คำแพงเอ๋ย.......... [เอกสารเก่า] - บ้านมหา การศึกษา ศิลปะ วัฒนธรรม ท้องถิ่น (ฮักกันคือเก่า)

บ่าวเมฆินทร์

11-19-2007, 09:34 AM

คำแพงเอ๋ย..........
ความมักความฮักมาแล่นกุ้มมันคือสุ่มงุมหัว
ความมักความฮักมาพอ ๆ คือกะทองุมไว้
ในหัวใจของบักอ้ายยาอสิไปหานางทุกเซ้าค่ำ
อยากไปนั่งนำใกล้ ๆ บอกนางน้องว่า...ฮักหลาย

อ้ายนี่เปรียบคือจอกลอยน้ำฮากหยั่งบ่ถึงดิน
ไหลเวินไปเวินมาฮอดบ่ดอกเครือค้าง
ว่าสิไหลมาข่างหม่อมพะนางสิได้บ่
คนรูปบ่หล่อคือจั่งบักอ้ายกะกินเข่าบ่ายกบตั่วละคำ
..........ฮ้วย........................มีบุญได้เข่า นั่งนำแหน่บ่น๋อ......

;D;D;D

sompoi

11-19-2007, 02:38 PM

ย่านบ่คือดอกอ้าย...ผุเฒ่าเว่าไว่คงบ่ม่ม
ฮากหยั่งบ่เถิงต่มสำเฮือน้อยลอยเรื่อย
ฮาดสิไหลไปเอื่อยบ่ย้อนดอกต่าวคืน
ท่าเรือคือจั่งน้องได่หลงยืนคองถ่า..ซั่นแหลว..

บ่าวเมฆินทร์

11-19-2007, 06:24 PM

คำแพงเอ๋ย...........
คันแม่นน้องฮักอ้ายให้มืนตาใส่น้ำแจ่วเบิ่งเด๋อ..... .
น้ำแจ่วเป็นจั่งได๋ใจอ้ายกะจั่งซั่นตัวละคำ....;D;D; D

โป้ยก่าย

11-19-2007, 06:58 PM

คำแพงเอ้ย
คันแม่นน้องฮักอ้าย...ให้ไปเตรียมห่อผ้า...ลงเฮือนไป นำพี่...สิพาหนีอี่แม่เจ้า...หนีเข้าสู่กรุง
คันนางใจมาดมุ่ง...นำพี่คนเดียว...อย่าสุเหลียวแลไผ. ..ให้ฮักเดียวคืออ้าย
เฮามาพากันย้าย...ขึ้นรถทัวร์หม่องขนส่ง... ใจประสงค์ต่อตั้ง...กันแล้วบ่หน่ายหนี
อย่าสุคิดพุ้นพี้...ให้นางปล่อยวางใจ...อ้ายสิพาไปไท ย...ขี่รถไฟลอยฟ้า
ขอสัญญาบ่หนีเจ้า...หวังสิเอาซ้อนบ่อน...บ่ให้ทุกข์เ ดือดฮ้อน...เงินใช้จ่ายบ่ไหว
แม่นว่าเจ้าสิอยากได้...แนวใด๋บ่มีเกี่ยง...แม่นเดือ นดาวอยู่ฟ้า...สิหาให้อ้ายบ่ขีน คำแพงเอ้ย

บ่าวเมฆินทร์

11-20-2007, 07:10 PM

คำแพงเอ๋ย......
ความมักความฮักของบักอ้านคือหินหนักมื่น
นอนกลางคืนได้แต่เพ้อฝันเห็นน้องอยู่บ่เซา
เอาหัวใจหมดซุห้องมอบให้นางหมดซุอย่าง
ย่านแต่ทางนาถน้องตั๋วให้อ้ายได้นั่งคอย.....ซั่นแหล ว

บ่าวเมฆินทร์

11-26-2007, 06:41 PM

คำแพงเอ๋ย......
ย่อนว่าความฮักเจ้ามันแล่นเข้าสุมอก
คือจั่งตกต้นตาลปานกันบ่เทียมได้
บาดตกยามเป็นไข่เห็นหน่านางกะหายส่วง
มันสิเป็นป่วงบ้าย่านนางน้องนั่นห่างไกล...ซั่นแหลว
;D

บ่าวเมฆินทร์

12-03-2007, 12:15 PM

คำแพงเอ๋ย.....
เจ้าผู้จำปีต้น...ลมมาอย่าไหวหวั่น
ไผสิมาสั่นต้น...พะนางน้องอย่าหั่นไหว
คันไดฝังหลักแน่น...แสนสิลมมาฮ้อยห่า...กะตามถ่อน
ส่วนว่าโตของบักอ้าย...สินอนเทิ่งดอกเบิ่งลม...พุ่นแ หลว.....
;D;D;D

sompoi

12-03-2007, 02:09 PM

..โอ้อ้าย(ผุนั่น)เอ้ย..
..แสนคารมมาอ่อยเว่า บ่คือเค้าเฮาฮักกัน
ควมผูกพันธ์ฝั่นมั่น ป่านด้ายคั่นพันเกี่ยว
เพียงสายลมโลมเลี้ยว บ่ได่คึดเหลียวหลง..ดอกอ้าย..

หนุ่มบ้านดอน

12-03-2007, 03:35 PM

คำแพงเอ๋ย เจ้าผุแก้มพู่ยู่ หูตู้ ดากง่าม มื่อนี่อ้ายมายาม สิได้กินน้ำจักจอกน้อหล่าเอ๊ย น้อนางเอ้ย

ศรีสะท้าน

12-03-2007, 09:16 PM

คำแพงเอ๋ย เจ้าผู้แพงคำฮ้อยสังมาออยให้อ้ายห่วง
เจ้าผู้พวงสะพั่งพั้วขัวข่วมซ่างก่ายมา
อ้ายคือเฮือชาวค้าผู้เทียวท่องนำคองไหล
ย้านแต่เฮือหลงไปฮ่องใจนางน้อง
ย้านแต่ลืมหนห้องหนองสะพังเคยยั้งจอด
ย้านแต่ออดหลอดล้ำไหลเรื่อยเอื่อยนำ นั้นแหลว

ไก่น้อย

12-04-2007, 08:30 AM

ศรีสะท้าน

12-04-2007, 09:01 AM

โอ่น่อ อ้ายศรีเอ้ย ...
ใจประสงค์ต่อไม้ น้องจั่งเเบกขวานมา
ใจประสงค์ต่อปลา จั่งเอาวิงมาพร้อม (เเหตึกบ่เป็น)
คือ ใจอินาง นาถน้อง ประสงค์ตั้งต่อพี่ชาย
ปากจั่งได๋ ใจน้อง จั่งสั่น เสมอด้าม ดั่งกัน ...เด้อพี่เด้อ..

(อะบึ่ยยยย )

โอหละนางนอเอ๊ย โอ๊ะ!นอนางเอ๊ย
อ้ายกะดีใจด้วยในคำที่น้องว่า แต่บ่อมักมีดพร้าขวานกล้าแผ่นคม
ย้านมันจมลงเนื้อเถือฟืนเป็นไม้ถาก มันสิยากกะอ้ายตายถิ่มบ่อยัง นั้นแหลว

sompoi

12-04-2007, 09:07 AM

อะ จึ๋ยย มาเด้อพี่น้อง มาฟังไทกะสินเว่ากันม่วนๆ กะเป็นอยู่ตั้วล่ะ..(ในรอบปี) >:D

ศรีสะท้าน

12-04-2007, 10:05 AM

อะ จึ๋ยย มาเด้อพี่น้อง มาฟังไทกะสินเว่ากันม่วนๆ กะเป็นอยู่ตั้วล่ะ..(ในรอบปี) >:D

ว่าจั่งได๋นอหล่าอิสสาบ่อส้มป่อย ศรีเป็นคนเรียบร้อยคือหยังนี้พี่เธอ
บ่อเป็นคนเพ้อเจ้อเว้ากะเพราะเสนาะหู ถามผูได๋กะถามดูคันบ่อจาแนวนั้น
จนสาวฝันนำอ้ายหลงสิตายคารมม่วน เขาฮอดชวนไปอยู่บ้านศรีสะท้านหากบ่อไป

.......อิ อิ อิ คนกาสินเรียบร้อย เว้าม่วนคือหยังนี้เนาะ โดยเฉพาะซุมผู้ชาย อิ อิ อิ.....

บ่าวเมฆินทร์

12-04-2007, 10:07 AM

sompoi

12-04-2007, 10:59 AM

ป้าดดด..ชวนไปอยู่บ้านนำพะนะ >:D>:Dส่างกล้าเว่า..>:D

...อ้ายศรีของน้องเอ้ย...

อย่าสุเอ่ยแอบเว่า แนวบ่เค้าหลายเด้ออ้าย
ส่างบ่ย่านสาวอาย ผุเพิ่นซวนซายซ้อนแน้น้อ
พอสิอกแตกแหล่ง สุเซ่าแลงโศกเศร่าย่อนคำเว่าอ้ายนิแหล้ว...

...อะจึ๋ยย..เป็นตาหน่ายเนาะผุบ่าวไทกะสินแม๋ะ ..แม่นเป็นแนวนิน้อเนาะ..;D

..

ศรีสะท้าน

12-04-2007, 11:07 AM

เป็นหยังสิบ่อกล้าเว้า ฮ่วยย ติดหนี้เขาแสนกว่า เขามาซวนเอาไปเฮ็ดนาแทนค่าดอกแมะ หืยย

sompoi

12-04-2007, 11:10 AM

คำแพงเอ๋ย.......
เจ้าผุดอกเกดแก้ว.....ก้านก่องบัวบาน
คันมีสมภารเพิ่ง.....ให้แบ่งบุญมาหาอ้าย.....แนเด๋อ
ใบบ่เหลืองหล่นก้าน.....สิฮานเสียวกะหักหง่า
อดพอได้ป่งให้.....ลำดั้วดอกดม.....นั่นเด๋
พอได้เด็ดดมเล่น.....หอมสะออนทัดดอก
ใจอ้ายพวมสิเหี่ยวแห้ง.....ดมแล้วสิซื่นบาน.....นั่น แหลว
;D;D

เจ้าผุเพ้าภุมรินเทียวเกี้ยวบินบ่ตอม
คือมาซอมเทียวแงงแต่กลีบก้าน..แท้น้อ
บัดยามพ้อดอกใหม่คือสิไหลป๋าทิ่มลืมหง่า
คั่นได่ทัดดวงดอกอ้าคือสิลาเด็ดต้น..ดมแล้วจืดจาง... ซั่นแหลว..

บ่าวเมฆินทร์

12-04-2007, 11:13 AM

สู้..สู้..อ้ายศรี..สู้...น้องสิไปฝั่นหนังต่องแอกถ่ า....บู๊ยยยยยยเอาเงินแสนมาเฮ็ดนาซ่อยว่านิแมะ;D

sompoi

12-04-2007, 11:20 AM

สู้..สู้..อ้ายศรี..สู้...น้องสิไปฝั่นหนังต่องแอกถ่ า....บู๊ยยยยยยเอาเงินแสนมาเฮ็ดนาซ่อยว่านิแมะ;D

...เอ้า สู้จังด๋ายย..คนเว่ากันม่วนๆซือๆกะดาย...>:D เนาะอ้ายศรี..:-[

บ่าวโจ่โล่

12-04-2007, 11:55 AM

หล่านางเอ๊ย เจ้าผู้แพงค่าล้าน พอเป็นทานให้อ้ายเบิ่ง
เงินบ่เถิงอ้ายขาดเบี้ย สิเฟือค้างจั่งบักแตง
เจ้าผู้แสงใสเหลี่ยมเทียมนภากลางฟ้าแจ่ม
หันมาแนบเบิ่งผู้ข้า เป็นเพียงค่ากระต่ายดอน
เจ้าผู้ศรสวาทใต้ มาแทงใจอ้่ายนีหน่ำ
ซ่างจดจำรักเผ้อ ละเมอบ้าอยู่ผูเดียว คำแพงเอ๊ย

บ่าวเมฆินทร์

12-04-2007, 12:15 PM

หล่าคำเอ๋ย.......
คันแม่นเปรียบคือโตของบักอ้ายเทียมหมู่ภุมริน
แม่นว่าเทียวบินตอมหมู่มวนดอกไม้
แม่นสิบินไปหนากะโงคืนคองเก่า....ตั่วละคำ
ย่านแต่ผุดวงดอกซ้อนบ่ซูก้านให้เบิ่งแยง...นั่นแหลว. ...
;D;D

sompoi

12-04-2007, 02:58 PM

มีแต่ผุคักๆ อ้ายจารย์ศรี สิยอมเสียดอกอั่นสองซาวน่ะ ส่อยคำแพงแน๋...:-[

อ้ายโจ่โล่เอ้ย..คำเอย..

บุญผลาบ่สมซู้สายแนนบ่ยู้ต่อกัน บาปบุญหยังกั้นมาหาญต่อพ้อซาย

ทุกข์ป่านตายสิลองก้าวแก่งสู้กู้เบิ่ง บาดหากเถิงบุญอ้ายคือสิได่ส่วงเซา

ปรารถนาสิเอาเจ้ามาเข่าฮ่วมเฮียง ถึงสิยากบาดเพี่ยงดึงดินคู่สวรรค์

ขอเพียงโตอ้ายนั่นอย่าผันพ่ายบ่ายหนี คำแพงคนดีสิลองปีนป่าย..ดอกซาวฟ้า..ซั่นแหลว..บึ๋ยยย ย..

.................................................. .............

โอ้น้อบ่าวเมฆินทร์เอ้ย...เจ้าเอย..

คั่นว่ากลับคืนเหง่าหง่าพวงดวงดอกซ้อน อย่าสุกลับคืนคอนซ้อนดวงดอกอื่น

ซาดแสนหมื่นแมงเม่านิสัยซาตา ตอมดอกดวงบุปผาว่าวอนรอนเรื่อย

บ่มีสิเฟือยย้อนค่อนเคียงเค้าเก่า ย่านบ่สมคำเว่าย่านหลายวาดพาคะลาดหลื่น..นั้นแหลว..

บ่าวเมฆินทร์

12-04-2007, 04:35 PM

คำแพงเอ๋ย...............
เจ้าพุพั่วดอกซ้อนซอนดอกผักกะแยง
ยามมื่อแลงแดดบดห่อหุบกลีบก้าน
เจ้าพุนงค์นางหล่าบาดว่าอ้ายโงมาตาน้องบ่เหลียวหล่ำ. ..แท่หนอ
เจ้าพุพั่วดอกอ้มลืมแล้วหรือว่าได๋.....คำเอ๋ย
;D;D;D

ไก่น้อย

12-04-2007, 05:32 PM

โอ่น่อบ่าวเมฆินทร์เอ้ย..
น้องบ่จบปานได่เเหล่ว น้องบ่งามปานได่แหล่ว หูตามีให้อ้ายเบิ่ง ....เอาถ้อน
น้องนี่เเนวนามเชื้อบักหอยนาหน้าก่ำ คั่นบ่หักไม้ค้ำ คั่นบ่ปล้ำไม้ยู้ ซูขึ้นกะบ่เถิง
น้องผุน้อย บ่ฮู้ฮ่อมคำผญา บ่เเม่นเรือซาววา บ่ส่องเห็นเเปวน้ำ
น้องนี้สงคานน้อย บารมียังย่อม ย้านบ่สมฮูปอ้าย ผูบูญกว้าง ว่ายศสูง
ย้านตะอ้ายหลอกล่อ ปากม่อตั้วเป็น ย้านอ้ายไล้เฮือ้นเสียยุเดียว ให้เป้นฮ้าง
ลิ้นบ่มีกระดูกนี้ หันไปได้ทุกเลี่ยม หัวใจชายยุม่อลิ้น สิหันปลิ้นง่ายดาย นั่นแหล่ววว....

บ่าวเมฆินทร์

12-04-2007, 06:43 PM

หล่าคำเอ๋ย.......
แนวว่าคำความเว่าของคนเฮามันบ่แน่
แนวว่าปากแปแปมีทั้งหงายและข่วมความเว่าบ่อยู่ความ
ส่วนว่าวาจาเว่าของพี่ชายได้ก้าวต่าน....โอ๊ะ....ต้า นกล่าว
คิดเบิ่งแม่นคักแล้วโตอ้ายจั่งกล่าวขาน.....ตั่วละคำ

ไก่น้อย

12-08-2007, 09:03 AM

โอ่น้ออ้ายเอ้ย ...

คั่นบ่จริงอ้ายอย่าเว่า คั่นบ่เอาอ้ายอย่าว่า
บ่เเม่นท่าอย่าฟ้าวไล่ควายลง คั่นเเม่นลงไปเเล้วเอาขึ้นมาสิยาก... เด๋ละอ้าย

บ่าวเมฆินทร์

12-08-2007, 09:49 AM

คำแพงเอ๋ย........
แนวว่าวาจาเว่าบ่าวพี่ชายได้ต้านกล่าว
แม่นคักแล้วจั่งได้เว่าโตบักอ้ายจั่งกล่าวมา
ย่านแต่สาวนางหล่าทางหางตาบ่เหลียวหล่ำ
ย่านแต่ไขวาจาให้คึดนำแต่นาลนาถน้องสาแล้วกะแส่วหนี
ในหัวใจของบักอ้ายคึดนำนางสจั่งได้ว่า......นั่นเด๋
แม่นฟ่าผ่ากะบ่ย่านไฟไหม้บ้านทางอ้ายศรีสะท้านสิรับเ อา.....สาแหลว
;D;D;D

ไก่น้อย

12-08-2007, 10:26 AM

อ้ายเอ้ย.......

ย้านเเต่ปลาดุกบ่อนวั่งบอนบ่เเม่นบ่อน
ย้านเเต่ปลาจอบบ่อนกินน้ำบ่เเม่นวัง
ย้านเเต่อ้ายเว่าหล่ายตั่วหลาย
ใจบ่จริงบ่คือเนียนย้านตะเพนั่นพังม้าง นั่นแหล่วว....

เเม่นหากจริงคือเว่า กะสิบส่วนบุญสวน
ย้านเเต่สายคอ อวนบ่เป็นคือเว่า ...
ไผสิหลิ่งเห็นได่ ภายใจนกขิถี่
ปากมันฮ้อง ถืดถึ่ง เเต่ใจเลี้ยวใส่กะปู
น้ำโขงกว้างต่อกว้างไม้ยั่งกะยังถึง
เเต่ว่าใจของคนยั่งถึงบ่มีได่ ....ดอก..อ้ายเอ้ย

ปล..แม่นไฟบ่ไหม้บ้านเลากะบ่มีหม่องสิอยู่ ยุอ้ายศรีกะดาย ฮ่าๆๆ เมียบ่ให้เข้าบ้านว่าส่านน

บ่าวเมฆินทร์

12-08-2007, 11:33 AM

คำแพงเอ๋ย..........
ซื่อว่าปลาอยู่ในน้ำสายตาส่องมองบ่เห็น
คือจั่งนกกะเต็นงอยคอนส่องลงทางน้ำ
เหลียวเห็นเงาอยู่ทางพุ่นว่าแมนนางผู้ปลาใหญ่
บาดว่ายามเข่าใหล้กายก้ำผัดแม่นขอน....สาแหลว
จั่งแม่นวาสนาน้อยนกกะเต็นได้นั่งเจ่า
เหลียวเบิ่งเขานกเจ่าดั้งมาบินใกล้เข้าย่างวน
บ่ทันโดนผัดมาได้ปลาโตใหญ่กลับไปเฮือน
จักว่าจักเดือนมานั่งคอยออยนางจาเว่า
เข้าพรรษากะผ่านพ้นออกพรรษากะหลายเทือ
เว่าไปเหนือว่าไปใต้นางหล่าบ่เชื่อคำ......สาแหลว

มะซ่างว่าแท้ เมียเลาฮ่านปานนั่นติอ้ายศรีหั่น

ไก่น้อย

12-08-2007, 12:00 PM

ส่างมาพิตี้เเถลงล่ม ตมบ่มีคาดลาดมื่น
ส่างมาคาดลาดล้มเดือนห้าก่อนฝน
ส่างมาตี้แถลงเว่าเอาเลามาผูก
บ่เเม่นเชื้อชาติอ้าย กินได้กะบ่หวาน ...เด๋อ้าย ...

ยังบ่ทันเห็นน้ำอย่าจำนาง ให้ซื้อแอ่ง
ยังบ่เห็นดอกไม้ สั่งมาให้ห่วงหู
สิบคนมานั่งแฮน เเสนคนมานั่งเฝ้า
บ่คือเจ้ามานั่งเคียงดอกอ้ายเอ้ย.....

