.....ผญาเกี๊ยว....

[ไก่น้อย]

โอ่น่อ อ้ายเอ้ย ..
ลมพัดต้องแกย้านบ่เเน่ ลมพัดต้องตองเเต้เเน่บ่น่อ
คันได้กินปลาเเล้ว อย่าลืมกุปลาปล่อย
คั่นได้กิน ลาบก้อย อย่าลืมป้งเเจ่วบอง
คั่นอ้ายมีเมียเเล้ว อย่าลงเฮือนให้หมาเห่า
ให้เจ้านั่งเค้าเม้า ไพรหญ้าว่าอยู่เฮือน ..เด้ออ้ายเอ้ย....

[บ่าวเมฆินทร์]

หล่าคำเอ๋ย.........
เผิ่นว่าลมพานต้องใบไผ่โวกวิโว
ลมพานต้องใบโพธิ์โวกวิเวก
โจกเจกน้ำล้นต้อนปลากั้งอยู่ครึ่งวัง

แนวว่านำความเว่าคำเก่าแต่คราวหลัง
ยังฝังใจบ่าวพี่ชายบ่เคยลืมแต่พอน้อย
นอกจากนวลนาถน้องายตาชายบ่เคยได้เหลียวหล่ำ......ตัว ล่ะคำ
คงคึดนำแต่ทางเจ้าโตข่อยจั่งต่าวมา....พี่แหลว

[หนุ่มบ้านดอน]

โอ๊ยน้อหล่าเอ้ย แม่นอ้ายเมียมีอยู่ซ้อน กะยังหาบ่อนสิลงเฮือน
ย้อนว่าใจนั่นคอยย้ำเตือนว่าใจอ้ายนั่นฮักเจ้าอีกคนห นึ่ง
ถึงจั่งได๋กะตามแล่วอ้ายสิขอเป็นแมงขยมก้างปลาย่างก่ อน
อยากได้เจ้ามาอยู่ซ้อน แนบอุ่นดอกเคียงกาย

[บ่าวเมฆินทร์]

คำเอ๋ย........
แม่นว่าบ่าวบ้านดอนนั่นมีเมียซ้อนกะตามซาง....เผิ่นถ ้อน
ส่วนว่าทางบ่าวนี่แฟนสิซ้อนกะบ่มี
จั่งได้มาทางพี่เผยวาจานำเจ้าเบิ่งจักหน่อย
อ้ายสิคอยนั่งถ่านางน้องอยู่ปลายซาน.......นี่แหลว

[ไก่น้อย]

โอ่น่อ บ่าวเมฆินทร์เอ้ย..
คั่นว่าบ่มีเมียซ้อน มาคือเป็นหยับย่าง
เหลียวเบิ่งสองตาบข้าง มาคือค้างบักบวบลอย...เเทะน่อ
คั่นเเม่นเป็นคือปากเว่ากะสิบส่วนบุญสวน
อยากชวนเมื่อนำ..พาพี่ชายกินปลาค้าว
หม่องลำปาวบ้านน้อง บ่าวพี่ชายเคยผ่าน....เเน่บ่น้อ
คั่นบุญมีผลาผ่อ ...สิห่อข้าว ฝากย่านำพุ้นเด๋ .....

[โป้ยก่าย]

หล้านางเอ้ย
หอมหลายเด้หอมดอกไม้มาลัยบานก้านก้อง
ยังบ่ปานกลิ่นน้องบัดลมต้องพัดมา
เจ้าเปรียบคือดอกฟ้าอันมีค่าพอแสน
กระต่ายแหงนคอนำเปรียบประมัยคืออ้าย
มักเจ้าหลายใจบ่กล้าตีนมือซาเอาจนสั่น
ใจกระสันต์ต่อน้องอยากขอเข้าฮ่วมหอ นางเอ้ย

[บ่าวเมฆินทร์]

โอ่น่อ บ่าวเมฆินทร์เอ้ย..
คั่นว่าบ่มีเมียซ้อน มาคือเป็นหยับย่าง
ส่าง..มาคือค้างบักบวมย้อย โทกทิโถ
คั่นเเม่นเป็นคือปากเว่ากะสิบส่วนบุญสวน
อยากชวนเมื่อนำ..พาพี่ชายกินปลาค้าว
หม่องลำปาวบ้านน้อง บ่าวพี่ชายเคยผ่าน....เเน่บ่น้อ
คั่นบุญมีผลาผ่อ ...สิห่อข้าว ฝากย่านำพุ้นเด๋ .....


