..........ฮักจริงบ่น้ออ้าย.........

[น้องแพรจ้า]

หากแม่นอ้ายใจแน่ อย่างอแงหลบหลีก ฉีกเบิ่งใจให้ฮู้อย่าดู๋เว้าแล้วอย่างหนี
มักแล้วอย่าหลบลี้ มีทางเทียวเว้าเกี้ยวไส่ เป็นสัญชาติชายหรือได๋ บ่จริงใจแค่หยอกล้อ พอได้เว้ากะชื่นใจ
แนวเถาว์วันเคียวใหม้ คือใจชายนั้นโตอย่าง ขุดหลุมพลางหลอกล้อ พอตกแล้วกะเหล่าถอย
หากแม่นจริงเบิ่งนิ้วก้อย คอยแหวนอ้ายมาสวมไส่ โปรดแสดงความจริงใจ ไปขอแต่งโลดพี่ มีทุนพร้อมไปแต่งเอา
สิพาหนีพ่อแม่เฒ่า บอกเซาเซา ไว้สาก่อน น้องบ่เคยออนซอน ไปนอนฝันเอาโลดอ้าย บ่หมายแท้เจ้าอย่าคอง
หากแม่นอ้ายมักน้อง ต้องมาแต่งแปงเอา เข้าธรรมนองครองธรรม จั่งสินำดอกเมือบ้าน
ค่าดองบ่เป็นล้าน ขอให้หารไปเว้าพ่อ ถ้าแพงหลายกะให้ต่อ คำเผิ่นยอเผิ่นฮ้อง บ่ขัดข้องให้ต่อลง
อย่าสุเลาะนำซ้งก้งสาโท โม้เว้าใหญ่ คาตั้งแต่ยอไห อยากได้เมียหน้าแห้ง บ่มีแบงค์อย่าแต่งเลย
บ่แม่นน้องเว้าเย้ย อยากเป็นเขยอิพ่อใหญ่ หาเฮ็ดงานไว ๆ ได้เงินเดือนอย่าว่าง ผู้ทางน้องสิล่ำคอย
สองแก้มน้องน้อยน้อย กะยังคอยถ้าเด้อพี่ มีแต่เล่นอยู่เหมิดปี อุ้มไก่ตีเลาะบ้าน หาวานเย้าแต่ไก่ชน
ขอบอกเลยไปให้พ้น อย่ามาบ่นให้เสียหัว ไปเลี้ยงวัวสาเด้อ อย่าสุเจอกันเลยอ้าย.......................... .



http://baanmaha.us/jolo/Other/01_Jkj_Think_not_real.wma

[sompoi]

ฮ่าๆๆๆ.โอ้ยยเนาะน้องหล่ากะดายย..สวยซะอย่างเลือกได่ วะติ้..คักๆๆ

[น้องแพรจ้า]

คือมาแซวไวแท้ พี่ส้มคนสวยกะดายเนาะ...........

[sompoi]

คือสิมีผุบ่าว(เฒ่า)ถ่าแซวอิกหลายอยู่ดอกน้องหล่า..ค ิกๆๆ..

[ศรีสะท้าน]

โอนอเถ่า โอ๊ะแน้..พากันเว้าแต่เถ่าหลาย เลยหลงว่านำ อิ อิ
โอนอหล่าสังมาจาว่าเถ่าแก่ เจ้านั้นแหมกะแฮ่งเถ่าสิมาเว้าว่าเฮ็ดหยัง
เป็นตาซังนอสาวส่ม อย่ามาหลงคารมบักเถ่าเด้อสิบอกก่อน อย่ามาหอบผ่าผ่อนแล่นนำก้นบักอ้ายอยากอายบ้านเพิ่นเด ๋ อิ อิ อิ
ปล.ผญากระทู้นี้ลงผิดบอร์ดอยู่เด้อ ขออนุญาต คันแข่วคน อิ อิ อิ

[โป้ยก่าย]