บ่าวเมฆินทร์

12-08-2007, 12:24 PM

หล่าคำเอ๋ย.......
ย่านแต่ตี๋แถลงเว่าตั๋วแมงเงาว่าแมงงอด
บาดห่าตอดถืกแล้วสิเหล่าไห้อยู่ยั่งคืน
ตั๋วให้ยืนโนนบ้านเท่งโพนให้น้ำแซ่
ตั๋วให้แก่เหง่าไม้เบิ่งคักแล้วผัดแม่นปลาย

ย่านหลายเด๋ย่านแต่นงค์นางหล่าหวานมาให้คึดห่ำ
หวานน้ำคำต่อบักอ้ายทางใจน้องบ่ซื่อตรง
ย่านแต่คดโล้งโค้งคือโขงแม่น้ำใหญ่
ย่านแต่ไปหาแล้วนางหล่าบ่หล่ำมอง....สาแหลว

นายจักรพันธ์ ประเสริฐ

12-08-2007, 12:30 PM

เสียงลำ เสียงแคนห่าว เจ้าเข้าจ้าวฟ่าวหย่างใส่
หยับมา มาทางนี่ใกล้ ใกล้ สิได้ม่วนเด้อนำกัน
อย่าสิคางวกพุ่นงวกพี่ ฟ่าวมาตี๊ สิได้หย่าว
อย่ากังวลเลยหมู่เจ้า มาทางนี้มีแต่ม่วน...

ไก่น้อย

12-08-2007, 01:12 PM

อ้ายเอ้ย ....
เจ้าอย่าอำเชิงไว่..บ่ให้ไผเห็นเงี่ยน
เสี่ยงเงื่อนไว่..ผั่นเห็นส่น..เเมนคาวา
ละ...ไผสิหลิ่งเห็นได้ภายในบั้งไม้ไผ่
เเมงงอดมาลักซี เเมงหวี่มาลักดั้น....ใจฮั่นส่องบ่เห็น
น้องนี่เป็นดังเเพรผ้า สะไบนางผืนเก่า
ย้านอ้ายตุ้มห่มเเล้ว สิไหลทิ่มง่ายดายนั่นแหล่วว....

บ่าวเมฆินทร์

12-08-2007, 01:30 PM

คำแพงเอ๋ย........

เจ้าผู้แพรพรรณผ้าสะไบงามผืนเก่า
ยามลมหนาวพัดมากายก้ำสิห่มไว้ให้อุ่นคีง
บาดว่ายามหน่าฮ้อนสะไบงามบ่ได้ถิ่มป๋าปล่อย...ตั๋วละ คำ
บาดยามได้ห่มแล้วสิพับไว้ดอกคู่หมอน......พุ่นเด๋

ไก่น้อย

12-10-2007, 09:56 PM

ศรีสะท้าน

12-10-2007, 11:59 PM

อ้ายเอ้ย ..

มาฟังคำผญาอ้ายใจนางคือเป้นต่าง
มันหละเป็นอ้างว้างคิดฮอดเจ้าบ่ส่วงเส่า
คั่นเเม่นจริงคือคำเว่าใจนางกะหมายมอบ
สิตอบความคำอ้ายด้วยใจเเท้ที่เเน่นอน
อย่าฟ้าวถอนเสาฮั้วย้านเสาเอือนหนีกันก่อน เด้ออ้ยเอ้ย ..
ถ่าอินางสิไปต้อน..หาข้าวสูย่ากิน ... พุ้นเด๋ ...

อะป๊าดดด บ่อแม่นธรรมดาตั๊วนี้สาวผู้ดี(เว้าเล่น)ยางตลาด
โทโทป๊าดมาซ่างเว้าผญาก้อมเก่งการ
วาจาหาญผญาสู่บู๋ทางบ่อวางปล่อย
ชมเชยเด้อไก่น้อย สมที่ข้อยส่งมา อิ อิ อิ (สั่งตรงจากกาสิน)

ไก่น้อย

12-11-2007, 12:20 AM

อ้ายศรีเอ้ย ..
อย่ามาตี้เเถลงหล่ม กินบักยมมื้อละต่า
กินมาม่ามื้อละถ้วย กินควายน้อย มื้อละโต
มันกะโสสมอยุ่เเล่ว เเนวน้องฉลาดเก่ง
จนนักเลงเลาะบ้าน หนีไปไต้ (หนู) บ่อนยะลา พุ้นตั่ว .....

ปล..บ่ต้องเว่าเล่นดอกว่าน้องผุดีนะ พอสิฮู้โตยุไปไสเพิ่นกะว่าตะคือเจ้านั่นหละ อิอิ

บ่าวเมฆินทร์

12-11-2007, 09:41 AM

คำแพงเอ๋ย...........

ได้ฟังคำน้องจามาสังมาม่วน........แท้หนอ
ได้มาหวนคึดพ่อนำเจ้าอยู่วาง
ขอแต่นงค์นางหล่าวาจาที่ต้านกล่าว
อย่าให้บ่าวได้นั่งได้นำเจ้าดอกเถื่อลุน.....พุ่นเด้ อ

บ่าวเมฆินทร์

12-12-2007, 09:56 AM

คำแพงเอ๋ย.......

จั่งแม่นอุกอั่งแค้นในทรวงบ่มีส่วง
อ้ายนี่คดคั่งแค้นนำน้องเมื่อยมโน
ในหัวใจกะซ่างเพ้อละเมอหาเป็นบ้าป่วง
เจ้าผู้ดวงดอกซ้อนเฮ็ดให้อ้ายได้คิดนำ.......แท้น๋อ

บ่าวเมฆินทร์

12-17-2007, 05:55 PM

คำแพงเอ๋ย..............
แนวว่าวาสนาอ้านคือปักหอยลอยตามคราด
มันบ่สมส่ำเซื่อแนวเจ้าซาติหงส์
ได้แต่หาเสี่ยงส่นตามท่งนาป่าไม้ใหญ่
บ่อยากไปกายก้ำอยากอายเจ้าเผิ่นผู้งาม......สาแหลว

บ่าวเมฆินทร์

12-19-2007, 10:35 AM

คำแพงเอ๋ย........
ยามเมื่อคิดฮอดน้องละเมอหาเป็นบ้าป่วง
ในหัวใจของบักอ้ายสิตายถิ่มขั่นบ่เห็น
มันหลดคือสิเป็นไข้หวัดไอบ่ใหล้ส่วง
หรือไปควงผู้อื่นซ้ำลืมบักอ้ายให้นั่งซึม.....ซั่นบ๋ อ

คนกบินทร์

12-19-2007, 11:34 AM

ฮ่วย หมู่เจ้าพากันไปเฮียนมาแต่ทางใด

คือแต่งกลอนเก่งแท้

สอนข่อยแหน่ได้บ่

8)8)8)

บ่าวเมฆินทร์

12-19-2007, 12:08 PM

ฮ่วย หมู่เจ้าพากันไปเฮียนมาแต่ทางใด

คือแต่งกลอนเก่งแท้

สอนข่อยแหน่ได้บ่

8)8)8)

เบิ่งซงกะคือสิบ่กล้าสอนดอกครับคันแม่นแลกเปลี่ยนเฮี ยนฮู้กะคือสิพอตู้ดลู้ดไปได้อยู่
อีกอย่างบ่าวกะพอเข้าวัดหลมนี่ละ ผู้เผิ่นเก่งกะแม่นยาอ้ายศรีสะท้านพุ้นเด้อ

บ่าวเมฆินทร์

12-22-2007, 12:15 PM

คำเอ๋ย.......
เพิ่นว่าใจประสงค์ส่งกางเกงกะยังได้ซื้อนุ่ง.......น ั่นเด๋
แนวว่าใจประสงค์นาถน้องนางหล่าพี่จั่งมา
ย่อนว่าอยากเห็นหน่าจั่งมายามดอกถามข่าว
พอสิว่างบ่จักคราวซ่อยสงโตนโตบักอ้ายให้จาเว้าแหน่จั กคำ.......

ไก่น้อย

12-22-2007, 01:02 PM

อ้ายเอ้ย
ฝนตกยังฮู้เอื้อน เดือนเต็มยังฮู้มืด
บัดนางคิดฮอดอ้าย คือบ่เอื้อนอิ่มบ่เป็น
คันบุญมีผลาสร้าง คือบ่เป็นหนทางให้น้องได้เทียวย่าง.. เเน่น่อ
ส่างให้ห่างโตบักอ้าย อินางหล่าหละคิดนำ...แท่เเหลว....

บ่าวเมฆินทร์

12-25-2007, 10:25 AM

คำเอ๋ย.........
ย่อนว่าคิดฮอดเจ้าจั่งมาจาวอนอ่อย
ย่อนคิดนำนวลนาถน้อยนางหล่าพี่จั่งมา
จั่งได้มาเสนอหน่าดั้นมาหาเจ้าพุแก้มจู่นพู่น
ใจพี่ชายมันว้าวุ่นย่านแต่น้องเจ้าห่างหนี.........ส าแหลว

ไทเฮา

12-25-2007, 12:32 PM

ป้าดโท...
ซางมาจากันม่วนแท้
ผู้แม่พ่อบ่าว สาวสวรรค์ เจ้าเอ่ย
บัดฮ่าผู้ข้าน้อย ม่ะซางจา วาบ่เป็นปานใด ..ซั่นแล้ว

นางเอ่ย..อิอิ

บ่าวเมฆินทร์

12-26-2007, 12:15 PM

คำแพงเอ๋ย.......
เจ้าผู้หงษ์คำแก้วแววไวใสส่อง
อ้ายนี่หนายามเมื่อเห็นหน่าน้องใจสะท้านหวั่นไหว
ในฤทัยของบักอ้ายมันคึดนำบ่มีส่วง.......สาแหลว
บาดว่าอ้ายนี่มาจาต้านผู้ทางบ้านเพิ่นสิหวง.......แห น่บ่น้อ

NONGNAN

12-26-2007, 01:03 PM

อ้ายผู้แพงสีสร้อยฮอยเก่งด้านผญา
หวานแท้น๊อคำจาอ่านมาหลายเดือนแล้ว
จั๊กแม่นแนวหยังแหล่วดลใจให้น้องอ่าน
ฟังสำเนียงจาต้านคารมอ้ายจั่งม่วนหลาย
มีแล้วไป่น๊ออ้าย ผู้เคียงกายอ้ายมีบ่
ถ้าบ่มีล่ะก้อ แนมมาบ้างฝั่ง อุบล

บ่าวเมฆินทร์

12-28-2007, 03:17 PM

คำเอ๋ย..........
แนวว่าวาจาต้านบ่าวพี่ชายได้เว่าว่า
เป็นสำนวนคำจาภาษาคนผู้ฮ่ายไผน้อหล่าสิเบิ่งแยง
คือจั่งยามหน่าแล้งแตกระแหงดินแห้งไหง่
ไผเด้น้อสิอยากได้ไปไว้ถ่าย่างเฮียง
ได้ฟังเสียงนางน้องจามาสังมาม่วน....แท่น้อ
เฮ็ดจั่งได๋น้อจั่งจั่งสิพบพ้อไปยามก้ำฝั่งอุบล
บุญของคนคือจั่งอ้ายสิพอมีบ้างหรือบ่
หรือแม่นเพียงมาตั๋วล่อพอให้ได้แต่ฝัน.......สาแหลว

NONGNAN

12-28-2007, 04:47 PM

อ้ายเอ๊ย น้องนี่ขันติตั้งสัจจังหมั่นเที่ยง
บ่แม่นเพียงลวงล่อพอให้อ้ายคิดนำ
เป็นความจริงอีกซ้ำคำผญาที่น้องเอ่ย
บ่เเม่นเผยสำนวนเว้าจาแล้วกะแล่นหนี
อันว่าทางน้องนี่ ยังหัดอ่อนด้านผญา
แต่ว่าทางวาจาบ่มีเด้อสิตั๋วได้
บ่ตั๋วไผดอกเด้ออ้าย ความจริงใจน้องมีอยู่
แม่นอยู่บ๊อ บ่มีคู่คืออ้ายคนหน่ายเมิน
ไผสิเดินเคียงข้างนำทางให้ฮอดฝั่ง
เมืองอุบลถิ่นกว้าง ยังคอยอ้ายให้ผ่านมา..

บ่าวเมฆินทร์

12-29-2007, 12:54 PM

คำเอ๋ย.........
คันแม่นใจเที่ยงแท้เสมอดั่งวาจา
คันแม่นคือภาษาของนางได้จาเว้า
ขอให้เอาใจจริงหมั่นสัจจาเข้ามาว่า...กันเด๋อ
อย่าให้ชายได้หลงเพ้อละเมอเว้าอยู่ผู้เดียว
ย่อนถืกคนใจเลี้ยวเทียวท่องดอกทางตั๋ว
เคยถืกสาวเมืองดอกบัวย่ำยีหัวใจอ้าย
บอกฮักหลายทางคำเค้าโตเขาได้เว่าว่า
แล้วยังเอาคนใหม่มาปล่อยป๋าทางบักอ้ายหัวใจฮ่างสิมุ่ นพัง
ถือสัจจังใจจริงหมั่นทุกคำจาได้เว่าว่า
เอาภาษาออกอ้างให้นางน้องได้เบิ่งคำ
บ่ได้อำบังไว้ในทางใจแต่พอหน่อย
ในหัวใจดวงน้อยน้อยพวมสิฮ่างเพิ่นบ่สน
เมืองอุบลทางก้ำดอกบัวคำเมืองใหญ่
บุญพี่ชายสิพอได้ไปยามเยี่ยมแหน่บ่น้อ

ต่าย

12-29-2007, 03:28 PM

ไพเราะจับใจ..ม่วนหลายเด้อ...8)...ของลองแต่งเบิ่งแน ่น๊า..คำวาจาคือม่วนแท้...
****************
แม้ว่าต่าย..เป๋นสาวเหนือ...บ่เคยเซื่อ..ดอกคำลวง
ฟังวาจา..เพิ่นเว้าหยอก...มาคือม่วน..แท้น่ออ้าย..
คั่นแม่นเว้า..คือใจว่า...คือสิซื่นใจหลาย..
คั่นแม่นอ้าย..ใจจริงแท้..ตั๋วน้องนี้...กะรอเบิ่ง.. ซั่นแหล่ว..อิอิ....^-^....
*************
ฟังเพิ่นเว้าหยอกกัน..ชาวมหา..อยากมาเบิ่ง
ฟังแล้วม่วน..ฮอดหัวใจ..สั่นไหว..ให้อุกเอ้า
จั๊กสิเว้า..ได้ซ้ำได๋..พอฟังได้..บ่อน๊อพี่
อยากสิมี.ผู้บ่าวสอน..คึดออนซอน..หล๊าย..หลาย..ตั๊วอ ้ายยยย.
*******************
อิอิ..ลู๋โต๋นนางแน่เด้อ..คนเหนือมาลองแต่ง..ภาษาเพิ ่นสิเพี้ยนบ่น๊อนิ...อิอิ..::)

ไทเฮา

12-30-2007, 10:08 AM

NONGNAN

12-30-2007, 12:18 PM

บ่าวไทเฮามาวอนเว้า สาวเมืองเหนือกะมาว่า
จาผญาต่างข้อ ยอคำเว้าต่างกัน พอได้ม่วนใจ
น้องกะว่าไปแหล่ว แนวสาวอุบลคนมักม่วน
จึงได้ชวนพี่น้อง มาเว้าจ่ายผญา
น้องนี่บ่ได้หาญกล้า แนมตาไปมักเพิ่น
ตกกะเทินเกิดมาผู้ฮ่าย สายตาอ้ายเพิ่นบ่เหลียว

ต่าย

12-30-2007, 04:41 PM

เหลียวเบิ่งหน้ากะจิ้มลิ้ม..พริ้มเพราพอปานนี้..
บ่มีไผ๋คิดสิลี้..ดอกนาง..มาซ่างเว้า...
คั่นว่าเจ้าผู้ฮ้าย..โตเอื้อยต่ายแฮ่งสิคัก..
จักว่าไผ๋มองข้าม..คือสิน้ำเข้าตา.. ซั่นแหลว...:)
เจ้าผู้ดวงดอกแก้ว..อยู่เมืองดอกบัวงาม..
อยากสิถามว่านางน้อง..มีคนจองแล้วหรือบ่..
ไผละน๊อ..สิมีบุญ..ได้ค้ำจุนหัวใจน้อง..
คั่นว่ายังจดจ้อง..ทำใจให้เลือกอยู่...
เอื้อยอยากฮู้ให้แจ้งใจ..มีพี่อ้ายวานให้ถาม..ซั่นแห ลว...::)
***************
พอใช้ได้บ่น้องแนน..สอนเอื้อยต่ายแน่เด้อ...อยากแต่ง เป็นหลายๆตั้ว...

NONGNAN

12-30-2007, 06:00 PM

สาวเมืองเหนือนาม " สาวต่าย "มาถามน้อง

มีคนจองแล้วแล้วหรือไป่ ตอบจากใจนางน้อง ยังว่างคู่บ่มี

หน้าตาดีพอเบิ่งได้ สวยวิไลบ่สู้เพิ่น บ่มีไผสิมาเอิ้น

เทียวเข้าเกี่ยวดอง เรื่องหัวใจยังบกพร่อง ขาดคนครองมาเดินคู่

มาอดสูใจแท้ ทางน้องยังเปลี่ยวใจ

บ่ปานได๋ดอกเด้อเอื้อย เรื่องผญาน้องบ่เก่ง ใจกะเสงอยากสู้

เรียนรู้กลอนกวี แม่นอิหลีติคุณพี่ อยากเก่งเรื่องผญา

ลองปรึกษาอ้ายทิดคำศรี ผู้เพิ่นตีแถลงต้าน

สาวนงคราญอายุหน่อย บ่อาจหาญไปสอนเพิ่น

เพียงเว้านำหรือมาเอิ้น นางน้องกะดีใจ.....

ต่าย

12-31-2007, 10:23 PM

น้องหล่า....
สาวอุบลรอรัก..เพลงนี้มักม่วนหลาย
ทางเอื้อยต่ายเคยได้ยินมาแต่โดนเติบแล้ว..
เสียงแซวๆ..ซั่งแว่วหวานปานน้ำเผิ้งเดือนห้า..
ชวนอุราบ่าวฮ่ำฮ้อน..นำน้อง..อยู่ซุคน..
เอื้อยซิจนใจหลาย..บ่าวพี่ซายเพิ้นมาเว้า..
อยากสิเอาเจ้าเฮียงคิง..ใจจิงตั๊วละน้อง..
อยากเป็นทองแผ่นดินเทียวเบิ้งอยู่ซูมื้อ...
คือสิพ้อหน้านาง..ทางพี้รอฟังข่าว..
ให้พี่บ่าวเพิ้นมีแฮง..แยงตาเบิ้งเด้อน้อง
เพิ้นไปซอมเบิ้งเจ้าตั้งแต่เซ้าฮอดค่ำ.....
อยากฟังลำ..นำผู้สาว..เมืองบัวขาวซั่นดอก...เพิ้นว่า ..::)
อิอิ ผญาแม่สื่อเด๊นิ...

NONGNAN

01-01-2008, 12:32 PM

ฮ่า ๆ เอื้อยต่าย บัวขาว นั่น กาสินเด้

ว่าโอน๊อ เอื้อยต่ายเอ๊ย ไผเด๊น๊อมาเทียวอ้อน
มาออนซอนตัวนางหนี่ แม่นอิหลีติเอื้อยมาจาเรื่อยอยู่บ่เซา
ย้อนว่าใจเคยปวดร้าว อกน้องสาวเลยไหวหั่น
เจ็บไปหลายใจสะท้าน เลยบ่กล้าสิมักไผ
บ่าวบ้านได๋ เด๊นอเอื้อย ผู้มายามเทียวถามแหว่
น้องอยากฮู้คั๊กแท้ เฉลยแจ้งให้ซ่วงใจ
บ่าวบ้านเหนือ หรือบ้านใต้ ให้อดใจไว้สาก่อน
ใจอินางบ่เซาฮ้อน ยังบ่กล้ามักไผ...

