ผญาคนไกลบ้าน

[หนุ่มนาจาน]

ย่อนทุกข์จนแสนยาก จำจากถิ่นดินอีสาน
ได้มาหาทำงาน ไกลเฮือนซานมาทางพี้
เมืองเกาหลีวานั้น มันหนาวเหน็บเอาคักแน
คิดฮอดพ่อฮอดแม่ คิดฮอดลุงฮอดน้า
ผุคอยถ่าให้ต่าวคืน บางมื้อนั่งสะอื้น
ฝืนเฮ็ดงานย้อนจำใจ อยากกลับไปเมืองไทย
ไปพักใจอยู่ทางบ้าน จั่งได้มาจาต้าน
เป็นคำขานบอกข่าว อีกบ่โดนซิกลับต่าว
แดนอีสานบ่อนเค้า ไปกราบเท้าพ่อแม่ผม ซั้นแหล่ว...

[maxlinee]

จั่งซั่นหละอยากไปอยู่ไกลหลาย อยู่ใกล้ ๆ คือ ข่อยนี่แมะ เที่ยวบ้านปานฮอยปลาบืนพู้นหนะ

[Tid Sri]

เข้าใจชีวิตคนไกลบ้านคับบ่าวนาจานผมเองกะคือกันกับบ่ าวนั้นล่ะคับ ลางมื้อเหงาหลายกะวนเวียนเข้ามาแต่บ้านมหานี่ล่ะคับ

[หนุ่มนาจาน]

มานั่งอุกอั่งเอ้า เหงาตรมระทมจิตร
คิดขึ้นมาน้ำตาไหล ตอ้งห่างไกลไลบ้าน
จากเฮือนซานมาไกลล้น ย้อนความจนดอกเป็นเหตุ
เฮ็ดให้ต้องพำลัดดพราก จรจากพ่อแม่มา
ตกยามแลงนั่งเบิ่งฟ้า หมู่นกกาทั่งน้อยไหญ่
ออกหากินในยามเซ้า ตกแลงเข้าดอกซูฮัง ซั้นแหล่วท่านเอ้ย...

[sompoi]

สิห่างไกลอยู่ทางได๋ไหลลาล่อง
ขอให้เจ้าอย่าคาข่องหมองใส
ได่ไปดีมาดีหม่องเหนือใต้
ทุกข์อย่าได่ซูนต้องข่องคา
เทิ้งรถราถ่าขับอย่าเผลอไหล
ให้ตั้งหมกอกตั้งใจภัยอย่ามา
เถิงไกลห้องเฮือนบ้านซานเคหา
คนตั้งตารอคอยเจ้าเค้าคืนเมื่อ...เด้ออ้าย..



ปล..เดินทางโดยสวัสดิภาพเด้อจ้า..คุณพระคุณเจ้ารักษา ..

[ไก่น้อย]

เเม่นสิไกลกะขอให้ไกลเเต่ฮั้วเทือกไฮ่นาสวน
เเต่สำนวนวาจา บ่ไกลกันพอน้อย
เพิ่นว่าฮักกันนี้ มีพงหนามกะปีนฝ่า
ปารถณาสิฮวมเเล้ว เเม่นไกลอ้ายกะบ่ลืม ดอกเด้อ....

ปล...ฝากกำลังใจดีๆ ส่งให้คนไกลบ้าน บ่าวนาจานเด้อคะ เก็บเงินเก้บทอง กลับมาบ้านเฮา ผู้ยุบ้านเพิ่นกะสิถ่ายุคือกันหละจ้า สุ้ๆๆ 8)..

[ศรีสะท้าน]

จำจากบ้านอีสานถิ่นมาไกล
หนีลาไลห่างเฮือนแฮมฮ้าง
หาทำส่างงานการเก็บเกี่ยว
ใจบ่อแป่คดเลี้ยวเทียวโอ้อ่าวอวน

[จ๊ะเอ๋]

เสียงสายลมหวิวหวิวพลิ้วพัดผ่าน
เหมือนเสียงคนไกลบ้านให้หวั่นไหว
ฟังเสียงลมที่โชยพัดมาแสนไกล
แต่เสียงเธอเหมือนอยู่ใกล้มิไกลเลย....

อยู่แห่งไหนให้รู้ไว้มีใครคิด
ทั้งพี่น้องเพื่อนสนิทชิดเขนย
คิดถึงพี่เฝ้าคอยหามาเคียงเคย
แม้นไกลเลยอย่าลาลับรีบกลับมา...

