วิธิใส่เบ็ดกบให้หมานๆ

[บ่าวนางิ้ว]

ขั้นตอนกะบ่ยุงยากครับ หาขี้กะเดือน(ไส้เดือน)ตัวเป็นๆบ่ต้องหาไว้เหิงเพราะ ว่าหาเหิงเเล้วไสเดือนสิบ่ดิ้นบ่เเข็งเเฮง กบบ่ค่อยเห็น เลือกทำเลที่ดีๆ คั่นยามนากะให้เลือกหม่องที่ใกล้น้ำ คั่นใส่ในป่ากะให้เลือกทางน้ำไหลตามทางน้อยๆเพราะว่า หม่องนี้กบสิเทียว คั่นใส่ในคลองข้างถนนกะเลือกหม่องที่มีพุ่มไม้หน่อยๆ หลักการใส่น้อบาดนี้ ใช้เท้าเฮานี่เเหละตู้ดๆๆๆหม่องขี้ดินให้เป็นวงกลมกว ้างประมาณ30ซม. เสียบขี่กระเดือนใส่เบ็ดให้ขี่กะเดือนพอเต้นได้เเล้ว นำมาวางหม่องที่เฮาตู้ดขี่ดินไว้ กะระยะว่าให้กบกินกำลังเเซบเเล้วติดเบ็ดพอดี อย่าใส่ขิกะเดือนยาวเพราะว่ากบสิอิ่มก่อน อนึ่งการเสียบขี่กระเดือนควรให้ส่วนหางขี่กะเดือนวาง ในพื้นดินประมาณสัก2เซ็น เพราะกบสิเเหย่งเเย้กิน ทำให้ง่ายต่อการติดเป็น สำหรับเบ็ดที่ใส่ควรเป็น ตราปลาข้อ เบอร์ 17 คางผุเฒ่า ด้ายควรเป้นด้ายลัง3เท่านี้เเหละครับบ่พลาดครับ เชื่อผมโลด บ้านผมกบจนดับย้อน มื้อหน้าสิมาเสนอ การก้านกบครับ
http://i241.photobucket.com/albums/ff116/bannangio/011-2.jpg

[บ่าวไทยบ้าน]

ผมนึกว่าแก้จักขวดน้อยก่อนค่อยออกบ้านไปไส่แหม่ะค่อย สิหมาน บัดดั่ยเป็นจั่งสี้บ่อคับอ้ายบ่าว8)8)

[บ่าวนางิ้ว]

วิธีนั้นกะได้ยุครับบ่าวไทยบ้าน เเต่ผมว่าท่านสิหลงป่าสั่นดอก เผลอๆสิเลยกลายไปหน้าฮ้านหมอลำซิ่งครับ ฮ่าๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ

[ศรีสะท้าน]

เว้าพื้นใส่เบ็ดบ่อเคยหมานนำเพิ่นดอกอาวเอ้ยย ไคแหน่แต่ไปลักยามเบ็ดผู้อื่นนั้นหล่ะ สนุกปลดว่าสั่น อิ อิ อิ

[ฅนภูไท]

เอ้าบ่าวนางิ้วเจ้าเป็นภูไทติคือเอิ้นก้านกบคือกันกั บบ้านผมแท้ รึว่าเป็นญ้อครับ เว้าพื้นกบนหนิผมกะมักคือกันครับ

http://img71.imageshack.us/img71/9016/ssl12684ey5.jpg

http://img71.imageshack.us/img71/3682/ssl12690bb9.jpg

[ฟ้ากับตะวัน]

น่าอร่อยจังเลยค่ะ ผัดเผ็ดกบก็อร่อยน่ะค่ะ

[บ่าวนางิ้ว]

เเม่นเพิ้งตั๊ว ฮ่าๆๆๆๆๆๆๆๆๆๆๆๆๆๆๆๆๆๆๆๆๆ

[บ่าวนางิ้ว]

เเจ่วกบกับมักลิ้นไม้กะเเซบครับhttp://i241.photobucket.com/albums/ff116/bannangio/pi000038.jpg

[หล่อร้อยเมตร]

หล่อมักใส่เบ็ดกางเว็น ช่วงเที่ยงๆกบหิวเหยื่อ ถืกดีคัก ... กับช่วงสี่โมงแลง ช่วงนี่ต้องยามดู๋ๆแหน่ ย่านมันหล่อนก่อน ::)

[บ่าวนางิ้ว]

ตามที่จริงเเล้วกางเว็นกะคักยุครับหักบ่นิยม(เสียเวล าเบิ่งมวย) ย้อนว่าลักยามของผุอื่นบ่ได้ฮั่นน่า กะเลยยกยอดมาไว้ยามเเลง การยามเด้อคั่นใส่เบ็ดสองร้อยหลังตามควมจริงเเล้ว บ่ายสองขุดขี่กะเดือน สี่โมงกะลุยเลย6โมงกว่าๆกะเสร็จเเล้ว อย่าลืมหม้อเเบ็ตก้านมานำครับ

[nu_meaw]

มีแต่วิธีใส่เบ็ดกบให้หมานติอ้าย บ่มีวิธีใส่เบ็ดผู่บ่าวแน่เบาะ อิอิ.....
http://i262.photobucket.com/albums/ii84/meaw1150/Others/4e82309a.gif

[บ่าวนางิ้ว]

มีแต่วิธีใส่เบ็ดกบให้หมานติอ้าย บ่มีวิธีใส่เบ็ดผู่บ่าวแน่เบาะ อิอิ.....
http://i262.photobucket.com/albums/ii84/meaw1150/Others/4e82309a.gif
มียุครับ เเต่บ่อยากบอกเพราะว่า ย้านถืกใส่ก่อนหมู่ครับผม +555555555555555555+

[บ่าวนางิ้ว]

เว้าพื้นใส่เบ็ดบ่อเคยหมานนำเพิ่นดอกอาวเอ้ยย ไคแหน่แต่ไปลักยามเบ็ดผู้อื่นนั้นหล่ะ สนุกปลดว่าสั่น อิ อิ อิ
พ่อหมอธรรมกะเว้าไปเลยๆน้อเจ้านอ