บ่าวเมฆินทร์

01-02-2008, 12:06 PM

คำเอ๋ย......
ซื่อว่าแนวคำเว้าของพี่ชายได้เว้าว่า
บ่แม่นมาเว้าเล่นสาแล้วกะแส่วหนี
แม่นอีกลีติน้องหล่าบอกว่าอกหักมาไผคือกล้ามาทำหน่อ
โตพี่ชายกะได้พ้อหลายเทื่อจ้ำช้ำต่อใจ
มักผู้ได๋เขากะได้เหินห่างดอกวางป๋า
มันเต็มทีในอุราคือฟ้าผ่าหัวใจอ้าย
จั่งได้กายมาทางพี่สาวผู้ดีได้เว้าต่อ
สิสงโตนแหน่บ่น้อน้องหล่าทางบักอ้ายได้ว่าคำ
หรือเพียงอำหยอกเล่นพอคิดเห็นแล้วไกลห่าง
หรือเพียงวางคำเว้าสาแล้วกะห่างไกล
หรือว่าใจของนางน้องคึดจั่งได๋ให้ลองเว้าจาเบิ่ง.... .คำเอ๋ย
ใสเลิงเลิงคือจั่งน้ำแอ่งน้อยให้นางน้องได้เอ่ยคำ
บ่ได้อำพรางไว้คิดจั่งได๋พี่ชายกะจั่งได้เว้าว่า
ย่อนว่าทางหน่าตาของพี่ชายนี่ผู้ฮ่ายย่านนางน้องบ่ว่ านำ
ย่านหลายเด๋ย่านแต่ทองคำแก้วบ่สมแหลวเชื้อกาก่ำ
ย่านเว้านำน้องบ่เตื้องจาแล้วกะเปล่าดาย
ย่านคือควายบักตู้สมแต่บู๋ไถนาส่าว
ย่านคือหลาวหาบกล้าดำนาแล้วถืกค่อนฟืน.......สาแหลว

ต่าย

01-02-2008, 01:23 PM

ฮ่า ๆ เอื้อยต่าย บัวขาว นั่น กาสินเด้

...
อิอิ...แบบว่าบ่ฮู้นำเพิ้นดอก อันบัวแดง บัวขาวนั่น..ขออภัยหลายๆเด้อ..
จั่งแม่นปล่อยไก่เพ่นพ่าน..เป็นตาอายไทบ้านอื่นเด๊.. อิอิ..
คือว่ากลอนผญา มันพาไปซั่นแหล่ว..สระอาวแม๋หล่า..อิอิ::)::)

NONGNAN

01-02-2008, 01:50 PM

บัวขาว เมืองกาสิน ดินดำน้ำซุ่ม
ปลากุ่มบ้อนคือแข่ แก่งหาง
คันว่าทางอุบลก้ำ เมืองบัวแดงซั้นตั๊วพี่
จำให้ดีเด้อเอื้อย อย่าลัยล้างห่างลืม
แค่นี้น้องกะปลื้ม ที่เอื้อยแหว่มายาม
มาไต่ถามคนงาม สาวเมืองอุบลก้ำ
แม่นเอื้อยทำการสร้าง เวียกงานทางได๋หน่อ
อยู่ใกล้กันอยู่บ๊อ พอได้แหว่ยาม

ต่าย

01-02-2008, 09:05 PM

บ่ได้อยู่ดอกทางพี้.เมืองอีสานบ้านเพิ้นใหญ่
เอื้อยอาศัย อยู่ทางเหนือ..เวียงพิงค์ตั้วละน้อง
คำอู้จาแม่นต่างต้อง..บ่คือน้องคนผู้ไค..
ทั้งผู้บ่าวคนไกลอยู่ทางเมืองอีสานพี้..
ผู้บ่าวเพิ้นใจดีมิตรไมตรีได้เอื้อส่ง..
ให้เอื้อยหลงใหลนำ..คำอีสานเพิ่นจาเว้า..
เลยมาแอบฝึกเอา..เฝ้าต่อตั้งทางวาจา...
ฝึกผญาให้หล่าซ่อย..คอยบอกแน่เด้อน้องหล่า...อิอิ
ซิฝึกไปต่อคำคนสนิทดอก..:)

โป้ยก่าย

01-02-2008, 09:18 PM

อ้าว!น้องต่าย เล่นจ่ายผญาเลยเหรอ อย่างนี้พี่โป้ยก็สู่บ่ได้แล้วสิ ทำไงดีหละเนี้ย

ต่าย

01-02-2008, 10:49 PM

อ้าว!น้องต่าย เล่นจ่ายผญาเลยเหรอ อย่างนี้พี่โป้ยก็สู่บ่ได้แล้วสิ ทำไงดีหละเนี้ย
ต่ายกะลังฝึกค่ะพี่อ้าย...อิอิ
เอาไว้ต่อปากต่อคำผู้บ่าวอีสานไงค่ะ..::)
พี่โป้ย..จารับเป็นศิษย์ป่าววว...::)

สาวโรงงาน

01-03-2008, 09:34 AM

บ่าวเมฆินทร์

01-03-2008, 12:05 PM

คำเอ๋ย.........
ซื่อว่าวาสนาอ้ายคือบักหอยลอยตามคราด
คราดบ่หยุดหย่อนให้ทางโตอ้ายยั้งบ่เป็น
คือจั่งลิงเห็นแก้วมณีนิลใสส่อง
ใสเรืองรองอยู่ฟากฟ้าเอื้อมมือคว้ากะเปล่าดาย
หัวอกชายคนฮ้ายเพิ่นเปิดหน่ายบ่อยากเหลียว
แม่นสิเทียวถามหาบ่ชายตาแต่พอน้อย
คือจั่งจอกกอน้อยสิลอยตามแม่น้ำใหญ่
พ้อเฟือยหนาสิกายก้ำบ่ขอยั่งดอกพักเซา.......สาแหลว

ต่าย

01-03-2008, 12:40 PM

อ้ายเอ้ย....อิอิ..::)
ขอนางเว้าแน่จักน้อย..ย่อนว่าชื่นชมหลาย..
ตนพี่ชาย..ซ่างมาเก่ง..แท้น้อ..คำผญา
ต่ายอยากจาเป็นคือเพิ่น..ย่านคำบ่ถึกต้อง
เฝ้าจดๆจ้องๆ..อ่านคำพี่จาเว้า..กับผู้สาวเมืองอุบล. .มาแต่โดนเติบแล้ว..ตั๊วอ้าย..
คึดอยากอายบ่กล้าต่อ..แห่งมักหลายคำผญา
สาวเมืองเหนือบ่หาญกล้า..ย่านเพิ่นหัวร่อใส่..ซั่นแห ล่ว..::)
......พอฟังได้บ่น๊อ..อย่าแซวกันเด้อ อิอิ..

บ่าวเมฆินทร์

01-03-2008, 01:43 PM

คำผญาเอามาต้านเป็นคำขานออกมาว่า
ฤทัยของข้าน้อยขอบคุณเจ้าได้อ่านคำ
อย่าฟ่าวอำเว้าเล่นว่าผมเก่งคำผญา
ไปหลอยจำคำเพิ่นมาเป็นคำจาเอามาอ้าง
ยังอ่อนหลายทางความฮู้ยังหาครูสอนเขียนอ่าน
มีกระดานอันน้อยน้อยได้หัดต้อยดอกต่อนคำ
คันถลำทางคำเว้าเป็นคำเขลาขอให้เจ้าอภัยแหน่
หยับเข้าแจตามความเค้าขอบคุณเจ้าเข้าอ่านความ

NONGNAN

01-03-2008, 05:17 PM

อย่ามาตีแถลงเว้า...........ว่ามือใหม่หัดเขียน
นี้มันเซียนควมผญา.........แห่งเวบบ้านมหานั้น
อ้ายผู้สันสีสร้อย.............อย่ามาจาว่าบ่อเก่ง
เจ้าพูเสง คำต้าน............ยามเว้าจ่ายผญา
อ้ายซ่างจามาตัดพ้อ.............คำเว้าเก่งปานครู
ไผอ่านดูกะคงเห็น...........ว่าอ้ายเป็นเซียนแท้
น้องนี่ยังคำเว่าหน่อย..........กลอนผญาบ่อกล้าแกล่ง
สิเว้าแข่งกลอนต้าน..............ย่านเมฆินอ้ายหน่าย ซัง
มางเอื้อยต่ายกะใจตั้ง............ ว่าอยากเก่งทางผญา
แต่ว่าทางวาจา.................. ของแนนบ่อทันคล่อง
บ่อทันป่อง ไหลลื่น........คือแท้ดั่งเซียน
จึงได้เพียรเขียนเล่น......บางทีเผื่อสิบ่อม่วน
ย่านหมู่พวนปุ้นท้อง.........ยามน้องจ่ายกลอน..

ต่าย

01-03-2008, 07:39 PM

บ่ได้อำดอกเด้ออ้าย.. ใจจิงคือจาเว้า
อยากมาเฝ้าคำผญา..วาจาพานางเพ้อ
คึดละเมอฟังบ่ ออก..แต่กะบอกว่าม่วนหลาย
อยากมาฟังคำพี่อ้าย..จ่ายผญาทุกเซ้าค่ำ
ใจถลำต่อตั้ง..ฟังบ่ฮู้กะม่วนใจ....
คนทางเหนือพ่องใต้..หลงใหลแต่คำพี่
มักอีหลีตั้วละอ้าย..ฮับต่ายเป็นศิษย์แน่..
สิเผยแพร่ให้ซุมเหนือ..พอได้เอื้อให้ซ่วงใจ....
สาวอุบลคนผู้ไค..บ่าวเมฆินทร์คนหล่อ..คู่ค้ำคำผญา... .ซะเด้อ...8)

บ่าวเมฆินทร์

01-04-2008, 11:06 AM

พี่น้องเอย......
บ่กล้าไปหาญกล้าวาจาสอนสั่ง........เพิ่นแหลว
กะยังมีแต่เพียงน้อยความฮู้ต่อนผญา
เว้าไปหลายสิขายหน่าเอาวาจามาแลกเปลี่ยน......สาหนอ
แลกกันเฮียนเปลี่ยนกันฮู้คือสิคล่องกว่าแต่หลัง
เอาจิตใจตั้งหมั่นยอยกขึ้นเหนือหัว
ขอบคุณเด้อผู้สาวเมืองดอกบัวกับทางเหนือผู้สาวพุ่น
คันสิหนุนส่งหยู้ให้เป็นครูอย่าได้ว่า
บ่าวบ่ไปหาญกล้าวาจาต้อนดอกสั่งคำ
เจ้าผู้ขำคนผู้ฮู้ให้เอ็นดูในคำว่า
คนก่ำกาแถมวาจาผัดแห่งฮ้ายขอวอนเจ้าให้หล่ำแยง...... แหน่ถ้อน

น้ำตาล

01-04-2008, 11:28 AM

เอื้อยต่ายน้ำตาลขอนำแนเอื้อยบ่เป็นดอกแต่อยากเว้า.. ..

๏ สัจจะผู้ซายนี้ คือหินหนักหมื่น
แสนสิเอาเซือกทื่น ดึงได้กะบ่ติง

๏ สัจจะผู้ซายนี้ คือหินหักท่อง
บาดว่าถิ่มใส่น้ำ จมปิ้งบ่ฟู....

เด้อเอื้อยเด้อ.....ฝากให้เอื้อยต่ายพี่สาวคนงามอย่า หลงคารมผุบ่าวบ้านมหาเด้อเอื้อย.....

NONGNAN

01-04-2008, 01:28 PM

น้ำตาล

01-04-2008, 01:39 PM

แม่นอยู่บ้อ เอื้อยน้ำตาลเว่า สัจจะชาย คือหินหนักหมื่น
ไผสิเอาเชือกทื่น ดึงไว้กะบ่ติง อันความจริงน้องเจอแล้ว
บ่มีแนวมาดึงจ่อง สัจจาชายถืกลมต้อง กะแปรปี้นเปลี่ยนไป
จักสิหาใสแหล่ว แนวจริงใจสิใสส่อง สาวบ้านมหาคือน้อง
เห็นแล้วจั่งกล่าวจา อันสัจจาชายนั้น คือน้ำชีที่ไหลหลั่ง
ไหลไปได้แล้วหวั่ง ๆ บ่มีทางอ่วยมา

น้องแนน..ไผ่เป็นพี่เป็นน้องน้องนิน้ำตาลกะเว้าผญาบ่ เป็นดอกแต่ว่ากะอยากเว้าน้ำตาลกะบอกไว้ซือๆดอกจ้าคนง ามคือเฮากะต้องระวังโตไว้นำแน่จักหน่อยผุบ่าวหลายโพ้ ดแตกซวดๆยุตัวะในบ้านมหา...::)::)::)

NONGNAN

01-04-2008, 02:27 PM

อิอิ ให้เขาเอิ้ยเอื้อยแหน่.......

สัจจะผู้ซายนี้ คือหินหนักหมื่น
แสนสิเอาเซือกทื่น ดึงได้กะบ่ติง ( อันนี่ หมายถึง ใจเดียว ฮักมั่น จริงใจ " เอาเซือกทื่น ดึงได้กะบ่ติง " กะคือว่า บ่แปรเปลี่ยนใจ หยังประมาณนี่นะคะ แนน กะเลยเขียน ผญามาต่อ คำเอื้อยน้ำตาล ซั่นดอก )

บ่าวเมฆินทร์

01-04-2008, 02:54 PM

คำเอ๋ย........
คำสัจจาที่เซายั้งของคนเฮาเอาบ่แหน่.......ดอกนา
อย่าได้แหว่ใจตั้งว่าชายนั้นสิหมั่นจริง
ลางเทื่อหญิงงามล้ำทางคำกะหมั่นเที่ยง
ลางคนเอียงซ้อยง้อนคือค่อยตะฝั่งชี
คำสัจจาของชายนี้บ่แม่นมีแต่หมั่นเที่ยง
กะมีเอียงปะปนบ้างเสมอด้ามดั่งกัน
บ่ว่าหญิงหรือ๙ยนั้นมีคือกันความหมั่นเที่ยง
อย่าได้เถียงหรืออวดอ้างว่าโตนั้นดอกลื่นเขา
ขอแต่เอาสัจจาหมั่นใจจริงกันเข้ามาว่า
แม่นสิสิบฟากฟ้าเอามาเทียบกะบ่ปาน........สาแหลว

ต่าย

01-04-2008, 08:35 PM

น้ำตาลเอ้ย...
คนผู้งามจั่งน้อง..ซ่างฮู้จักระวังคิง..
ฮอดมาติงต่อเอื้อยอย่าเลื้อยนำเด้อผู้บ่าว..
บ่ลืมคาวดอกเด้อหล่า..คำวาจาเป็นตาฮัก..
จักสิลี้หัวใจ.ไปหม่องใด๋น๊อบาดนี้..
ย่อนว่าบ่าวทางพี้..จ่ายผญาผ่าหัวใจ..
ให้อุกอั้งอยู่ทางใน..คือจั่งโดนมนต์ต้อง....
บัดมาฟังคำน้อง..บ่าวมหามามักหลาย...
บ่มีดอกคนผู้ไค..บ่ได้หัวใจเอื้อยง่ายดอก..น้องหล่า. ..อิอิ
***************
^-^.......^-^

น้ำตาล

01-05-2008, 09:56 AM

น้ำตาล

01-05-2008, 09:58 AM

บ่าวเมฆินทร์

01-05-2008, 10:36 AM

คำสัจจาสัญญาหมั่นตกกลางคืนยังฝันเกี่ยว.....สาแหลว
ใจเหี่ยวเหี่ยวของบักอ้ายคะนิงน้องอยู่บ่วาย
อุกอั่งหลายในใจอ้ายคิดเห็นนางทุกเซ้าค่ำ
ย่างไปตำตอไม้ยังบ่ฮู้ดอกเมื่อคีง
อยากไปพิงเสาฮั้วหัวเฮือนนางยามค่ำค่ำ
เจ้าผู้แก้มอ่ำถ่ำคนผู้ไตใจบักอ้ายอดส่องหน่าให้หล่ำ แยง.....แหนถ้อน

panda_saon

01-06-2008, 11:40 AM

สิบ่โจ๊ะจิโจ่ยนำเคลือบักจิโจย สิบ่ทกทิเท้นนำอ้ายผู้โถกโถยแหน่บ้อหล่า........คำแพ งเอ้ย

ต่าย

01-06-2008, 02:15 PM

5555...เอื้อยต่ายนิจะแม่นไปได่ทุกแนวเนาะสิเป็นกลอน รึผญาไปได่เมิด...::)::)

น้องหล่าเอ้ย..
ย้อนว่าหลงคำจา..เว้าผญาของอ้ายบ่าว..
อีกทั้งพ้อหน้าเจ้า...น้องหล่าคนผู้งาม..
ซอยให้ใจเอื้อยตาม..จดจ่อขอผญา..
อยากเอื้อนเอ่ยวาจา...เป็นภาษาทางพี้
หัวใจเอื้อยผัดหลบลี้..หนีมาอยู่เมืองอีสาน..
หลงคารมโฉมน้ำตาล..น้องหล่าผู้งามพร้อม..
ซุมผู้บ่าวเฝ้าถนอม....สายตาถ่าเบิ้งเจ้า..
เอื้อยขอเอาโอกาสนี้..ซวนหมู่พี่จ่ายผญา..
เพียงได้สบตาน้องหล่า....คำผญาก็ออกหล่วยๆๆๆๆ ตั๊วนาง...อิอิ
***********************
แบบว่า..สาวอุบลกับสาวบุรีรัมย์..คนผู้งามคือจั้งเจ้ า..
ซวนให้ใจบ่าวมหาเพ้อผญาได้ม่วนหลายตั๊วน้องหล่า...8) .

NONGNAN

01-06-2008, 06:08 PM

ป๊าด ฟังคารมพี่สาวเว้า สังมาคือคั๊กแหน่
มักเอาหลายคั๊กแท้ มาจาเว้ากล่าวผญา
คำวาจาของนางน้อง บ่คมคายขอเว้าต่อ
แต่อยากขอส่งเว้า ว่าฮักเจ้าคือเก่าเด้อ
จึงได้เผลอกล่าวต้าน จาผญาเข้ามาอ่อย
ใจอินางสังมาคล้อย ยามเอื้อยเว้ากล่าวผญา...

ศรีสะท้าน

01-06-2008, 11:34 PM

คำแพงพี้เพียรพากวัตตกิจ
มโนหมายมวลมิตรสิ่งดีดาล้วน
สมควรย้องยอเธอเสมอชอบ
กอรปด้วยสมสะอาดอ้าง คนเอื้อนเอ่ยลือ แท้นา

บ่าวเมฆินทร์

01-07-2008, 12:29 PM

คำแพงเอ๋ย......
เจ้าผู้เขียวใบหม่อนมอนเห็นยังยิ้มใส่
คนผู้ไคคือนาถน้องเฮ็ดให้อ้ายได้คึดนำ
เจ้าผู้สายคำแก้วคือจั่งแหลวได้บินเสิ่น
เพิ่นผัดเมินว่าผู้ฮ่ายคืออ้ายนี่ก่ำกา
วาสนาชาตาข่อยคือจอกลอยแม่น้ำใหญ่
ไหลลอยไปเรื่อยเรื่อยเฟือยบ่ค้างสิเหล่าลอย.......สา แหลว

บ่าวเมฆินทร์

01-08-2008, 12:00 PM

คำแพงอ๋ย......
ขอให้อดสาเลี้ยงควายบักเลไว้ถ่าห่า
ลางเทื่อห่าบ่พ้อยังสิได้ใส่ไถ
ถอดหัวใจออกมาไว้ให้นางน้องได้ลองเบิ่ง
ว่าสิใสเลิงเลิงคือจั่งน้ำแอ่งน้อยหรือสิขุ่นจั่งขี้ ตม

ต่าย

01-08-2008, 07:30 PM

อ้ายเอ๊ย..
หากแม่นนางอ้างเอ่ย..วาจาสิพาเพี้ยน
ให้ติเตียนเอาเด้ออ้าย..ตนพี่ชายอย่าได้ห่าง
แม่นสิไกลกะเพียงร่าง..ใจกะอยู่คู่คิง
ผู้สาวเหนืออยากแอบอิง..ใจตั้งต่อผญา
ยินวาจาพาให้ใจ..ฮ้อนฮ่ำซูแลงเซ้า..
คึดฮอดเจ้าผู้บ่าวโก้..คำโตเรื่องผญา..
คนเขาส่าเบิ้ดบ้าน..ว่าเชี่ยวชาญคักหลาย..
อยากมาเห็นหน้าอ้าย....พอให้ใจคลายฮ่ำฮอน..ซั่นแหลว. ..::)

บ่าวเมฆินทร์

01-08-2008, 08:35 PM

คำเอ๋ย....
คำที่ชายจาเว้าต้านกล่าวคำผญา
บ่แม่นเผยคำจาว่าโตนี่เกินบ้าน
บ่ได้ไปหาญกล้าเผยหน้าตาให้เขาว่า
คนก่ำกาชาตาขี้ฮ่ายสิบังไว้อยู่เลาะเสา.....นี่แหลว

ต่าย

01-08-2008, 08:58 PM

อ้ายเอ๊ย....
แม่นผู้ฮ้ายกะเพียงร่าง..อย่าสิหมางดอกเด้อใจ
ฮอดว่ามีคนผู้ไค...จักปานใด๋กะบ่สน..
นางมักคนผญาหวาน..ผู้เชียวชาญคำจาเว้า
คารมเป็นต่อดอกเด้อเจ้า...จั่งสิเอานางอยู่..
ซาหยังกับคนเจ้าซู้..คาแต่เก๊กเป็นบ่าวโก้
ซุมพาโลใส่ผู้สาว..บ่อยากเอาดอกเด้ออ้าย
คนผู้ฮ่ายแต่ใจหวาน...นางกะอยากอ่านใจอยู่..ตั๊วละอ้ ายยยย..
*****************
อิอิ...อดสาอ่านเอาเด้อ..บ่ทันเก่งดอก..ผญา..