หล่าคำเอ๋ย.......
แนวว่าความจาต้านบ่าวพี่ชายหมดทุกสิ่ง
บ่ได้อิงซ่อนบังไว้แม่นบ่ไข
จั่งได้มานั่งเฝ้าปลายซานเฮือนหลังบักใหญ่
ใจประสงค์ต่อเจ้าจั่งมาเว่าอ่อย
ขอแต่นวลนาถน้อยอย่าตั๋วอ้ายให้นั่งซึม.....สาเด๋อ
คันแม่นคือจั่งเว่าสิเมือเฮือนไปบอกแม่
ไปบอกเฒ่าแก่ไว้สิหามื่อแต่งขัน......สาแหลว

[ตะวันนา]

....อ้ายเอ้ย.. น้องบ่มีหยังแล้ว.....บ่มีแนวสิคิดต่อ
......คันแม่นคึดต่อตั้ง..........ดั่งคิดเปลี่ยนเป็ นแป
......คิดต่อแหปลาส่อย........สายคันได ซ้ำผัดเปื่อย
.....คิดต่อหวิงส่อนกุ้ง...........ทางก้นผ้ดเปื่อยแ พ...อ้ายเอ้ย....

[บ่าวเมฆินทร์]

หล่าคำเอ๋ย............
ซื่อว่าแนวแหก้วงแม่นสานมาดอกใหม่ใหม่
ยังบ่ทันได้ใซ้ลงน้ำดอกจุ่มหนอง
ส่วนว่าหวิงกับข่องน้ำในหนองหองกะจุ่ม
มันบ่เพหมุ่นม้างคือทางเจ้าได้ว่ามา......ดอกหนา

[บ่าวหมอลำ]

โอยนอ....อันว่านแนวนามอ้ายบ่มีคู่นอนเดียว
บ่มีสาวเหลียวมองจับจองไปนอนใกล้
อันหัวใจฮ้างๆอยากได้นางมาฮ่วมบ่อน
หากบุญมีได้ซ้อน....คือสิฟ้อนแม่นบ่ลงพุ้นแหลว:'(

[ไก่น้อย]

โอ่น่อ ..อ้ายเอ้ย
ย้านหลายเด๋ ย้านเเต่หวานปากหม้อ เคลือขอฮอนั่นฮองลุ่ม
ชาติสิหวานปากปั้ง ขังข่อ เเล้วขื่นขม
บุญบ่ฮอดกอดบ่เกี๊ยวแสนสิฟั้นกะเลามาย
ชาติสิหงษ์คำพายเวหาดันเฆม
กาดำขอเเอ่วซ้อน ตาส่นเพิ่นบ่เหลียว ...นั่นเเหล้วว...

[konphuhai]

ครันแม่นจัยนี้คิด ดีแล้ว บ่ใด้เว้าตั่วลวงล้อหลอกใผ ปานใดเด้ สิได้ จูงแขนเข้าพาขว้ญ ป้อนไข่หน่าวย มือขวาป้อนไข่อ้ายมือซ้ายป้อนไข่นาง....

[บ่าวเมฆินทร์]

โอ่น่อ ..อ้ายเอ้ย
ย้านหลายเด๋ ย้านเเต่หวานปากหม้อ เคลือขอฮอนั่นฮองลุ่ม
ชาติสิหวานปากปั้ง ขังข่อ เเล้วขื่นขม
บุญบ่ฮอดกอดบ่เกี๊ยวแสนสิฟั้นกะเลามาย
ชาติสิหงษ์คำพายเวหาดันเฆม
กาดำขอเเอ่วซ้อน ตาส่นเพิ่นบ่เหลียว ...นั่นเเหล้วว...

