาวบ้านนา]

จังวาเด้อพี่ไก่ชุดหาปลา สะโร่งว่างเปล่า งมถืกแนวอื่นสะเด้อ

[เซียงสีผีเป้า]

กะหยอนล่ะแหม๋ ไผมาลักยามลอบข่อย ลักซุแนวเอาโลด ใส่ไซ ใส่ลอบ ใส่ต่งก่องปลาน้อยไว้ กะมาตักเอาเบิ๊ด ยามกลางคืน ปลาอีดแฮงลงต่งหลาย



เซียงสีผีเป้า

[หมูหวาน]

ได้บ่หละนั้น แต่หนาวแทนเนาะ ลงน้ำตอนกลางคืนแมะ

[Sukum]

ใส่ผ้าโสร่งผืนเดียวบ่อย่านปลิงมุดนั่นมุดนี่เบาะพ่อ ใหญ่

[มั่วหน่าฮ่าน]

ปลิงบ่ย่าน...ย่านแต่ฟันปลาค่อน้อย..ถืกปลาค่อใหญ่.. .ดับแนวคักๆ..http://www.siamha.com/content/data/icon/i39.gif

[หล่อร้อยเมตร]

ย่านได้กินจี่ปลาข่อใหญ่ยุพี่อ้ายมั่ว อิอิ

[หนุ่มบ้านดอน]

เบิ่งแนเด้อไต้ปลานั่น กำคองูเห่ากะสิว่าปลาใหลใหญ่เด๊ะ ฮ่าาาาาาาาาาาาาาา

::)::)::)::)::)

[บ่าวคนเดิม]

โอ้ยน้ออาวเซียงเอ่ย...มาเฮดบาปเฒ่าพ่อแท้ บ่แม่นหดเบิ่ดละติ ::)

[pui.lab]

ขอบคุณสำหรับภาพบรรยากาศฟันปลา บ่เคยเห็นด๋นแล่วอ้ายเซียง

[บ่าวเซียงน้อย]

น้องอั้ม...โอ๊ะ..น้องปุ้ยมาเยี่ยมบ้านติ๊ละอ้ายสิพา ไปฟัน ปลา อิอิๆๆ

[pui.lab]

ไปจักคนอ้ายเซียง ไปสองคนย่านบ่ได้ปลากลับบ้าน ฮ่าาาา::)

[sai]

อ้ายๆคือบ่เอามองไปกลัดเอา ฮ่วยหั่นน้ำหลายปานนิทรายบ่กล้าไปฟันนำดอกเด้อ ย่านมีดหล่วงใส่ขากะของ เคยไปฟันแต่เวลาปลามันข่วมทางแหม หั่นน้ำหลายปานนิบ่ใส่เบ็ดกะใส่มองโลดแหล่ว อิอิ