น้องแพรจ้า

01-08-2008, 11:56 PM

สาดสายตาขึ้นมองฟ้า.......เป็นเวลาเมฆไหลฮ่วน.....เม ฆสีดำเป็นควาน.....กวนเสียงฮ้องตึ้ง ๆ คิดถึงหน้าอ้ายบ่น้อ
บ่าวเมฆินทร์นี้ก็..............ขอนั้งคิดและนอนฝัน. .......รวมใจกันได้บ่เฮา......อ้ายนั่งเหงาบาดมองฟ้า
เพียงคำจาหาคำเว้า.........ตกแต่งเอาผญาย่อย........ .นั่งครุ่นคิดจิตใจลอย...คอยแนมเหลียวเบิ่งแผ่นฟ้า.. .แทนตาเจ้าบาดคิดไป
น้ำใสใสไหลจากฟ้า..........คือน้ำตาอ้ายไหลหล่น..... ..ย่อนว่าคิดฮอดคน ที่ชื่อว่ากระต่ายน้อย.....หลอยใจอ้ายไปแต่ดน
ลมพัดวนบ่สุดสิ้น..............บ่าวเมฆินทร์ขอฝากส่ง ....ขอฝากจุดประสงค์ว่าอ้ายคิดฮอดเจ้า.......ซ่อยไปเ ว้าให้ต่ายฟัง
เป็นความหวังคนขี้ฮ่าย.....คำบรรยายคนบ่เก่ง........ ...บ่อาจะไปแข่งเสง อ้ายยำเกรงผู้หวานจ้อย.......คอยฝันพ้อกะชื่นใจ คำแพงเอย

มาซ่อยอ้ายบ่าวเมฆินทร์ เขียนจักหน่อยเด้ออ้าย จักสิถูกใจบ่เด้อจ้า

บ่าวเมฆินทร์

01-09-2008, 10:45 AM

คำเอ๋ย.....
พอแต่ฟังเว้าต้านกล่าวคำผญา
เมื่อได้ฟังคำจาสาวแพรเข้ามาเว้า
จั่งแม่นคือได้มาเข้านั่งทางในหัวใจบ่าว
สาวแพรเอ๋ยคำแพงเจ้าสังมาเว้าคือส่องเห็น.........แท ่หนอ
วาสนาปลาค่อกั้งลอยกลางวังน้ำหางโผล่
หมู่ปลาโดมากายก้ำบังขอนไม้เกือบบ่ทัน
จั่งได้หันมาก้ำพี้สาวผู้ดีจั่งเว้าว่า
ไขวาจาเว้าต่อน้องนางหล่าผู้ค่าคำ.....นางเอ๋ย

ต่าย

01-09-2008, 05:17 PM

อิอิ..บางคำต่ายก็แปลบ่ฮู้เด้อพี่อ้าย..จั๊กสิถามไผ๋ ..ผู้บ่าวกะอยู่ไกลโพดแหม๋...::)::)
***************
อ้ายเอ้ย...
คือสิเห็นต่อตา..ความผญาเรียกผู้สาว...
ทั้งน้องแพรโฉมสกาว..ยังอดใจไว้บ่ได้
น้องผู้แก้วก่ำไท้..คือนางไอ่..วิไลตา..
แอบมาต่อคำผญา..ให้บ่าวมหาได้มาเพ้อ
มาซะเด้อมาฮ่วมใจ..ให้พี่อ้ายใจสะท้าน..
มีแต่คนหน้าหวานๆ..ทั้งน้ำตาลทั้งน้องแนน..
มีน้องแพรมาฮ่วมแขน..แฮ่งสิเบิดทางลี้..
เอาละเด้อบาดทีนี้..อ้ายอย่าลี้..อย่าหลบไกล
หมู่นางรอฟังผญาอ้าย...อย่าสิน้อยใจว่าก่ำกา.....เด้ ออ้าย.....::)
*****
สาวอุบลไปไสน๊อ..มาต่อซอยเอื้อยแน่.....

NONGNAN

01-09-2008, 05:19 PM

พี่แพร มาซ่อย บ่าวเมฆินทร์

น้องหล่าสิ ( ขออนุญาติ ) มาซ่อย เอื้อยต่ายเด้อ

ฟังคำจาเมฆินทร์อ้าย ส่างหวานหลาย มาคมคายแท้น๊อเพิ่น
ตกกะเทินว่าพูฮ่าย จริงใจแท้ต่ายบ่ติ อันคำเว้าของญาพี่
ที่สาวแพรเพิ่นมาว่า แม่นความจริงแหน่บ่น๊า ที่เพิ่นมาส่งเว้า เมฆินทร์เจ้านี่ฮักนาง
อย่าสิพังเพม้าง จืดจางคือน้ำท่า คำผญาที่เคยอ้อน เมฆินทร์อ้ายอย่าได้ลืม
ปล่อยสาวต่ายให้ใจปลื้ม แนนบ่ลืมเด้อคำเว้า ทั้งคำจาที่แนนอ่าน
จึงประสานกลอนซ้วน ซ่อยเอื้อยคนผู้ไค

เอื้อยเอ๊ย!!! ขออนุญาติ หลายๆเด้อ อิอิ ม่วนบ่ม่วน กะอย่าซาแนนเด้อ อยากม่วนนำซื่อ ๆดอก )

NONGNAN

01-09-2008, 05:44 PM

สาวอิสานคนไกลบ้าน จากอิสานบ้านเกิดเก่า
เผยสำนวนออกเว้า ใส่อ้ายคนผู้ไค
อันสาวต่ายว่านั้น สิประชันคารมใส่
เป็นจั่งได๋ซ่อยกันญ้อง เด้อทางน้องสิอยู่เคียง
ฟังสำเนียงเมฆินทร์อ้าย เหลือใจหลายรูปบ่หล่อ
ทางสาวต่ายบอกว่าพอ คนรูปหล่อว่านั้น
บ่ฝันพ้อ บ่จริงใจ ฟังเอาเด้อเมฆินทร์อ้าย
ทางเอื้อยต่ายเปิดคนหล่อ แค่จริงใจกะพอ บ่ต้องเลิศล้ำ
แนน ขอย้ำ เลาเบื่อหลาย....

บ่าวเมฆินทร์

01-09-2008, 06:02 PM

หล่าคำเอ๋ย.......
แนวว่าในความเว้าของพี่ชายได้เอื้อนเอ่ย
คำเฉลยออกอ้างพะนางน้องว่าสิจำ
สิท่องเอาคำเว้าขอให้เอาใจตั้งต่อ...นำเด๋อ
อย่าสิเผลอไปหน่าหาเรื่อยอยู่บ่เซา
ชายนี่เอาคำหมั่นตั้งต่อในวาจา
ปรารถนาแต่นวลนางจั่งได้มาจาต้าน
จั่งหาญเอาความกล้ามาจากับนางเบิ่ง
เจ้าผู้ใสเลิงเลิงอดสาส่องมาบ้างทางใต้ตะล่างเฮือน.. .....คำเอ๋ย

น้องแพรจ้า

01-09-2008, 10:28 PM

คำกล่าวจามาบ่สิ้น บ่าวเมฆินทร์ อยากเอื้อนเอ่ย อ้่ายสิขอเป็นเขยทางเมืองเหนือเบิ่งแน่น่า เผิ่นซาอ้ายแน่บ่น้อ
มาหวนได๋พบพ้อ คนสวยน้อคือสาวต่าย กะถืกใจเหลือหลาย คำบรรยายที่กล่าวเว้า หลงฮักเจ้าตั้งแต่เห็น
เช้าหรือเย็นได้เห็นหน้า พอแต่เข้าบ้านมหารูปเปิดมากะใจอุ่น เก็บคิดฮอดไว้เป็นทุน ขอได้ลุ้นฮักเจ้า เลยจาเว้าดอกส่งมา
คิดเห็นอ้ายแน่บ้อหล่า หรือเจ้าหมายกลางนภา แนมจันทร์จ้ายามแสงส่อง คนแอบฮักแอบมอง คนคอยจองมักเจ้า เมฆินทร์เว้าเจ้าบ่เห็น
อย่าหาเว้าล้อเล่น แล้วกลายเป็นเด้อแนวใหม่ ยามอ้ายฮักเหมิดหัวใจ แล้วเจ้าไหลหนีจ้อย สิคอยถ้าเว้าไส่ไผ คำแพงเอยยยยยย

มาซ่อยอ้ายอีกจักเทื่อก่อนเด้อจ้า ถ้าแม่นเผิ่นสมหวัง ยามไปยามสิได้ไปขอสูตรน้ำพริกหนุ่ม นำแน่เด้ออ้ายเด้อ.....

ต่าย

01-09-2008, 11:41 PM

โอ๊ยเนาะ..สิบ่เป็นฮักสามเส้าซะละตี้...คิคิๆๆ...พาก ันไปตั้งคณะหมอลำคือสิดีเนาะหมู่เฮาแหม๋..::)
*************
น้องแพรเอ๊ย...
แนวน้องหล่าได้จาเว้า...ว่าผู้บ่าวเพิ่นมักเอื้อย
เพิ่นสิเลื้อยหลีกหนีเด้อนาง......
อยากถ่าฟังแต่คำอ้าง..ผญาหวานจากคนไกล
หัวใจเพิ่นรับบ่ได้..พร้อมกันดอกสองคน....อิอิ
ให้ลูโต๋นเอื้อยแน่หล่า..บ่อยากถ่าดอกของเพิ่น
สาวอุบลพาใจสะเทิ้น..เพิ่นหลงใหลอยู่เก่าก่อน
เพียงออนซอนคำผญา..เพิ่นเกี้ยวพากันแต่พู้น..
ให้ค้ำจุนใจเกื้อ..เอื้อส่งให้สมหมาย..
สาวอุบลคนผู้ไค..เพิ่นได้หัวใจอ้ายไปก่อนแล้ว..ตั้ีว นาง....::)
************
เอื้อยต่ายเป็นผญาแม่สื่อตั้ว..อย่ามาเปลี่ยนตำแหน่ง เอื้อยเด้อ..พี่อ้ายเพิ่นสิเบิดคำผญาเด้...;D

บ่าวเมฆินทร์

01-10-2008, 11:15 AM

พอแต่มาเห็นเจ้าสาวคนไคใจอ้ายป่วง
คือจั่งหนูถืกบ้างสิเซาไว้กะบ่ไหว
หัวอกชายนี่มันฮ้อนพอแต่ตกยามนอนคึดฮอดน้องบ่เคยหล่า
มันคึดเห็นตั้งแต่หน่านางน้องบ่ส่วงเซา
ย่านแต่ทางนางเจ้าบ่เคยเอาดอกใจหล่ำ
มีแต่เพียงคำเว้าหัวใจเจ้าบ่อ่วยนำ........สาแหลว

NONGNAN

01-10-2008, 12:24 PM

อ้าวเอื้อยต่าย ซ่างว่าแท้........??? 3 เศร้าพะน่ะ.. อยากหัว

เอื้อยต่ายเอ๊ย....ซ่างมาเว้า สาวอุบลบ่เคยว่า
มันบ่แม่นดอกน่า ว่าแนน นางหล่าสิได้ครอง
ในหัวใจของนางน้อง มีคนมองหมายปองอยู่
ย้อนซาตาเพิ่นส่งยู้ เป็นสะใภ้ " เมืองนคร "
ทางสาวแนนบังหล่า กล่าวผญาพอได้ม่วน
บ่ได้หวังเอาใจซ้วน เมฆินทร์อ้ายมานั่งเฮียง
ฟังแต่เสียงสำเนียงเว้า ว่าเมฆินทร์ ผู้บ่าวส่า
จาผญาฝากไว้ ให้ พี่ต่าย นั้นซ่อยแยง

น้ำตาล

01-10-2008, 01:53 PM

คำผญาที่เคยอ้อน เมฆินทร์อ้ายอย่าได้ลืม
ปล่อยสาวต่ายให้ใจปลื้ม แนนบ่ลืมเด้อคำเว้า ทั้งคำจาที่แนนอ่าน
จึงประสานกลอนซ้วน ซ่อยเอื้อยคนผู้ไค

555+..แม่นติแนนเอื้อยต่ายเลาปลื้ม..บ่าวเมฆินทร์ติ. ....แม่นติเอื้อยต่าย..รายงานด่วนเด้อเอื้อย..::)::)

NONGNAN

01-10-2008, 02:06 PM

ปลื้มที่ว่า คือปลื้มผญาค่า....

แนน กะเขียน ๆ ซ่อยเพิ่นต่อกลอน พอได้ม่วนล่ะค่า เอื้อยน้ำตาล

น้ำตาล

01-10-2008, 02:22 PM

โอ้ยเนาะ..อิหล่าแนน..เอื้อยกะเว่าเล่นซือๆดอก..ย้อน ว่าเว้าผญาบ่เป็น..อยากต่อยุแต่บ่มีความสามารถ..อิอิ ..บ่ถนัดตกภาษา..::)::)

บ่าวเมฆินทร์

01-11-2008, 04:27 PM

คำเอ๋ย......
แม่นเจ้ามาจากฟ้าก้ำถิ่นทางได๋
ยามโตชายได้มาเห็นอยู่บ่เป็นมันเกิดฮ่อน
แม่นเจ้าจรจากก้ำทางได๋บอกอ้ายแหน่
มีผู้แวหรือยังเจ้าในใจน้องเข้านั่งเฮียง
คันได้ยินเสียงเว้าสาวนางอย่าฟ่าวได้เปิดหน่าย
ในอกชายมันเกิดฮ้อนย่อนนางน้องผดู้เพิ่นงาม......สาแ หลว

ต่าย

01-11-2008, 10:00 PM

น้ำตาลเอ้ย..
เอื้อยซ่ำโดนมนต์ต้อง..ในอุราให้อุกอั่ง..
มีแต่คึดใจต่อตั้ง..มานั่งเฝ้าต่อผญา..
คือสิโดนเป่าคาถา..มาตั้งแต่กระทู้พู้น
จั่งแม่นหนักจุ้นพุ้น..ใจเอื้อยกะต่างหลาย...
จั้งแม่นม่วนสมใจ..บ่าวพี่ชายเพิ่นกล่าวอ้าง
หลงเพียงคำผญาสร้าง...หวานเกินสะเทิ้นใจ
ฮอดบ่หนีไปหม่องใด๋...ใจรอฟังผญาเพิ่น..::)
ตกกะเทิ้นแล้วหัวใจ...ฮ้อนคือไฟลามท่ง..ซั่นแหล๊ว..น ้องหล่า...อิอิ
**********
ม่วนจนสิตั้งคณะหมอลำแล้วเด้อ...มาเป็นนางเอกให้เอื้ อยแน่ อิอิ...

บ่าวเมฆินทร์

01-12-2008, 11:22 AM

คำแพงเอ๋ย......
เจ้าผู้เขียวใบหว่านเฮือนซานหลังบักใหญ่
คนผู้ไคใจบักอ้ายฟังเด้อเจ้าสิกล่าวคำ
เจ้าผู้ทองคำแก้วบ่มีแนวสิเทียบท่อ
สิฮู้บ่น้อน้องหล่าทางบักอ้ายได้คิดนำ
ใจถลำแต่นำน้องผู้รูปทองสูงสง่า
อ้ายคนก่ำกาดำปี้คิดฮอดน้องยอู่ซุวัน
นอนหลับฝันกะยังเพ้อละเมอหาแต่เนื้ออุ่น
บุญสิหนุนส่งยู่ให้นางน้องได้หล่ำแยง.......แหน่บ่หน อ

ต่าย

01-12-2008, 11:13 PM

อ้ายเอ๊ย..
คำเอื้อนเอ่ย..มาซังหวาน..จนน้ำตาลหลงเอิ้นพี่..
ซุมนารีกะหลงเพ้อ..เฝ้าต่อขอผญา.
คนเมืองไกลคือน้องหล่า..แนววาจาบ่ได้เคิ่ง...
แต่หากใจก็อยู่เทิ้ง..คึดสู้อยู่บ่เซา
อยากมาเอาแต่คำพี่..อยากไปลี้อยู่ในใจ
คึดอยากเห็นว่าทางใน..ใจอ้ายสิคือเว้าบ่น๊อ...
คึดอยากพ้อสาวอุบล..คนเมืองดอกบัวงาม
ใจอยากถามให้พี่อ้าย..พออยากได้มาเบิ่งแยง
อย่าสิคึดหน่ายแหนง..เอาใจซู้ผู้..เมืองนคร
หลงออนซอนอยู่ในใจ..สาวผู้ได๋กะบ่คือเจ้า.
สาวอุบลคนผู้เก่า..คืนมาหาอ้ายก่อน..คำแพงเอ้ยยย...

บ่าวเมฆินทร์

01-14-2008, 10:05 AM

คำเอ๋ย.......
เจ้าผู้นาตีนบ้านคือสิหมานกุ้มเข่าใหญ่
ไผเด้น้อสิได้กอดกล่อมเกลี้ยงเฮียงน้องอยู่ซุวัน
จันทร์เอ้ยจันทร์ใสแจ้งยามมื่อแลงได้สาดแสงส่อง
ให้สาดแสงไปเฮือนน้องบอกว่าอ้ายนี่คึดนำ
อย่าได้อำบังไว้บ่ให้ไผได้เห็นส่อง
น้องหล่าเอ๋ยซู้บักอ้ายสิตายแล้วอ้ายคิดนำ.......... นางเอ๋ย

ต่าย

01-14-2008, 09:04 PM

อ้ายเอ๊ยย...
ไผเด้น้อป่วนหัวใจ..ให้อ้ายอ้วยหนหวยแฮง
คือจั้งท้าวผาแดง..คนิงนำน้องนางไอ่..
คือจั้งอ้ายพระอภัย..คึดหลงใหลนางละเวง
ซังบ่เกรงใจสาว...ผู้เคยหาวอยู่คิงข้าง
คั่นแม่นใจคือคำอ้าง..ฟ้าวบอกนางให้ซ่วงใจ
สาวอุบลคนผู้ไค...ชวนให้ใจผญาเพ้อ..
สาวมหาหลงละเมอ..เฝ้ารอถ่าแต่คำอ้าย......
แม่นบ่น๊อว่าอยากตาย...ย้อนคึดนำแต่นางน้อง
ใจคือรัวปานตีกลอง..มาซ่างจ้องให้ใจเขิน..
ตกกะเทิ้นแล้วน้อใจ...คือจั้งไฟมาอายเอ้า..ตั้วอ้ายย

บ่าวเมฆินทร์

01-17-2008, 10:32 AM

คำเอ๋ย.........
เจ้าผู้แนวซาติเซื้อหงส์คำผู้ล้ำค่า
ชายมาจาออกอ้างให้นางน้องได้หล่ำเหลียว
เจ้าผู้เขียวใบหว่านดอกบัวบานบัดยามถืกแสงส่อง
อ้ายคึดนำแต่นาถน้องนางหล่าบ่ส่วงเซา
ในอกชายมันอั่งเอ้าคึดฮอดนางบ่เซาส่วง
ได้เห็นดวงหน่านางหล่าสิส่วงเซา......บ่หนอ

บ่าวเมฆินทร์

01-18-2008, 10:09 AM

คำแพงเอ๋ย.....
อ้ายนี่เปรียบคือไซหลังหล่าบหมานปลาดอกคือหมู....สาแ หลว
ใส่ไว้เทิ่งปลายไม้ปลาซิวน้อยบ่แล่นกาย
เปรียบจั่งชายคือปลายไห้งลมพัดบ่เอนไหว
ถ่ามื่อได๋สิเพพังหล่นลงไปตกพื้น
ต้องทนฝืนยืนต่อสู้กับลมเปรียบปานกับสาวใหม่
ทางในใจของบักอ้ายมีนางน้องแต่ผู้เดียว
บ่ได้เทียวก่ายก้ำหาไผมาซ่อนบ่อน
ตกยามนอนยังละเมอเอิ้นหาน้องนางหล่าอยู่บ่วาย....... นั่นแหลว

บ่าวเมฆินทร์

01-21-2008, 10:04 AM

คำแพงเอ๋ย.........
อ้ายอยากจูงแขนน้องเมือเฮือนไปยามแม่....เบิ่งเด๋
ฮักเจ้าหลายแท่แท่ทางอ้ายจางกล่าวคำ
ขอแต่ทองหคำหล่าซ่อยเมตตาอ้ายจักหน่อย
คนซาตาวาสนาน้อยขอให้น้องได้หล่ำแยง
อ้ายขอเว้าแจ้งแจ้งบ่ผันแปลปล้นนแปลไป่
ในหัวใจของบักอ้ายมีนางน้องแต่ผู้เดียว.....คำเอ๋ย

sompoi

01-21-2008, 10:39 AM

โอ้นออ้าย..
ส่างมาจาปากเว่าแนวเค้าบ่อมีเครือ
ตั๋วให้นางหลงเสื่อนั่งเฝ่าแต่เงาอ้าย
หลงคอยหลายจนจ่อยแห้งแหงหากะป่าวดาย
มาเว่าอ่อยแล่วปะหน่ายคนสิตายละคือน้อง
หรือว่ามีผู่จองในใจอ้ายจั่งไหลลืม
ปล่อยให้นางนั่งสะอื้นกลืนนําตาแต่ผู่เดียว..น้ออ้าย

บ่าวเมฆินทร์

01-21-2008, 11:08 AM

คำเอ๋ย......
อ้ายนี่ยังต่อตั้งจิตต่อถวิลหา
คึดแต่นำขวัญตาคนงามจั่งจาเว้า
อ้ายนี่คึดอั่งเอ้าย่านแต่นางบ่เหลียวเบิ่ง
เจ้าผู้ใสเลิงเลิงให้สงโตนโตบักอ้ายสิตายแล้งย่อนคิด นำ....สาแหลว

sompoi

01-21-2008, 11:32 AM

อ้ายเอ้ย..
คำไหลไปเรื่อยเอาก้านเฟื้อยมาเฟียทั่ว
เจ้าผู่ดวงดอกดั้วตั๋วเหล่นส่างบ่อโอ้
เอาแต่คำโก้ๆมาโสเว่าให้หลงกาย
ฟังคำเว่าเพิ่นหลาย...มันมีนัยอ้ายหลายวาด..นั้นแหลว ..

