ผญาคำสอน

[หนุ่มบ้านดอน]

คันได้กินลาบซิ้นอย่าลืมแจ่วแพวผัก ได้กินพาเงินพาคำอย่าลืมกระเบียนฮ้าง

คันเจ้าได้อยู่ยอดฟ้าผาสาทประดับมุข อย่าได้ลืมเฮียมทุกข์ผู้ขี่ควายคอนกล้า

คันเจ้าได้ขี่ซ้างกั้งฮ่มเป็นพระยา อย่าได้ลืมคนทุกข์ผู้ขี่ควายคอนกล้า

คันเจ้าได้ขี่ซ้างกั้งฮ่มสัปทน อย่าได้ลืมคนจนผู้แห่นำตีนซ้าง

[commo]

คั่นแม่นใจประสงค์สร้างกลางดงกะว่าท่ง ใจประสงค์ขี่ค้านกลางบ้านกะว่าดง ซั่นแหล้ว...
ผู่เฒ่าเพิ่นพาว่าซั่นดอกหวา คักหลายคับอ้ายหนุ่มบ้านดอน ...

[sompoi]

อัศจรรย์ใจโอ้ ข้าวสารอยู่โอซ่างโงคอตอดไก่
ซากใบไม้อยู่ต้นไปหม่นกินแต่ลาบวัว
คนถูกปัวเป็นไข้กะซ่างได้ไปเบิ่งหมอ
แม่นหยังนอหมู่เจ้าผู้คนเฮาเป็นลายต่าง
มะซ่างขวางกฎฟ้าชาตาแท้เป็นจั่งได๋
ธรรมชาติเพิ่นให้มาเกิดแก่เจ็บตาย
สิคิดฝืนไปจั่งได๋กะบ่มีวันหม่ม
สิห้ามลมห้ามฟ้าหยุดเมฆาน้ำฝนหลั่ง
บ่มีไผสิหยุดยั้งทุกข์ขังแท้หากแม่นลอง

[หนุ่มนาจาน]

อันวาบุญๆนี้ บ่มีไผปันแจก แยกแบ่งกันบ่ได้ คือไม้ผ่ากลาง
คือจั่งเฮากินเข้า เฮากินเฮากะอิ่ม มันบ่ไปอิ่มท้อง ผุเขานั้นดอกบ่กิน

[หนุ่มบ้านดอน]

ท่านเอ๊ยคำเข้าเว่า ว่ากินข้าวกับแจ๋วผัก
สาวบ่มักอยากอยากให้พากิน Kfc พุ่น
โอ้แม่คุณเงินอ้ายนั่นมีบ่หลาย
เป็นตาหน่ายคักแท้น้อพี่น้องเอ๋ยยยย......