วิธีหากินชั้นสูงของชาวอิสาน

[บ่าวเซียงน้อย]

http://baanmaha.us/up/file/n5_resize.jpghttp://baanmaha.us/up/file/n7_resize.jpghttp://baanmaha.us/up/file/c03_resize.jpgวิธีทํามาหากินของชาวอิสานอีกอย่างคือ การแหย่ไข่มดแดง เริ่มจากหาไม้ส้าวยาวๆแล้วผูกด้วยสวิง หรือกะต่า มัดใส่ปลายไม้เผื่อรองไข่มดแดง เลือกรังที่ใหญ่ๆ เมื่อแหย่ได้แล้วก้นําไข่มดแยกออก และนําออกขาย หรือทํากินได้เลยครับ อิอิๆๆ จบ (ข้อควรระวังคือ อย่าให้ตัวมดแดงเข้าไปในกางเกงได้ อิอิๆๆมันสิลําบากภายหลัง)http://baanmaha.us/up/file/2984ba9d91.jpgไข่มดแดงห่อละ 5 บาทเด้อค๊า..http://baanmaha.us/up/file/ae_195.jpgทุกมื้อนี้มีการเลี้ยงมดแดงเพื่อเอาไข่แล้ วตั้วครับ โอกาสหน้าสินําเสนอการเลี้ยงมดเพื่อเอาไข่http://baanmaha.us/up/file/00002.jpg

[สาวอิสานพลัดถิ่น]

อ้ายเซียง อ้ายเซียง ไข่มดแดงจักสองห่อแนจ้า

[บ่าวชัยภูมิ]

เห็นไขมดแดงแล้ว อยากก้อยไข่มดแดงเด้

[บ่าวเซียงน้อย]

ได้เลยครับน้องเต้ย...เดี๋ยวให้หลานห่อให้ 2 ห่อน๊อ

[lukhin_inter]

แถวบ้านเรียก.....เล่นของสูง..ขอแบ่งซื้อ 2 ห่อจ๊ะน้องน้อยน้อย

[ฟากฟ้า]

ห่อละ 5 บาทบ่จ้า น้องเหมาเหมิดเลยจ้าอ้ายเซียง

[บ่าวคนเดิม]

โอ้..มาืคือซิหัวสูงแท้น้อ หากินไข่มดแดงหว่านิแหม 5 ดาวครับท่าน เมนูนิ

[ติ๋ม เปอร์โย]

อยู่ในถ้วยนั่นยำเนาะ ก้อยกะได้ลาบกะดี อยากกินหลายแต่กะจนปัญญา จักสิไปหาไส

[บ่าวเซียงน้อย]

อดเอาน้องติ๋มกลับมาเยี่ยมบ้านเดือนกุมภาพันธ์ปีหน้า อ้ายนี้ละสิรับอาสาพาน้องไปแหย่ไข่มดแดงในป่าเอ ง คริๆๆ

[มั่วหน่าฮ่าน]

อืม...อาหารมีระดับเน๊าะ...บ่แนมสูงบ่ได้กิน

[Tid Sri]

กลับบ้านยามใด๋กะได้กินซุเทือ เห็นฮูปแล้วคิดอยากหลายเด้พี่น้องคิดฮอดบ้านนำ

[pui.lab]

เคยกินครั้งหนึ่งอ่ะ มันคันลิ่นเลยบ่กล้ากินอีก คราวหน้าจะลองใหม่

[บ่าวปอ]

เป็นตาแชบเนาะพี่น้อง ก้อยคักตั้วนี่ หรือสิหมกใส่ ไข่ กะคัก นี่หละ อิสานบ้านเฮา บ่อึดแนวอยุ่แนวกิน
พี่น้องภาคอื่น คือสิพากันอิจฉาเนาะ 5555555555+ อยากแชบกะมาเป็น ใภ้ เป็นเขย อิสานเด้อครับบบบบบบบบบบบบบบบบบบบบบบ

