.......ตัดใจซะเด้อจ้า.....

[น้องแพรจ้า]

ให้ตัดใจซะเด้อจ้า คิดว่าน้องหนีป๋า ได้ไปหามีชายใหม่
คำเคยฮักเคยอาลัย ว่าสงสัยสิฮักอ้าย เพียงแต่คล้ายซื่อ ๆ เด้อ
อาจเป็นคำเพ้อเจ้อ ที่น้องเผลอไปเว้าไส่ แค่ช่วงหนึ่งที่หวั่นไหว หรือหัวใจลักเศร้ากะเลยเว้าว่าฮักกัน
แต่ที่จริงหัวใจนั้น ว่าฮักกันย่านบ่แม่น อ้ายเข้ามาทดแทน ช่วงใจแปนว่าง ๆ กะเลยอ้างว่าฮักเด้อ
ฟังหมู่เกลอได้กล่าวเว้า ฟังความเขาแล้วกะแม่น ว่าช่วงหนึ่งที่คลอนแคลน มีคนแล่นเข้ามาไกล้ กะเลยได้สิ่งทดแทน
ฮักเป็นแฟนจั่งได๋ได้ ฮักกันไปจั่งได๋พี่ หากสิเว้าอิหลี มื้อนี้มีไหม่แล้วจ้า อำลาอ้าย บ๊ายบาย เด้อ


.... เฮ็ดใจซะเด้ออ้าย คิดว่าน้องมีผู้ใหม่ซะเด้อจ้า กะคิดซะว่าซ่างหัวมันเถอะ.......(เขาน่าร๊ากกกกกก เนาะเว้ากะดาย จะแม่นเว้าใส่คัก).....

[ศรีสะท้าน]

ฮ่วยยย..มาเว้าเป็นตาเหลือตน(เจ้าของ)แท้ อิ อิ อิ...มีผู้ใหม่แล้ว พะนะ โอ๊ยยย น้อ...

@ คันเจ้ามีทางเทียวแล้วหนีแจวไปทางใหม่ อ้ายดีใจนำอีน้องเถิงหมองเศร่าสิค่อยทน
อ้ายขอไกลจากพ้นบ่อขอกีดทางขวาง บ่อว่านางเป็นคนลวงคึดว่าชายละเมอบ้า
อ้ายขอหนีไกลหน่าบ่อหาญมาจาปาก ความลำบากอุกอั่งเอ้าสูญเศร่ากะซ่างตาม
วาจาคนหากดั่งน้ำเทใส่กองทราย บ่อทันดนกะเลยหายเสื่อมซึมลืมจ้อย
ขอหันถอยคืนหลังโค้งจรรโลงใจให้หายปวด หนีไปบวชให้ส่วงเว้นเวรฮ้ายอย่าหม่ายมา ฯฯฯ

......อยู่ดีสำบายเด้อนางเอ้ยย อ้ายสิหนีไปบวชซะดอก ....บ่อสมหวังหลายกะดาย.....

[ไก่น้อย]

ฟังผญาน้องสาวหล่า มีเวลามาอ้อนออย
ฟังผุสาวส่ำน้อย มาออยเว่า มาม่วนหูแทะน่อ ...

ปล...คิดฮอดน้องแพรจังเลย ... ฝากบอกพี่ชายนำแน่เด้อคะ 555+

[ศรีสะท้าน]

ฟังผญาน้องสาวหล่า มีเวลามาอ้อนออย
ฟังผุสาวส่ำน้อย มาออยเว่า มาม่วนหูแทะน่อ ...

ปล...คิดฮอดน้องแพรจังเลย ... ฝากบอกพี่ชายนำแน่เด้อคะ 555+

บู๊ยยยย ฝากบอกพี่ชายนำแหน่ พะนะ หืยยย ผ่องใสเอ้ยย เฟือเข้าแท้ดอกผู้ใด๋มีพี่ชายอ่ะ อิ อิ อิ

[ไก่น้อย]

บู๊ยยยย ฝากบอกพี่ชายนำแหน่ พะนะ หืยยย ผ่องใสเอ้ยย เฟือเข้าแท้ดอกผู้ใด๋มีพี่ชายอ่ะ อิ อิ อิ

ฮ่วย..ยุสื่อๆคือแข่วทางเทิงนิเป็นหยัง บ่มักติแนวสิได้หมกลาบอ่ะ หึยยย....::)

[ศรีสะท้าน]

