ก้อยกาสิน สูตรอิพ่อ ขะน้อยเองจ้า ..

[ไก่น้อย]

..ก้อยกาสิน สูตรอิพ่อ ขะน้อยเองจ้า ..

วิธีทำ
- เลือกเนื้อสัน จัก1-2 ขีด (บ่ต้องซื้อมาหลาย ) สับให้มุ่นๆ (ละเอียดๆ)
- ใส่ข้าวคั่ว พริกป่น (คั่วใหม่ๆเด้อค่อยสิหอม) เติมชูรส มะนาว น้ำปลาลงไปค่ะ
- ไผมักขมกะใส่ ดี หรือเพี้ยลงไปนำ เเต่สูตรออิพ่อเลาใส่ดี บ่ใส่เพี้ย จ้า
- เติมสาระเหน่ ต้นหอม กะเรียบร้อยจ้า

http://www.uppicz.info/image/free-image-hosting-f9fe4b9a4e2c0abd0724fb6e11be5418.jpg


http://www.uppicz.info/image/free-image-hosting-d63a6772b4e3194f31fe0e5f4671021a.jpg

สำหรับสาวงามจั่งน้องหวาน เจ๊ส่ม กะเอาไปคั่วก่อนเนาะ กินก้อยดิบมันสิพิกเจ่อร์ ::)

[หมูหวาน]

เอื่อยไก่น้อย ขอจักจาน แน่ สิเอาไปคั่ว ก่อนดอก บ่กินดิบ อิอิ ตาแซ่บๆๆเนาะ มาก่อนหมู่เลยเรื่องของกิน ::)::)

[devas]

เว้าเรื่องการกินนี่ สมัยเป็นสาวกะกินคำน้อยๆค่อยหยิบค่อยญ่อม พอต่าได้ผัว คำเข่า
ฮาวบักตูม
ดิบกะบ่กินยามเผิ่นเป็นสาว บาดได้ผัว ซอยคาเขียง จุแจ่วเลย ไปเอาบุญบ่ได้กินลาบก้อย ป้อยอยู่สามมื้อ ใส่ซองกะน้อยๆ บาดขะเจ้าถามสงสัยแต่กี้คือบ่กินกะตอบว่า กินนำลูกนำผัว แต่เป็นสาวมื้อจกปากกะบ่ขบ บาดได้ผัว ผีกินตับไต ไล้เซี้ย..จั่งแม่นเปิดผุสาวบ้านโต บ่คือผุสาวบ้านเผิ่น::)::)

[เฒ่าจังไร]

ไสล่ะเหล้าขาวอ่ะ

[ไก่น้อย]

อันนี้เอามาฝากหมูหวานเด้อหล่า นางงามบ้านมหาสิมากินก้อยดิบ มันสิเสียพิกเจ่อร์ตั้วหล่า อิอิ

http://www.uppicz.info/image/free-image-hosting-b1c3ff6771f1767470507e585a61d921.jpg


http://www.uppicz.info/image/free-image-hosting-e10c1cfc2dfbdb0fd97e26a0c51352b0.jpg

[หมูหวาน]

เอื่อยไก่น้อย ขอบคุณหลายๆๆเอื่อย บ่ให้ใครกินนำเด้อ แซ่บหละบัดนิ ต้มปลาแมะ ซดน้ำๆๆต้มปลา ::)::)

น้ำลายไหล นำตำบักหุ่งเด้ :-*:-*:g:g

[นวรัตน์]

เอื้อยไก่น้อยกับแกล้มแล่วแล้วก็ยกเหล้ามานำติหละเอื ่อย >:D 8)

[sompoi]

ฮ่าๆๆ มันสิเสียพิกเจอร์วะติ้ไก่น้อย.. สิล่ะเกิดมามีกรรมเฮาหมูเอ้ย ฮ่าๆๆ..มันเป็นแนวได๋ล่ะหือ ..โตพิกเจอร์นิ ..คือสิแพงเนาะ จังถนุถนอมรักษากันแม๋ะ..แต่เอื้อยอยากให้หมูรักษาอย ่างเดียวเด้อหล่า..รักษาหุ่น แม๋ะนาง..อนุรักษ์ไว่ มีผุเดียวในบ้านเฮาเด้อ ..(t

[หมูหวาน]

เอื่อยส้ม ครัวบ้านมหา เป็นแนวนี้ รักษาง่ายแท้ๆๆแล้วหุ่น น้องอะ 5555 บ่มีลดรักษาได้ดีแท้ๆๆหละ

[วิกรรัตน์ แก้วดี]

เลิกงานไปนี่ หาก้อยกินเบิงก่อนหน๋า เหล้าสองซาว สักกรักคือสิจวดๆ ดีเนาะ
สางมาเรียกน้ำลาย ตอนนี้แท๋น้อย เอื้อยไก่น้อย แต่ส้มตำตอนนี้ บ่เอาครับ มันสิ มันสิแซ่บ ;D::)

