พาเข้าดง ต่อมาเด้อ

[sow sakon]

โตผุเจ้านิน่าน ไปหากินตลอดเด้อ ผุเดวกระไป บางคนกะเว้าเพิ้นว่าไปลัดบ่าว เเล้วเเต่เพิ้นสิเว้ากะย่าเพิ้นดอก เฮาอยู่นำลุงนำป้าเพิ้นเลี้ยงมาเพิ้นฮุ้อยู่ ว่าเฮาเป็นเเนวใด ไทยบ้านชากระย่าดอกเพิ้นว่า ลูกชุมเพิ้นคักหลายคัวปลากระบ่เป็น ดำนา กะหักคอกล้า เข้าไปเรียนอยู่ในเมืองสกล พุ้นเสาร์-อาทิตย์ กะไปโรงเรียนอันนั่น บางเทื่อเฮาไปดง กระเห็นไปเรียนยุเถียงนา 555555 ว่าสิจวดยุ
มาเข้าเรื่องเฮาดีกว่าเนาะ
-ฮ้างเอาคุใส่น้ำ บางเทื่อกะไม้เเช้ เอาไปนำไปเเต่เช้าๆ เเมงเเคงจิก บางคนกะบ่เคยเห็น บางคนกะบ่เคยกิน มันกระพันธุ์เดวกัน กับเเมงเเคงค้อ นิล่ะเเต่ตัวมันสิอ่อนกว่า มันสิอยู่ตามต้นจิก ต้นจิกอ่อน มันสิอยู่ใต้ไบจักดอก ลางเทื่อกะอยู่ตามงาจิก เเฮงต้นสูงเเฮงโตใหญ่ เอาไม้พาดเฮงมันกะตกลงเพิ้นกระพ้าวเก็บบาดนิ หาโตใหญ่ต้องไปนำกันหลายๆคนชอยกัน ระวังมันเยี่ยวใสคอเด้อ เเสบคะนาด เปลื่อนพร้อม มือนิกรระวังมันเยี่ยวใสมือ เเดงเลยมือนั่นข้อยส่วนมาก สิเอาถุงกระรี่ มัดใสมือป้องกันไว้ ถ้าเป็นพุ่มจิก่อน เพียงเอวนิมันสิเอาง่าย เฮากะเอาคุไปโต่งใต้ ใบจิกเเล้วกระสั่นมันกะคู้ลงคุเลย บ่ตองเสียเวลาเก็บ พอเเดดออกเฮากระบ่ค่อยเห็นมันดอก ให่ไปเเต่เช้า เเล่วพ้าวหาบาดนิ ลุงมักหลายลาวเมาๆมา เเล้วคั่วใส่เกลือให่ลาวบาดนิ กินกับตำเเจ่วหมากเผ็ด เเชบบบบบบบบบบบบบบบบบบบบ
-ขี้ชี เเละ ขี้ตก ข้อยกับป้าไปทั่งดุคัก เอามาขายเนาะกิโลล่ะ 8 บาทบางเทื่อใด่มื้อเป็น 10-80 บาทเเถวใด่เเนวกินเเลงพร้อม ไข่มดเเดงเเน่ ผักคำเม็ก หมากกล้วยป่า
บางเทื่อกะเอาล้อไปนำท่าใด่ผืนมาดังไฟ คึดพ้อเเล้วอยากเมือบ้านเด้ กะคือบ่คือเก่าดอกเนาะต้นไม้เขากะตัดลงหมดเเเล้ว เเปนเอิดเติดหัวนากะบ่เป็นตาไปขุดจิดโปม เเล้วเขาพากันทิ้งขยะตรงนั่น โอ้ยยยยยย อุกอั่งบ่เจ้าว่า เว้าเเล้วหลายอย่างหลายเเนว ของกินบ้านเฮานั่น เห็ด จุดจี่ ยามก่อนไถนากะ ลูกออด เนาะ หอยขัว เบ้า เเม่งมัน ดอกกระเจียว เว้ามาเเล้วอยาก ผลไม้กะ หมากม่วงสอ เสน เเก้วเเดง ม่วงไข่ หมากหวด หมากว้า หมากน้ำต้ำ น่อยๆ เเดงเด้อ หมากเล็บเเมว หมากเม่า หมากหาด หมากเค็ง หมากตูม มันอ้อน กินใด่เบิดชุมเจ้าเคยกินเเล้วเคยหาบ่ล่ะ ของธรรมชาติบ้านเฮา

[บ่าวเมฆินทร์]

ตอนไปอยู่สกลนั่นบ่าวกะเคยไปหาคือกัน ไปหาเก็บแมงแคง ไปเก็บเห็ด ไปหาแมงจักจั่น
พอแต่กลับมาแล้วล้างมือ 3 มื่อกะบ่หล่อน แมงแคงเยี่ยวใส่แมะ....