@ หล่านางเอ้ย คันแม่นบ่อได้น้องสิไปบวชเป็นสงฆ์ ไปดำรงคลองธรรมดั่งองค์มุนีเจ้า
ขอแค่เพียงบิณฑ์เข่าจังหันเททอด หวังแค่ฮอดหลีกม้มนิพพานกว้างแก่วไกล
ฮักบ่อได้เฮียงฮ่วมสิเนหา ขอจากลาคนไคห่างไกลกลายเว้น
ขออย่ามีเวรต้องติดตามยามอยู่ ให้พ้อคนผู้ฮู้ให้เห็นซู้ผู้งาม เถาะเด้อออ ฯฯฯ

[pui.lab]

สอยก่าเป็นแล่ว จับจุดว่าอ้ายศรีสอยแบบเป็นตัวอย่าง ตอไปปุ้ยก้อจะหัดเขียนคำผญา
อ้ายศรีสอนแน๊ อยากเป็นทุกอย่าง อิ อิ

ตัดใจเด้ออ้ายศรี ถึงแม้้ว่าอ้ายและน้องพ่กั๋นซ่าไปนอย บ่ได้เป็นเนื้อคู่กั๋น ก็ขอฮักแบบอ้าย
แบบน้องก๋าได้ แม่นบ่ อย่าฟ่าวหนีไปบวชหลาย สงสารพระรุ่นเกาจะลำบากใจนำกับอ้าย อิ อิ

[พอกะเทิน]

แม่นน้องแพรเมืองพลบ่อน่อ คันบ่อแม่นกะบอกแนเด้อ
ขอบคุณเด้อครับผญา แทงใจดำคัก

ฝากฮอดคนที่บ่ออยากฮู้จักผมแล้ว

คันบ่อฮักอ้ายบ่อเว่า คันบ่อเอาอ้ายบ่อว่า เป็นหยังน้อน้องหล่ามาตัวอ้ายตั้งหลายปี
แต่กะดีแล้วเด้อเจ้า อ้ายสิได้ตัดใจ สิฟ้าวหาคนใหม่มาหย่าฮูฮั่วหัวใจนี่
แม่นสิเจ็บกะสิอดเอา แม่นสิเศร้ากะสิฝืนยิ้ม บ่อให้คนได้ซ่า บ่อต้องย่านดอกน้องหล่าว่าเจ้าสิด่างพอย

ขอหยังได้บ่อหล่า ยามพ้อหน้าได้จาเว้า พอได้ถามข่าวคราว เป็นจังได๋น้อเจ้า ซำบายดีอยู่บ่อน้อ
ขอซำนี่หละได้บ่อ

[บ่าวโจ่โล่]

คักแท้น้อเว้าไส่หน้า ว่าให้เฮ็ดใจสา ซ่ำน้องป๋าไปมีไหม่
คนที่รักสุดหัวใจ เป็นจั่งได๋จั่งมาเว้า ให้อ้ายเศร้าดอกคักหลาย
สิค่อยหายไปดอกหล่า เจ็บซ่ำได๋สิอดสา เอาน้ำตาเด้อเป็นหมู่
อ้ายขอเพียงได้เฝ้าดู ขอรับรู้อยู่ห่างหน้า กะมีค่าเกินคู่ควร
ขอสงวนความรักใคร่ เป็นส่วนหนึ่งของหัวใจ คอยอาลัยและเป็นห่วง
แม่นสิหลอกหรือลวง บ่ขอทวงรักจากเจ้า เพียงอยากเว้าว่ารักเธอ เด้อจ้า

[ส.มักม่วน]

หลีโตนบ่าวโจ่โล่ มาเว้าเป็นตาหลีโตนคักแท่น้อ

[บ่าวโจ่โล่]