น้ำตาล

01-21-2008, 12:02 PM

ป้าด///กระทู้นี่มีตะเซียนๆๆกันทั้งนั้นเลย...น้ำตาลหลงเข้า มาหยังละนิ...อิอิ...แต่งบ่เป็นดอกจ้าผญา..::)::)

บ่าวเมฆินทร์

01-21-2008, 12:24 PM

คำเอ๋ย.........
บ่ได้เอ่ยออกอ้างอำพรางแม้แต่หน่อย
พี่ชายเว้าจ้อยจ้อยนางหล่าบ่เซื่อคำ
จักสิเอาหยังแหล่วมาเป็นแนวดอกเว้าต่อ
เห็นว่าดำคือตอจั่งซั่นบ้อน้องหล่านางน้องจั่งหน่ายแ หนง......ซั่นบ้อ

ไก่น้อย

01-21-2008, 01:54 PM

บ่าวเมฆินทร์เอ้ย...
เจ้าผู้เดือนใสเเจ้ง เเนมทางน้องนำส่อง
คือบ่เจาะป่องเอี่ยม เอียงหน้ามาให้เห็น..เเน่น่อ......
หรือเจ้ามีหมื่นซู้ ป๋านางให้คิดต่อ
มาให้พอคิดพ้อ เเล้วทิ่มไว่บ่ล่ำนำ น่ออ้ายเอ้ย.....

น้องแพรจ้า

01-22-2008, 07:58 AM

มีมากมาย หลายสาวแซ่ หลายคนแล หลายคนส่อง
แพรได้แต่นั่งมอง บ่หวังจองหัวใจอ้าย ย่านเด๊ผ่ายบ่อนสิหวัง
เอื้อยส้มป่อยกะบ่ยั้ง เพิ่นกะให้ความหวัง กะคือจั่งหวานยิ้มไส่
เหลียวเห็นหน้าใสใส คือพี่ไก่ กะหมายหมั่น ฝันนำอ้ายอีกหนึ่งคน
สาวซื่อแนนกะใจหล่น ย่อนสิหลงมักคน พ่นคารมณ์คมเว้าใส่
ทางสาวต่ายยิ้มสดใส สิเลือกไผแน่หล่ะพี่ มีคนถ้าว่าฮักคอง
อย่าสุลองทำซงซื่อ สิจับปลาหลายมือ ระวังถือแล้วหลุดหล่น
ผู้ทางซ้ายอ้ายกะสน ทางขวาคนกะอยากไกล้ ทางได๋แน่หล่ะพี่เอย

ศรีสะท้าน

01-22-2008, 08:36 AM

คำแพงมีกลอนแก้สาวแพรเพิ่นมาหม่าย
จากไปดนห่างหายบ่อเห็นกลายมาเลาะบ้านนานแล้วล่วงดน
จักแม่นไปอยู่ซ้นตำบลแห่งสถานใด๋
บ่อเห็นไขความผญาว่าแม่นลืมเฮือนบ้าน
หรือมีงานการหยุ่งรุงรังสังบ่อผ่อ
ยากอีหยังแท้นอหรือแม่นพ่อบักน้อยคอยห้ามบ่อให้มา..ค ำแพงเอ้ยย

หมายเหตุ : ผ่อ หมายถึง โผล่ /ออกมาให้เห็น

sompoi

01-22-2008, 11:37 AM

น้องหล่าแพรเอ้ย..
บ่อได่จาใจเว่าเอามโนในทิ่มใส่
เอื้อยว่าไปนำน้องเป็นคองพอม่วน..ดอกหล่า
ตามประสาผู่สาวน้อยเขาบ่ค่อยกล้าต่าว
เอื้อยบ่อแม่นผู่สาวให้น้องเจ้าเซางอนเพิ่น..เด้อคำเ อ๋ย..
..อิอิ..เห็นบอร์ดเงียบๆซั่นดอก...เลยพาน้องๆเขาเว่า ผุบ่าวซือๆดอกหล่า..มาเด้อนาง.มาเว่าบ่าวนำเอื้อย..อ ุอุ>:D

บ่าวเมฆินทร์

01-22-2008, 02:10 PM

คำเอ๋ย.........
ใจของชายยังหมายหมั่นตั้งต่อบ่แปรผัน
เอาำหวัใจออกมายันว่าฮักนางว่าเหลือล้น
สิพันคนหรือหมื่นซู้บ่เคยซูแม่แต่หน่อย
ยังคึดนำแต่นาถน้อยนางหล่าเพิ่นผู้ไค
บ่มีไผเข้ามาเกี้ยวหนางเทียวบ่มีไผสิเหลียวส่อง
ในใจชายมีแต่น้องนางหล่าแต่ผผู้เดียว.....นั่นแหลว

ต่าย

01-22-2008, 08:44 PM

สาวแพรเอ้ย....
มาซ่างเว้าวอนใจ..ให้อ้่ายเพิ้นสะดุ้งคิง
ใจแม่ญิงคือนางน้องอย่าฟ้าวหมองดอกหม่นใจ..
คนผู้ไคคือจั้งเจ้า.มีแต่คนเฝ้ารอถ่า..
เบิ้งรอยยิ้มซ่างบาดตา..คำผญาหลั่งหล่ายๆ
ยามพี่อ้ายเบิ่งตาเจ้า..เบิดคำเว้าย้อนตะลึง
ใจคนึงแต่นาถน้อง..แพรเจ้าอย่าอ้วยหนี...คำเอ้ย..
เอื้อยต่าย..เป็นซุมกองเชียร์ตั๊วหล่า...::)

น้องแพรจ้า

01-23-2008, 12:08 AM

ย่านอับปางค์ ทางความเว้า ย่านหลงเมา เอาคำว่า ย่านคารมณ์ ผู้แก่กล้า มาจาไว้ ไกลห่างหนี
เขียนวาทีตีคำอ้าง สาวหลงทาง มื้อร้อยเทื่อ เขาหลงฮัก หนักเอาเหลือ ย่อนว่าเฟือไปนำเจ้า วาจาเว้า เจ้าออ่นหวาน
ชิมรสตาลหวานเพียงลิ้น น้ำผึ้งริน กินหวานคัก หวานคารมณ์ ต้มคำรัก แนวหวานหนักไส่ใจนี้ วาทีอ้ายแม่นจั่งได๋
เว้านำไผคือหวานเยิ้ม คอยแต่งเติมเสริมคำรัก สาวน้อยใหญ่เผิ่นประจักษ์ คือสิคักหัวใจอ้าย ย่านเขาพ่ายถูกรักลวง
เป็นคำจาหากล่าวล่วง บ่หึงหวงเว้าหยอกไส่ คำผญาบ่ออ่นไหว บ่ถูกใจขอโทษด้วย เพียงอยากช่วยจ่ายไส่กัน พี่น้องเอ๊ย

ศรีสะท้าน

01-23-2008, 04:38 AM

คักแท้นอน้องหล่าคำผญาที่เจ้ากล่าว
เฮ็ดอ้ายหนาวสะอื้นถมทื้นทั่งทรวง
เจ้าผู้ความผญากว้างย้านอ้ายป่วงนำเด้
ย้านแต่เซซวนซักมักบ่อนจาผญาต้าน
สังมาหวานออยอ้อนในกลอนอันเจ้าเอ่ย
ย้านแท้นอศรีเอ้ยย้านแต่ตายเด้อบัดนี้ ศรีอ้ายหน่ายสะอาง แท้แหลว

น้องแพรจ้า

01-23-2008, 12:03 PM

บ่อาจองค์ประสงค์แจ้ง หรือแถลงคำเว้าไส่
แม่นไปเฮ็ดอันได๋ อ้ายคือใจหนาวสบั้น เจ้าสั่นสู้ติพี่ชาย
น้องบรรยาย ผญาแจ้ง แค่แถลงเว้าหยอกเผิ่น
แต่ว่าคำยังขาดเขิน บ่อาจเกินสิเฮ็ดให้ ไผเป็นบ้า กล้าป่วงนำ
หม่องถลำแม่นหยังเด่ หม่องซวนเซแม่นหยังพี่
แม่นอ้ายเมาดีดีที หรือดีกรีนำบ้ออ้าย คือยักย้ายท้ายย่างเซ
คำเก๋เก๋ ว่าหวานล้ำ ความตำใจอันได๋พี่
ผญาปราชณ์ทิดคำศรี ซ่างมาตี๋แถลงเว้า เอาคำหล่อให้ม่วนหูแท้น้อ

บ่าวเมฆินทร์

01-23-2008, 12:11 PM

คำเอ๋ย......
หัวใจชายอุกอั่งเอ้ายามฟังคำน้องเว้าว่า
คำผญาจ่ายไว้หลายคนได้ดอกหล่ำแยง
แต่ทางใจสิตายแล้งมีแต่แสงแดดสาดส่อง
บ่มีไผหล่ำมองคือจั่งคลองขาดน้ำดินแห้งไหง่ผง
ถอดหัวใจลงวางไว้ให้คำนางได้แลหล่ำ
บุญเอ้ยบุญขอส่ยู้ให้นางน้องได้หล่ำมอง.....แหน่ถ้อน

ศรีสะท้าน

01-24-2008, 11:41 AM

แพรเอ้ยที่อ้ายสั่นย้อนว่าสั่นจำนรรต้านคำหวานมาเอื้ อยเอ่ย
ยามสิเขยปากเว้ากะคือข้าวแค้นคั่งคอ
เจ้ามาโพดกะด้ออ้ายพ้อต่อนกลอนผญา สาแหลว
ปากกับตาบ่อหาญสบยามพบพานบ่อหาญกล้า
ใจมันพาเซล้มนำคารมผญาหย่อย แท้แหลว
พอปานเมาเหล้าขวดน้อยใจสิม้อยหละแหม่งนำ นั้นแหลว

บ่าวเมฆินทร์

01-24-2008, 02:33 PM

คำเอ๋ย..........
เจ้าผู้งามเลิศล้ำทองคำบ่เทียบท่่อ
บ่าวได้มาพบพ้อนางหล่าจั่งว่าความ
อยากสิถามฝ่ายน้องมีไผปองแล้วหรือไป่
ในหัวใจของน้องมีคนจ้องแล้วไป่นาง
ส่วนว่าทางโตอ้ายอยากหมายปองจองเนื้ออุ่น
หรือว่าทางแม่ึคุณมีคนหนุนส่งยู้ขอนางน้องได้ว่าคำ
คึดตั้งแต่นำน้องเกือบขับรถ(ตราแข่)ตกคลองย่านนางน้อ งบ่แลหล่ำ
คนดำดำจั่่งบักอ้ายให้นางหล่าได้หล่ำแล.......แหน่ถ้ อน

น้องแพรจ้า

01-25-2008, 11:26 PM

เพียงเห็นชื่อศรีสะท้าน น้องบ่หารไปเทียบท่อ นออ้ายเอ๊ย (พ่อใหญ่เอ๊ย)
บ่าวเมฆินทร์กะหนึ่งเลย น้องบ่เอ่ยกล้าเว้า เอาภูมิน้อยไปต่อกร
ได้ออนซอนนำความเว้า เอาคำหวานมาต้านต่อ คือน้ำตาลปากหม้อย่านมาล้อให้มดตาย
ซ่างคมคายวาทะแจ้ง หรือดัดแปลงคำเว้าไส่ เว้าเปรียบเปรยกะแม่นได้ ไผเด๊น้อพ้อพบทัน
ย่านจำนรรย์ปันความล้อ ย่านเด๊น้อล้อคำหว่าน ใจบ่คิดสงสาร หลอกประหารด้วยความเว้า ย่านกินข้าวบ่ายน้ำตาซาแหลว น้องแพรเอ๊ย

บ่าวเมฆินทร์

01-30-2008, 09:01 AM

คำแพงเอ๋ย........
ยามเมื่อคึดฮอดน้องคือกินป่นบ่มีผัก
จักแม่นเป็นแนวได๋มันห่ำฮอนบ่วายเว้น
อยากเห็นแต่หน่าน้องคำแพงทุกเซ้าค่ำ
ใจถลำนำแต่เจ้าอ้ายกินเข่ากะบ่ลง
ใจประสงค์มาตั้งถามนางเบิ่งจักหน่อย
เจ้าผู้พลอยค่าล้ำแม่นสิคึดฮอดอ้ายคือจั่งอ้ายคึดฮอด นาง......บ่หนอ

ไก่น้อย

01-31-2008, 04:46 AM

อ้ายเอ้ย...
ยามเมื่อดึก ดึกค่อน ถึงยามนอนคิดฮอดพี่
ดึกมาพอส่ำนี้คิดฮอดอ้ายใจฮั่มฮอน
เห้นตะฟ้าตั้งก้อน สะออนโอ่..อั่งอก
น้ำตาตกในทรวงห่วงคนิงนำอ้าย
ปีกลายพออดได้ พอทุเลาคิอฮอดพี่
ตกมาฮอดปีนี้ ใจกลุ้มอยู่บ่ไหว แหล่วอ้ายเอ้ย.....

บ่าวเมฆินทร์

02-01-2008, 11:42 AM

คำเอ่ย...............
ยามเมื่อคึดฮอดน้องนอนบ่อิ่มเต็มตา
ผวานำแต่คำนางห่วงหาบ่วายเว่น
ยามกลางเว็นกะยังเพ้อละเมอหายามเข้าบ่อน
ทางในใจมันห่ำฮอนอ้อนหานางอยู่ซุมื่อเป็นคือบ้าป่วงล ะเมอ
อยากมาเจอพบพ้อหน่าเจ้าขวัญตาผู้เนื้อค่อง
ผู้เนื้อทองนางน้องหล่าสงโตนอ้ายแหน่เด้อคำ.........

ไก่น้อย

02-01-2008, 02:26 PM

อ้ายเอ้ย...

สิบเเม่น้ำ ซาวเเม่น้ำกะท่อด้นหา
สิบย้านภู ซาวย่านผากะถ่างทางดั้น
สิบฝาขั้นเห็นขันกะสิสิ่ว
คั่นเเม่นสิ่วบ่ได้สิเชิญฟ้าดอก....ผ่าลง
...ใจประสงค์ต่ออ้าย น้องจั่งป่ายทางหา
ใจประสงค์ต่อเฮือซาววา น้องจั่งมาจากเว่า
น้องนี่เป็นดังปลาเข่งน้อย หนองนาน้ำเขินขาด
ฝนมาโผ่เเฮ่ง สิตายทิ่มดอกเปล่าดาย ....ซั่นแหล่ว อ้ายเอ้ย....

บ่าวเมฆินทร์

02-02-2008, 04:22 PM

หล่าคำเอ๋ย.......
ยามเมื่ออยู่ไกลหน่าห่างตาเจ้าเนื้ออุ่น
ทางแม่คุณสิคึดพ่อโตอ้ายแหน่บ่นาง
บ่เคยจางจืดแท้หัวใจชายตั้งต่อ
คึดฮอดมาพอพอหลงขึ่นโพนตะโกนฮ้องหาน้องหม่อมพะนาง
ย่านแต่เทียวทางก้วงไปหาควงดอกผู้ใหม่......สาแหลว
แก้วเอ้ยแก้วค่าล้ำหัวใจอ้ายสิหมุ่นพัง
อย่าได้บังขังข่อคือกะทอข่อไม่ไผ่
ให้เจ้าคือกะคุเป้เทน้ำบ่หั่วซึม.........คำเอ่ย

ต่าย

02-06-2008, 05:48 PM

ใจเอ้ย....
ลักถ่าอ่านผญาเพิ้น..เห็นหยอกเอินกันม่วนหลาย
อยากมาต่อกะคึดอาย..บ่หาญกล้ามาคึดนำ
เป็นคือคำเพิ้นเว้าว่า...เจ้าภาษาเพิ้นว่าได้
น้องกะแค่คนอื่นไกล...ย่านพาให้คำเพิ้นสูญ
คือสิได้เพียงแต่มอง...คือสิจองเพียงในใจ
คึดสิต่อกะบ่ได้..ย่านพี่ชายคึดหน่ายหนี..เด้อ
ใจกะเผลอแต่คึดฮอด..คือสิจอดแล้วน้อใจ
ควมผญาเพิ้นเหลือร้าย..ซ่างพาใจให้คึดนำ..แท้น้อ...

โป้ยก่าย

02-09-2008, 06:56 PM

คำแพงของบักอ้ายเอ้ย
พอได้ยินคำเว้าวาจาสังมาม้วนแท้น้อต่ายเอ้ย
ใจอ้ายโป้ยก่ายพออยากม้วนยามฟังถ้อยกล่าวแถลง
ฟ้าสังมากลั่นแกล้งมาปันแบ่งพรหมลิขิต
ได้แต่เนานอนคิดหากเมื่อยใจพระทัยกลุ้ม
เอามือกุมหัวใจไว้โดนปานได๋สิพ้ออุ่น
เป็นนำบุญอ้ายนี้น้อยแม่นคอยแล้วกะเปล่าดาย นางเอ้ย

โป้ยก่าย

02-09-2008, 07:00 PM

หล้านางเอ้ย
เป็นนำอ้ายคิดฮอดน้องได้เหลียวส่องแนมหา
ในอุราหวนคิดฮำฮอนทุกแลงเว้า พุ้นตั้วนาง

โป้ยก่าย

02-11-2008, 05:45 PM

คำแพงเอ้ย
แม่นสิฮักท้อฟ้า ปานใด๋กะตามซ่าง บ่มีหวังได้อยู่ข่าง เฮียงซ้อนกล่อมสอง
อันว่านวลนาดน้อง สูงสง่าราศรี เป็นสตรีสูงศักดิ์ ก่ายเกินบ่มีได้
เจ้าผู้ดวงดอกไม้ มีคนชมว่าสูงค่า คือดั่งดวงดอกฟ้า มาลาแย้มอยู่สวรรค์
อ้ายกะพอซ่ำนั้น ฮูปฮ่างกายา โตกะดำคือกา วาสนาบ่สมเจ้า
ได้แต่มาวอนเว้า เอาผญาอ้างเอ้ย ให้คนหัวเยะเย้ย พอได้กล่าวขวญ นางเอ้ย...

