กระหยัง

[ฅนภูไท]

กระหยัง ภาษาภูไทบ้านผมเอิ้น ขะม้อง

http://img178.imageshack.us/img178/7264/m22xc0.jpg

กระหยังกะคือตะกร้าชนิดหนึ่ง มีลักษณะคล้ายกระบุงแต่มีเชือกฮ้อยเอาไว้พาย หรือเอาไว้ผูกใส่เอวเวลาไปหาอยู่หากิน เช่นไปหาหน่อไม้ ไปซ้อน ไปหาเก็บเห็ด เฮ็ดจากไม้ไผ่สานเป็นรูปทรงกระบอกมีหลายขนาด กระหยังเป็นอีกเครื่องมือหาอยู่หากินที่จำเป็นสำหรับ วิถีชีวิตของคนอีสานสมัยก่อนครับ

ปล.คือกันกับกระต่าที่แตกต่างกันกะที่ตรงกระหยังสิใช ้เชือก

http://img178.imageshack.us/img178/1391/cazd0g93cagli1bicavgf8hlu9.jpg

[Tid Sri]

ทางยโสคือบ่มีอ้าย มีแต่กะต่าคือว่านั้นล่ะ หูมันบ่แม่นเชือกแต่เป็นไม้ไผ่เด้ล่ะ

[ฅนภูไท]

เอ้าบ่มีติ เวลาไปซ้อนกุ้งซ้อนแมงตับเต่าอยู่บ้านใช้หยังหละ ปกติเขาสิใช้กระหยังผูกใส่เอวยามเฮาไปซ้อนจั่งสิสะดว ก หรือเวลาไปหาหน่อไม้เฮากะพายเอา ส่วนกระต่าบ้านผมสิเอาไว้ใช้งานที่บ่หนักปานได๋เช่น ใส่แนวกินไปลงวัด หรือใส่แนวกินไปไฮ่ไปนา

[ศรีสะท้าน]

เอ้าบ่มีติ เวลาไปซ้อนกุ้งซ้อนแมงตับเต่าอยู่บ้านใช้หยังหละ ปกติเขาสิใช้กระหยังผูกใส่เอวยามเฮาไปซ้อนจั่งสิสะดว ก หรือเวลาไปหาหน่อไม้เฮากะพายเอา ส่วนกระต่าบ้านผมสิเอาไว้ใช้งานที่บ่หนักปานได๋เช่น ใส่แนวกินไปลงวัด หรือใส่แนวกินไปไฮ่ไปนา

บ้านข้อยเวลาไปส่อนกุ้ง ส่อนแมง ใช้คุอูม คุออม ตั้วอาว เป็นคุสานด้วยไม้ไผ่ยาขี้ซีมีฮวงไม้ ปากออมๆ แคบๆ ลอยน้ำอ่องล่องผูกเซือกมัดใส่แอวเอาโลด

[ฅนภูไท]

อ้ายทิดศรีผมถามอีกแหน่เวลาไปซ้อนใช้อิหยังซ้อนครับ บ้านผมเขาใช้กระด้งเขิง(กระโด้)เด้อครับ

http://img218.imageshack.us/img218/871/p1114vj2.jpg
กระด้งเขิง(กระโด้)

[ศรีสะท้าน]

โอ..เฮ็ดดีตั้วหล่ะเนาะ กะโด้แมะ แถวบ้านข้อยกะใช้สวิงธรรมดานี้หล่ะอาว คันบ่อซั้นกะใช้ผ้าแหย่ง หวิงนี้คันส่อนแล้วเลือกเสร็จกะซิดไหว่โลดดอก ลางเทื่อมีฮอดปลิงค้าว ซิดผิดทางไปติดเสื้อผู้ส่อนอยู่ข้างๆเอ้ดเลดอยู่กะมี ด่ากันว่าสั่น อิ อิ แต่ว่า กะหยังนี้ สิแม่นอันเดียวกับ กะซ้าบ่อหืออาว สงสัยแมะ

[มั่วหน่าฮ่าน]

ฮ่าๆๆ...มีแต่แนวบ่เคยเห็น..พี่น้องเอ๊ย...http://jedsadan.googlepages.com/smiley11.gif

[เซียงสีผีเป้า]

กะหยัง กะคือกะต่าถอดฮวงซือนี่ล่ะเนาะ คันใส่ฮวงกะเอิ้นกะต่า คันบ่ใส่ฮวงใส่สายแทนกะเอิ้นกะหยัง เอาไว้ยามไปขัวหอยดีคักมัดใส่แอว แล่นกะบ่หลูด ดีคัก

ส่วนวา กะด้งเขิง บ้านผมบ่เอามาต๊ะส่อนทั่วไปเด๋ ยังเอามาส่อน บักไข่ผำ กะได้

ส่วนว่าหวิง เอาไว้ส่อนธรรมดานี่ล่ะ คือใหญ่ศรีลาววานั่นล่ะ ส่อนไปถืกดปลิงค่าว ขนคีงลุกยาบๆ

ส่วนวาคุขี่ซี เอาไว้ถ่าขังปลาดีคัก เอาไว้ตักน้ำให้งัวกะได้

ส่วนวา เวลาไปตึกแห สิใช้ข่องลอย หรือ ข่องเป็ด ข่องธรรมดานี่ล่ะแต่วาสานเป็นรูปเป็ด แล้วกะเอาไม้งิ้ว หรือ ต้นโน(สโน) หรือ เอาฟองน้ำ(โฟม) มัดใส่ทางข้าง ลอยอ่องล่อง

จั่งซั่นล่ะ กะบาทเอ้ย