[lukhin_inter]

ไอ่หย๊า..!!! ลูกหินสนใจนะเนี๋ย...พยายามทำความเข้าใจมาก ๆเลย..ป่าเรานี่เหมือนซุบเปอร์มาร์เกตเลยเน๊าะ...

[sow sakon]

ก็มาที่สกลสิ ลูกหินจะได้พาไป อิอิอิอิอิอิอิอิอิอิ ไม่ต้องกลัว

[lukhin_inter]

ลูกหิน...อยากไป(อยู่)สกลใจจะขาด แต่ขาดญาติชักโยง...อะจึ๋ย.!!! อยากไปจริง ๆ นะนี่...แต่ แต่ ยังเข็ดผุบ่าวสกลบ่ทันหายเลยแหม๋...

[wit]

สาวสกลกะจังแมนเว่าให่คึดพ่อควมเกาควมหลังเนาะ สมัยเป็นเด็กน้อย ยางขึ่นโคกขึ่นดงบออึดตะแนวหยากแนวกินโคกปากะอุดมสมบ ูรณ์ สมัยคูมื้อนี่เหลียวไปใสกะแปนเอิดเติด เว่าเรืองแมงแคงเด็กน้อยบางคนสิฮู้จักบอบุ๊นิ คึดแหล้วกะหยากสิย้อนเวลาคืนไปได้เน๊าะ คันวาเฮ็ดไฮใซนาคันพีน้องพูนึงบอแหล้วกะบอแหล้วนำกัน คูมื่อหยังตางคนตางไป เฮอเว่าแหล้วเฮ็ดจังใด๋ได้กะคือสิบอคือเกาดอกน๊อแมนบ อพีน้อง

[สาวเมืองกะสิน]

เอื้อยสาวสกลจะแม่นหากินเก่งเน๊าะ อ่านแล้วสะออนนำ รู้จักเมิดเอาโลดแนวกินบ้านเฮา
บางอย่างที่เว้ามานางกะยังบ่เคยเห็น บ่เคยกินอยู่ เสียดายเกิดอยู่อีสานซื่อๆ
แต่น้อยๆอยู่บ้านพ่อแม่เพิ่นบ่เคยพาเฮ็ดพาหาแนวแบบนี ่แหมเอื้อย
ใหญ่มาได่รู้ได่อ่านเรื่องแบบแล้วออนซอนหลายๆ อยากกลับไปเป็นเด็กน้อยอีก
อยากไปใช้ชีวิตลุยๆแบบนี่คือสิม่วนแฮงว้า

เว้าเรื่องจิโปมเน๊าะ มักกินหลาย แซ่บๆๆ หว่างปีก่อนไปเที่ยวแบบลุยๆๆทางฝั่งเมืองสะหวันนาเขต ประเทศลาว ประทับใจแฮง บ่ว่าสิขึ้นรถอยู่ท่ารถได๋ กะมีแต่คนมาขายจิโปมทอด
เสียบใส่ไม้คือลูกชิ้นบ้านเฮานี่หล่ะ ห้าโต ซาวกีบ (ประมาณ ห้าบาทบ้านเฮา)
มีแต่โตใหญ่ๆ นางหล่ะซื้อกินทุกท่ารถเอาโลดเวลารถจอด นั่งรถไปเที่ยวฮอดทางลาวใต้
เมืองปากเซ จำปาสัก (ตรงข้ามกับทางเมืองอุบล) ซื้อกินไปสุดทางเอาโลด
หมู่ที่ไปนำกันเป็นคนกรุงเทพฯ กินบ่เป็น กะจนกินเป็นแหม ย่อนอดใจบ่ไหว ทั้งกลิ่นแล้วกะกินยั่วยวนเขา ไปเที่ยวแบบลุยๆประเทศลาวอาทิตย์หนึ่ง พอกลับมาไทย หมู่คนกรุงเทพฯ กินเป็นเมิดทุกอย่างเอาโลดที่นี่แนวกินอีสาน

