......ถามข่าว...ซุมเฮาบ้านมหา.....

[ตะวันนา]

........เป็นจังได๋น๊อพี่น้อง สำบายดีอยู่หรือบ่
คิดฮอดกันแหน่บ่น๊อ บ่ได้พบพ้อหน้าด้วยงานนี้แม่นยากหลาย
ใจยังคิดฮอดอ้าย ซุมเอื้อยพี่ ลุง อาว อา
บ่ได้มาแวะเวียนหา แต่กะเพียรส่งใจยู้
กะพอรู้ข่าวบ้าง บ้านมหาเปลี่ยนแนวใหม่
เป็นเวอร์ชั่นที่สดใส ไผมาเห็นกะอยากเว่าซุมหมู่เจ้า...ว่าจ่างได๋ พี่น้องเอ้ยยยย

..................สำบายดีเนาะค่ะ จำกันได้บ่น๊ออออออออ..."แก้มแดงแรงใจ" เด้อค่ะ..

[ศรีสะท้าน]

สบายดีอยู่น้องหล่าเฮือนมหาน้องพี่ คือว่ามีข่าวดีหยังบ่อบอกพี่น้องพอฮู้ข่าวงาน
เจ้าเฮ็ดบุญขึ้นบ้านหรืองานทอดกฐินจุล หรือแม่นบุญประเพณีอิหยังนอแก้ม
คือแซมจดหมายน้อยตอยควมฝากส่ง มาคืออ่งแท้หล่ะหล่าลุงป้าบ่อเล่าเถิง

[ตะวันนา]

.......อ้ายศรีเอ๊ย!!!......แม่นข่าวดีหยังน๊ออ้าย ได้ยินไผเพิ่นเว่ากล่าว
อันว่าทางน้องสาว สิมีข่าวดีนั้น ยังบ่กล้าไปบอกไผ
ได้มื้อดีก่อนเด้ออ้าย จั่งสิเล่าความหา
จดหมายน้อยสิค่อยมา ให้ใส่ซองแหน่เด้อเจ้า
บุญของนางที่เว่า คือขนข้าวที่เกี่ยวใหม่
ใส่ในเล้าหลังบักใหญ่ เอิ้นอ้ายชายให้มาช่วย ขนข้าวซ่อยกัน
อย่าสิลืมเด้อมื้อนั้น แรมสิสามเดือนสี่
ให้คุณพี่เตรียมตัวไว้ เพราะงานนี้เป็นประธาน เด้ออ้ายศรี เอ้ยยยย


........เขียนไว้ตั้งบักหลาย...หายจ้อย เสียดายเด๊..........

[ตะวันนา]

...คิดฮอดเด้อเซียงข่อล่อ พ่อรูปหล่อที่คมขำ
คิดฮอดหลายอ้ายทองคำ ผู้เพิ่นเหลาปานเสาไม้
คิดฮอดหลายชายคนนี้ ทิดคำศรีผู้ดั้งโด่ง
ฝากความคิดฮอดเถิง อ้ายโป้ยก่ายคนโก้ ปานนี้เจ้าเป็นจั่งได๋
บ่าวกบินทร์ผู้เคยได้ เว่าต่อถามหา
ผู้วาจาแสนหวาน อ้ายขี้โก๋ห้างจิ้น
ยังบ่สิ้นคำหวานนี้ ส่งถึงพี่ไก่น้อยคนงาม
ยังไต่ถามว่าคิดถึง เอื้อยส้มป่อยคนโก้
อ้ายโจ่โล่คนผู้นั้น ยังคิดฮอดอยู่คือเก่า
ทั้งอ้ายบ่าวเซียงน้อย ยังส่งใจให้บ่เซา
เป็นได๋น๊อซุมหมู่เจ้า ห่างหายบ่ได้แว่
มาทะแม๊.. เข้ามาเว้า..... ผญาเค้าคำคืน......

[โป้ยก่าย]

แก้มแดงเอ้ย
ไปใสมาน้อหล้าว่าแม่นลืมบ้านมหาลืมวาจาอ้ายโป้ยก่ายแ ล้วตี้
คือไปมิดไปมี่หากะโงต่าวโค้งแม่นโตเจ้าไปอยู่ใสหล้าเ อ้ย
อ้ายโป้ยก่ายยังอยู่นี้เวียนหาอ่านคำผญาคิดฮอดคำวาจา อ้ายบ่ลืมเด้อน้อง
ได้แต่คองคอยถ้าย่านเจ้าลืมบ้านมหาบ่หวนมาอีกคือเก่า บ่ว่าแลงว่าเซ้าคอยแล้วกะเล่าคอย
ดีใจหลายบ่น้อยเห็นเจ้าต้าวคืนมาอันวาจาของนางซ่างม่ วนหลายผญาเจ้า
ให้เจ้ามาวารเว้ามีแนวใด๋เอามาว่าบ่ว่าคำผญาทางบทกลอ นว่านั้นทางอ้ายนี้มักหลายหล้าเอ้ย

