ข้าวต้มมัด แบบบ่ผัด

[ติ๋ม เปอร์โย]

http://jo.jedsadakorn.googlepages.com/421.JPG
ติ๋มอยกกินข้าวต้มหัวหงอกหลาย กะเลยตัดสินใจชื้อกล้วยจากไทยหวีนี่14ลูก ราคา80เหรียญคูณ6บาทจ้า บ่เป็นหยัง
แต่ใบตองนั่นเสียความฮู้สึกนิดหน่อยที่เห็นนั่น50เหร ียญคูณ6บาทเช่นกันจ้า บิ่งข้างนอกสวยงามดีจ้า
แต่ข้างในปัดโธ่...ทำกันได้ทั้งแก่ ทั้งแตกหาชิ้นดีแทบบ่ได้ ห่อถุงมาอย่างดีบ่มีโอกาสเลือกค่ะ
ติ๋มกะเอาแต่ที่ดีๆมาห่อ ได้ข้าวต้ม18กีบ หาแนวมัดกะบ่มีกะเลยนึ่งเป็นห่อๆแบบนี่หละจ้า
http://jo.jedsadakorn.googlepages.com/422.JPG
ติ๋มใช้วิธีนึ่งเอาเพราะติ๋มแช่ข้าวค้างคืนไว้ ถั่วดำกะแช่ข้ามคืนคือกันจ้า ห่อแบบบ่ผัดข้าว
ติ๋มว่าสิเฮ็ดข้าวต้มหัวหงอก อิอิ หาแต่แนวกินแล้วอ้วน (ที่ได้ห่อใหญ่เพราะตองบ่พอ วัตถุดิบหลายไป)
http://jo.jedsadakorn.googlepages.com/423.JPG
หน้าตาพอแก้ขัด แก้จนได้จ้า อย่าอยากมาอยู่เด้อเมืองนอกไผกะดาย หากินลำบากโพด อิอิ

[ดอกสเลเต]

ถั่วดำหลายคัก เป็นตาแซบ มักแล่วถั่วดำ จกก่อนเด้อ ฮ่วย!!ลืมล้างมือ บ่ว่ากันเนาะ สาวติ๋ม อยากไปอยู่เด้เมืองนอก แต่บ่มีโอกาสได๋ไปนำเผิ่น

[เซียงสีผีเป้า]

ฮ่วย มันบ่แมนข้าวต้มดอก แนวนี่ มันเอิ้นกล้วยต้มถั่่วต้ม ใส่ข้าวนิดหน่อย อิอิอิ เป็นตาแซบคัก คันอยู่บ้านใส่บักถั่วหลายปานนี่ ใหญ่ผัด ด่าคักๆ มันเปียงบักถั่ว

ประสาขี้ถี่มักแซบเนาะ

[nuzing]

อั่นติ๋ม..เมนูได๋อีหล่ากะเฮ็ดเก่ง + เอ็ดเป็นเหมิ๊ด ฝร้งมันบ่ได้เงินนางแถ่แนวนี่
อาหารหวานติมื่อนี่...เป็นตาแซบของนางอีกหละข้าวต้มม ัดใส่ถั่วดำ....ยายสิล่อถั่วดำก่อนดอก
ฮ่วยมาคือแซบแถ้เซียงเอ๊ยเซียงมาๆกินถั่วดำกันบ่าวหล ่อบ่าววิทย์เลากำลังหยุมยุหะหน่า...เอิ๊กกส์

[บ่าวเซียงน้อย]

น้องติ๋มนี้เก่งไปทุกอย่างอิหลีครับ..เก่งแบบนี้ค่าด องหนึ่งแสนสิบ่อต่อจักบาทเลย คริ คริๆๆ

[ศรีสะท้าน]

เป็นตาแซบเนาะ น่ากินจนบ่อกล้าดึกใส่คนเนาะ อิ อิ แต่กี้มีอดีต อะหนา ไปฟังเทศน์บุญเดือน ๔ พอเพิ่นเทศน์จบผูก จบกัณฑ์ กะสิมีการหว่านเข่าสาร อยู่ไปอยู่มาเข่าสารเหมิด คัวได้เข่าต้มโค่นซั้นแหลวหว่านแทน แนคัก ๆ เอาเด้อว่ะ ก๋าใส่หัวสาวไก่น้อยเพิ่นกะลังนั่งคุยกับผู้บ่าวอยู่ ไหว่ท่วน..ตุ๊บ จั่งได๋จั่งเผิ่นไปใส่หัวแม่ใหญ่...(ไทเฮือนเดียวกับ เพิ่น) แงกหน้ามาหาเฮา ซี้หน้าจ่มมุบมับ มุบมับ...มึงโลดมื้ออื่นบักศรี พะนะ อิ อิ อิ

[บ่าวเซียงน้อย]

555+ถ้าถืกหัวไก่น้อยแกสิบ่อมึนงงอยู่หลาย มื้อพู้นติ๊(อย่าไปหาเฮ็ดอีกเด้อท่าน เดี๋ยวค่าดองน้องเขาสิตก อิอิๆๆ)

[ติ๋ม เปอร์โย]

อาวเซียงสีไปว่าใกล้แม่ผัดแหน่เด้อเจ้า หลบครกตำหมากเลาทันบ่เจ้า อิอิ ที่ใส่ถั่วดำหลายๆนั่นข่อยอึดใบตองดอกอาว
55++คุณยายจ๋า แนวนี่ฝรั่งเขาบ่เสียเงินย้อนดอกจ้า เขากินบ่เป็นจ้ายาย(ขอบคุณจ้าที่ย้อง)
น่านหั่งว่าแล้วตั๊วสิได้เงินแสนคน อีกสามเดือนหาทันบ่น้อ อิอิอิ (แซวเล่นเด้อจ้าอ้าย)
อ้ายทิดคำศรีทางนี่หละอึดแท้เด๋ มีแต่สิหว่านเข้าปากหนี่แหล่ว เอิ๊กกๆ