ศรีสะท้าน

02-11-2008, 06:05 PM

คำแพรเอ้ย โอ๊ะฮ่วยย
คำแพงเอ้ยอ้ายมาคึดฮอดน้องสาวแพรทุกเช้าค่ำแท้นอ
คอยถ้าจอบพ้อว้อปานไดน้อจั่งสิมา
นับแต่อ้ายจอบถ้าเป็นเวลาหลายคืนค่ำ
อ้ายคึดนำอยู่อ้อนต้อนคีงใจฮ้อนฮ้ายกว่าไฟ
เป็นจั่งได๋อ้ายขอซ้นแนวมักคนเป็นตาหน่าย
พี่คึดฮอดแพรหลาย จั่งได้ออกกล่าวเว้าผญาเศร่าส่งมา นั้นแหลว

ปล. น้องแพรไปทางด๋ายนอ คือบ่อมาหม่ายให้อ้ายเห็นแหน่นอ อิ อิ อิ (อย่ามาหัวขวัญเด้อเถ่าโป๊ยเจ้าหน่ะ)

บ่าวเมฆินทร์

02-11-2008, 06:46 PM

คำเอ๋ย.......
อ้ายนี่คองคอยถ่าคอยสบตาเจ้าเนื้ออุ่น
เจ้าผู้บุญส่งยู่ตู๋หลูหล่าเพิ่นผู้งาม
สองสามควมขอได้เว้าคุยนำเบิ่งจักหน่อย
คนบุญน้อยจั่งบักอ้ายสิตายย่อนว่าฮักนาง
แอวบาง ๆ จั่งนางน้องหลายคนจองแล้วบ้ออ่น
ขอแม่คุณได้ซ่อยแจ้งแถลงเค้าดอกว่ามา
คันแม่นนางนั่นมีแล้วขออย่าให้เป็นแมวหลอยกินปลาย่าง เพิ่น
ตกกะเทินอย่าให้เก้อเผลอแย่งผู้อื่นเขา.........สาแห ลว

โป้ยก่าย

02-11-2008, 07:06 PM

ฮ้วย... เป็นหลายปานนั้นพุ้นตี้อาวทิตเจ้ากะดาย
แพรเอ้ยแพร ไปทางด๋ายน้อหล่าศรีถามหาได้ยินบ่
เบิ่งเพิ่นนั่งเฮ็ดพ้อว้อคือคนไข้ป่วยปี หล้าเอ้ย อิอิ เป็นตาเหลือโตนฮ้าย

บ่าวเมฆินทร์

02-12-2008, 12:53 PM

คำเอ๋ย............
อย่าได้ละสาดไว้หนีเมือนอนหนีจากพี่
ในใจมามื่อนี่อยากเห็นน้องเจ้าผู้ไค
เทิงมาไขแถลงข่อความในให้ฟังเบิ่ง
ควมคึดฮอดคึดเถิงในหัวใจของบักอ้ายมันหมายพ้อหม่อมพะ นาง
แม่นว่าทางสิไกลเยิ่นหนทางเดินแสนลำบาก
แสนสิทุกข์ยากฮ่ายทางโตอ้ายสิค่อยทน
ฝนสิตกบ่เคยย่านฟ้าสิฮ้องสิขอฝ่า
ขอแต่เห็นหน่าน้องนางหล่ากะส่วงไค..........คำเอ๋ย

ต่าย

02-14-2008, 01:30 AM

...อ้ายเอ้ย....
ปากอ้ายบอกว่าคึดฮอด.. ผู้ใด๋น้อกำใจอ้าย
คือสิฮักเพิ้นแฮงหลาย...ฟังพี่ชายได้เว้าว่า
แม่นบ่น้อรักเท่าฟ้า...ควมผญาซ่างเป็นไป
สาวมหาน้องนางใด๋..ไผ๋ได้อ่านย่านหลงล้ำ
พออยากให้หัวใจค้ำ..ย่านหลงคำแล้วกะหน่าย
ย้อนนางฮู้ว่าพี่ชาย...ทรงหลายใจมาโดนแล้ว
บัดมาฟังควมเจื้อยแจ้ว..จ่ายผญามาล่อใจ..
ให้อุกอั้งอยู่ทางใน..คือจั้งไฟมาลามล่อง
คำแพงนวลนาถน้อง...ฮ้องจากปากอ้ายยามใด๋
ซ่างมาพาให้หัวใจ.....มันสั่นไหวได้ปานนี้แท้น้ออ้าย ....

บ่าวเมฆินทร์

02-14-2008, 11:10 AM

คำเอ๋ย..........
หัวใจชายแม่นบ่ได้สิบห่องหรือซาวป่อง
คือจั่งความนาถน้องนางหล่าได้ว่ามา
เอาผญาออกอ้างทางเพิ่นได้เห็นใจ
ยังบ่มีผู้ได๋ย่างเลยมากายก้ำ
ตกระกำทางใจอ้ายสาวย่างกายบ่แนมเบิ่ง
ในหัวใจมันว้างเวิ้งคนจาเว้าแม่นบ่มี
ถ่าคนดีสงสารอ้ายหัวใจชายที่แห้งเหี่ยว
อยู่ผู้เดียวจั่งนาแล้งคือดินแห้งแตกไหง่ผง......... แหลว

ต่าย

02-15-2008, 01:33 AM

ใจนิน้อ.....
พอแต่ฟังคำวอนเว้า พี่มาเอาหัวใจใส่
หวานคือลมขมทางใน เพิ้นว่าไว้ให้เบิ่งเอา
น้องคนไกลย่านใจเศร้า เพียงความเว้ายังบ่พอ
อยากมารอถ่าเบิ่งน้อง อยากมาจองรอเด้ออ้าย
คั่นว่ารอน้องบ่ไหว บ่คึดฮ้ายตามใจว่า
คั่นแม่นรอต่อผญา ตะเวนลากะสู้ไหว
มักฟังคำผญาอ้าย มาต่อใจให้หายเหงา....
ใจสะดุดกับคำเว้า คำแพงของบักอ้าย..ซ่างโดนใจนางน้อง....ซั่นแหล่ว...
อิอิ......:)

บ่าวเมฆินทร์

02-15-2008, 08:00 PM

คำเอ๋ย.........
บ่าวนี่มาจาต้านคำบ่หวานคือน้ำตาลให้มดไต่
ส่วนทางในหัวใจนี่จริงใจแท่ต่อแม่คุณ
คันแม่นบุญส่งยู้อุ้มซูคือใจว่า
ปรารถนาในใจชายนี่อยากได้คนเฝ้าไวนั่งคุย
ถึงสิลุยป่าไม้พงไพรบ่ได้หวั่น
คันจริงใจต่อกันแม่นสิอยู่ซั้นฟ้าทางอ้ายสิดั่นหา... ...คำเอ่ย

ต่าย

02-17-2008, 12:41 PM

อ้ายเอ๊ย...
คั่นจริงใจต่อนางน้อง อยากมาจองคือใจว่า
กะสิรอต่อผญา ให้อ้ายมาซูแลงเซ้า
อยากเห็นควมผญาเจ้า เอิ้นใส่ดอกซูวัน
คั่นใจอ้ายอยากหมายหมั่น ขันต่อให้เอิ้นใส่
นางบ่หนีไปทางใด๋ รอแต่อ้ายดอกผู้เดียว
ควมผญามากอดเกี้ยว เกี่ยวใจให้ตั้งต่อ
ใจจดจ่อซูแลงเซ้า.....รอถ่าเจ้ามาเบิ่งแยง...ตั้วละอ ้าย...::)

บ่าวเมฆินทร์

02-18-2008, 10:20 AM

คำเอ๋ย.......
อ้ายนี่คึดต่อน้องหัวใจปองจั่งได้ว่า
จั่งได้มาจาเว่าเอาใจเข้าต่อพะนาง
อย่าฟ่าวหมางเด้อนางหล่าชายนี่มาน้อตั้งต่อ
บ่าวได้มาจาเว้าคำแพงเจ้าให้หล่ำมอง
ใจตั้งต่อนาถน้องอยากหมายปองดอกใจฮ่วม
สองใจรวมกันไว้พอสิได้บ่ละนาง

sompoi

02-18-2008, 10:51 AM

ใจประสงค์นาถน้องสิคองถ่าแต่ญาอ้าย
คือจั่งดวงตะเวนใสบ่ไกลห่างจากท้องฟ้า
น้องนิหน๋าคือเพ็ญแจ้งคอยแงงแต่ส่องฟ้า
ปรารถนาสิได่เจ้ามาฮ่วมเข่าสู่คิง
อิดูแน่ะเด้ออ้ายซายผู่น้องนั่งคองถ่า
ซินซาตาคั่นต้องเฮาสองคงได่เคียง..น้ออ้าย..

บ่าวเมฆินทร์

02-18-2008, 07:12 PM

คำเอ๋ย........
เพิ่นว่าใจประสงค์ส่งกางเกงกะยังได้ซื้อใส่.......ตั ่วละคำ
ใจประสงค์ต่อไม้จั่งดั่นเข่าดอกป่าหนา
มาสบตากับนาถน้องกะหวังเอาใจเข่ามาฮ่วม
จั่งได้มาสั่งควมเป็นภาษาจาต้านให้นางน้องดอกซ่อยแยง

sompoi

02-20-2008, 11:42 AM

วาสนาคนสำน้องคือแต่คองคอยเจ้า
ปรารถนาสิซ้อนเข่าคงบ่เค้าคู่ควร
แนวผะอวนโตอ้ายคือดวงใสตะเวนแจ้ง
น้องนิเปรียบดั่งแสงหิ่งห้อยคอยฮําหา..อ้ายเอ้ย..

ต่าย

02-20-2008, 01:52 PM

อิอิ..เอื้อยส้มจ้า..ต่ายแปลบ่ได้เด้บางคำ..เพิ้นใช้ คำผญาชั้นสูงโพดแม๋..::)..
คนบ่แม่นเจ้าของภาษาเลยต่อบ่ได้จ้า...สอนนางแน่เด้อเ อื้อย....8)

บ่าวเมฆินทร์

02-27-2008, 12:38 PM

คำแพงเอ๋ย.........
เจ้าผู้จันทร์ใสแจ้งสาดแสงใสส่อง
จั่งแท่นนวลนาถน้องนางหล่าเพิ่นผู้ไค
จักแม่นไผน้อหล่าผู้สิมีวาสนาได้นั่งเคียงดอกเฮียงอุ ่น
อยากให้บุญส่งยู้พี่ชายนี่ได้นั่งเฮียง
ฝากเพียงเสียงมาจาเว้าย่านผู้สาวเจ้าแหนงหน่าย
วาสนาคนผู้ฮ่ายย่านขายหน่าเพิ่นบ่แล........นั่นแหลว

sompoi

02-27-2008, 01:04 PM

ขอบใจสำหรับคำชมเด้อน้องต่าย และน้องน้ามตาล ..เอื้อยบ่ป่านนั่นดอกหล่า ..เรื่องผญายังน้องใหม่หลายอยู่..:)
ย่านบ่สมโตอ้ายคนผู่ไคใสส่อง
ปรารถนานาถน้องคงบ่ค้องจ่องใจ
อดสาไว่เด้ออ้ายยามคนไกลเที่ยวแว่
ขอเพียงแค่ได่ซอมเว่านำเจ้ากะดีใจ
ย่านแต่อ้ายเปิดหน่ายยามนางก่ายใกล้กุย...นั้นแหลว..

บ่าวเมฆินทร์

02-29-2008, 10:09 AM

คำเอ๋ย........
ชายสิคองคอยถ่ารอนางนั่นมาแหว่
อดบ่ไหวแท่แท่โตบักอ้ายสิดั่นหา......ตั่วหละคำ
เจ้าผู้หงส์คำแค่นผู้ผักแว่นดอกเครือดำ
เป้นหยังน้อสังบ่ไปเกิดก้ำหัวนาคำให้อ้านหล่ำ
คันแท่นไปเกิดด้ำฝ่ายพุ่นสิบ่ให้ดอกอยู่ดน
บ่มีคนได้เห็นหน่าว่าเป็นสาวดอกหลายเทื่อ
คันนางเมือไปเกิดก้ำบ้านบักอ้าย
สิบ่ให่ผู้อื่นซม........สาแหลว

sompoi

02-29-2008, 11:15 PM

อ้ายเอ้ย
บ่แม่นดวงดอกพุ่มอย่าเอาสุ่มมาล้ออ่อย
อย่ามาเล่นแต่บักหลอยต้อยซูนพอให้หลำ
คั่นแม่นค่าควรนำให้อ้ายลองเกี้ยวหา
คั่นว่าแม่นวาสนาให้อ้ายว่าดอกขอสู่
น้องสิหมายเฮียงคู่คั่นอ้ายมั่นคือจั่งคำ..นั่นแหลว. .

บ่าวเมฆินทร์

03-01-2008, 05:09 PM

คำเอ๋ย..........
บ่ได้มาลวงล่อพอได้ซูนแล้วป๋าปล่อย
บ่ได้มาอ่อยล่อสาแล้วกะหน่ายหนี
ใจนี่มีจริงแท่หม่อมพะนางบ่เคยต่าง
ย่างนำทางคึดฮอดแต่น้องบ่หมายข่องดอกผู้ได๋......

sompoi

03-01-2008, 08:02 PM

โอ้น้ออ้าย..
ยามเห็นผญาอ้ายคือจังได่ดอกคำแก้ว
คั่นมักนางคักแล่วอย่าสุฟ้าวโตนหนี..เด้ออ้าย
คนฮักอิหลีคือน้องอย่าให้คองแต่ถ่า
ให้อ้ายอ่วยหันมายามน้องจาเว่าใส่..แน่ะเด้อ

ศรีสะท้าน

03-01-2008, 08:41 PM

คำแพงเอ๋ย.......
เจ้าผู้บัวพันซั้นอุบลบานไขกลีบ
สังฟ้าวฮีบเหี่ยวก้านบานแล้วบ่ออยู่ดน
มาเหลือตนแมลงเผิ่งนานเหิงได้จอบส่อง
เจ้ามาขูหล่นต้องสิซมซ้องดอกใด ว่าฤา
แมงหากหมายอยากได้เกสรกลิ่นมาลา
ภุมราเวียนดมหมายสู่ซมแซมซ้อน
แนวภมรแมลงเผิ่งบุญบ่อเถิงได้ตอมไต่
ได้แต่บินเข้าใกล้ใบก้านก่องลำ นั้นแหลว

บ่าวเมฆินทร์

03-13-2008, 10:42 AM

คำเอ๋ย........
เจ้าผู้ทองคำแก้วแววไวใสส่อง
บ่ได้เห็นหน่าน้องหลายมื่ออยู่บ่ไหว
ในหัวใจมันฮ่อนห่ำฮอนทุกเซ้าค่ำ
เจ้าผู้แนวหงส์คำซู่บักอ้ายปานนี่อยู่จั่งได๋
มีผู้เข้ามาเว้าคุยนำเจ้าหรือบ่
มีแล้วบ้อน้องหล่าคนจาเว้าแทนพี่ชาย

หนุ่มบ้านดอน

03-13-2008, 01:42 PM

คำเอ๋ย......หล่าคนฮู้ผุแก้มมู่ยู้บ้านท่ง
อ้ายนีมาเห็นเจ้าจนใจใหลหลง
คิดพวงนำแต่นงนาถน้อง
อยากสิไปนอนร่วมห้อง
อยากเป็นทองแผ่นเดียวกัน
ให้สองเฮานั่นสุขสรรค์
อยู่นำกันแค่สองคน............

sompoi

03-13-2008, 03:08 PM

อ้ายเอ๋ยย..
นับตั้งแต่ไหลป๋าห่างกันมาจนมื้อนั่น
แม่นคึดฮอดกันจักคำแน่ะบ่อน้อ..
บัดว่าทางพี้บ้อคอยพ้อแต่หน่าอ้าย
เหลียวแนมเบิ่งทางได๋กะบ่หายส่วงเซา
คองหาแต่ควมเว่าอ้ายเจ้าบ่หลํามา..นั่นแหลวว..

ศรีสะท้าน

03-14-2008, 08:46 AM

โอนอ คำเอ๋ยคำ............
คำแพงพากษ์พิงพาดคำแถลง
คำจาแปลงป่วนใจแท้จอมเจ้า
คำวอนเว้าออนซอนอ้อนใส่
คำสงสัยเซื่องซ้นตนอ้ายบ่ออ่าวเห็น แท้แหลว

sompoi

03-14-2008, 10:50 AM

ญาอ้ายเอ๋ย..
คั่นคำเว่าทางน้องมันดองในใจเจ้า
ให้อ้ายคะนิงเอาใส่ในมโนน้อม
นางสิพร้อมยอมจาว่านำคำญาอ้าย
ยากทางใจเฮือนซานป่านหยังติอ้าย
เป็นแนวได๋คือบ่เอ่ยเผยเว่าสู่หา
ควรบ่ควรจั่งจาเว่าอ้ายเจ้ากะผู่ใหญ่..น้ออ้าย

บ่าวเมฆินทร์

03-14-2008, 05:18 PM

คำเอ๋ย...........
ทุกคำจาภาษาเว้าขอนำเอามโนห่วม
เก็บทุกควมคำจามาใส่ในหัวใจอ้าย
ถึงความหมายคือหมาน้อยแหงนมองเทิงฟ้าใหญ่
เครื่องบินลอยไหลเรื่อยจักสิขึ่นได้บ่อนได๋
ได้แต่แหงนเบิ่งฟ้าวาสนาบ่เถิงเพิ่น
ลอยไหลเวินคือเรือลำน้อยเฟือยสิยั้งแม่นบ่มี.......ส าแหลว

sompoi

03-15-2008, 04:33 AM

ว่าโอ้น้อ..ซายเอ๋ย..
ส่างมาตีแถลงเว่าให้นางเฝ้าคึดหา..
ฟังวาจาซายเว่าพออยากเข่าฮ่วมเฮียง..
บ่อแม่นเพียงมาหยอกเว่าเย้าเหล่นม่วนหัว
พอให้นางเมามัวพัวพันปันเกี้ยว..
บัดทางเลี้ยวล่อคดบ่แม่นหลบหลีกหนี ..
ถ่าแนมเบิ่งที่ลี้..ดนป่านนี้กะบ่เห็น ..นี่แหล่ว..

ต่าย

03-15-2008, 11:14 AM

8)....สุดยอดจ้าเอื้อยส้ม..ม่วนหลาย...ขอเป็นศิษย์แน ่ได้บ่..8)
อย่าหวานหลายเด้อเอื้อย...เพิ้นสิว่าเฮาปั่นกระทู้เด ้...อิอิ....ล้อเล่นจ้า8)::)

ศรีสะท้าน

03-15-2008, 11:38 AM

ฟังคำเพรียกพลอยพากษ์กลอนแถลง...คำแพงเอ๋ย
หรือมาแปลงกระบวนบทบอกเพียงคำอ้าง
หรือแม่นมาหมายสร่างคำสงสารให้สับส่อ...คำแพงเอ๋ย
หรือแม่นเพียงหลอกล่อลวงเหล่นให้หล่าหลัง

sompoi

03-15-2008, 12:02 PM

....สุดยอดจ้าเอื้อยส้ม..ม่วนหลาย...ขอเป็นศิษย์แน ่ได้บ่..
อย่าหวานหลายเด้อเอื้อย...เพิ้นสิว่าเฮาปั่นกระทู้เด ้...อิอิ....ล้อเล่นจ้า

ห่วย..มะส่างว่าแท่ะน้อบาดนิหล่า..อิสัน(ดิฉัน>:D)..บ่มีเจตนาปั่นเด้อคร่าทั่นคณะกรรมการทั่งหลาย.. บอกกันเตือนกันแน่ะเด๋อ ก่อนบล๊อกกันกะดาย:-[ ปล. ..ขอบใจสำหรับคำชมเด้อน้องต่าย มาส่อยเอื้อยแน่ะแหม๋ล่ะอิหล่า ..ว่าไปโลดประสาแซวผุบ่าวซือๆ

โอ้ยอ้ายเอ๋ย....
คือจั่งจาว่าเว่าเอาลมมาทิ่มใส่..แท้หน๋อ
ควมทางในเทิ้งฮ่ายป้ายไหลใส่หา
ให้อ้ายลองเอ่ยจามาเบิ่งแน่หน๋าคำ..
อย่าตอกตำแต่คำฮ่าย..คนสิตายแม่นคือน้อง..นั้นแหลวว. .

ต่าย

03-15-2008, 06:44 PM

เอื้อยเอ้ย....
หล่าบ่หาญต่อตั้ง........จอบฟังแต่หมู่พี่
อยากยอกย้อนอยู่มื้อนี่....ย่านยากยุ่งอยู่เอื้อยอ้า ย
สิจอบต่อพอได้ฟัง...สินั่งต่อพอได้สม
คือสิได้อยู่คำคม..พอได้สมมโนหมาย....
คั่นว่าฝึกจนม่วนหู..คั่นว่าซู้เพิ้นฮ้องสั่ง
นางสิบ่หยุดยั้ง..ฟังเอื้อยอ้ายอยู่ฝ่ายเดียวดอก...ว ่าซั่น

ท่านอาจารย์ศรี..อาจารย์ส้ม..โปรดชี้แนะ....;D....

