คาถาเข้าป่า,ลงน้ำ..เข้ามาอ่านเบิ่ง

[บ่าวคนเดิม]

คาถานี้ผู้ข้าฯ..ยังจำได้บ่ลืมพ่อใหญ่เผิ่นบอกให้ท่อ งเวลาซิเข้าไปป่า หรือว่าซิลงในน้ำ เพราะสมัยตอนเป็นเด็กน้อย

ไปหาปลานำพ่อใหญ่ตอนเดิกๆ กะซิช่วงตี 2 ตี3 นี้ล่ะ ช่วงปลากำลังออก ตอนนั้นกะยังบ่ฮู้ภาษีภาษายังน้อ

พอไปฮอดข้างแม่น้ำโดม พ่อใหญ่เผิ่นกะหาฟื้นมาดังไฟไว้ให้ เผิ่นกะบอกว่านั่งฟิงไฟถ้าพ่อใหญ่อยู่นี้ล่ะ...

พอเว้าจบพ่อใหญ่เผิ่นกะท่องคาถาอีหยังกะบ่อู้ แล้วเผิ่นกะเอาไม้พายเฮือขีดเป็นวงกลมอ้อม ผู้ข้าฯไว้..

อันว่าคาถาเข้าป่า ลงน้ำ กะให้ท่องก่อนเผิ่นบอกมาว่าจังซี

ก่อนซิเข้าไปป่า...เป็นป่าที่เฮาบ่เคยเข้าไปอาจซิเป็ นดอนปู่ตาฯ ให้ท่องว่า

"แม่พระไพร เจ้าข้า คอยอยู่หรือยัง สังคะตัง โลกะวิทุ"

ซิลงน้ำ...ให้ท่องว่า

"แม่นาวา เจ้าข้าคอยอยู่หรือยัง สังคะตัง โลกะวิทุ"

อันนี้เป็นประสบการณ์เมื่อ 20 กว่าปีที่แล้ว...กะเอามาถ่ายทอดสู่กันฟังน้อ

ท่านใดมีเรื่องราวดีๆ กะเอามาเล่าสู่พี่สู่น้องเฮาฟังเด้อ...

[บ่าวสายฟ้า]

มี เป่าตาแดง บ่ท่าน...เอาจักหน่อยแน่

[บ่าวคนเดิม]

สรงซิเลื่อนไปแล้วล่ะ....ให้คึดเบิ่งก่อนเผื่อจำได้

[บ่าวเซียงน้อย]

ไทบ้านแขมนี้เก่งทุกยุคทุกสมัยน๊อครับ....

[ไก่น้อย]

หัดท่องก่อนสั่น ..ขึ้นเขาใหญ่ดู๋ๆ เทือมีโชคมีลาภ แฮะๆ

[สาวบ้านนา]

ของนางบ่มี คาถา มีแตคําเผิ่นบอกมาตั้งแต่เป็นเด็กน้อย ถ้าจําบ่ผิดเด้นิ

ถ้าขึ้นภู บ่ไห่เว้าเรื่องงู เอามีปะโต้ไปหนํา

แล้วถ้า ขับรถไปหยามมื้อคืน เห็นอิหยังหลุดหนําทางบ่ไห่จอดเอา (แต่ถ้าเห็นตังค์จอดเอาโล้ด)

[พอกะเทิน]

อ้ายคนเดิมมีมนต์เปล่าวัตเบาะ (งูสวัด)ผมเคยเห็นพ่อใหญ่กะจ้ำเพิ่นเปล่า คาวเดียวกะเซาเป็น บาดลังคนไปโรงบาล 2 อาทิตย์กะบอเซา

เสียดายน่าสิไปเรียนไว้แนเนา

[บ่าวคนเดิม]

ท่านสายฟ้าฯ เคยเอามาลงไว้อยู่ครับ ถ้าจำบ่ผิด คาถาเป่าตาแดง กะมีนำ อยู่ในหมวด มนต์ คาถาอิสาน

[itpaza]

ว่าแต่เข้าไปป่าแล้วบ่ลบลู่เพิ่น (เจ้าป่า เจ้าเขา เจ้าที่เจ้าทาง) เพิ่นกะบ่เฮ็ดหยังดอก

[chucheep1100]

ขอบคุงคับ