[บ่าววิทย์]

ฮักแพงเพียงกันเสมอมั่นเคียงหมาย บ่ได่คู่เฮียงกายกะบ่วายเว่นใจ..ดอกน้องเอ้ย
อันควมดีในใจเฮาสองคองกันอยู่ นั้นคือสิ่งอุ้มซูให้เฮาฮู้ทางไป
ขอให้น้องมีสุขใจอยู่ไสน้องกะอุ่น ได่เป็นทุนพอคึดฮอดให้ได่กอดในฝัน
ยามก่อนนอนได่เห็นกันยามฝันกะดีใจ ทางชีวิตเฮายังใกล้คือสิได่พบพ้อ..ดอกน้อน้องเอ้ย... .

อ้ายวิทย์อยากไปซอยขนข้าวเข้าใส่เล้าใหญ่แท้ล่ะน้องแ ก้ม นาน้องแก้มคือสิได้ข้าวหลายเนาะ อิอิอิ

[ตะวันนา]

...อ้ายโป๊ยเอ๊ยยยย......บ่ได้ไกลไสดอกอ้าย.......ยั งวนว่ายหม่องเก่า
เกือบสองเดือนที่จากเจ้า...บ่ได้แว่ทางได๋....
นางเมือบ้านพักผ่อนกายก่อนกลับมาสู้งานนี้
สำบายดีน๊ออ้าย...น้องยังคิดฮอดชาย....แม่นห่างหายบ่ ได้แว่
กลับเมือบ้านซ่อยพ่อ-แม่ ผู้เพิ่นทุกข์ยากฮ้าย เฒ่าแล้ว ลุกบ่ไหว
ด้วยทางไกลอีสานกว้างบ่ได้ท่องอินเตอร์เน็ต
เฮ็ดแต่เวียกอยู่ท่งนา...บ่ได้ซา IT กว้าง.....
ดีใจหลายอ้ายมาท้วง ทวงข่าวถามหา
มีเวลาสิเขียนกลอน....จ่ายผญา นำหมู่เจ้า
ยังเพียรเฝ้าอ่านกลอนอ้าย ทั้งผญาที่เจ้าจ่าย
มันสุดแสนบรรยาย เบิ่งความหมายที่อ้ายเว้า....แม่นสุดยอดแห่งผญา ซั่นแหล่ว อ้ายเอ้ยยยย............โฮ...เกือบลงบ่เป็นเนาะเนี่ย ..........

ปล..อ้ายวิทย์ น่าท่งใหญ่เติบตั้วอ้าย หาคนเกี่ยวซ่อยบ่หวาดบ่ไหว ...สงสัยสิได้ไปจ้างคนทางในเมืองขอนแจ่นมาเกี่ยวซ่อย ....สาแล้ววววววว........

........หือคนทางหนองคายว่าจ่างได๋น๊อ.......เกี่ยวข ้าวแล้วบ่น๊อ...........ไปเกี่ยวซ่อยแหน่เด้อจ้า....

[โป้ยก่าย]

หล้านางเอ้ย
เจ้าหากเป็นผู้ฮู้กตัญญูแทนตอบมอบให้พ่อแม่น้องผู้เพ ียรเลี้ยงตอบสนอง
บุญเจ้าหลายแท้เด้อน้องให้นางค่อยอดสาคุณบิดามารดาบ่ มีหยังสิเทียมได้
อันว่ายามเจ็บไข้วัยชรามาฮอดได้อาศัยอยู่ใกล้ดูแลท่า นเป็นอย่างดีหล้าเอ้ย
อันว่าทางอ้ายนี้กะยังเที่ยวถามหาว่าแม่นไกลไลลาบ่ต่ าวคืนหวนโค้ง
โสตกลงทางอ้ายคิดอยากหมายมาถามข่าวถามเถิงเข้าอยู่เล ้าคือสิล้นอั้งสางบ่น้อ
ถามทางใจของน้องพอได้ท่องเทียวยามถามเถิงเฮือนเถิงซา นฮ่าได้ไปเซายั้ง
แต่ทางโตของอ้ายคิดยากหลายแนวเจ้าว่าอ้ายบ่เคยเฮ็ดนา คันสิมาเกี่ยวข้าวโตอ้ายเฮ้ดบ่เป็นหล้าเอ้ย
อันว่าทางบ้านอ้ายถิ่นหนองคายบ้านเคยอยู่เฮ็ดแต่สวนไ ฮ่ฮั้วพอได้ส่งขาย สั้นดอกหวา นางเอ้ย