หล่านางเอ๋ย.......
อ้ายี่หลอดอ้อยซ้อยเสมอดั่งตองตัด
ผัดแต่เป็นบ่าวมาบ่เคยมีผู้ได๋ซ่อน
ย่านแต่ทางโตน้องมาเว่าอำแล้วซ่อนเหงี่ยน
ตั๋วให้เฮียนฮักแล้ว......ฮ่วย....สาวไก่น้อยเป็นคนท างลำปาวสั่นติ
เคยพ้อกับเจ้าของเองครับ สาวลำปาวตั๋วบ่าวเมืองยโสธร บอกว่าฮักหลาย บ่ได้คุยกันบ่ทันได้พอ3มื่อฮู้ข่าวอีกเที่ยว่าแต่งงา นแล้วเว้ามาจักสิเฮ็อหน่าจั่งได๋อ้ายบ่าวบ้านดอนเอ่ย ..
>:(>:(

[sompoi]

เอ๋า..บัดสิว่าแม๋ะ..แกยังเป็นสาวอยู่เด้อ..(ยืนยันๆ )..ยังบ่ทันแต่งเด้อบ่าว..(.ถ่าเจ้าโตเขามาแถลงอิกเท ือนึงเนาะ)..ฮ่าๆๆ..ฟ้าวมาเด้อไก่น้อย..เด้อ ซ้าเด๋วเข้าใจผิดกันไปใหญ่เด่ะล่ะ..กำลังอ่านผญาม่วน ๆอยู่แม่ะ..ละสิบ่อมีคนจ่ายผญาให้อ่านต่อละน๊อน้อ..

[ไก่น้อย]

อ้ายเอ้ย ...
พุ้นกะว่าซู้ พี้กะว่าซู้ หาผู้สิยู้กะบ่มี.....ดอกอ้ายเอ้ย
ให้น้องไลลืมอ้ายบ่มีไลลืมง่าย
ฟ้าบ่หงาย ....ดินทรายบ่ปิ้น
หินในน้ำ ..บ่ฟูขึ้นเเม่นบ่ลืม ....

คั่นบ่เเม่นกะบ่ยิง..คั่นบ่จริงน้องบ่เว่า...คั่นบ่เ อาน้องบ่ว่า
รับฟ้าผ่ากะได่ ...ใจน้องนิเที่ยงซัน (สั่นเเหล่ว..)


ป้าดดด...เจ๊ข่อยย้านน้องบ่มีผุบ่าว ฟ้าวมาว่าติ ฮ่าๆๆ...อะน๊าเจ๊ ... บัดสิได้ฮั่ง บินมาคือนกเคยได้ยินบ่ อิอิ (ตามคำผญาเด้อ จ้าอย่าไปคิดนอกขอบ เว่าม่วนต่อไปเฮา ฮ่าๆๆๆ)

[sompoi]

จักแม่ะ..อ่านผญาสุดท้ายเล้าแล่ว เป็นคือยังแต่งบ่ทันแล่วนิจ้า..คือเพิ่นได่ข่าวมาแล่ วสูน จนบ่แต่งต่อซําสั่นแม่ะ...(เบิ่งหน่าเล้าแน่ะ..)ฮ่าๆ ๆๆ..

ปล. ห่วยเอื้อยกะสิบ่ได่บินไปคือกันติ้หล่า.ฮ่าๆๆ.ลาบวัว ทางกาสินคือสิแซบน้อเนาะ..อุอุ..

[ไก่น้อย]

เอื้อยเอ้ย ...
คั่นว่าใจประสงค์อยาก...พงหนามกะว่าท่ง
ใจประสงค์ขิคร้าน.... กลางบ้านกะว่า ดง

ใจบ่โสดาด้วยเว่าเเม่นกะเป็นผิด
ใจบ่โสดาดอม เว่าดีกะเป็นฮ้าย... ดอกพี่เอ้ย ...

ปล...มาเจ๊ น้องสิพาหัดเว่า ฟังหมอลำหลายๆกะสิเว่าเป็นดอก 555+

[sompoi]

ป้าดดดดด สอนๆแน๋ะหล่า เอื้อยมืดแปดทิศเด้อผญา นิ ..เอาๆ อ่านๆ นำน้องนุ่งนิล่ะเนาะจ้า..