โป้ยก่าย

03-15-2008, 10:19 PM

หัวใจซายเหี่ยวแห่งยามมื่อแลงออกหาเที่ยว
หาเกี่ยวสาวซ้ำน้อยพอได้ซ่วงใจ
เลาะคุ้มเหนือคุ้มไต้ผู้บ่าวใหญ่ใจมันเหงา
ตกเถิงคราวอยากมีเมียไว้ฮ่วมเฮียงเคียงซอน

ต่าย

03-15-2008, 10:57 PM

อิอิ...พี่โป้ยบ่แม่นผิดกระทู้ตี้อ้าย...::)...ต้องต ั้งชื่อใหม่เด้อ..ควมผญานี้...::)
ไปเฮ็ดอิหยังบนเวทีมหาพาแลง...เป็นนักร้องตี้...อิอิ

โป้ยก่าย

03-15-2008, 11:08 PM

อ้าว แม่นตี้หล้า ว่าแม่นถืกหม่องตี้สั้นดอก

มันบ่มีหม่องนั่งหล้า เลยขึ้นไปมั้วเทิงฮ้าน ลำกะบ่เป็น
ร้องเพลงกะบ่เป็น แต่ว่าอ้ายคนมักไมร์ตั้วหล้า บ่ได้ลำ บ่ได้ร้อง
ได้หมาดคอใส่ซื่อๆ กะมีแฮงใจแล้วหละน้องต่าย อิอิ
เสียดายน้องต่ายบ่ได้ไปเนาะ ปีหน้าอย่าพลาดเด้อน้องหล้าม้วนคักอี่หลี

บ่าวเมฆินทร์

03-18-2008, 12:31 PM

คำเอ๋ย......
เจ้าทองคำแค่นผู้สายแนนดอกสูงส่ง
เจ้าผู้หงส์คำแก้วแส่วเหล่นดอกหยอกกา
ภาษานางจาเว่าสังม่วนหลายแท่น้ออุ่น
เห็นแม่คุรมาจาต้านทางบักอ้ายได้หวั่นไหว
จั่งได๋น้อจั่งมาจาต้านว่าพี่ชายเพียงหยอกอุ่น
ตั๋วแม่คุณให้ถ่าสาแล้วกะบ่เห็น
บ่เป็นแนวไหลลื่นหมื่นมือดอกคือเอี่ยน
ชายนี่เพียรจิตไว่ใจตั้งต่อพะนาง.........น้องเอ๋ย

sompoi

03-19-2008, 07:22 PM

โอ๋ยน้อซายเอ๋ย..
คำที่เพิ่นวางไว่แม่นคือใจซายบ่อน้อ
ตั๋วให้เฮาตั้งต่อรอท่าป่านฟังลำซั่นบ้อ
ใจประสงค์ตั้งต่ออยากพ้อนำคำจา
ส่างมาปล่อยทิ่มป๋าให้ถ่าจนนานเนิ่น..น้อผุบ่าวเอ้ย. .

บ่าวเมฆินทร์

03-20-2008, 01:05 PM

บ่ได้ไปไลข่างไกลทางเทียวท่อง.....ตั่วหละคำ
บ่ได้ป๋าถิ่มน้องนางหล่าให้นั่งซึม
บ่ได้ลืมคำเค้าวาจาเฮาเคยเว้าต่อ
คึดฮอดมาพอพอได้แต่แหงนเบิ่งฟ้าสั่งคำเว้าฝากต่อดาว
บ่มีสาวได๋ซ่อนนอนเฮียงคือคำว่า
ปรารถนาตั้งแต่น้องนางหล่าอ้ายคึดนำ
ทางงานทำมันแสนยุ่งมุงมาคือฮากไผ่
สิถิ่มเสียกะบ่ได้ให้นางน้องซ่อยเห็นใจ.....คำเอ่ย

ไก่น้อย

03-20-2008, 02:59 PM

อ้ายเอ้ย....
สิบปีล่ำซาวปีล้ำจักพ้อกันเทื่อนึง
ข้าวขึ้นเล้าจั่งเห็นเจ้าผู้คึดนำ
เป็นจั่งได่น่ออ้าย ชายผู้ดี ที่คิดต่อ
คิดฮอดเเน่บ่น้อ คำที่เคยจาเว่า เคยนั่งเฝ้าบอร์ดผญา
หรือว่าลืมนางหล่า สาวไก่เมืองกาสิน
บ่ได้ยินคำจา ถามหากันพอน้อย
หรือว่าพอเพียงอ้อย ต้อยคำหวานให้นางอิ่ม
หวานเเต่เพียงซากสิ้น คายทิ่มบัดห่าจาง น่ออ้ายเอ้ย....

บ่าวเมฆินทร์

03-21-2008, 12:14 PM

คือได้มาพ้อหน่าสบตาแล้วเว้าต่อ
คือได้มาพบพ้อนางหล่าแม่นผู้ไค
เห็นสาวไก่มาจาเว้าถึงคำเก่าแต่คราวหลัง
บ่เคยลืมดอกเด้อนางในความหลังแต่คราวกี้
สาวผู้ดีเคยจาเว้าสองคนเฮาเคยเว้าต่อ
ถึงพ.ศ.ดอกผ่านพ่นโตชายนี่แม่นบ่ลืม
ตื่มมาหลายความคิดฮอดบ่กล้าดอดมาถามข่าว
ย่อนว่าย่านผู้สาวเพิ่นนั่นมีผู้จองแล้วจั่งบ่ได้ดอก เอ่ยหา
ย่านภาษาเคยจาเว้าบ่ชวนฟังคือครั้งก่อน
เว้าไปแล้วย่านถืกฆ่อนจั่งบ่ได้ดอกเอ่ยหา......สาแหล ว;D;D;D

ย่าน

บ่าวเมฆินทร์

03-24-2008, 12:13 PM

คำเอ๋ย......
ยามเมื่อคิดฮอดน้องยามกินเข่ากะแน่นอั่ง
มันหากหลั่งมาเรื่อยสิหยุดยั่งกะบ่ไหว
ในหัวในมันหากเพ้อละเมอหาอยู่อ้อยอิ่น
เข่ากะกินยากแค่นแม่นได้เห็นหน่าเจ้าคืออ้ายสิส่วงเซ า.......

ศรีสะท้าน

03-24-2008, 12:46 PM

คำแพงต้านคือหอมหวานให้อ้ายฮ่ำ แท้นอ
มาเอ่ยคำเค่งค้อยให้ใจห้อยห่วงหา
สังสิเฮ็ดให้อ้ายบ้าเบนเบี่ยงเอนเอียงจิต แท้ดาย
สังมาทำให้ชายคิดคร่ำคะนิงนำน้อง
หรือแม่นมาตั๋วย้องยอจาผญากล่าว ฤานอ
หรือแม่นซู้ซั่วคราวหรือแม่นบ่าวซั่วมื้อ มาคือเว้าให้คึดนำ แท้แหลว

บ่าวโจ่โล่

03-24-2008, 05:41 PM

เป็นหยั่งบุญอ้ายเด๊หล่า เป็นบุญตาพ้อเนื้ออุ่น ที่การุณเว้านำอ้าย คนขี้ฮ่ายได้พบพา

เจ้าสุดสอยปานดอกฟ้า อ้ายซ่ำหมาขี้เฮื้ยนจ่อย งามเลิศลอยอยู่เด่นฟ้า ทางคุณค่าอ้ายบ่มี

ยังโชคดีได้ถามข่าว ได้ถามคราวบ้างจักเทื่อ เผิ่นอยู่เหนือคนจั่งอ้าย เคียงกายขั้นท่านผู้มี

สิค่อยเจียมบอดี บุญบ่มีเฮ็ดร่วมอุ่น สิพอหนุ่นส่งบักอ้าย บายดอกฟ้า อย่าคิดเถิง

อยู่นำเพิงซ่ำดอกหญ้า มีคุณค่ากะเพียงดิน อย่าถวิลหาเลย บ่อาจเปรยไปเคียงคู่

กลางคืนดูจันทร์ส่องฟ้า กลางเว็นมาตะเว็นส่อง ตราบได๋ปลายังคู่คลอง อย่าหวังจอง ปองดอกฟ้า บ่หาญกล้าไปคู่เธอ....คำแพงเอ๊ย

sompoi

03-24-2008, 11:34 PM

อ้ายเอ้ย..
คั่นบ่มักด้ามพร่าคือส่างหามมาไกล..แท้หน๋อ
คือบ่อฟาดทิ่มไว่ข้างคูคองป่า..น้ออ้าย
วาสนาว่าสิได่บู๋ขอนไม้ไล่ถางหญ๋า..
อ้ายมาหักด้ามพร่าเพียงบอกว่ามันบ่สม
พร่าบ่คมบ่สมด้าม..ฟาดทิ่มซําบ่สนใจ..
แนวซาดด้ามคือจั่งไม้..บ่มีมีดกะเปล่าดาย..อ้ายเอ้ย. .

บ่าวเมฆินทร์

04-08-2008, 10:21 AM

คำเอ๋ย........
บ่ได้มาพ้อหน่าขวัญตาเจ้าเนื้ออุ่น
ทางแม่คุณน้องเจ้าลืมอ้ายแล้วไปน้อ
ยังคงพอจำได้หรือว่าได๋บ่าวมาได้ดอกถามข่าว
หาผู้สาวเคยจาเว้าตั้งแต่เค้าดอกก่อนมา

sompoi

04-08-2008, 03:01 PM

ซายเอ้ย..
สุขสำบายดีอยู่บ่อคือบ่อพ้อพบหน่า
คำเคยเว่าเอิ้นหาบ่อมาจาสั่งไว่
หลงทิ่มให้ไผ๋ถ่าจนว่าเว่าอยู่ผู่เดียว
เจ้าบ่มาแว่เลี้ยวหือยากเกี้ยว..แต่ผู่สาว..น้อซายเอ ้ย..

ศรีสะท้าน

04-09-2008, 08:49 AM

คำแพงพากษ์เพียงเพิกวาจา
สรรหาคำแค้นเคียงเผดียงอ้าย
หมายตีข่าคำจาขับขู่
คือศัตรูต่อต้านหาญเข้าข่มแข็ง
จิตมาดแม้งสิแทงเสียบให้สมศร ฤาใดนอ
บ่ออนซอนซีวาผ่ากลางวางไว้
ใจดำแท้เทียมแหย้อมหมาก
ปากก่อนกี้คือดีซ้องซื่นซม

บ่าวเมฆินทร์

04-09-2008, 09:31 AM

คำเอ๋ย.......
บ่ได้หาเทียวเล่นเลาะหาดอกสาวใหม่
จั่งแม่นแสนยากฮ่ายงานยุ่งหลีกบ่ไหว
ใจกะอยากสิมาพ้อมาจานำเนื้ออุ่น
อย่าฟ่าวสูนเคียดให้ที่ชายได้ดอกห่างหาย.......สาแหล ว

sompoi

04-10-2008, 12:08 PM

โอ้ยยหน๋อ..
บ่เคยคึดเคืองขุ่นแค้นคุณเด้อคำ..
แม่นบ่อเห็นกะคึดนำ..คองถ่าสิเอิ้นใส่..อยู่เด้อ..
แม่นเคียดหยังล่ะอ้าย..นางเฮ็ดหยังให้ซายเคืองน้อ..
ส่างมาหย่อจ่มเป็น..ป่านตาเห็นน้อทางใจ..เด้อ้าย..

ติ๊กต็อค

04-10-2008, 02:29 PM

พะญา นำ ย๊ะอ้ายย๊ะเอื้อย กะบ่เป็น ได้แต่มานั่งอ่าน...
ซ่างมาอุกอั่งเอ้า แท้ ใจ...นี่กะดาย...
มักหลาย ย๊ะเอื้อยส้ม อั่นนี่ หล่าขอ สา...........8)

"อ้ายเอ้ย.....
คั่นบ่มักด้ามพร่าคือส่างหามมาไกล..แท้หน๋อ
คือบ่อฟาดทิ่มไว่ข้างคูคองป่า..น้ออ้าย
วาสนาว่าสิได่บู๋ขอนไม้ไล่ถางหญ๋า..
อ้ายมาหักด้ามพร่าเพียงบอกว่ามันบ่สม
พร่าบ่คมบ่สมด้าม..ฟาดทิ่มซําบ่สนใจ..
แนวซาดด้ามคือจั่งไม้..บ่มีมีดกะเปล่าดาย..อ้ายเอ้ย. ."

:'( :'( :'( :'( :'( :'(

ศรีสะท้าน

04-10-2008, 02:55 PM

บู๋ไปโลดนาง อิ อิ อ้ายสิถางทางซ่อยดอก ว่าไปจารย์ว่าไป ดีแล้วดี

ติ๊กต็อค

04-10-2008, 04:21 PM

บู๋ไปโลดนาง อิ อิ อ้ายสิถางทางซ่อยดอก ว่าไปจารย์ว่าไป ดีแล้วดี

ถ่าให้อ้ายซ่อยถางอยู่ แต่ว่า ถางแบบอย่าให้มีหนามมาตำ หล่า เด้อ อ้ายฮัก 8)
หล่าเจ็บบบบบบบบ :'(

ศรีสะท้าน

04-10-2008, 04:37 PM

คำแพงเอ๋ย อ้ายสิพานางสร่างถางวิถีเทียวท่อง
อ้ายสิพานาดน้องลองเหล่นให้ม่วนใจ
เจ้าอยากได้ประสงค์สิ่งสันใด
ขอจงไขวาทีให้พี่ศรีเห็นฮู้
หมายเป็นซู้ซูซอนสะออนบ่าว ใดนอ
บอกข่าวซายผู้พี้ศรีสะท้านให้ผ่านเห็น
อ้ายสิเต้นตามต่อยอนำ
สิบ่ทำกระบวนขัดคั่งขีนพอดี้
เห็นดีด้วยคนสวยสัพพะวาท
ผู้ฉลาดจั่งน้องเขาหมายข้องเกี่ยวพันธ์ นั้นแหลว
....เอาใจซ่อยน้องฮักเด้อ สิพาบู๋ป่าบู๋หนามดอกนาง อิ อิ อิ....

tata-design

04-10-2008, 06:12 PM

มู่เจ้ามาแต่งคำเว้ากันค่องแท้หน๋อก้อนคำก้อนแก้ว:g: :):g::):g

ติ๊กต็อค

04-10-2008, 07:07 PM

....เอาใจซ่อยน้องฮักเด้อ สิพาบู๋ป่าบู๋หนามดอกนาง อิ อิ อิ....

เห็นว่าเป็นชายชาตินักรบ เพิ่นใส่เกิบเซพตี้หัวเหล็ก หนามตำกะบ่เจ็บ.....

หล่าใส่แค่อิแตะ เด้ออ้าย หนาม แหลม ๆ หล่า กะสู่บ่ได้ดอก ย๊ะอ้าย :'(

บ่าวเมฆินทร์

04-11-2008, 10:11 AM

คำเอ๋ย.......
บ่ได้คิดเคืองแค้นข่องขุ่นดอกเคืองใจ
บ่ได้มีอันได๋หมองใจแต่พอน้อย
ได้แต่คอยแลจ้องมองทางเคยเทียวท่อง
อยากมาจานำนาถน้องทางอ้ายให่ป่วนใจ
ตั้งตาคอยมื่อสิได้มาพาทีกับเนื้ออุ่น
อย่าฟ่าวสูนเคียดให่ยามชายได้ดอกห่างไกล......คำเอ๋ย

sompoi

04-11-2008, 10:25 AM

โอ้ยซายเอ้ย..
ฟังผญาจาต้านส่างม่วนหวานแท้หน๋อ
เฮ็ดบุญหยังจังสิท่อเท่าเทียมเจ้าน้ออ้าย
บุญบ่หลายย่านบ่อยู้ซูฮอดผู่ดีเพิ่น
ได่แต่เทียววังเวินเอิ้นหาจาเกี้ยว..ซั่นแหลว

บ่าวเมฆินทร์

04-11-2008, 11:41 AM

คำเอ๋ย......
บ่ได้ไปหาญกล้าทำโตดอกเหนือเพิ่น
ตกกะเทินคนผู้ฮ้ายอายหน่าย่านเพิ่นหยัน
ไผสิปันบุญให้บ่าวพี่ชายได้คึดต่อ.....นำหนอ
ย่านแตนั่งจ้อก้อกายหน่าเพิ่นบ่มอง
บ่แม่นทองคำก้อนคนบ้านดอนเปรียบได้ขี่หินแห่
ไผสิแลโตบักอ้ายชายนี่นับว่าบุญ......สาแหลว

sompoi

04-12-2008, 12:01 PM

บ่อได่ติดอกเด้อจ้า..บ่อคึดว่าเรื่องฮูบฮ่าย..
อยู่ทางใจพุ่นเด้อซาย..สำคัญกั่วรูปกาย...เด้อ
หากแม่นสายแนนหมั่นต่อสัมพันธ์บ่มีห่าง..
ดนป่านได๋บ่อมายม้าง..ทางเทียวใจให้เจ้าจื่อ..นั้นแห ลว..

ศรีสะท้าน

04-12-2008, 12:54 PM

คำแพงเอ๋ย คำที่เจ้าอ่าวอ้างมันแสนแสบมะโนทรวง
ทะเลหลวงคำเค็มบ่ออาจเต็มถมได้
แนวว่าดงดอนไม้ไพศาลบ่หาญท่อง
คือดังใจอีน้องไกลกว้างสิเที่ยวเถิง สาแหลว

ติ๊กต็อค

04-12-2008, 03:31 PM

อ้ายเอ้ยย ...
หล่ามาจ่าเว้าหา..อ้ายของหล่า....
วาจาบ่ยู้ฮอด สายแนนจอด บ่ต้องแจว... เด้อ้าย
ให้ถามซายหมายมั่น ฮักกันอยู่..ซู้แก่น
แม่นอ้ายศรีถางทางแปน... อ้ายสิเทียวนำบ่อ ..อ้ายเอ้ยยย

++

ย๊ะอ้ายศรี หล่าต่อ ไปได้ละแหมะ จบข่าววววว ::) ต่อให่หล่าแน่

++

จักมันเป็นพญา นำเพิ่นบ่บุ๊ บุลงส่าง ปานหยังนะ ^-^

บ่าวเมฆินทร์

04-16-2008, 09:09 AM

คำเอ๋ย.....
ขอให้จริงดั่งคำเว้าคันนางเอาคือคำว่า
ฮอดฟ้าผ่ากะสิบ่ย่านไฟไหม่บ้านให้อ้านศรีสะท้านเลามอ ดเอา
ชายนี่ถือคำเว้าใจจริงดอกหมั่นเที่ยง
บ่ได้เอียงซ้อยง่อยคือค่อยตะฝั่งซี
คันแม่นมีใจหมั่นสิขอผันเข้ามาฮ่วม
อย่าสิลวงหลอกต้มให้ชายนี่ดอกนั่งซึม......คำเอ๋ย... .

บ่าวเมฆินทร์

04-17-2008, 08:41 AM

คำเอ๋ย....
ยามเมื่อไกลไลหน่าเคหาสถานอยู่
ได้แต่ขดขี่คู่นอนแห่งอยู้ผู้เดียว
บัดยามเหลียวขสาซ้ายบ่มีไผสิคืออุ่น
แม่นสิอยู่ไกลพุ่นแต่ใจอ้ายตั้งต่อนาง.....แท่แหลว

sompoi

04-17-2008, 08:54 AM

ซายเอ้ย..
เถิ่งสิไกลห่างตายังห่วงหาบ่มีส่วง
วันเดือนปีเลยล่วงยังคงอยู่คอยถ่า
อดสาเอาเด้ออ้าย.. งานยากหลายให้เซาเมื่อย
ค่อยเฮ็ดสร้างไปเรื่อย..งานใหญ่สิง่ายหน่า..เด้ออ้าย

บ่าวเมฆินทร์

04-17-2008, 09:19 AM

งานสิหนักแสนลำบากถึงสิยากกะส่วงเซา
บาดยามใจคึดฮอดเจ้าสังมาเอ้าอั่งฤทัย
ย่อนว่าทางมันไกลเยิ่นแสนสิเดินกะยากยิ่ง
เอาใจจริงฝากนำฟ้าลอยหาเจ้าแล้วสั่งความ.......

sompoi

04-17-2008, 09:42 AM

ซายเอ้ย..
ยามคึดฮอดเจ้าหลายได่เฝ่าเบิ่งอิเกิ้งน้อย
ส่างมาไกลเกินสุดสอย..คือโตอ้ายกะดั่งกัน
ยามคึดฮอดจ้อจั้น..อกสิปันแตกเสี่ยง
เหลียวทางได๋กะเห็นเพียง..คือหน่าอ้ายบ่ายมาเอิ้น..อ ้ายเอ้ย

บ่าวเมฆินทร์

04-19-2008, 09:29 AM

คำเอ๋ย......
บ่เคยได้อวดโอ้ถือโตว่าสูงส่ง
เป็นเซื้อซาติหงส์แก้วเดือนแจ้งกระจ่างงาม
เว่ากันตามความแล้วคือจั่งแหลวซาติกาก่ำ
คันแม่นเปรียบหงส์คำแก้วกรรมต้องสิแล่นตำ
ย่านแต่คำนางหล่าบ่ชายตาดอกมาหม่าย....สาแหลว
ซื่อว่าแนวต่ำต้อยย่านคอยเก้อเพิ่นบ่แล.....นั่นแหลว

sompoi

04-25-2008, 04:55 PM

โอ้น้อ...
คึดฮอดอ้ายได่กินเข่าบ่ายน้ามตา
ส่างอยู่ไกลคนละฟ้าแนมหากะบ่เห็น
ทุกเซ่าคําบ่ละเว้นใจคึดเห็นอยากพ้อหน่า
คอยส่องนำแต่เทิ้งฟ้าอ้ายสิถ่าเบิ่งบ่อน้อ

บ่าวเมฆินทร์

04-28-2008, 02:19 PM

คำเอ๋ย.......
เป็นจั่งได๋น้อเจ้าคือบ่เห็นฮอดเงาของเจ้าแม้แต่หน่อ ย
หรือวานวลนาถน้อยลืมแล้วหรือว่าได๋
คึดพ้อคราวเฮาเคยได้พาทีดอกเว้าต่อ
หรือว่านางคือกะทอเกี่ยวหญ้าใส่เต็มแล้วนางหล่ากะหน่ ายหนี.......สาแหลว

sompoi

04-28-2008, 02:50 PM

โอ้น้อ..
บ่อเคยหนีเด้ออ้าย บ่เคยพ่ายไปทางได๋
ยังคงห่วงแต่นำอ้าย ทั้งเหมิดใจมีแต่พี่
คึดบ่อน้อคนทางนี้ ไผ๋ที่เฝ่าคึดตั้งต่อ
ส่างหลงลืมได่ลงคอ ปล่อยนางพ้อแต่น้ามตา..น้ออ้าย..