แซ่บแท้ๆๆน้อเอื้อยแนวกินบ้านเฮา

[bugtidtom]

ป้าดติโทะ หากินเก่งแบบนี้ เป็นตาอยากได้มาเฮ็ดแนวแท้เด้

[ติ๋ม เปอร์โย]

ตาลนี่ดีเนาะ หากินเก่งแท้ เว้ามาเอื้อยกะยังหากินบ่ครบทุกอย่างคือตาลเลยจ้า หอยขัวเคยไปหา ส่อนกุ้งเคยไป หน่อไม้ ผักหวาน แหย่ไข่มดแดงเคยไปหาจ้า
ตอนเป็นเด็กน้อยกะคาแต่ดื้อ หาจิ้งหรีดทองดำ ทองแดงมากัดกัน อิอิ หาแมงคามมาซนกัน ออกแนวโหด บอกได้กะบ่ฟัง บ่หน่าเชื่อว่าสู่มื้อนี่สิเป็นผู้หญิงนำบ้านเพิ่น

[หนุ่มบ้านดอน]

บ่ย่านมันเยี่ยวใส่ตาติ แมงแคงนั่น

[บ่าวเมฆินทร์]

ระวังแมงบ้งเด้อหาแมงแคงนำใบไม้หั่นหนะ

[เซียงสีผีเป้า]

เว่าเรื่องขี้ซี นี่วะติ ตะเป็นเด็กน่อย ไปดึกเอาอั่นที่มันย้อยลงมา ลางเทียมันย้อยอาบขอนไม้ กะฟันเอามาขาย โด้นละ สิบบาท เอามาส่อยน่อยๆ(เอามาผ่าเป็นชิ้นเล็กๆ) ไว้ถ่าดังไฟ ขายดีคัก มีท่อได๋ขายเหมิดทอนั่น

[ชายหล่ามาดามศรี]

เว่ามากะเป็นตาม่วนนำเน้อ ชายหล่ากะคือจังเกิดทันอยู่กะบ่เคยได้ไปนำหมู่เขา มาดามบ่ให้ไปใสเรยขายแต่ของอยุ่เฮือน เสียโอกาสไปเรยใหญ่มาเฮ็ดหยังบ่เป็นจ้อยฮ่าๆๆ ย้านแม่นถืกความเว่าอันหลังของสาวสกลนั้นละหลายกว่า ฮ่าๆๆๆ ออนซอนเล่าเน้อสาวสกลเป้นตาม่วนดีหลายเข้าป่าไปหาแมง แคง ฮู้แต่ว่าเหม็นๆๆ จักเป้นโตแนวได่ดอกกะดาย เฮะอะๆๆๆ

[คนเมืองแปะ]

ข่อยกะเคยไปอยู่สกลมา บ้านเพิ่นแนวกินหลายอีหลีละ ยามวันหยุดได้หนังสติ๊ก ย่างเข้าป่าไปหายิงกะปอม ได้ฮอดเห็ด ได้ฮอดผัก พ้อหนองน้ำกะได้หอย เว้ามากะอยากไปเยี่ยมไปยามพี่น้องทางสกลยุดอก:g8)

[sow sakon]

ใด่อ่านเเล้วกะพากันคึดฮอด ความหลังบ่ เว้าถึงความหลังเเบบนี้มันน่าจำตัว คึดมาบาดใด่กะยิ้มออก กะมีบางเทื่อทีไปหากินเเล้วหาบ่ใด่หลาย กะสูนวาสั่น.อิอิอิอิอิ ข่อยเป็นตลอด เเมนผุใดอยากไปหากินกับข่อยกะมาเด้อ. ส่อข่อยเลยว่าสิเอ็ดจังใด

[ไม่สวยแต่เร้าใจ]

อันแมงแคงจะแมนบ่ถืกโศลกกับข้อยเด้อ ตะกี้ยามมื้อเช้าไปตัดบักบวบมันมักเยี่ยวใส่ ทั้งเหม็นทั้งแสบ ลางเทือเข้าฮอดตา ข่้อยล่ะซังหลาย