[Amery]

Wow it looks so great! i hope i can eat it when i go back to THA :D

[เซียงสีผีเป้า]

ฮ่วย มาแกงใส่บักคอใหญ่เบิ่งเด้เนาะ

[ส.มักม่วน]

มันแซบบ่จ้า แบบว่านิ่มกินบ่เป็นแมะ ลูกอีสานแท้ๆแต่ว่ากินบ่เป็น

[ฅนภูไท]

มดแดง” มีชื่อเรียกตรงกับภาษาอังกฤษว่า “Red Ant, Green Tree Ant หรือ Weaver Ant” จัดอยู่ในสกุลมด Oecophylla ( ซึ่งแปลว่าสร้างรังด้วยใบไม้) ปัจจุบันทั่วโลกพบมดชนิดนี้เพียง 2 ชนิด ได้แก่ มดแดงแอฟริกา ( Oecophylla longinoda) พบในแอฟริกา และ มดแดงส้ม (Oecophylla smaragdina) กระจายในเอเชียทางตอนเหนือของออสเตรเลีย ควีนแลนด์ เกาะโซโลมอน และนิวกินี สำหรับในประเทศไทยเป็นชนิด O, smaragdina ลักษณะทั่วไปของมดมีความแตกต่างกันไปในแต่ละวรรณะ โดยมดงานมีลำตัวสีแดงหรือแดงส้ม ส่วนราชินีมด (ที่เราเรียกกันว่าเป็น แม่เป้ง) นั้นเป็นมดชนิดเดียวในโลกที่มีลำตัวสีเขียวพวกมันสร้ างรังบนต้นไม้โดยการประสานใบไม้หลายๆ ใบด้วยเส้นใยที่ผลิตจากตัวหนอนให้เป็นก้อนกลม ส่วนต้นไม้ที่พบเห็นมดแดงใช้สร้างรังบ่อยๆ ได้แก่ มะม่วง สะเดา หูกวาง ประดู่ฯลฯ และเราสามารถพบเห็นมดแดงได้ในพื้นที่ป่าโดนทำลายพื้น ที่เกษตรหรือแม้แต่ในสวนหลังบ้าน แต่จะไม่พบป่าธรรมชาติที่อุดมสมบูรณดังนั้น จึงใช้มดแดงเป็นดัชนีชี้วัดความสมบูรณ์ของป่าไม้ได้ท างหนึ่ง

ไข่มดแดง เป็นอาหารตามฤดูกาลที่ เป็นสุดยอดของอาหารอีสานอีกชนิดหนึ่ง ที่ว่าเป็นสุดยอด กะเป็นสุดยอด ทั้งด้านรสชาติ ด้านคุณค่าทางโภชนาการ สุดยอดในเรื่องการอยู่สูง อยู่เทิงยอดไม้ แต่ด้านความสูง ไข่มดแดงกะยังบ่สุดยอดอีหลี อาหารอีสานที่สูงสุดยอดอันดับหนึ่งอีหลีกะคือ แกงยอดตาล

ไข่มดแดงที่เฮาได้กินกันนี่ กะเป็นที่น่าอัศจรรย์ใจอย่างยิ่ง มดแดงโตน้อยๆบัดไข่บักใหญ่ แต่บัดคน ผู้บักใหญ่ ใข่บัดน้อยๆ ไข่มดแดง ที่เฮาฮู้จักกันดี มีอยู่ 2 ชนิด นำกัน กะคือ ไข่ผาก กับไข่ใหญ่ ที่เฮากินนี่หละ