ได้ยินเสียงผู้สาวน้อยมาออยใจนำผู้บ่าว
ตกฮอดคาวผู้บ่าเฒ่ามาอุกเอ้าอั่งมโนแท้น้อ
หาแตโดนจั่งมาพ้อพอใจหลายผู้บ่าวเฮิ้ม
สิขอเติมแต่งแต้มแถมข้อกล่าวแถลงเบิ่งก่อนนา
ว่าจั่งใดเกาะน้องหล้าแม่นสาวซ่าทางใด๋นางเอ้ย
มาทรงใคทางทางวาจากล่าวผญาวอนเว้า
คันบ่ติว่าบ่าวเฒ่าสิขอเอาผญาส่ง
คันตกลงสิกล่าวเกี่ยวกลอนแก้ต่อพนางหล้าเอย

[ศรีสะท้าน]

ได้ยินเสียงผู้สาวน้อยมาออยใจนำผู้บ่าว
ตกฮอดคาวผู้บ่าเฒ่ามาอุกเอ้าอั่งมโนแท้น้อ
หาแตโดนจั่งมาพ้อพอใจหลายผู้บ่าวเฮิ้ม
สิขอเติมแต่งแต้มแถมข้อกล่าวแถลงเบิ่งก่อนนา
ว่าจั่งใดเกาะน้องหล้าแม่นสาวซ่าทางใด๋นางเอ้ย
มาทรงใคทางทางวาจากล่าวผญาวอนเว้า
คันบ่ติว่าบ่าวเฒ่าสิขอเอาผญาส่ง
คันตกลงสิกล่าวเกี่ยวกลอนแก้ต่อพนางหล้าเอย

@ โป๊ยเอ้ย เลาเป็นคนทางก้ำอุดรคำสถานถิ่น อันวาจาท่าลิ้นความเว้าหากว่าหวาน
ทางอ้ายศรีสะท้านเพียงเว้าหยอกแค่มีแฮง บ่อกล้าแปลงกลอนตั๋วหลอกให่มัวเมาม้าง
แนวว่าบุญสมภารส่างศรีคนพอยต้อยต่ำ คนมีกรรมบาปต้องตำต้ายฝ่ายมโน
ให้เจ้าโสลองเหล่นพอให้เห็นฮู้ซ่อง อาวเอ้ย พอให้ซุมพี่น้อง ได้พาเอิ้นเฮียกขวัญ ฯฯฯ

...ว่าไปอาว พอข้อยได้ไปตู๊ดกินก้อยงัวแหน่ อิ อิ อิ....

[โป้ยก่าย]

สาวอุดรว่าตี้อ้ายฑิตศรีซำพอแม่นสีใคๆหละแม้เนา ะ อิอิ

เจ้าหากเป็นสาวโก้ก้ำฝ่ายทางอุดรสั้นบ้อนาง มาออนซอนนำหลายท่าดีแท้น้อน้อง
แม่นอยู่ทางหนห้องอำเภอใด๋บอกอ้ายแน่พอได้แวะกินเข้า ยามอ้ายได้เที่ยวเถิง
คันแม่นทางบ่อเหวิ้งกะสิท่องเทียวหาคันแม่นบุญนำพาฮ่ าได้เป็นเขยค้ำ สั้นดอก
กะสิซวนเอาอ้ายทิตคำศรีไปเป็นหมู่อาศัยเลาเป็นผู้เว้ าแถลงข้อต่อไป พอได้ไปเป็นเฒ่าเป็นแก่ให้ นางเอ้ย


ฮ้าเป็นจั้งบุญปากอ้ายทิตศรี กะสิได้กินลาบงัวทางอุดร เด้ อิ อิ

[ศรีสะท้าน]

แม่นอาวแม่น เอิ้นบ่อเอิ้นข้อยกะสิไปดอก ไปแต่เดิกเลย ย้านบ่อทันจ้ำจุ๊ เพี้ยขมๆ อิ อิ อิ

[sompoi]

มะโสเหร่ยังกันน้อ ซุมผุเฒ่าส่า..น้องแพรเล้าคนขอนแจ่นเด้อจ้า (อ.เมืองพล)อิอิ บ่แม่นอยู่อุดรเด้อคร่า...

[หนุ่มบ้านดอน]

ขอนแจ่น ว่าติ
เป็นสาว(หนุ่ม)แจ่นขอนขะหยอนเว่าไทยบ่แฉ็ง
อิอิอิอิ::)::)