เจ็บหัวใจจ้าว จ้าว ถอนหายใจยาว ยาว แสนปวดร้าวคิดฮอดเผิ่น
จากมื้อเคยห่างเหิน ฮอดมื้อเดินเข้ามาไกล้ กลับไล่อ้ายให้ห่างหนี
มื้อเจ้ามีคนชิดไกล้ เขามีพร้อมกายและใจหรือแนวได๋พร้อมกว่าพี่
แม่นฮักเจ้าเท่าชีวี กะยอมหนีห่างหน้าเจ็บจนบ้ากะว่ายอม
ขอเก็บออมความรักใคร่ เป็นผ้าห่มหัวใจ อยู่หม่องได๋พอได้อุ่น
เก็บคิดฮอดเป็นหมอนหนุน พอเป็นทุนฝันเห็นเจ้า แทนความเว้าบอกรักเธอ
สิแม่นเด้อคนคืออ้าย เจ้าสิฮักได้จั่งได๋ นอกจากใจเกิดหว่าเหว่
มื้อลมพัดลมเพ เมาจนเซพุ้นตั๊วหล่า จั่งคิดว่าสิฮักลง
อย่าพะวงหยังเด้อจ้า อยากให้อ้ายอำลา บ่ต้องมาคอยเว้าไส่
ขอเพียงเธอสบายใจ อยู่หม่องได๋กะฮักเจ้า อ้ายบ่เข้าไปรบกวน ที่รักเอย

[โป้ยก่าย]

ปานว่าฟ้าผ้าเปรี้ยงลงระหว่ากลางใจพอปานไฟลามลุกทั่ว กายเผาร่าง
ได้ยินนางมาจาต้านว่าตัดใจสาเด้อพี่ว่าน้องมีใหม่แล้ วให้ลืมเจ้าอย่าห่วงหา
ซ่างมาโพดแท้น้อหล่าซ้ำฆ่าพี่ตายเทิงเป็นจักแม่นเวรห รือกรรมมาซ่างทำแท้น้อน้อง
โตสำรองนางบอกอ้ายเป็นทางกายพอได้ย่างบ่ได้หวังฮักแท ้จังแปลปี้นเปลี่ยนไป
เจ้ามีอ้ายแต่พอได้เป็นหมู่พอคลายเหงาบ่ได้เอาคาวมจร ิงมาก่าวจาสั้นบ้อน้อง มาคือเฮ็ดกันแค้นคักแท้หละหือใจคนนี่แหม

[บ่าวโจ่โล่]

ให้โชคดีซะเด้อหล่า ตัดใจลาไปมีใหม่ ถึงหัวใจสิปวดร้าว คำแข็งกล้าวอ้ายบ่มี
เพียงคำเตือนของพี่ ขอคนดีอย่าเปิดหน่าย อาจเป็นครั้งสุดท้าย ที่คนพ่ายได้สั่งลา
หากสิชังชิงหน้า ตัดใจลาคนหน้าเก่า ฝากแค่คำเตือนเว้า คนที่เจ้าเคยเชื่อใจ
แม่นสิเนี่ยวรั้งไว้ ไปก้มกราบกะคงหนี อ้ายบ่มีหยังดีพอ ไปเทียบถ่อเขาคนนั้น
มันไกลกันเอาเหลือฮ้าย ฝ่ายคนรวยด้วยเขาหล่อ เผิ่นนั้นนอมีเงินล้าน ทรัพย์สินบ้านพร้อมสู่แนว
เจ้าสิมีสุขแล้วแนวชีวิตการครองเรือน ถึงสิ้นเดือนกะรับเงิน บ่ขาดเขินสังคมเพื่อน
เป็นศรีเรือนให้เผิ่นย่อง เบิ่งสามีเจ้าของ ต้องดูแลบ่ตกหล่น อย่ามาสนคนจั่งอ้าย มันขี้ล่ายบ่แม่นแนว
หากแม่นมีผัวแล้ว อย่าลืมแนวลูกเกิดตื่ม อย่าลืมมื้อสิแก่เฒ่า เป็นบุญเจ้ากับเผิ่นเด้อ
ถ้อยคำเจอเจ็บปวดร้าว คำเผิ่นกร้าวเว้าอ่่อนไส่ ประคองรักประคองใจ มีอันได๋บ่ถูกต้อง ขอให้ย่องเว้าไส่กัน
จากผู้ชายคนหนึ่งนั้น ที่มันฮักเธอเหลือหลาย แม่นสิกลายเป็นความหลัง อยากสั่งลามาหาเจ้า
ปีเดือนเฮาบ่หวนเคลื่อน เบือนกลับมาหาได้ไหม่ ทุกรอยยิ้มยังฝังใจ แก้มใสใส ยังคิดพ้อ ขอเป็นเพื่อนบาดเมื่้อยแฮง
ฟ้าเผิ่นคือสิส่งแจ้ง บุญเหมิดแฮงอ้ายบ่ส่ง ฮักเจ้าจนต้องปรง ขอบรรจงแนมเบิ่งฟ้า คำอ่อนล้าว่ารักเธอ