ยามนี้หนาวแล้วนะระวังหน่อย
จงหมั่นคอยห่มให้มิดชิดอุ่นหนา
กิ่นให้อิ่มนอนให้หลับนับเวลา
คอยรักษาสุขภาพตราบถึงวัน...

เมื่อยามเหงาพี่อย่าลืมมองรูปถ่าย
ยามท้อใจให้คิดถึงคนทางบ้าน
ยามเศร้าสร้อยค่อยค่อยคิดมิตรผูกพันธ์
คิดไปถึงความสุขสันต์วันที่คอย..////////////// เว้าผญาบ่เปนแต่อยากให้กำลังใจค่ะ :)

[ศรีสะท้าน]

เสียงสายลมหวิวหวิวพลิ้วพัดผ่าน
เหมือนเสียงคนไกลบ้านให้หวั่นไหว
ฟังเสียงลมที่โชยพัดมาแสนไกล
แต่เสียงเธอเหมือนอยู่ใกล้มิไกลเลย....

อยู่แห่งไหนให้รู้ไว้มีใครคิด
ทั้งพี่น้องเพื่อนสนิทชิดเขนย
คิดถึงพี่เฝ้าคอยหามาเคียงเคย
แม้นไกลเลยอย่าลาลับรีบกลับมา...

ยามนี้หนาวแล้วนะระวังหน่อย
จงหมั่นคอยห่มให้มิดชิดอุ่นหนา
กิ่นให้อิ่มนอนให้หลับนับเวลา
คอยรักษาสุขภาพตราบถึงวัน...

เมื่อยามเหงาพี่อย่าลืมมองรูปถ่าย
ยามท้อใจให้คิดถึงคนทางบ้าน
ยามเศร้าสร้อยค่อยค่อยคิดมิตรผูกพันธ์
คิดไปถึงความสุขสันต์วันที่คอย..////////////// เว้าผญาบ่เปนแต่อยากให้กำลังใจค่ะ :)

บ่อเป็นหยังดอกครับ วรรณกรรมทั้งหลายล้วนประมวลมามีมาก หากผู้ได๋ได้เสพซ้อง สิยอย้องว่าดี น้องเอ้ย

[จ๊ะเอ๋]

ขอบคุณค่ะ อ้ายศรีสะท้านหมอธรรมประจำบ้านมหา rose

[ศรีสะท้าน]

เดิกมาพอปานนี้ศรีคะนิงนีไหน่
คนผู้ไกลจากบ้านปานนี้เป็นห่วงนำ
คึดอ้ำล้ำตำต่อยสะหวอยจิต
อันมะโนความคิดห่วงหาบ่อลาล้าง
เศิกมันเพพังม้างได้ลานางจำจาก
พี่ได้พลัดพรากห้องเฮือนกว้างแก่วไกล

หมายเหตุ เศิก = ศึก เพ = ชำรุด,พัง แก่ว = เขต,แคว้น

[หนุ่มนาจาน]

ขอขอบคุณทุกท่าน ที่คอยส่งแรงใจ
ถึงซิเป็นจั่งได๋ บ่าวน้องซายซิอดกลั้น
มีความฝันตั้งไว้ ซิดั้นไปให้ถึงฝั่ง
มีเเรงใจจากทางหลัง ที่ทุกคนส่งให้
พอได้ดอกอุ่นใจ ซั้นแหล่วท่านเอ้ย..

[หนุ่มนาจาน]

เสียงสายลมหวิวหวิวพลิ้วพัดผ่าน
เหมือนเสียงคนไกลบ้านให้หวั่นไหว
ฟังเสียงลมที่โชยพัดมาแสนไกล
แต่เสียงเธอเหมือนอยู่ใกล้มิไกลเลย....

อยู่แห่งไหนให้รู้ไว้มีใครคิด
ทั้งพี่น้องเพื่อนสนิทชิดเขนย
คิดถึงพี่เฝ้าคอยหามาเคียงเคย
แม้นไกลเลยอย่าลาลับรีบกลับมา...

ยามนี้หนาวแล้วนะระวังหน่อย
จงหมั่นคอยห่มให้มิดชิดอุ่นหนา
กิ่นให้อิ่มนอนให้หลับนับเวลา
คอยรักษาสุขภาพตราบถึงวัน...