ศรีสะท้าน

04-29-2008, 07:37 AM

คำแพงเพี้ยงเสมอเพียงจิตพี่
ดีบ่ดีกะดั่นดิ้นสีนบ่ม้มขาดวาง
อยากห่างฮ้างเหินห่างกะหวนหา
บ่อาจเอาเวลามาขีดกากางกั้น
มันหากอัศจรรย์แท้บ่แปรไปไกลห่าง
บ่ออาจวางละถิ่มถมทื้นถอกเท

sompoi

04-29-2008, 11:36 AM

โอ้หน๋ออ้าย
อัศจรรย์ใจแน่น ป่านสายแนนเอิ้นหา
ควมสิจาปากเว่า มันอุกเอ่าอั่งใจ
อาศัยต่อผญาไว่ ได่ให้อ้ายมาเปิดอ่าน
ให้ดั่งคือสายพาน เคียงคล้องน้องพี่
ฮ่ายหรือดีจั่งจาเว่า สอนเอาซั่นเด้อ..อ้ายเอ้ย..

บ่าวเคียว

05-01-2008, 04:06 PM

นับถือ...นับถือ เด้ออ้ายเมฆินทร์ สุดยอดๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ

บ่าวเมฆินทร์

05-02-2008, 11:35 AM

คำเอ๋ย.........
มีแต่เพียงคำเว้าสองเฮาเว้าจาอ่อย
หัวใจดวงน้อยน้อยนางน้องได้ต่อนำ...บ่หนอ
หรือว่าเพียงลวงล่อตั๋วให้ชายได้ฮอนห่ำ
ยามงามขำออกอ้างออกสิม้างย่อนคึดนำ.....สาแหลว

sompoi

05-02-2008, 03:47 PM

โอ้น้อบ่าวเอ้ย
คำจาเว้าเผยไปออกจากใจซั่นตั้วอุ่น
ออนซอนนำคำเว่าพุ่น..บุญจั่งยู้ได่ซูมา
วาสนาอยากพ้อหน่า..ย่านบุญค่าบ่สมเพิ่น
พอละเทินแล่วเด้อเจ้า..อายคำเว่ากะพ่องกัน..นั่นแหลว

บ่าวเมฆินทร์

05-06-2008, 09:59 AM

คำเอ๋ย.....
ชายนี่อยากมาพ้อหน่ามาสบตากับเนื้ออุ่น
แต่ว่าบุญบ่ส่งยู่สองเฮานั้นจั่งห่างไกล
จักสิเอ็ดจั่งได๋แหล่วแนวกัวใจมันตั้งต่อ
คึดฮอดมาพอพอพออยากฮ้องสั่งฟ้าไปหาน้องดอกสั่งนาง

ศรีสะท้าน

05-06-2008, 12:14 PM

คำแพงเอ๋ย
อ้ายขอปากกล่าวต้านเป็นคำอ่านกลอนผญา
รจนารังสรรค์ส่งศรีสมรน้อง
อดสาลองลงเหล่นเป็นกลอนเกี้ยวก่าย
เขียนบรรยายแต่งแต้มเติมตั้งต่อตาม
บ่อลื่นไหลคือน้ำกระแสซลอันเซ่งซ่า ก็ตามถ่อน
แนววาจากาพย์เกี้ยวกลอนก้อมให้ค่อยฟัง
เสียงบ่ดังหอมหุ่มแนวภูมิบ่กล้าเก่ง
บ่อาจเส็งส่ำสู้ภูมิฮู้ผู้เก่งธรรม
บ่ได้เฮียนอาจล้ำสูงภาคภาษา
เป็นแต่เพียงรจนาแต่งภาษาภายพื้น
คำใดบืนบิดเบื้องขออย่าเคืองให้เตื้องต่อ แหน่เดอ
มาติแปลงแต่งก่อยอบทกลอนซ่อยอ้ายภายหน้าให้ซ่าลือ นั้นเทอญ

บ่าวเมฆินทร์

05-10-2008, 01:58 PM

คำเอ๋ย.....
พอแต่มาเห็นหน่าขวัญตาเจ้าเนื้ออ่อน
ทางใจอ้ายมันเดือดฮ้อนคิดนำน้องหม่อมพะนาง
แม่นพอมีหรือบ้างทางเวลาแหน่จักหน่อย
ให่หัวใจดางน้อยน้อยของอ้ายได้นั่งเฮียง
ฟังแต่เสียงคำต้านของพะนางมาหวานฮ้ายแถ่น้ออุ่น
บุญสิพอมีได้ส่งยู้ให่ชายได้ดอกนั่งคุย......บ่หนอ

sompoi

05-10-2008, 03:25 PM

ไก่น้อย เอ้ย มาส่อยกันแน่ะเป็นหย๋างงเห็นว่ากะดาย..^-^ ยากเวียกคือกันเด้อ ทางนิกะดาย หึยย

ศรีสะท้าน

05-10-2008, 05:51 PM

อิ อิ หมอลำฝ่ายญิงเอิ้นหาพี่เลี้ยงแล้วบาดนี้ เพิ่นย้านหมอลำฝ่ายชายยันตกฮ้านอ่ะ เหอ ๆ ๆ ๆ

sompoi

05-10-2008, 06:11 PM

โอ้ยย บ่มีฟิวส์ซือๆดอกอ้ายย บิ้วอยู่หึยยย..ไก่น้อยกะบ่อได่อยู่ เก่งพอตายดอก เนาะอ้ายยุทธ เนาะ..

สาวโรงงาน

05-11-2008, 06:13 AM

อ้าย.....เอ้ย
ได้ยินเสียงเจี่อยแจ้ว พ้อปานว่าแมวเป้าหง่าว
ฮำฮอนนำพุสาวได๋ ขอให้เว้ากล่าวเฉลย
น้องสาวคนเชยๆ อยากสิเอ่ยจาเว้า
อ้ายบ่าวเจ้าสิจาเว้า.......นำบ่น้อ

บ่าวเมฆินทร์

05-12-2008, 05:00 PM

คำเอ๋ย.....
ชายส่งเสียงเจื้อยแจ้วคือแมวโพงดอกฮ้องหม่าว
มาจาเว้านำผู้สาวแม่นผู้ได๋กะบ่เตื้องเบือนหน้าดอกหน ่ายหนี
มันเต็มทีแล้วใจอ้ายอุกอั่งหลายมีเพียงได้แต่นั่งเจ่ า
อยู่เป็นหมู่กะคือเงาซุมดผู้สาวเพิ่นไกลเว้นเห็นหน้า แล้วหน่ายแหนง
สาวโรงงานมาจาต้านในหัวใจของชายบานคือปลาพ้อดอกฝนใหม ่
คือดีหลายเด้อทางใจนางได้ไขดอกป่องแอี้ยมสายตาจ้องใส ่พี่ชาย
คนเดียวดายดอกต่ำต้อยคือจั่งกอจอกลอยกลางสายแม่น้ำให ญ่
คนผู้ฮ่ายมาขอซ่นเฮือนน้องดอกห่มนาง.......แหน่เด๋อ

สาวโรงงาน

05-14-2008, 09:51 AM

อ้ายเอ้ย....
วาสนาน้องนี้เป็นคนดีชายบ่เหลี๋ยว
คือจั่งทางบ่เคยเทียวโดดเดียวเดียวดาย
บ่มีไผ๋กล้ามาใกล้เหลือใจคนไคผ่าน
แม้แต่ซู้ต่างบ้านขานเอิ้นเพิ่นบ่หัน
ได้แต่นอนฝันเพ้อละเมอหาว่าคิดฮอด
อุกอั่งใจมาตลอดปานว่ายอดตาลด้วนคนเว้าม่วนนำบ่มี
มามื้อนี้ได้มีชายคนพุฮ้ายคืออ้ายบ่าวใหญ่
ได้เสี่ยงตามาใกล้ๆบอกใบ้น้องว่าห่วงหา
หยับเข้ามาโลดอ้ายครั้นหัวใจเจ้าบริสุทธิ์
อย่าได้คาแต่มุดดุดดินหลบลี่คือกุดกี่เข้าอยู่ไง
ออกมาเปิดหัวใจให้มันเห็นแจ่มแจ้งแถลงว่ามาโลด...อ้า ยบ่าวเอ้ย

บ่าวเมฆินทร์

05-16-2008, 10:11 AM

คำแพงเอ๋ย..........
แนวว่าคนผู้ฮ้ายคือกบไงดอกลี่อยู่
หลบมาอยู่ใกล้ใกล้ฮั่วเฮือนน้องเพิ่นผู้งาม
อยากมาแลหล่ำจ้องเยี่ยมยามดอกถามข่าว
แต่เคยถกผู้สาวเขาเยตั๋วหลอกต้มเลยหยุดไว้บ่สั่งความ
คนงามเอ๋ย...............
ให้สงโตนแหน่เด้อหล่าอดสาสิ่งหางตามาทางอ้ายแหน่เด้อ อุ่น
อยากให้บุญส่งยู้สองเฮานั่นได้นั่งเอียง
อย่าสิเพียงคำล่อตั๋วพอพอแล้วแหนงหน่าย
ให้สงสารใจบักอ้ายมาขอซ่นหม่องซุมเลิง.......คำเอ๋ย

สาวโรงงาน

05-16-2008, 01:44 PM

อ้าย.....เอ้ย
คันบ่แน่บ่ยิง บ่จริงอย่าเว้า บ่เอาบ่ว่า
รับฟ้าผ่า ห่าตำกะได้ ใจนั้นเที่ยงชัน
ว่าแต่ใจออ้ายนั้นรับประกันได้บ่ชาย
หรือว่าหมายแค่หยอกเล่น ให้ใจเต้นได้จ่มหา
แล้วกะลาจรจากฝากน้ำตาให้ใหลย้อยจ่มป้อยอยู่พุเดียว
คันสิเทียวหยอกหญิงเล่นเป็นคือหมาหยอกไก่
อย่าได้มาร่ำไรให้ฟ้าวไปจากน้อง คู่ครองนั้นบ่ฝันหา.... ...อ้า ยบ่าวเอ้ย

น้ำตาล

05-16-2008, 02:00 PM

:g:g....พี่เจนจุ๊บๆได้ทุกแนวเนาะนิ...8)8)::)::)

บ่าวเมฆินทร์

05-22-2008, 10:51 AM

คำเอ๋ย......
แม่นอีหบีจั่งได้เว่าบ่แม่นย่อนว่าเมามาหาเจ้าแล้วจั ่งว่า
คำวาจาของบักอ้ายเป็นจริงแท้คู่ซุคำ
บ่ได้อำเว้าเล่นหรือเพียงเป็นคำเว้าอ่อย
ส่งเสียงมาเว้าจ้อยจ้อยย่อนว่าข่อยดอกคึดนำ
ผู้งามขำสงสารบ้างแม่นเทียวทางให้แลหล่ำ....แหน่เด๋อ
อย่าให้มัวหลงเพ้อละเมอเอิ้นดอกแต่นาง
แก้มบางบางพะนางน้องอ้ายนี่คองถ่าเจ้าอยู่
พออยากบู๋ข่ามฮั่วไปหาน้องดอกซุวัน....คำเอ๋ย

สาวโรงงาน

05-22-2008, 12:31 PM

อ้าย.......เอ้ย
ความคึดฮอดหยอดถิ่มไว้ปานหยอดข้าวไฮ
เว้าลงไปว่าคึดฮอด น้องนางนั้น บ่อยากเซื่อ
เว้าพร่ำเพรื่อคือหว่านเกลือลงใส่น้ำ
หล่นลงต้ามละลายน้ำก้อนเกลือหาย
บ่ต่างกับคำเว้าอ้าย หยายแจกไว้ให้น้องหลง
คั้นประสงค์ฮักกันแท้ให้เหลียวแลอย่าแปรเปลี่ยน
คำขีดเขียนให้เพียรสร้างนางนั้นค่อยสิเซื่อคำ....... .อ้ายเอ้ย

ไก่น้อย

07-16-2008, 04:09 PM

โอ่..น่อ อ้ายเอ้ย ....

บุญเคยมีคือบ่เป็นผลาสร้าง คือบ่เป็นหนทางพอให้น้องได้เที่ยวย่าง
ส่างให้ห่างเฮือนเค้า ใหไกลเจ้าโตพี่ชาย
มาอยากอายเจ้าของเด๋ ..ยามไกลโตเพิ่นมีใหม่
พอน้องไกลจากเจ้า มีคนเข้า..แม่นมาแทน
แม่นสิแหน หวงไว่ปานได๋ เพิ่นบ่อยู่
เพิ่นหั่งมีหมื่นชู้ ...สาวเกี๋ยว เกี่ยวบ่อึด น่ออ้ายเอ้ยย ..

หัวหน้าจ๋าย

07-19-2008, 05:08 PM

[size="4"][/sizeคำแพงเอย ยามเมื่อเดือนใสแจ้ง แงงเงาได้แนมส่อง น้ำถ่านาปลาถ่าน้ำ ปานลมแล้งถ่าแก่งหาง นกกะยางปากหม่อ ถ่าแนมทางหอยสิไต่ สายสะนูโก่งถ่าลมหนาวจ้าวสิอ่าวหัน...นางเอ้ย^-^

บ่าวเกิบขาด

07-21-2008, 10:08 PM

โอ้ยอ้ายเอ้ย เอื้อยเอ้ย อ่านจนเมือยพะนะ
อิจจฉานำ เว้าบ่เป็นคือคะเจ้า

เจ้าซายน้อย

09-12-2008, 11:04 AM

คำแพงเอยย...
อ้ายคือนกเจ่าดั้ง เรียบฝั่งแคมสระ
ผัดแต่เห็นปลามา กะอยากกินจนเลียลิ้น
เห็นแต่นกเต็นเต้น บินลงคาบกินก่อน
นกเจ่าแหงนเบิ่งฟ้า น้ำตาย้อยอาบขี้ดิน ซั่นแล้ว
:'(:'(:'(

ศรีสะท้าน

09-12-2008, 12:22 PM

คำแพงเอ๋ย
เจ้าผู้คำแพงก้อนทองกรแก้วก่ำ
เจ้าผู้คำค่าล้านใจสะท้านใส่นาง
เจ้าผู้แก้วน้ำล้างอ้ายเป็นต่างใจโตน
ตั้งแต่ดนจั่งมาพบผ่ายพานเห็นพ้อ
เลยอยากขอซมซร้องสนองตาผลาอุ่น
บุญอ้ายเพียงส่ำนี้กะดีแล้วจั่งเล่าเห็น

หมายเหตุ แก้วก่ำ : นิล / แก้วน้ำล้าง : หินสี อัญมณีชนิดหนึ่ง / โตน : กระโดด

sompoi

09-12-2008, 08:16 PM

อ้ายเอ๋ย...
สู้บุกบากตากหน่ามุดเมฆาฟ้าหม่น
เทียวดั้นด้นลมฝนใจยังจ้นจดจ่อ
ยังบ่พอซั้นบ้อน้อน้ามใจซายเพิ่น
คือทำทรงเก้อเขินบาดยามได่พบพ้อ
ส่างเหล่นวาดแท้หน๋อ..ผ่อทองคำก้อนท่อแข่ง
อกสิเพแตกแหล่ง..แม่นทางน้องแต่ผู่เดียว..ซั่นบ้อ.

ศรีสะท้าน

09-12-2008, 08:39 PM

ว่าจั่งใด๋น้องน้อยส่อยป่มระทมจิต หยังฤา
แม่นเจ้ายังคนิงคิดต่อพี่ชายบ่นอน้อง
แม่นเจ้ามีการข่องหมองใจอันใด๋แหน่
คันอ้ายศรีสิซ่อยแก้ยินดีพร้อมสู่ประการ
ขอให้บอกกล่าวต้านขานโจทย์ความแถลง
เจ้าผู้คำแพงสายสิส่งเสริมเสมอม้ม
ว่าจั่งใด๋นอส่มอย่าหวานลมมาลวงหลอก พี่เด๋อ
ขอจงบอกบ่อนเบื้องเจ้าเคืองแค้นแม่นว่ามา

เจ้าซายน้อย

09-23-2008, 10:39 AM

โอ๋น้อ...อ้ายศรีสะท้านเอ้ย
ผมอยากฮู้ว่าเจ้า กินข้าวกับอี่หยัง
กินจ้ำป่นจ้ำแจ่ว คือกันอยู่บ้ออ้าย
หรือว่าโตอ้ายนั่น กินข้าวกับต้มเอี่ยน
กินน้ำมันเครื่องดอกแทนน้ำ ขอถามเจ้าโปรดว่ามา...แหน่เด้อ
คือจั่งเฮ็ดให้ ควมผญาที่ว่านั่น มันลื่นไหลดอกจั่งเอี่ยน
แม่นสิเขียนแนวได๋ คือเป็นตาฟังฮ้าย
ออนซอนเด้ควมผญาอ้าย ศรีสะท้านเพิ่นคือคล่อง
ผมในฐานะดอกรุ่นน้อง นับถือเจ้าแม่นอี่หลี
ควมผญาของผมนี่ มันหากยังบ่ค่อง
ยังเขียนบ่ทันคล่อง ไกลโตเจ้าแม่นอี่หลี
ครั้นได้เฮียนอีกหลายปี ได้หัดเขียนหลายขวบมื้อ
สิคือเจ้าแม่นอยู่ตี้...อ้ายศรีสะท้านเอ้ย

ปล. เว่าผุสาวบ่เป็น สิหันไปเว่าผุบ่าวเด้อบาดเนี่ย อิอิ

ศรีสะท้าน

09-23-2008, 11:29 AM

ว่าโอนอ ซาย(น้อย)เอ้ย
อันว่าอาหารเข่า โภชนาภาชะนาสน์
อ้ายเขินขาดยากไฮ้ พอยาไส่ตื่มแฮง
เอาความปารถน์มาดแม้ง มาแก่งอ่อมออหลอ
เอากอขอฯมาสับ เป็นเครื่องแกงแปลงไว้
อิอีไอโอฯตั้ง ทีหลังแทนผักบั่ว
ความแซบนัว เอาดวงจิตที่ตั้งหมั่น เป็นบั้นบ่อนปรุง นั้นแหลว
เข่า(ข้าว) ภาชะนาสน์(ที่ตั้ง สำรับกับข้าว) ไส่(ไส้) กอขอ(ก.ข.ฯ) ผักบั่ว(ต้นหอม)

Queenie

09-23-2008, 01:17 PM

ป๊าดดดดดดดดดดดดมาคือม่วนคัก
มาแอบอ่าน เขี่ยนบ่อเป็นค่ะ .....

โป้ยก่าย

09-23-2008, 01:44 PM

ป๊าดดดดดดดดดดดดมาคือม่วนคัก
มาแอบอ่าน เขี่ยนบ่อเป็นค่ะ .....

อย่าสุแอบเถาะครับเปิดประตูเข้ามาโลด อิอิ

ศรีสะท้าน

09-23-2008, 02:01 PM

คำแพงเอ๋ย
อ้ายขอซมเซยอ้อน เป็นกลอนผญาหย่อย
อักขราตื่มต้อย ตอยข่อต่อผญา
อ้ายหากคึดฮอดหล่า หวนหาคนิงฮอด
จิตบ่จอดแจบยั้ง ทุกขังข่อนบ่อนมะโน
สุดอ่าวโอ้ พลอยพากษ์คำแถลง
เลยเล่าแปลงกลอนสาร์น ส่งการไกลกว้าง
พอให้ทรวงเซาฮ้าย สกนธ์กายคงที่
ฝากวาจีส่งซ้อน เป็นกลอนกว้างกล่าวผญา

spartan

11-16-2008, 07:48 PM

sompoi

11-16-2008, 09:27 PM

บุญบ่เคยขี่ช้างย้านแหย่งมาตก บุญบ่เคยขี่ครกย้านสากกระเบือพาเต้น...ซั่นแล้วน้องเ อ้ย

อ้ายเอ้ย..
คั่นแม่นบุญผลาสร้าง...ฮ่วมทางเคยพ้อ
สายแนนจ่องส่อยน้อ...ซาตาหย่อพอให้พบ..อ้ายเอ้ย