[บ่าวเมฆินทร์]

หล่าคำเอ๋ย........
ซื่อว่าพายสารซ่างมันอาศัยอยู่ในป่า
แม่นบ่เที่ยวเล่นในเมืองหลวงดอกใหญ่
ตือจั่งใจของบักอ้ายคึดฮอดนางจั่งเทียวย่าง
ป่าไม้หนากะได้หม่นมาหาเจ้าเผิ่นผู้ไค
จั่งได้ไขออกอ้างทางวาจาให้น้องหล่ำ
อย่าได้คือเขาก้ำทางพุ่นผู้แล่นหนี....สาแหลว

[ศรีสะท้าน]

โอนอ มาออนซอนผญาเกี้ยวเกลียวพันบั้นบ่อน..แท้นอ
ว่าเป็นกลอนกล่าวอ้างวางตั้งสังค่องคือ
อ่านมาหลายล่วงมื้อกะล้วนแต่สำคัญ
อัศจรรย์ใจหลายฝ่ายพี่ศรียินดีน้อม
ขอจงฮอมสงวนไว้อันแนวใดมีคุณค่า
ยกตัวอย่างคำผญา หมู่น้องว่าไว้นั้น สำคัญถ้วนม่วนหลาย..แท้แหลว

[ไก่น้อย]

อ้ายเอ้ย ...
น้องนี้เเจ้งคือดาวขาวคือฟ้าใสงามคือหน้าเเว่น
แปนฝามื้อฮับต้อน เชิญถ่อนผู้ประสงค์
คราวเเต่เว่าเเต่กี้ อ้ายสิตบเเผ่นเเป้น เเบมือให้น้องนั่ง
บัดว่ามาฮอดเเล้ว คือให้น้องได้นั่งหนาม น่ออ้ายเอ้ย....

[บ่าวเมฆินทร์]

คำเอ๋ย......
ซื่อว่าใจประสงค์แล้วเมืองแกวกะดั้นฮอด
ใจประสงค์ยอดแก้วในถ้ำกะก่นหา
ใจประสงค์ต่อเจ้าจั่งมาหาฮอดบ้านช่อง
อดส่องลอดป่องเอี้ยมให้ทางอ้ายได้หล่ำแยง.....แหน่เป ็นหยัง

[ไก่น้อย]

อ้ายเอ้ย
น้องอยากถามข่าวเจ้า ถามข่าวฮอดปลา
น้องอยากถามข่าวนา ถามข่าวฮอดเข่า
น้องอยากถามข่าวเจ้า มีไผแล้วหละไป่
หยับมานั่งใกล้ๆ พอให้ส่งคำถาม ...เเน่น๊า.... (อะบึ่ยย ..)

[บ่าวเมฆินทร์]

หล่านางเอ๋ย........
อ้ายนี่ปลอดอ้อยซ้อยเสมอดั่งตองตัด
ผัดแต่เป็นบ่าวมาฮอดบ่มีไผซ่อน
บ่ได้เอาสวนม่วนไปซอนบ่อนสวนมอน
อยู่แต่หัวนาดอนบ่อนพี่ชายนี่เซายั้ง
ว่าสิลองหยับเข่านำทางข้างเจ้านั่ง
ย่านคิดซังโตบักอ้ายกะเลยได้แต่นั่งมอง......สาแหลว

[บ่าวเมฆินทร์]

คำเอ๋ย............
อ้ายนี่คิดต่อตั้งนำแต่นางบ่เคยห่าง
หัวอกชายสิแตกม้างย่านนางน้องบ่ว่านำ
ย่านแต่นวลนางหล่ามีไผมาบ่บอกพี่.......สาแหลว
ลักเอาไผมาเสี่ยงลี่บ่เผยต้านต่อพี่ชาย......นั่นแหล ว

[ไก่น้อย]

อ้ายเอ้ย ..
ว่าบีมีเมียซ้อนมาคือเป็นยาบย่าง
เหลียวเบิ่งของตาบข้างมาคือค้างบักบวบลอย......เเทะน ่อ
คั่นบ่จริงอ้ายอย่าเว่าเอาเลามาจักตอก
เว่าบ่ถึกข่อ ย่อบ่ถึกป้อง มันสิเสี่ยวใส่มือ ...เด๋หละอ้าย


น้องนี้ใจประสงค์ตั้งจั่งได้ย่างมาหา
อยากได้ยินคำจาจั่งได้มาพาเว่า
ใจประสงค์สิเข้า หอเดียวร่วมบ่อน
ให้ไปเป็นคู่ซ้อน เป็นเขยหล่าสิว่าได่ ...น่ออ้ายเอ้ย..... ( อะป้าดดด ...)