เมื่อยามเหงาพี่อย่าลืมมองรูปถ่าย
ยามท้อใจให้คิดถึงคนทางบ้าน
ยามเศร้าสร้อยค่อยค่อยคิดมิตรผูกพันธ์
คิดไปถึงความสุขสันต์วันที่คอย..////////////// เว้าผญาบ่เปนแต่อยากให้กำลังใจค่ะ :)

อีกบ่โดนดอกท่าน บ่าวนาจานซิกลับต่าว
ขอบคุณเด้อผุสาว ที่ยังเป็นห่วงอ้าย
ซายคนนี้ซิรักเอา อย่าซิลืมเด้อเจ้า
คำสองเฮาเคยเว้าต่อ อีกหกเดือนนั้นหนอ
เฮาซิได้พ้อหน้า จาเว้าดอกเล่าถาม ซั้นแหล่วคำแพงเอ้ย...:g

[ศรีสะท้าน]

ฮ่วยยย มาขอบคุณแต่ผู้สาวแท้ คุณผู้บ่าว(ศรี) คือบ่อขอบแหน่ อิ อิ

คึดฮอดห้องหนแห่งเคหัง
ในจิตตังห่วงหาหวนไห้
อดทนไว้ทางใจใกล่สิต่าว
ฟังเสียงลมพัดพร้าว คะนิงล้ำฮ่ำฮอน แท้บ้อ

[หนุ่มนาจาน]

ขอขอบคุณครับอ้าย ซายพี่ศรีสะท้าน
โตผมบ่าวนาจาน ซิบ่ลืมพระคุณอ้าย
ที่ส่งแรงใจให้ มีใจสู้งานต่อ ซั้นแหล่วอ้ายเอ้ย..

อิอิตอบเทือละคนครับอ้าย ยังบ่ทันเก่งกะเลยตอบซ้าแน่บ่ว่ากันน๊อครับ

[ศรีสะท้าน]

[QUOTE=หนุ่มนาจาน;169024]ขอขอบคุณครับอ้าย ซายพี่ศรีสะท้าน
โตผมบ่าวนาจาน ซิบ่ลืมพระคุณอ้าย
ที่ส่งแรงใจให้ มีใจสู้งานต่อ ซั้นแหล่วอ้ายเอ้ย..

อิอิตอบเทือละคนครับอ้าย ยังบ่ทันเก่งกะเลยตอบซ้าแน่บ่ว่ากันน๊อครับ

จร้า..บ่อเป็นหยังดอกท่านหนุ่มนาจานอย่าคิดมาก
อ้ายกะอยากหยอกเหล่นพอหายกลุ้มส่วงใจ
โตอ้ายนั้นกะบ่อได้กลอนเก่งพอปานได๋
มีแต่คำจาไปใส่อารมณ์เขียนแต้ม
พอได้แซมแกมเพื่อนเฮือนมหาพาใจสร่าง
บ่อได้เว้าอวดอ้างเอาตนนั้นเก่งกว่าไผ คำเอ๋ยย

[ไก่น้อย]

ลมพัดต้อง..ใบไผ่....ให้เหลียวเเล
ลมพัดต้อง..ตองเเก..ให้เหลียวล่ำ
ลมพัดต้อง..ใบพร้าวให้ต้าวคืน

อย่าฟ้าวไลลาทิ่ม ผักกะเดากกเก่า
บัดฮาได้กินลาบสิโสอ้าว อ่าวถึง ....เด้อ ..ชาย เด้อ.

[engon]

แม่นสิอยู่ไกลบ้านด่านถิ่นแดนได๋
ใจยังวนเวียนคิดฮำคะนึงทางพุ้น
ไกลแต่กายดอกอ้ายสายใจยังคิดฮอด
กอดผ้าห่มเมืองนอกหากใจนั้นอยู่อิสาน...พุ้นแล้ว...