-ไข่ผาก ไข่ผาก เป็นไข่มดแดงชนิดหนึ่ง ที่มดแดงไข่ออกมาเพื่อเจริญเติบโต เป็นมดแดง ออกลูกแพร่หลาน เป็นโตมดแดง ไข่ผากส่วนใหญ่มดแดงจะออกอยู่เหมิดปี แต่บ่เป็นที่นิยมแหย่มากิน เพราะไข่มันน้อย เลือกออกจากแม่มดแดงกะยาก ที่นิยมกะคือแหย่ มาใส่ต้มปลาค่อใหญ่ยามสาปลา ต้มปลาใส่มดแดงพร้อมไข่ผาก
ไข่ผาก เวลาเจริญเติบโตต่อไป สิกลายเป็นโตมดแดง หรือบางไข่กะสิไปเป็นโตดำๆมีปีกนำ ถ้าแหย่ไข่มดแดง ได้โตดำๆมีปีกนำ ให้เลือกออก มัน ขิว

-ไข่มดแดงอีกชนิดหนึ่ง กะคือ ไข่มดแดงใหญ่ เป็นไข่ใหญ่ๆ ที่เฮาฮู้จักกันดีนี่หละ ไข่ใหญ่ จะมีขนาดใหญ่กว่าโตมดแดง แล้วกะบ่เจริญเติบโตไปเป็นมดแดงนำ ไข่ชนิดนี้จะเจริญเติบโตไปเป็น แม่เป้ง ซึ่งแม่เป้งจะเป็นมดแดงในอีกรูปแบบหนึ่งซึ่งสามารถบิ นได้ การบินได้ เป็นกลไกอย่างหนึ่งที่เฮ็ดให้ มดแดงบ่ดับแนว บ่สูญพันธุ์ เพราะแม่เป้ง เมื่อใหญ่เต็มตัว มันสิบินหนีจากฮัง บินไปไกลจนกว่าแฮงสิเหมิด ไปสู่ต้นไม้ต้นอื่น แล้วแม่เป้งกะสิออกไข่ แล้วได้ลูกเป็นมดแดงอีกทีหนึ่ง เฮ็ดให้ออกลูกแพร่หลานต่อไป ก่อนมันสิตาย ด้วยเหตุนี้เอง เฮ็ดให้มดแดงขยายอาณาจักรไปได้ไกล

มดแดงนั้น เฮานำมาเป็นอาหาร ได้ทุกช่วงอายุ ของวงจรชีวิต
-โตมดแดง เอามาตำใส่กล้วยดิบ หรือตำใส่บักจันทร์ หรือตำใส่แนวฝาดๆนั่นหละ หรือว่าสิเอาไปต้มใส่ปลา เป็นต้มส้มมดแดง กะได้ หรือสิใส่ก้อยปลา ก้อยบักหอยกะแซบคือกัน
-ไข่ผาก เอามาก้อยมาแกง มาต้ม ได้
-ไข่ใหญ่ ที่เฮานิยมกินกัน เอามา ต้ม ผัด แกง ทอดใส่ไข่ ได้เหมิด หรือสิก้อยกินเลย แฮ่งแซบ
-แม่เป้ง เอามคั่วกิน มันดี แต่เวลาคั่ว ให่เทน้ำที่ส้มๆมันออกก่อน แล้วค่อยคั่วต่อไป มันจั่งบ่ส้มโพด หรือผู้ได๋มักส้มๆกะบ่เทออกกะได้ หรือเอาสิเอาแม่เป้ง มาแกงใส่หน่อไม้ ใส่อ่อมหวาย กะได้คือกัน

http://kundream.server.googlepages.com/01RodJana.wma

[ไก่น้อย]

โอ่วว.. egg ant red ของแซบอิสาน ก้อยเผ็ดๆ จักถ้วยแมะเนาะ ... แจ๊บๆๆๆ

[nu_meaw]

นี้หล่ะ ของแซ่บพี่น้องเอ้ยยยยยยยยย:g:g

[บ่าวเมฆินทร์]

โอ้ย.....โอ้ย.....มดกัด......อ้ายเซียงจักเฮ็ดอีหยั งดอก เอามากะบ่เอามาแต่ไข่ หลดเอาแม่มานำแมะ;D;D