งึดคั๊กพี่น้อง

[NONGNAN]

งึดคั๊กหลายพี่น้อง งึดเจ้าของคั๊กแหน่
รหัสผ่านเจ้าของแท้ ๆ จำบ่ได้งึดหลาย
บุ๊ป่ามาแล้วอ้าย บ่าวพี่ชายจำได้บ่
แนน นางหล่ามาพ้อว่อ รออ้ายแหว่มายาม

[Tid Sri]

ยังบ่ลืมเด้อเจ้าสาวแนนผุคนส่า
บ้านมหาหม่องว่านี่เฮาเคยเว้าหยอกกัน
จากมื้อนั้นฮอดมื้อนี่ทิดสีคอยล่ำหล่ำ
หรือลืมคำหยอกเว้าผญาเกี้ยวก่ายใส่กันล่ะน้อ...คำเอ้ ย (ว่าแม่นไปอาดหลาดล่ะ)

[NONGNAN]

บ่ได้ลืมดอกอ้าย ยากงานหลายกะยังว่า
นั่งคึดไป คึดมา ลืมรหัสซั้นแหล่วแนวนี่กะบ่ไหว
เป็นตาอยากหัวฮ้าย ผ่องอยากอายกะยังว่า
สังมาเป็นคือบ้า ลืมหน้าแม่นหลงหลัง
บ้านมหาเคยตั้ง เว้าต่อ ยอขาน
สืบตำนานความหลัง มูลมังอิสานเค้า
นางขอเอาแฮงเข้า ยู้ซ่อยคอยเสริม
เติมแรงให้กัน ทุกวันในบ้านนี้
สิบ่หนีแล้วล่ะ ย้านคนส่าว่าอกหัก
ยังบ่มีความรัก สิอกหักจั่งได๋ได้.. ( เนาะเอื้อยไก่ )