[ไก่น้อย]

น้องสาวเอ้ย..เป็นจั่งได่หน่อหล่าคำวาจาคือมิดหมี่
คิดฮอดเด๋ทางนี้พี่กินข้าวกะจ่มหา
เป็นจั่งได่น้องหล่า
คำวาจาตะเก่าก่อน
เจ้าผู้พั่วดอกซ้อนสิมาเว่ากล่าวกัน
...คิดฮอดเด้อมื้อนั่นความสัมพันธ์วาจาเก่า
เปิดหัวใจนั่งเว่า เอื้อยละเจ้าส่างม่วนหู
อยากบอกน้องให้ฮุ้ เอื้อยยังจ่มคะนิงหา
หากว่ามีเวลา กะค่อยมาจาเว่า
ยามได่อุกอังเอ้า ยังคิดนำเด้อโตพี่
ถ่าน้องยุทางพี้ ..ก่ายก้ำฝั่งกาสิน เด้อหล่าเด้อ ...

[pui.lab]

ซ่ะบ๋ายดีค๊าคุณครูแก้มแดง อยากตอบแบบผญาตอบบ่ได้ ขอตอบแบบนี่หล่ะ :-*

[หนุ่มบ้านดอน]

ทางนี้ซำบายดียุครับ
ว่าแต่มาถามหาข่าวไปหยังอิอิอิ ไปมัดใส่แอกติบ่าว (แซว)

[ขายอ้อย...คอยน้อง]

ขอมาอาศัยอยุ่นำแนครับ เหอๆๆ บ่มีม่องได่อยุ่แล่วม่วนคือม่องนี่

[commo]

........เป็นจังได๋น๊อพี่น้อง สำบายดีอยู่หรือบ่
คิดฮอดกันแหน่บ่น๊อ บ่ได้พบพ้อหน้าด้วยงานนี้แม่นยากหลาย
ใจยังคิดฮอดอ้าย ซุมเอื้อยพี่ ลุง อาว อา
บ่ได้มาแวะเวียนหา แต่กะเพียรส่งใจยู้
กะพอรู้ข่าวบ้าง บ้านมหาเปลี่ยนแนวใหม่
เป็นเวอร์ชั่นที่สดใส ไผมาเห็นกะอยากเว่าซุมหมู่เจ้า...ว่าจ่างได๋ พี่น้องเอ้ยยยย

..................สำบายดีเนาะค่ะ จำกันได้บ่น๊ออออออออ..."แก้มแดงแรงใจ" เด้อค่ะ..

สุขเสมอหมั่นคือมันเครือแก่ คึดฮอดอยู่บ่แพ้แต่มายามบ่ได่ ไวรัสกิน com แฮ้งส์ แพงกะด้อหมอ com เพิ่นมาปัว หัวกะเฮ็ด com แล้วเลยฟ้าวแจวมาฮ่วมจ้อ ย้อนอยากพ้อพี่น้อง ซุ้มบ้านอิสานเฮาซั่นแหล้ว... :)

[ตะวันนา]

...เอื้อย-อ้าย..เอ๊ยยย
คำวาจาเจ้าฝากไว้......อ่านเทื่อได๋กะยังม่วน
มีความหมายกินใจล้วน...ส่งแรงใจสู่นาง
เจ้าบ่เคยมายม้าง....ยังส่งความหา
มีเวลากะแวะเวียร...เพียรอ่านสารเจ้า...ซั่นเด๊...

[ตะวันนา]

....สายลมหนาวพัดมาแล้ว....เสียงแซว..แซวว่าหนาวใหญ่
แฮ่งสิหนาวกั่วปีกลาย....แฮ่งสิฮ้ายกั่วปีก้ำ...มันห นาวซ้ำกั่วทุกปี
ตกหน้าหนาวปีหนี....มันหนาวหลายกั่วปีเก่า....กอดตัว เองกะบ่เซา
กอดหมอนข้างบ่อุ่นย้อน.....เพิ่นว่าฮ้อน..เฮาว่าหนาว ...ซ่างเป็นแท้น๊อ.....อิอิอิ

[sompoi]

เป็นจังได๋น้องคนไกล สาวคนไคผุดีป่อง ทางฝ่ายกํานำน้อง สุขสำบายดีอยู่บ้อ
บ่อได่กายมาจาเว่าคึดฮอดเจ้าคือเก่าก่อน พ่อแม่ทางแก่นขอน สุขลําสำบายบ่อ ..หล่าเอ้ย..