[บ่าวเมฆินทร์]

หล่านางเอ๋ย...........
บ่ได้ตี๋แถลงเว่าเอาเงามาเป็นฮูป
เอาหินแห่มาคั้นส้มเอาลมเฮ็ดตองห่อ
ปลาแดกเฮ็ดตอกจิ้วมันสิแน่นบ่อนจั่งได๋

ในหัวใจของบักอ้ายมีแต่นางจั่งว่า
ขึ้นนั่งเทิ่งหง่าไม่เอิ้นหาน้องอยู่บ่เซา
บาดฮอดยามกินเข่าได้คิดนำอยู่นี่หน่ำ
จั่งได้จ้ำมาอ่อยเว้านำเจ้าเบิ่งจักความ
ว่าสิมาจาเว่านำนางสิได้บ่
ว่าสิขอเป็นเขยพ่อแม่น้องนางหล่าสิว่าด๋าย..........

[ศรีสะท้าน]

ศรีกะบ่อมีเมียเกี้ยวเทียววนให้เคียงแข้ง
นอนผู้เดียวแอ้งแม้งใจแห้งหง่วมเงา
ที่เจ้าเห็นมื้อเช้าเป็นญาตมิตรสนิทกัน
เลามาหากำนันลักหน่อไม้กันวานนี้
อยากหาเงินไปปลดหนี้นางมีอ้ายยืมแหน่
พอได้ไปซ่อยแก้ตางหน้าค่าของ
....ว่าสิมายืมเงินไปให้ค่าหน่อไม้เพิ่นซั้นเด้ เดียวนี้ มีบ่อ อ้ายยืมแหน่...หน่อไม้สามหน่อ เอาตั้งพันห้า จั่งแม่นคัก พออยากฮากซุบหน่อไม้ออกพู้นหล่ะ...

[ไก่น้อย]

โอยย มาซังคนมาหายืมเงินบ่จักเวล่ำ เวลาเเทะน่อ ... หนีเเน่ๆ สิเล่นบ่าว ฮ่าๆๆๆ .

ปล..... ไปหายื่มนำอิเเม่พุ้น เลาจ่ายดอกร้อยละซาว ::)

[ศรีสะท้าน]

หล่านางเอ้ย อ้ายอยากมาขอเว้าเซาเฮือนขอเอื้อนเอ๋ย
อยากเป็นเขยแม่เถ่าแลงเช้าได้ซ่อยงาน
ทางการเวียกอ้ายบ่อคร้านย้อนเคยผ่านอุปสรรค
ขอสมัครเป็นไทเดียวผูกเกลียวสัมพันธ์ซ้อน
ขอเป็นมอนมาเกือม้อนขอเป็นดอนปลูกหมากโต่น
ขอเป็นโพนหมากพริกน้อยพอได้ต้อยบาดฮ่าหิว ซั้นแหลวว

[บ่าวเมฆินทร์]

แม่นไผ่ไร่ไผหวานหรือไผ่ป่า
ซอมฟังเบิ่งราคามาคักหลายแท้น้ออ้าย
สามหน่อตกพันห้ามาซุปใส่แมงดาแซบคักหลายจนคนส่า
น้องสิพาไปหาหน่อละห้าพันพุ่นไวไวอ้ายสิค่ำทาง
;D;D

[บ่าวเมฆินทร์]

คนไคเอ๋ย..........
ยามเมื่อคิดฮอดน้องนอนกลางคืนกะฝันป่วง
ละเมอหาแต่หน่าเจ้ามาแล่นเข่าอยู่บ่วาย
ในหัวใจมันหากฮ้อนคือไฟลนก้นบักม่วง
เจ้าผู้ดวงดอกไม้ไปไสหล่าจั่งบ่เห็น.....