[บ่าวโจ่โล่]

ตั้งดนนานหลายมื้อ ถือกระเป๋าออกจากถิ่น จากดินแดนดอกหญ้า มีแผ่นฟ้าห่มภูเขา
ตั้งแต่แลงจดเช้า มาพักเซาในเมืองใหญ่ เอาหน้าสู้แสงไฟ ลมหายใจกะเผิ่นจ้าง ฮอดยามว่างกะแม่นแลง
ขอเอาแฮงใจสู้ หวังได้หมู่ความสมหวัง เอาเฮื่อใจเป็นพลัง เอาผิดเป็นครูน้อย
ชีวิตลอยหมุนคว้าง คือเศษฟางยามลมเป่า จุดพักเซากะบ่พ้อ มื้อได๋น้อได้ดั่งหวัง
เศร้าอิหยังกะบ่ฮู้ แนวเป็นหมู่คือเสียงเพลง เปิดบรรเลงพอคลายเหงา ยามพักเซาเติมแฮงล้า
นี่คือความตั้งใจว่า หนีจากป่ามาสร้างฝัน หวังรางวัลความสำเร็จ เป็นเพชรงามตามเมืองฟ้า


http://baanmaha.us/paulpan/%E0%BE%C5%A7%C5%D9%A1%B7%D8%E8%A7/%B6%B9%B9%A4%E9%B9%BD%D1%B9%20-%20%B5%D1%EA%A1%E1%B5%B9%20%AA%C5%B4%D2.wma

[หนุ่มนาจาน]

[QUOTE=บ่าวโจ่โล่;169999]
ตั้งดนนานหลายมื้อ ถือกระเป๋าออกจากถิ่น จากดินแดนดอกหญ้า มีแผ่นฟ้าห่มภูเขา
ตั้งแต่แลงจดเช้า มาพักเซาในเมืองใหญ่ เอาหน้าสู้แสงไฟ ลมหายใจกะเผิ่นจ้าง ฮอดยามว่างกะแม่นแลง
ขอเอาแฮงใจสู้ หวังได้หมู่ความสมหวัง เอาเฮื่อใจเป็นพลัง เอาผิดเป็นครูน้อย
ชีวิตลอยหมุนคว้าง คือเศษฟางยามลมเป่า จุดพักเซากะบ่พ้อ มื้อได๋น้อได้ดั่งหวัง
เศร้าอิหยังกะบ่ฮู้ แนวเป็นหมู่คือเสียงเพลง เปิดบรรเลงพอคลายเหงา ยามพักเซาเติมแฮงล้า
นี่คือความตั้งใจว่า หนีจากป่ามาสร้างฝัน หวังรางวัลความสำเร็จ เป็นเพชรงามตามเมืองฟ้า



ถึกคักอ้าย เพลงนี้ละครับ

[ตะวันนา]

...สายลมหนาวพัดกาย.....หนาวสะท้านหัวใจ.....มันหนาว ในคักแหน่
...คิดฮอดเด้ พ่อ-แม่.........อยากเมือหนุนตักเจ้า...อยากสิเว่าส่งสาร น์
...คิดฮอดหลายคิดฮอดบ้าน...จากไกลมาดน-นาน...บ่ได้หวนคือถิ่น
...หนาวยามได๋ใจถวิล.......แสงนีออนบ่ซ่อยได้......ก องไฟน้อยอยู่บ้านเฮา..พี่น้องเอ้ย..

[หนุ่มบ้านดอน]

โอ้น้อ ว่าหมู่เอ้ย ไปหากินต่างแดน แคว้นไกล

ก้ำฝ่ายทางเกาหลี สิได้กินปลาค่อใหญได้่กล้วยจักหวี

สิมีกุ้ง ฝอยน้อยมาเต้นระบำ อยู่จานตำบักหุ่งแนบ่น๊อ

หมู่เอ๊ย

[สาวโรงงาน]

น้องชายหล่า เอื่อยคนนี้เขียนผญาบ่แม่น
แต่งกลอนบ่เก่ง แต่อยากให้กำลังใจน้องชายคนนี้

ไ ม่ มี ถ้ อ ย คำ ม า เ รี ย ง ร้ อ ย เป็ น อั ก ษ ร
ไ ม่ มี บ ท ก ล อ น ห ว า น ซึ้ ง ม า เ ส น อ
มี เ พี ย ง ค ว า ม ห่ ว ง ใ ย ที่ มี ใ ห้ น้ อ ง ช า ย ค น นี้ เ ส ม อ
จ ง อ ด ท น แ ล ะ สู้ เ พื่ อ วั น ที่ ดี ข้ า ง ห น้ า

[บ่าวโจ่โล่]

http://www.baanmaha.com/community/showthread.php?t=9621

ผญาไกลบ้าน คือกันเด้อครับ เขียนไว้ดนหล่ะ ให้ไผมักอ่าน กะคือสิจำได้ครับ

[หนุ่มนาจาน]

