มาดครู

[หนุ่มบ้านดอน]

"มาดอยู่บนฟ้า หากินปานนกขุ่ม"
"มาดปานครู สบู่ก้อนซำฮอลล์"

[lukhin_inter]

อ้าย...ลูกหินไม่เข้าใจเลย หมายถึงอะไรคะ ต้องขอโทษอย่างแฮง ครูทำไมต้องใช้สบู่ก้อนเล็ก พราะเงินเดือนน้อยเหรอคะ หรือว่าอะไร ไม่เข้าใจจริง ๆ นะเนี๋ย อยากทราบ อธิบายหน่อยค๊า มีชอกล์กระดานพร้อม บรรยายเลยคะ

[บ่าวเมฆินทร์]

ขออธิบายขยายความของอ้ายบ่าวบ้านดอนเด้อครับ...

ที่ผิ่นว่า "มาดอยู่เทิงฟ้า หากินปานนกคุ่ม" หรือว่า
"มาดปานครู สบู่ก้อนซำฮอลล์" นั่น

กะเปรียบปานคนที่เบิ่งไปแล้วเป็นคนที่ดูดี มีฐานะ มีความน่าเซื่อถือหลาย น่าเลื่อมใส(บ่แม่นหัวล้านเด้อ) แต่ในความเป็นจริง ความเป็นอยู่หรือว่าฐานะของเขากลับตรงข้าม ผู้ลางคนความเป็นอยู่ หรือว่าฐานะทางการเงินขัดสน ซึ่งคนพวกนี่เป็นพวกสร้างภาพให้เจ้าของดูดี เปรียบได้คือกันกับครูที่ภาพรวมอีหยังกะดูดีมีแต่คนอ ยากสิเป็น แต่ในความเป็นจริงชีวิตครูกะคือกันกับที่หลายคนคะเจ้ าเว่านั่นหละ รายรับบ่ค่อยมีได้แต่เงินเดือนบ่กี่พัน แต่ว่ารายจ่ายนั่นตี้สังมาหลายกะด้อ ผู้ลางคนกะไปยืมเงินเป็นหนี้เขา หละกะภาษีสังคมกะหลาย อย่างไปงานแต่งคะเจ้าเหล้าขาวกะกินบ่เป็นต้องมีสีจั่ งกินได้ ใส่ซอง ยี่สิบ สามสิบกะบ่คือ อย่างขี้ล่านกะต้องเป็นร้อย (เว่าปานว่าเคยเป็นมาก่อนแมะ)

เอาไว้ส่ำนี้สาก่อนเนาะบ่อยากเว่าไปหลายอยากอายเจ้าข อง กะย่อนว่าเคยเป็นมานั่นละก่อว่านี่กะดาย
:-\

[หนุ่มบ้านดอน]

สาวลูกหินอ้ายสิตอบเด้อ

ที่เว่าไปกะคึือ คนที่จนบ่มีอันจะกินแต่ว่ามาดใหญ่ท่าใหญ่ ขี้คุยขี้โม้นั่นหละ ประมาณนี่หละ


เอ๋าบ่าวเมฆินตอบน้องสาวหล่าหละติโทษที่เด้อสั่น

[นวรัตน์]

จั๊กคือผุใด๋น้อ อั่นมาดครูนี่แหมะ ;D

[หนุ่มบ้านดอน]

จักหละคือไผบุ๊นี้ครับ
คือสิบ่แมนบ่าวบ้านดอนดอกท่านสงสัยเป็นคนอื่นพุนหละ

[นวรัตน์]

คือสิฟ้าวแก้โตแท้น้อ จั่งสิเขาเอิ้นว่า

กินปูนฮ้อนท้องเด้อหนุ่มบ้านดอน ;D

[หนุ่มบ้านดอน]

ส่างมาหาเอาความจริงมาเว่าเล่นแท้เจ้า

[ศรีสะท้าน]

มาดคักแท้สาวแก่คุณครู
อูทูเสียงสอดเสียงคำป้อย
ปานอ้ายเป็นเด็กน้อยอนุบาลพาลว่า
เทิงพ่องห่าซั่วไส้ไลขี้เพี้ยเฮี่ยดิน
ยังบ่อสิ้นถากทั่งคำจา
กันยานางซ่างเป็นปานนี้
หนีบ่หวิดม้มเวรโจมจำจ่อง
ซ่างได้มาพ้อน้องนอนี้พี่พะอวน

[หนุ่มบ้านดอน]

สาวครูนี้เผิ่นสิว่าเลาคัก
ฮู้ว่าอ้ายศรีมักเลาแฮ่งเล่นโตคักแท้
เล่นโตคักหลายค้างคานแนหละญาแม่
ส่างมาคักแท้ๆคักแท้น้อสาวครูเอ้ย......