[ตะวันนา]

เป็นจังได๋น้องคนไกล สาวคนไคผุดีป่อง ทางฝ่ายกํานำน้อง สุขสำบายดีอยู่บ้อ
บ่อได่กายมาจาเว่าคึดฮอดเจ้าคือเก่าก่อน พ่อแม่ทางแก่นขอน สุขลําสำบายบ่อ ..หล่าเอ้ย..




....ว่า โอ นอ พี่สาวเอ้ยยยยย....
ขอบคุณหลายในคำเว่า......ที่ส่งข่าวถามหา
ถึงเพลาสิหมุนเวียน.........เจ้ากะเพียรส่งใจยู้
ถามผู้อยู่ทางบ้าน............พ่อ-แม่ นางเป็นจั่งได๋
เพิ่นกะอยู่สุขสำบาย.........ขอบคุณหลานน้ำใจเอื้อย

.......เสียดายเด๊.....มาเสียดายวันเก่าร้าง..... เพราะว่าไกลเกินทาง
เฮ็ดให้นางบ่พ้อพี่..... อุตส่าห์มายามฮอดเถิงพี้.....ยังบ่ได้พบพ้อ
ขอโทษด้วยจากหัวใจ...... หากว่าบุญชาตาสองเฮาให้....... ขีดเขียนไว้บ่เป็นอื่น
ใจยังมื่นได้พบเจ้า...... ใจยังหวังได้พ้อหน้า.... วาสนาต้องกันแล้ว
ได้พบพ้อ...เจ้าแหน่เด้อ.... เอื้อยมิกเอ้ยยยยย...

[north_star]

คึดฮอดเด้........คึดฮอดหน้าสาวบ้านนาป้าส้มป่อย
ข่อยหนุ่มดาวเหนือน้อย......กะคอยท่าอยู่คือเก่า
อีกเทิงสาวแก้มแดง.......เฮิ่งคึดฮอดแฮงเด้อเจ้า
มื้อได๋กลับขอนแก่นบ้านเฮา.....อย่าลืมเอาข้าวเหม่าม าฝากอ้ายแหน่เด้อ...นางเอ้ย

[โป้ยก่าย]

ฮ้วย !! บ่แม่นธรรมดาตั้วสั้นดาวเหนือนี้แมะ
ว่าแม่นร้ายเป็นแต่กลอนอย่างเดียว เว้าผญาจีบสาวกะพอได้อยู่ตั้วนี่ :g

[north_star]

โอ้ยน้อ......ย้อนหัวใจมันบ่มีไผ๋ ในใจนี้........คันสิลี่ หนีคือกบ หลบเข้าใง
ไผ๋สิฮู้ มารู้ลึกความในใจ......สาวคนได๋ สิอ่านใจไผ๋ออกนอ.....
คำทายทัก เปรียบคือผัก กินกับป่น.......แซบเหลือล้น คันกินป่นแล้วมีผัก
.....บ่อแต่กต่าง กับหัวใจ คนมีรัก....คันไผ๋ทัก รักมักหวาน ซ่านหัวใจ.........ซั่นตั้วญาอ้าย

[sompoi]

คึดฮอดเด้........คึดฮอดหน้าสาวบ้านนาป้าส้มป่อย
ข่อยหนุ่มดาวเหนือน้อย......กะคอยท่าอยู่คือเก่า
อีกเทิงสาวแก้มแดง.......เฮิ่งคึดฮอดแฮงเด้อเจ้า
มื้อได๋กลับขอนแก่นบ้านเฮา.....อย่าลืมเอาข้าวเหม่าม าฝากอ้ายแหน่เด้อ...นางเอ้ย

ป้าดด เจ้าคือกล้าเว่า ป้าส่มป่อยพะนะ..บาดเจ้าของละหนุ่มดาวเหนือ(เหลือ)น้ อย พะน้า พะนะ หน่ายยยยยย คน คัก..แหว่ะ..

..โอ้ยยน้อ..หนุ่มดาวน้อย เอ้ย ดาวเหนือเอ้ย..ยามคึดฮอดหน่าเจ้า สุแลงเซ่าเฝ่าแนมฟ้า ..พุ่นแหล่ว..มันเต็มที่หลายแล่วแนวอยู่คนละฟากฝั่ง เจ้าผู้คนอยู่หลัง แนบเบิ่งบ้างบ่น้อ..เทิ้งฟ้าน้อ..