.........มาซ่อยกันเคาะข้าวเด้อ............

[บ่าวโจ่โล่]

http://baanmaha.us/jolo/Other/Thingking.wma
แสงสุรีย์ชี้ส่องฟ้า แสงทองทาเวหาแจ่ม น้ำหมอกแซมแต้มต้นหญ้า สะท้อนฟ้าสว่างใส
สายลมใหวไปตำต้อง ข้าวสีทองนำท้องทุ่ง เตือนปูปลากบกุ้ง พากันมุ่งไปอยู่คลอง
สายลมหนาวสิมาต้อง ห้วยและหนองน้ำสิขาด ปลาสิพลาดตกไส่บั้ง ปลาข่อนตั้งไส่ไห่นา
ผักกะแยงต้นแข่งหญ้า สิได้ป๋านาหนองท่ม เป็นหน้าที่ผักแก่นขม สิปูพรมไปฮอดแล้ง แกงปลาย่างสิคู่กัน
มาลงขันเฮ็ดข้าวเหม่า ไปลองเผาข้าวหลามใหม่ เป็นจังหันแต่งเตรียมไว้ ถ้าไส่บาตรแบ่งพระฉันท์
อีกบ่ดนดอกเด้อท่าน ออกพรรษาทั่วทุกถิ่น ได้เฮ็ดบุญกฐิน เหมิดจำศีลพระเจ้า เตรียมเคาะข้าวให้ซ่อยกัน
ลมเหมันต์เข้ามาต้อง ได้ประคองปั้นเข้าจี่ น้ำขาดหลี่ขาดต้อน วอนทุกท่านให้คิดถึง เบิ่งแน่เด้อ

[บ่าวโจ่โล่]

เปลี่ยนแปลงเพลงใหม่เด้อครับ "ปลายทางของความคิดถึง"
ตั๊กแตน ชลดา คือสิพอเข้ากันได้ยุครับ

[napho]

ขออนุญาตเก็บเอาคำผญาไว้เด้ออ้าย

[บ่าวโจ่โล่]

สายฝนรินฮำพื้น หญ้าได้ยืนอาบน้ำชุ่ม พร้อมทั้งซุมแมกไม้ หวักมือให้หลั่งลงมา
พร้อมปูปลา กบเขียดน้อย ฮ้องออดออย ได้น้ำใหม่ น้ำใส ๆ ไหลจากฟ้า สุธาพื้น กระชุ่มเย็น
ลมพัดเป็นหมู่ฟ้า พัดหอบเอาเมฆา ไส่กอหญ้า ต้นไม้ใหญ่
เทน้ำฝนหล่นเป็นสาย หลอมละลายดินแห้งพื้น ตอหญ้าฟื้นจากเหี่ยวเฉา
นี่หล่ะน้อคำเผิ่นเว้า ข้าวสิใหม่ ปลาสิมัน กลายเลยยามคิมหันต์ วสันต์มา พากันชื่น
ปลาสิบืนออกหลุมน้อย หอยสิมาหาน้ำใหม่ กบสิออกจากไง แนวกอไผ่เป็นหน่อน้อย ผักขาต้อยสิป่งใบ
พวงมาลาดอกไม้ ได้แตกใบแตกง่า ต้นบักเขียบกะแตกตา ไปนำง่านำก้าน บักบวปน้อย กะปล่อยเคลือ
พออยากเมือฮอดบ้าน ไปกินแกงผักหวานแกงหน่อไม้นำจักเทื่อ คือสิแซปเอาเหลือกินนำข้าวฮ้อน ๆ ออนซอนเด๊แจ่วพริกดิบ

เอาของเก่า มาเล่าให้ฟังใหม่เด้อพี่น้อง ของเก่ามันเสียไปไสบุ

[nuzing]

แสงสุรีย์ชี้ส่องฟ้า แสงทองทาเวหาแจ่ม น้ำหมอกแซมแต้มต้นหญ้า สะท้อนฟ้าสว่างใส
สายลมใหวไปตำต้อง ข้าวสีทองนำท้องทุ่ง เตือนปูปลากบกุ้ง พากันมุ่งไปอยู่คลอง
สายลมหนาวสิมาต้อง ห้วยและหนองน้ำสิขาด ปลาสิพลาดตกไส่บั้ง ปลาข่อนตั้งไส่ไห่นา
ผักกะแยงต้นแข่งหญ้า สิได้ป๋านาหนองท่ม เป็นหน้าที่ผักแก่นขม สิปูพรมไปฮอดแล้ง แกงปลาย่างสิคู่กัน
มาลงขันเฮ็ดข้าวเหม่า ไปลองเผาข้าวหลามใหม่ เป็นจังหันแต่งเตรียมไว้ ถ้าไส่บาตรแบ่งพระฉันท์
อีกบ่ดนดอกเด้อท่าน ออกพรรษาทั่วทุกถิ่น ได้เฮ็ดบุญกฐิน เหมิดจำศีลพระเจ้า เตรียมเคาะข้าวให้ซ่อยกัน
ลมเหมันต์เข้ามาต้อง ได้ประคองปั้นเข้าจี่ น้ำขาดหลี่ขาดต้อน วอนทุกท่านให้คิดถึง เบิ่งแน่เด้อ

(ขออนุญาต บาดคำเด้อลูกหล่า มันแดงจื่งขื่งโพด คนเถ่าอ่านบ่ออก พอตะอ่านแล้วกะคึดฮอดบ้านเฮา แหม่นควมเลาเบิ๊ด )

[ศรีสะท้าน]

...แจ่มไปเลยครับอาว สุดยอด ขอดอ้อมป้อม ต้อมมัดอัดฮี่ ดีขนาด ป๊าด มาคักแท้กลอนแมะ ซมเซย..ข่าน้อย