ขนมดอกจอก

[ติ๋ม เปอร์โย]

http://jo.jedsadakorn.googlepages.com/392.JPG
ขนมไทยๆที่เฮ็ดง่าย แต่ใช้เวลาในการทอดโดนอิหลี ติ๋มสิเฮ็ดปีละเทือถึงสองเทือ
http://jo.jedsadakorn.googlepages.com/393.JPG
สูตรกะบ่มีหยังหลาย น้ำตาลทราย300กรัม แป้งเฮ็ดขนมปัง500กรัม ไข่ไก่3ฟอง
กะทิหมากพร้าว1กระป๋อง ผงฟู1ช้อนชา งาตามชอบ น้ำเปล่า1กระป๋องกะทิหั่นหละ อิอิ
กวนไข่+น้ำตาลจนน้ำตาลละลาย ใส่กะทิ +แป้ง+ผงฟู กวนพอเป็นเนื้อเดียวกัน ใส่น้ำ
คนจนแป้งบ่เป็นลูกใส่งา เรียบร้อย
http://jo.jedsadakorn.googlepages.com/394.JPG
จัดการตั้งกระทะใส่น้ำมันพืช2ลิตร ต้มพิมพ์ขนมจนฮ้อน จุ่มพิมพ์ขนมลงในแป้ง ทอดพออยู่ตัวเคาะออกจากพิมพ์
พอขนมสุกเหลืองตักออกวางบนก้นถ้วยเล็กๆ เฮ็ดไปเลื้อยจนหมดแป้ง
http://jo.jedsadakorn.googlepages.com/395.JPG
กินซ่อยแหน่บาดหนี่ กินผู้เดียวบ่ไหวอิหลีจ้า ต้องขนไปแจกเพื่อนบ้าน เรื่องหยังสิอ้วนคนเดียว อิอิ
http://jo.jedsadakorn.googlepages.com/396.JPG
แล้วติ๋มกะเฮ็ดขนมปังไว้กินยามเช้านำกับกาแฟ เชิญม่วนกับการได้เฮ็ด ได้กินจ้า อิอิ

[สาวอิสานพลัดถิ่น]

ป้าดเอื้อยติ๋ม ขนมปังน่ากินแท้ กินกับกาแฟยามเช้าคือสิล่องคอเนาะเอื้อย

[บ่าวเซียงน้อย]

ป้าด//มาคืองามแท้หล้า....เฮ็ดแบบทันสมัย...งามคักจนอ้ายบ่ อกล้ากินเด้อนี้ อิอิๆๆ

[ติ๋ม เปอร์โย]

บ่ได้เฮ็ดงาม พิมพ์ขนมพาไปจ้า ขนมไทยๆอ้าย ตั้งแต่พิมพ์ขนมกะหิ้วมาจากคลองถมจ้า.....อิอิ
ตามสบายจ้าเต้ย ขนมปังนี่กะอาหารเช้าเอื้อยคือกันหล่า กับกาแฟ2ถ้วย อิ่มเบิดมื้อ

[มั่วหน่าฮ่าน]

เฮ็ดขนมปานสิเป็นแม่ค้าขายขนมเอาโลด...ส่งมาทางนี่แน น๊า...อิอิ

[เซียงสีผีเป้า]

ฮ่วย ขนมปัง กับกาแฟสองถ้วย อิ่มเบิดมื้อ คันจั่งซั่นสิเฮ็ดไปหยังหลายแท้เอี้ยย

กินหน่อยปานนี่ แม่ย่าผัสมั๊กมัก เด้ มาเด้อเอี้ยย อิอิอิ

[ติ๋ม เปอร์โย]

บ่ บ่ บ่เป็นเด้อแม่ค้าขายขนม แต่เฮ็ดกินกะค้านอยู่แหม๋....

55++อาวเซียงสีเอิ้นเล่นๆระวังข่อยไปอิหลีเด้อเจ้าหย ุ่งเด๋ อิอิ

[ส.มักม่วน]

เป็นตาแซบเนาะเมือบ้านออกพรรษานี่เฮ็ดกินเองก่อ นนา

[ติ๋ม เปอร์โย]

จ้าสาวมักม่วน...แม่นนิ่มบ่น้อ บ่ได้เข้าห้องแชทโดนแล้ว
เฮ็ดลองเบิ่ง ติ๋มเอาเมื้อเฮ็ดอยู่อุดรฯ ขะเจ้าขอสูตรไว้ตอนนี่พากันเฮ็ดขายเป็นอาชีพไปเ ลย
ขายดีเฮ็ดทอใด๋บ่มีเหลือ

[ตุ๊กตาไล่ฝน]

ป๊าดดดดดด สาวติ๋ม เฮ็ดอิหยังกะเป็นตาแซบไปหมดเลยเนาะ
กลับมาอยู่เมืองไทย มื้อได๋ ผู้ลางคน ซิอ้วนเป็นหมูคราวนี้หละน้อ อิอิ