Citronformage// Citron mousse

[ติ๋ม เปอร์โย]

Citron=หมากนาวศรี บ่แม่หมากนาวอ้ายทิดศรีเด้อ อิอิ Lime=หมากนาวน้อยหน่วยเขียวๆ ภาษาอื่นบ่ฮู้เอิ้นจังใด๋จ้า
http://jo.jedsadakorn.googlepages.com/525.JPG
สูตรโลด มีน้ำตาล200กรัม ไข่ไก่6ฟอง ติ๋มใช้ไข่ในกล่องที่เขาฆ่าเชื้อมาแล้วจ้า ย่านไข่ดิบสดๆหั่นน้า อิอิ
หมากนาวเหลืองๆ2หน่วยน้อยๆเด้อส้มคักเด๋ ใช้ได้ทั้งผิวและน้ำหมากนาว
วิปปิ้งครีมเคิ่งลิตร เจลาติน8แผ่น ที่เห็นบางๆใสๆนั่นหละจ้า
ลงมือ เจนลาตินแช่น้ำเย็น5นาทีให้นิ่ม หมากนาวล้างน้ำเช็ดให้แห้งขูดเอาแต่ผิวเหลืองๆ
หน่วยกะบีบเอาน้ำ รวมกันไว้ เจลาตินสงขึ้นจากน้ำบ่ต้องปั้น ละลายโดยการใช้ไอน้ำ
คือเอาเจนลาตินใส่ถ้วย ต้มน้ำให้เดือด เอาถ้วยไปปิดหม้อแทนฝาปิดหม้อ แค่นี้กะละลายแล้ว
เอาไข่ใส่ชามอ่างปั่นใส่น้ำตาลให้ฟูเบา เอาน้ำ+ผิวหมากนาวผสมลงในถ้วยเจลาติน
เทลงในอ่างไข่ใช้พายไม้ตะล่อมให้เข้ากัน พักไว้ในตู้เย็น
แล้วหันมาปั่นวิปปิ้งครีม เทลงผสมในชามไข่ ตะล่อมให้เข้ากัน
http://jo.jedsadakorn.googlepages.com/526.JPG
แล้วจัดการเทลงใส่ถ้วย ได้2ถ้วยแก้ว กระดาษฟอร์ยปิดปากถ้วย เอาเข้าตู้เย็นไว้
อย่างต่ำ3-4ชั่วโมง ค่อยเอาออกมาเสริ์ฟ เป็นของหวานหลังกินข้าวจ้า
http://jo.jedsadakorn.googlepages.com/527.JPG
ที่จริงทางเดนร์มากเพิ่นสิกินข้าวต้มใส่นมสด+น้ำตาล เป็นของหวานในมื้อคริสต์มาสจ้า
แต่ติ๋มย่านครอบครัวเบื่อ ที่สิกินของหวานชนิดเดียว2มื้อติดกัน ติ๋มเลยเลือกเฮ็ดแบบนี่
ลองเบิ่งเด้อจ้า ส้มๆ หวานๆแซบเด๋ พากันฉลองคริสต์มาสให้ม่วนๆเด้อจ้า ติ๋มไปทำงานก่อน เซ็งเลยบ่ได้หยุด

[บ่าวเซียงน้อย]

เมนูของหวานอ้ายขอบายจ้า..."ชอบของคาว คิๆๆ"

[มั่วหน่าฮ่าน]

บ่าวทิดเซียงน้อยเพิ่นบ่มักของหวานๆ...เอามาหนี่นางห ล่า...อ้ายสิเลีย..โอ๊ะอ้ายสิซดให้เบิ่ง..อิอิอิ...h ttp://jedsadan.googlepages.com/smiley17.gif....http://jedsadan.googlepages.com/i39.gif

[หนุ่มบ้านดอน]

ป๊าดดพิชซ่าหน้าไข่ติ

เป็นตาแซบแท้หละ

ข้าวเหนียวคุ้ยเบิ่งเด้ คือสิแซบ

[ติ๋ม เปอร์โย]

55++เว้าไปทั่วเนาะหนุ่มบ้านดอนเจ้า พิซซ่าจังใด๋ "ของหวาน"กะยังว่า คล้ายๆไอติมหั่นหละ แต่เย็นหน่อยกว่า

[ไก่น้อย]

คือสิคล้ายๆ ไอติมนิหละเนาะพี่ติ๋ม ... มักๆ เเนวบ่ต้องหย่ำนิ :g

[ศรีสะท้าน]

ภูมิใจเด้ที่ได้มีส่วนในการเฮ็ดของหวานสูตรนี้ อิ อิ มีหมากนาวศรีนำ พะนะ บ่อเป็นหยังมีชื่อติดนำกะมีแฮงดอก เหอ ๆ ๆ

[ศรีสะท้าน]

คือสิคล้ายๆ ไอติมนิหละเนาะพี่ติ๋ม ... มักๆ เเนวบ่ต้องหย่ำนิ :g

บ่อมักหย่ำกะเอาแบบกินทางสายยางไปซั้นตั้วนาง อิ อิ อิ ไหลลิดๆ ลงท้องกั๊กโลด

[น้ำตาล]

เมนูของหวานอ้ายขอบายจ้า..."ชอบของคาว คิๆๆ"

อ้ายเซียงเพิ่นบ่มักของหวาน..แล่วแม่นมักกินหยังหละข องคาวนะ..::)::)
//เอื้อยติ๋มคือไอติมบ้านเนาะเป็นตาแซบตัวะหละ...:g:g

[ธิดายาเย็น]

อยากกินนำเด้คึสิเป็นตาอ้วนแท้หล่ะเอื้อยติ๋ม8)

[ธิดายาเย็น]

อ้ายบ่าวมักของคาว กะซ๊กเล็กนั่นเด้มักบ่ นางมีสูตรอยู่เด้อ..ขมๆ.เพี้ย..โอ๊ยแซ่บหลาย

[มั่วหน่าฮ่าน]

ยาโด๊ปซั่นติหล่า..ไข่ดิบคือหลายหน่วยแถ่ะ...เอิ๊กส์ ๆๆ http://jedsadan.googlepages.com/i39.gif

[ติ๋ม เปอร์โย]

ธิดายาเย็น=อ้วนอิหลีน้องหล่า เฮ็ดสู่ฝรั่งกินปีละเทือ2เทือ ปกติคั่นอยู่คนเดียวกะบ่เฮ็ดแล้วจ้า
อ้ายเซียงตั๊วหล่าเลามักของคาว::) แต่อ้ายบ่าวนั่นมักบ่บุ เลาบ่ปากแหม๋ อิอิ

[นัยกระจอก]

::)อี่หยังน้อ กินได้บ่ละ สาวติ๋มยิ้มบ่หวาน::)::)

[nu_meaw]

เหมียวขอถอยเด้อพี่ติ๋ม ขั่นว่าแนวหวานๆบ่สู้ปานได๋....

[ขอโทษที่คิดถึง...เด็กดื้อ]

อันนี้คือบะบายจ้า...อิอิอิ