.....หรือแม่นไปลักหน่อไม้นำอ้ายศรีสั่นติ...
;D;D;D;D

[ไก่น้อย]

อ้ายเอ้ย....
เป็นจั่งได่น่ออ้าย หลายมื้อบ่เห็นข่าว
บ่มาจาปากเว่านำนางหล่า ให้นั่งเหงา .....เเทะน่อ
ส่างบ่สมความเว่า นำกันเเต่คราวก่อน
สิบ่พาน้องหยับสวนม่อน มาส้อนสวนพลู น่อ อ้ายเอ้ย

แล้วสั่งมาหละนาไฮ่ล่ม หนีไปดำนาส่าว
ส่างมาละเล้าข้าวไว่ หนีไปส่นป่ากลอย
อย่าไปเก็บดอกหว่านบ้านเพิ่นมาบาน เด้อ อ้ายเอ้ย ....
ให้เจ้าหงอยซานสักดอกกะเจียวริมฮั้ว
นำท่วมนาจั่งเห็นหน้าหนู น้ำท่วมฮูจั่งค่อยเห็นหน้าตุ่น น่ออ้ายเอย......

[บ่าวเมฆินทร์]

หล่านางเอ๋ย...........
อ้ายนี่คิดต่อตั้งนำนางบ่เคยห่าง......สาแหลว
บ่เคยวางละไว้ไปหน่าหาอื่นซม
ย่อนว่าจมนำไข้หวัดไอบ่ได้ส่วง
ใจมันป่วงหาแต่น้องนางหล่าอยู่ซุวัน
นอนกะฝันเห็นแต่หน่าน้องผู้งามค่องปานหงษ์คำ
มันหากจำเป็นทางใจบ่แม่นอยากสิไกลหนีเจ้า........ดอก หนา

[ไก่น้อย]

อ้ายเอ้ย....
เจ้าผู้คิงกลมส่วย สวยรวยเสมอหล่อ
เทวดาเพิ่นปั้นเป้า องค์อินทร์เจ้าเพิ่นตั้งเเต่ง... บ่นอ
ฝนตกยังรู้เอื้อน กบกินเดือนยังรุ้อิ่ม
บัดน้องคิดฮอดอ้าย คือจั่งเอื้อนอิ่มบ่เป็นน้อ อ้ายเอ้ย...
อ้ายอย่าไลลืมทิ่มคำเก่าเคยจา เเม่นบ่ได้เห็นหน้าเขียนเเต่โตหนังสือมา
ใจน้องกะซื่นซมดอกอ้ายเอ้ย.....

[บ่าวเมฆินทร์]

คำเอ๋ย.......
เจ้าผู้งามสง่าล้ำหงษ์คำกะบ่ท่อ
คนบ่หล่อจั่งบักอ้ายมีบุญได้เข้านั่งนำ
อันว่าแนวคำเค้าวาจาได้ต้านกล่าว
ของอ้ายบ่าวนี่ได้จาต้านต่อพะนาง
บ่ได้บดบังข่างอำพรางแม้แต่น่อย
คำจาเว่าจ้อยจ้อยออยเว้าอยู่ซุวัน
บ่ได้ปันใจให้แม่นผู้ได๋เข้ามายาด
บ่ได้ขาดแม้แต่ก้อยยังต่อตั้งบ่ส่วงเซา
เจ้าผู้หงษ์คำเกลี้ยงเสียงแซวแซวคำคนส่า
วาสนานาขี่กระต่ายน้อยคำแพงหล่าให้หล่ำแยง........แห น่เด๋อ

[ไก่น้อย]

อ้ายเอ้ย ...
อย่าได้ติเเถลงหล่มกินบักยมมื้อละต่า
กินบักขามมื้อละต้น ความสิส่มเเม่นบ่มี เด้ออ้ายเอ้ย ...
คั่นเเม่นมักน้องเเท้ ให้พ่อเเม่ มาจา
นางสิหาคาวหวาน ของกินทานสิจัดต้อน
บ่ให้ถ้อนน้อยหน้า สิสรรหามาฝากปู่กับย่า
เอิ่นมานำเด้อเเม่ป้า มาจาต้านกับเเม่นางเด้ออ้ายเอ้ย...

(อึฮึ ให้มันเเล้วสะ หาหม่องลงบ่ได่ 555+ )

[บ่าวเมฆินทร์]

หล่านางเอ๋ย.............
จั่งแม่นเว้าจริงแท้ปากแปแปบ่ได้แจมหินแห่
จั่งแม่นความฮักแท้พี่ชายนั่นได้กล่าวมา
ขอแต่สาวนางหล่าทางวาจาอย่าได้แปรเปลี่ยน
บาดห่ากลับเมียเฮียนสิได้วาจาเว่าบอกผู้เฒ่าไปกล่าวข อ......สาแหลว