ผญาเตือนสติ (มือพิณสายฟ้า)

[บ่าวสายฟ้า]

:Dหล่านางเอ้ย อันว่าความฮู้นี้ศึกษาไปอย่าได่ขาด มันสิคาดลาดล้มตอนมื่อเจ้าเข้าเฮ็ดงาน นางเอ้ย

[บ่าวคนเดิม]

หล่านางเอ้ย อันว่าความฮู้นี้ศึกษาไปอย่าได่ขาด มันสิคาดลาดล้มตอนมื่อเจ้าเข้าเฮ็ดงาน นางเอ้ย


เว้ามาคึดฮอดน้อง ทราย เด้น้อ เผิ่นได้มาอ่านเผิ่นกะซิต่อผญาท่าน "มือพิณสายฟ้า" โลดแล่ว

ผู้ข้าฯ ได้อ่านแล้วกะยังอยากต่ออยู่...

[tomkoong]

อ้าย นางบ่ได๋ ไปที่ม ไปป๋าการเฮียนฮู้
ก่ะยังศึกษาอยู่ ความฮู้นั่นบ่ที่มป๋า
การเฮียนมีหล้นฟ้า นางก่ะได๋มาส่วนหนึ๋ง
ผ่อได๋เฮ็ดงาน อ้ายเอ้ย

[ท้าวบ่าวบา]

อย่าได้วาจาต้าน.....สอนหมาให้เห่า
สอนเต่าให้มุดน้ำ.มันสิเย้ยเสียคสี
สอนกุมภีร์แข้ลงหนองมันบ่คล่อง....
สอนแข้ให้ลงน้ำ..คำนั้นบ่ควร...จังซันดอก..

[ท้าวบ่าวบา]

ขออภัย เด้ออาว กะบาทมาใหม่โตหนังสือมันใหญ่ ลองเฮ็ดไปบ่ทันฮู้..

[ศรีสะท้าน]

:Dหล่านางเอ้ย อันว่าความฮู้นี้ศึกษาไปอย่าได่ขาด มันสิคาดลาดล้มตอนมื่อเจ้าเข้าเฮ็ดงาน นางเอ้ย

หล่านางเอ้ย อันว่าความฮู้นี้ศึกษาไปอย่าได่ขาด มันสิคาดลาดล้มตอนมื่อเจ้าเข้าเฮ็ดงาน อีกอันหนึ่ง เจ้าอย่าได้ขี่คร้านกระทำการให้ดู๋หมั่น เพียรขยันสืบสร่างหนทางเจ้าสิฮู่งเฮือง ซั้นแหลว..ตอยนำแหน่อาว อิ อิ อิ

[ไก่น้อย]

มาฟังคำผญาอ้าย มาอุกใจเเทะน่อพี่
ความรู้พอส่ำนี่อินางหล่า...สิค่อยคลาน
สมกับการงานสร้าง สมอินางได้เฮียนฮุ่ง
ถึงมันสิบ่รุ่ง...บ่โชติช่วง..อินางหล่าสิค่อยทน...ด อกอ้ายเอ้ย...

[บ่าวเซียงน้อย]

เว้าเอาได้บ่อ..คริๆๆ////โอ๊ยน๊อมาจากทางกสินเก่งผญาทั้งชายทั้งหญิงอิหลีตั้ว นี้ อิอิๆๆๆๆๆๆ

[ศรีสะท้าน]

หืยย อย่ามาติแถลงเว้าเซาสาว่าโตต่ำ มันสิหงำบักอ้ายซายบื้อผู้ชื่อศรี
อยู่ในเฮือนมหาหนี่มีแต่ผู้ปัญญาหลาย ศรีอยากอายแต่ทำซงเฮ็ดให้คือพอม้ม
พี่บ่อสมสาวนางหล่าเฮือนมหาปัญญาป่อง เพียงทำท่าหยอกน้องผยองเหล่นให้ม่วนหัว ซั้นแหลว

หมายเหตุ หงำ แปลว่า บดบัง /ข่ม /เหนือกว่า

[ไก่น้อย]

ฮ่าๆๆ ..โอ่มีฮอดคำแปล ยกตัวอย่างเช่น กกไม้ใหญ่หงำนา กกขาใหญ่บัง... (ขา) ติอ้าย555+

[หนุ่มเมืองดอกลำดวน]

สบายดีพี่น้องโตข่อยเป็นน้องไหม่ ขอรายงานโตไว่ซำนี่กะแมนพอ
ขอสืบสานนำอ้ายเอื้อยนำแนจักคน พอให่เขาซาลื่อกะแมนพอเพียงนั่น
ศิลปะอีสานนั่นมียูหลายยาง ขั่นบอได้พบพ้อยาสิเว่าวาเชย สั่นแหลว.......

[โป้ยก่าย]

ให้เจ้าฟังคำต้านสิได้เอ่ยแถลงไขให้เป็นไปตามทางวาทส ตรีงามล้น
ทนฟังไปหากดีแท้อย่าได้แวทางบ่แม่นอย่าได้แล่นพุ้นพี ้ไทบ้านเพิ่นสิหยัน
ความเป็นสาวว่านั้นเจ้ายังหนุ่มวัยคนองให้ถือคลองคำส อนจั้งสิดีไปได้
ให้เจ้าเอาใจตั้งฟังคำสอนพ่อแม่หากเป็นทางซ่อยแก้โตเ จ้าอย่าลื่นความ
พวมเป็นซ้ำน้อยอย่าได้ปล่อยตามใจอย่าสุไปตามทางสิ่งบ ่ดีควรเว้น
อย่าได้เอาความฮ้ายสงวนกายไว้ท่าอย่าสุมัวเที่ยวเล่น เมามั่วหมู่ผู้ชาย
อันว่าแนวซั่วฮ้ายผิดฮีตประเพณีผิดสตรีทำเนียมอันโบร าณสอนไว้
อย่าได้ไกลไลถิ้มประเพณีสอนสั่งอย่าหันหลังเยาะเย้ยโ บราณเค้าเก่าสมัย หล้าเอ่ย