ผญาสอนหญิง

[หนุ่มบ้านดอน]

เป็นหญิงให้ใจอ่อนน้อม คำเว้าอ่อนหวาน
เทียมดั่งพธูเผิ้ง หวานเลิงบ่ฮู้หล้า
เป็นหญิงอย่าได้ปากกล่าวต้าน คำกล้ากว่าชาย
ให้ค่อยเอาใจตั้ง คำโบราณสอนสั่ง
ให้มีใจอ่อนน้อม ประสงค์ตั้งต่อผัว นั้นเนอ
ให้คึดกลัวความฮ้าย ใดดีให้คึดฮ่ำ
แม่นว่ามีโฉมฮ้าย ฉันใดอย่าประมาท
เป็นแต่ชาติก่อนพุ้น บุญสร้างแต่หลัง
อันว่าอิตถีเชื้อ ฝูงหญิงงามยิ่ง
เห็นว่าได้มิ่งต้น อย่าโงแง้นว่าโต นั้นเนอ
อย่าได้เอโกอ้าง บ่เอาไผเป็นที่เผิ่ง แพงเอย
ชาติที่นอนป่าฮ้าย แปลงห้างให้ใหญ่ดี
เห็นว่ามีทางซ้อน อย่าหวังคอยสิวางง่าย หลายเนอ
บาดน้ำเขินขาดแล้ง ตมสิแห้งไหง่ผง
ชาติที่แนวนามบ้ง แปนโตกาสิตอด เอาแหล่ว
ให้เจ้าเป็นดั่งม้อน ใยหุ้มห่อตัว
ชาติที่เป็นหญิงให้ มีชายเพทียมพ่าง
หญิงบ่มีคู่ซ้อนเสียเชื้อชาติหญิง ยิ่งแหล่ว
คันสิเอาผัว ให้ถามนามนักปราชญ์
ชาติที่ยาวลื่นด้าน งามแย้มก็อย่าเอาเจ้าเฮย
ชายใดเนาในห้อง เฮือนตนเป็นวาด
สัพพะการเวียกเว้า กระทำสร้างสู่วัน
ชายนั้นหญิงใดได้สบายใจหมดทุกสิ่ง จริงแหล่ว
พากันลุลาภได้ ของเข้ามั่งมูน
ยูถ่างทำบุญสร้าง ทานไปบ่ได้ขาด
ให้มีใจอ่อนน้อมประสงค์ตั้งต่อทาน นั้นเนอ

[ตะวันนา]

...ใจประสงค์ต่อตั้งดังคำโบราณกล่าว
ตั้งแต่น้อยจนเป็นสาวคำพ่อแม่เพิ่นสอนไว้ยังจำได้บ่เ คยเลือน
คำเพิ่นเตือนไว้นั้น เป็นแม่ญิง ให้ฮู้ค่า ให้ฮู้ฮักรักษา พรมจารีไว้ให้ไผต้องบ่แม่นแนว
อันงานเฮือนต้องให้แล้ว ปัด กวาด เช็ด ถู
วาจาสู ให้ผ่องใส อย่ามัวใส่สิ่งชั่วร้าย
อย่าเป็นคนผู้ฮ้าย ใจต่ำ ตามกระแส
ให้ดูแลรักษา ตามโบราณเพิ่นกล่าวไว้
ขอเอาใจขันยู้ ไผบ่ฮู้กะตามซ่าง
สิขอเอาเป็นแนวทาง....เป็นตัวอย่างดำเนินไว้....ชีวิ ตนี้ได้ฮุ่งเฮือง...แท้แล้วววว...

[โป้ยก่าย]

เป็นหญิงนี้ทำเนียมให้งามค้องลักษณะให้ถูกต้องโบฮานเ ค้าเพิ่นสอน
อย่าเป็นหญิงสำส่อนสอนลอนออกหาเที่ยวแงงแต่คีงท่าโก้ โซร่างอวดผู้ชาย
มันสิอายไทบ้านนินทาทางบ่แม่นคนทั่วแดนซ่าเว้าทางเรื ่องแต่บ่ดี
กุลตรีให้จำไว้เอาใจใส่ทางการเฮือนให้คอยเตือนใจตนอย ่าสุไปแต่ทางฮ้าย
ซุมผู้ชายเห็นแล้วแนวบ่ดีไผสิเบิ่งมีแต่เขาสิเลาะเซิ ่งพอได้ม่วนใจท้อนั้นแหล่ว
บ่มีไผอยากได้มาเป็นคู่เฮียมสองไผสิปองมาเป็นเมียแนว บ่ดีให้จำไว้
ไปทางไกลทางใกล้เอาใจใส่ประเพณีถือทำเนียมกุลสตรีจั้ งสิงามเด้อน้อง