สายลมหวลในยามแล้ง ดอกสแบงกะหลุดหล่น
ได้ปริวไปไกลต้น บ่มีมื้อซิต่าวคืน
จักซิไปตกพื้น ดอกหนแห่งทางได๋
ฝากตามสายลมไป ให้ค่อยซูดอกยู้
คิดเห็นคำพ่อตู้ ลาวสอนสั่งก่อนจากไกล
อย่าตกไกลคือสแบง กลางท่งนาในยามแล้ง
แดนอีสานแม่นซิแห้ง แล้งแต่ดอกน้ำฝน
ส่วนวาน้ำใจคน นั้นหลั่งใหลดอกจนล้น
อย่าหลงมนต์เมืองฟ้า ให้คืนนากลับต่าวแนเด้อ นี้คือคำเผิ่นเว้าจาไว้ก่อนซิลาซั้นแหล่ว

[NONGNAN]

อ้ายศรีคำไปใสน้อ เอื้อยไก่จ๋าไปใสหน่อ
ลืมน้องสาวแล้วบ้อ บ่มาเว้ากล่าวจา
กราบสวัสดีคุณป้า อาวอาทั้งหลาย
สาธุชนหญิงชาย บ้านมหาสุคนนั้น
ซำบายดีบ่น๊อท่าน แม่นยากงานอยู่หรือบ่...
เป็นจั่งได๋บ่พบพ้อ แม่นลืมน้องแล้วไป่น๊อ

[หนุ่มนาจาน]

จากมื้อนั้นฮอดมื้อนี้ กะหลายปีพ้นผ่าน
คิดฮอดท่งดอกจาน โนนสำราญบ่อนเค้า
ที่เฮาได้แม่นจากจร แสนอาวรณ์ยามไกลบ้าน
บ่าวนาจานคิดฮอดแม่ อยากกลับไปแท้ๆ
แต่ทางบ้านยังทุกข์จน แม่นซิทุกยากล้น
แม่นหนาวฝนซิทนฝ่า เฮ็ดเพื่อวันข้าวหน้าเฮานั้นซิได้สบาย ซั้นแหล่วท่านเอ้ย...

[ตะวันนา]

...คิดฮอดหลายเด้อน้องหล่า............น้องแนนจ๋ามาห าพี่
เป็นจั่งได๋....เคยเว่ากันอยู่ดี..ดี.....มาเปิดหนีก ันซ้ำ....จำเอื้อยแก้มได้บ่น๊อ
หลายวัน-เดือน บ่พบพ้อ............เจ้าบ่ต่อความหา
เอื้อยถ่าอยู่บ้านมหา..................หลายเพลาบ่เห ็นเจ้า
จากเคยม่วนเคยเว่า...................ซุมเขาลือ แนนอกหัก...พะนะ
หล่า บ่เคยมีความรัก..................สิอกหักได้จั่งได๋. ..แม่นบ่น้องหล่า...คิคิ

[NONGNAN]

เอื้อยแก้มกะซ่างเว้า สิเอาหยังกับคำส่า..
บ่ได้ป๋าปล่อยทิ่ม ลืมเค้าบ้านมหา
ยากงานนั่นแล้วน่า บ่ได้มายามแหว่
ยังคิดฮอดแท้ ๆ ไทพี่น้องพูสุคน
ย้อนว่าแนนดั้นด้น จากถิ่นที่เคยเซา
น้องสิเอากับงาน แทนบ่าวล่ะได๋พี่
บ่ทันมีดอกเอื้อย คนเคียงคือคำส่า
บ่าวบ้านมหาซ่างเว้า สิเอาได้แม่นจั่งได๋
นางเดินทางไปเหนือใต้ จากไปใกล หลายมื้อจั่งคืนถิ่น
ยังถวิลคิดนำเอื้อย ไทพี่น้องบ้านมหา..



( พะน่ะ หาว่า อกหัก โอ๊ย งึด )

[sompoi]

ดึกเคิงคืนคำค้อยลมวอยๆมาเอิ้นใส่
คึดฮอดเด้คนทางไกลอยู่จังได๋น้อคำ
สุขสำบายดีอยู่บ้อบ่พ้อกันมาดน
รู้บ่อคนอยู่ทางพี้ห่วงอิหลีคึดนำเจ้า
อย่าสู่เอาแต่ความเหงาฝากมาไว่ให้เป็นหมู่
คนทางไกลคึดฮอดซู้ได่นั่งฮ้องคองหา..เด้น้อ