ต้นไม่ - หมากไม่-ของ อิสานกำลังสิสูญพันธุ์

[ติ๊กต็อค]

พืชและต้นไม้ที่กำลังสิสูญพันธุ์
1 บักโต่นใหญ่
2. บักโมซาน
3. ข้าวจ้าวแดง(เอามาเฮ็ดข้าวปุ้น สุดยอดมรดกอีสาน)
4. ข้าวกล่ำแท้ ๆ
5.ข้าวเหลืองอ่อน
6. ข้าวดอ หางนาค
7. ข้าวดอแอ้ว
8 . บักน้ำเต้า
9.ต้นอ้ม 10 ต้นเนียม (2ต้นนี้ ผู้สาวโบราณเผิ่นเอามาเฮ็ดเครื่องหอม)
11. ต้นบง(เอาเปลือกมันไปเฮ็ดธูปและเอาไปตำผสมกับทรายก่อ สร้างบ้านแทนปูน)
12. ต้นพันซาติ
13. ต้นเชือก (เอาขี้เถ้ามันไปใส่บักขามส้มให้เป็นบักขามหวาน)
14.บักส้มมอ
15. บักเหลี่ยม
16. ต้นสะข่าง (ช่างบั้งไฟเอาไปเฮ็ดหมื่อเบิด)
12.ต้นกะยอมหรือพยอม
13.ต้นส่องฟ้า(ใบมันเอามากินกับลาบ กลิ่นคือลูกอมแฮ็ค)

บักผีผ่วนกะหากินยากแล้ว บักหว่า บักมัง บักส่าน เครือกี๊โก่ย ผักโหบเหบบ่ได้เห็นมาหลายปีแล้ว บักคันส้ม ที่ตอนเป็นเด็กเอามาเป็นลูกบั้งโผะก็หายากแล้ว ยอดหวายกะได้กินแต่หวายปลูก เขียดขาคำ กะหายากคือหยัง ไปไง่เหมิดคืน ได้ 3 โต ปลาหลด กะหากินยาก ไข่ผำ กะบ่ค่อยเห็นแล่ว บักหัวลิง ติงคิงขี้หยอดกะบ่มี หน่อโจด แฮงบ่ต้องหา เครือยานาง กะเอามาปลูกไว่ข่างฮั่วเด๊ จังสิได้กิน ผักอีลอก กะเหมิดจากป่า ไคแหน่แต่บักเข่าเหม่า พอเหลือเฮ็ดไวน์ได้อยู่ 5555
ป่าค่อกั้ง กิ๋บนอกิ๋บแน่วไปแล่ว กะปอมแถวบ้านยังพอมี อนุรักษ์ไว่ เผื่อลาบใส่บักม่วงหน้าแล้ง 555 บักยาง กะหากินยากแล่ว ของแซบ
เครือตดหมา กะบ่เห็นมี ฮ่วย แฮงเว่านี่มันไปหลายแล่วเด๊นี่เนาะ

เอาเถาะ ๆ มาซอยกันปลูกขึ่นใหม่ซะ สิได้มีจ่งไว้ ให้ลูกให้หลานได้เบิ่งกันว่ามันเป็นจั่งได๋

[หนุ่มนาจาน]

ที่วามาผมฮู้จัก สามสี่ต้นนี้ละครับ อิอิ

[หนุ่มบ้านดอน]

มีแต่แนวแซบ ๆ แท้น้อ

แต่ว่า บักโมซาน ต้นอ้ม ต้นเนียม ต้นสะข่าง เป็นแนวได๋ครับ
พอสิมีรูปให้เบิ่งบ่ครับ

[ดีเจปอ บ้านมหา]

มักโมซาน หน่วยสิใหญ่ๆๆครับ แต่ตอนยังน้อยพอมีให้เห็นยุครับ
ว่าง 25 ปีก่อนแมะ แชบ คัก 5555555+

[มั่วหน่าฮ่าน]

เอ.........ข้าวดอ....เป็นหยังจังเอิ้นว่าข้าวดอ...ข ยายควมให้เบิ่งแหน่น๊า...อิอิ..http://www.siamha.com/content/data/icon/i39.gif

[69club]

มีอีกหลายแนวอยู่ ที่บ่ได้เว้ามา แถวบ้านผมกะยังมีให่เห็นอยู่ จั่งพวก หมากเล็บแมว หมากเบน บักโก ซุมแนวหมู่นี้ล่ะยังหลงเหลือให่เห็นอยู่ ส่วนพวก เครือตดหมา ผักอีลอก เครือย่านาง กะยังมีเต็มโคกอยู่ ส่วนพวกปลากะบ่ต้องห่วงว่าแต่ลงท่งไปหนองกับคลองน้ำเ ซินกะได้เห็นโลด

[หนุ่มบ้านดอน]

หมากเล็บแมวกะใกล้สิสูญพันธิ์แล้วคือกัน

[บ่าวเมฆินทร์]

หลายต้นบ้านบ่าวกะพอสิมียุ แต่หลายต้นกะบ่เห็นแล้ว ซ่อยกันอนุรัษ์ไว้แหน่เด้อ หมากเข่าจี่อีกต้นหนึ่งเด้อ เริ่มสิบ่ค่อยเห็นแล้ว ผักบ่อนำ
:g

[คนกบินทร์]

ดีหลายที่นำมาบอกกัน จะได้ช่วยกันอนุรักษ์

เพื่ออนุชนรุ่นหลังต่อไป

8)8)8)

[brink]

หลายต้นหลายๆชื่อที่ยังพอมีและพอได้เห็น แต่หลายต้นกะบ่ค่อยได้เห็นแล้ว
ชอ่ยกันอนุรักษ์ไวกะดีหลายคับ ออิอิอิ 8)8)8)