[หนุ่มบ้านดอน]

เกิดเป็นหญิงทุกสิ่งทุกอย่างต้องสงบเสงี่ยม

[นางน่อย]

แอะ แอ้ม อึมมมมมมม
อ้ายเอ้ย ซุมื่อนี่มันมีแนวต่าง
คันนางท่าอยู่บ้านกะสิอดตายดอกอ้ายเอ้ย
แม่ยิงซุมื้อนี่ ต้องกล้าแกร่ง แข็งขัน
ขยันเฮ็ดงาน เฮ็ดกาน ออกจากบ้านแล้วสู้ซุอย่าง
คำสอนพ่อแม่นางกะจำได้ ใส่หัวใจ อยู่นั่นแหล่ว
คันมื่อได๋อ่อนล้า คิดเห็นหน้าอีพ่อ อีแม กะมีแฮงอยู่แหล่วอ้ายเอ้ย 5555
::) ::) มือใหม่อีหลี๋ ขอบอก::) ::)

[บุหงาส่าหรี]

แม่นแหล่ว แฮ่ๆ ต่อบ่เป็น

[หนุ่มบ้านดอน]

น่านพึ่งเว่ากันจบ
เอิ้นพ่อเอิ้นแม่ คือว่า อี หละบ่าน
คุณสั่นตั๊ว
อีพ่อ อีแม่ จั่งได๋ เว่าบ่ม่วนแล้วผู้สาว
::)::)::)

[นางน่อย]

ย้า วา จังซั่น เถาะ ซุ วา สิเขียนได้ คึดเหมิดมื้อ เอาโลด กลอนมันพาไป
แต่วา เอิ้น จั๊งซี่แล้ว อบอุ่นดีเด้ เขียนออกมามันบ่สุภาพ แต่วา เวลาเว่า
มันคนละ อารม เด้ อ้ายเอ้ย

เกิดเป็น ผู้หญิง ซุมื่อนี่ มันยากแสนเข็น
ระวังตัวทุกบาท ยาง เหนื่อยแทบขาดใจ ล่ะ อ้ายเอ้ย คอยๆ สอนเอา น๊อ

[มั่วหน่าฮ่าน]

โอ่น้ออ้ายเอ้ย น้องบ่เคย เฉยเมยดอกคำเก่า
คำผุเฒ่าเพิ่นจา เพิ่นหว่ามา น้องกะฮู้

โบราณตั้ง เพิ่นสอนสั่ง ให้อดสู
ยามมีคู่ ให้อ่อนน้อม คอยยอมแต่สามี

น้องนี่นั่น นับวัน แต่ใจเปลี่ยว
หาคนเทียว ใจฮ่างๆ ของนางน้องแมนบ่มี

สมัยซุมื่อ เสมอภาค และเสรี
บ่าวผุดี บัดหายาก มีแต่หากกลายเป็นแต๋ว

เกิดเป็นหญิง น้องบ่อาย อยากหาชายเข้ามาซ้อน
มาร่วมหมอน นอนเคียงข้าง น้องนางแมนผุเดียว..ซั่นแหล่ว

อ้ายต้องยอม น้องทุกด่าน สาวมาผ่านอ้ายอย่าแซว
คันบ่เชื่อกันแล้ว แนวอันนั่น มันบ่เหลือแม้แต่ตอเด้...อ้ายเอ้ย
...อุอุ ขอมั่วแทนผุสาวจักหน่อยเน๊าะ..http://jedsadan.googlepages.com/i39.gif

[หนุ่มบ้านดอน]

เกิดเป็นหญิงมันกะดีอยู่แล้ว
ซ่างมักแหวกแนวไปหลายอย่าง
เหลียวเบิ่งขุมตาแหล่เป็นบ้างเป็นบ่าง
ซุมย่างเลาะเล่นกินเหล้ายามกลางคืน


อีกหนึ่งกะซุมอยากเป็นชาย
ซ่างบ่ตายแล้วเิกดใหม่
เฮ็ดไปได้จั่งใด๋เกิดเป็นหญิงแท้แท้
อ้ายทุกข์ใจแทนพ่อแม่เจ้าเด้นาง