ผักกระโดนกินกับก้อย ผักแตง ผักบูรพา โอ้ยๆ ต้มเผิ่นกะสวดถ้วยจูนพูน เลิกงานก่อนเวลา
ซะเป็นหยังนิ คิดฮอดอีพ่อ อีแม่ผู่อยู่บ้านเด้ มื้อนี่เผิ่นได่ หยังกินแลงน้อ เผิ่นสิหูบ่น้อ
ว่าลูกชาย อยู่กทม.คิดฮอดๆ เห็นแนวกินแถวบ้านเฮาบ่ได่ตั้ว ผมคิดฮอดพ่อแม่ยามนั้น
ถ้าได้เสียงพินอ้ายคนภูไท มาเปิดไปนำ คือสิน้ำตาไหลผู้นแล้ว ผน่า ผน๊ะ...

[แป้งป๋อง]

คั่วให้แหน่จ้าเอื้อย น้องกะบ่กินดิบ ย้านเป้นกะตืก คิคิ

[ศรีสะท้าน]

บรื๋ยยย ก้อยดิบนี่เหรอ ม่ายเค๊ย ม่ายเคย กินเข้าไปได้ยังงายน้องก่ายยย แบบว่าออกรังเกียจนิดๆอะนะ อุ ๆ ๆ....

[สาวเมืองอุดร]

เห็นแล้วน้ำลายไหลเลย อยากกินนำมาเป็นตาแซบแท้จ้าเอื้อย เอาไปคั่วให้นำแน่กินดิบบ่เป็นคือกันก้อยอันนี้น่ะ ก้อยอันอื่นกินเป็นจ้า8)::)::)

[ไม่สวยแต่เร้าใจ]

อันเสียพิกเจอร์หล่านางบ่สนเด้อคร้าาาา
ย่านแต่บ่ได้กินนี่เรื่องใหญ่ กับอันฟ้อนหน้าฮ่านหมอลำนำ กะกี้นางบ่เค้ย บ่เคย
แต่สุมื่อนี่บ่สนแล่ว ขายบ่ออกกะส่างมัน ค่าดองตกกะส่างมัน ของให้ฉันได้มันไว้ก่อน อิ อิ อิ

[nu_meaw]

นี้หล่ะของมัก ดิบๆนี้หล่ะ....

[ชายหล่ามาดามศรี]

เอื้อยไก่สูตรทางกาสินคือเป้นตาแซบอิเเท้แต่ว่ามาดาม ติเล่าสิบ่ให้ลูกชายหล่าเล่ากิน อิอิ เล่าว่ามันบ่เสียพิกเจอร์ดอกแต่มันสิเสียเหล้าเสียเบ ียร์ คั่นได้พากันกินก้อย ฮ่าๆๆๆๆ

::)::)::)::)::)::)::)::)

[บ่าวคนเดิม]

อา...หึ่ย...เห็นแล้ว..บ่าวรับบ่ได้ ..:-[

ฟ้าว..แพงเหล้าขาวมาแก้คาวซะแหม ไหย่ศรี ใส่เลือดหน่อยโพดทางกาสิน
ต้องให้มันได้ซดเลือดนำแน่แหม...

[ศรีสะท้าน]

จุ๊ ๆ ๆ อย่าปากแฮงอาว ซามบ่ทันมีคนมา หลอยมาแล้วขวดน้อยหนึ่ง มาๆ ๆ
http://img249.imageshack.us/img249/3199/26240460vq8.jpghttp://img249.imageshack.us/img249/8761/koium2.jpg
นี้หละเขาเจ้าเอิ้นก้อยเช้ากับข้าวเย็น สิฟักแฮงกะบ่ได้ย้านคนได้ยิน ค่อยๆซอย ค่อยหั่นเอา กินแข่นๆสองคนเฮานี้หล่ะ

[โป้ยก่าย]

บ๊ะมาคือเป็นแซบแท้หละหมอ
บักขวดแดงๆลงผ่าไส้จักโบกก่อนเนาะ อิอิ
เห็นขวดแดงๆกับก้อยเซ้าก้อยแลงโตแล้ว
เฮาคิดฮอดโตกะยังว่า ปีหน้าไปเอาบุญบ้านเฮาเด้อหมอ

[pui.lab]

กินนำแน๊ไก่เอ๊ย สะออนผักเด้หาคนเฮ็ดไห่กินก่ะบ่มีไผเฮ็ดเองบ่แซบนั่น หนา

[น้ำตาล]

เอื้อยไก่..น้ำตาลขอจานนึงเด้อจ้าสิเอาไปคั่วก่อนดอก ..ไสหละข้าวคือบ่มีหละบาดนิ..วี้ข้าวมาพี้ใหย่ศรีฯกิ นผุเดียวหลาย::)::)

[Boy_ubon]

::)ซดน้ำต้มปลา คือสิคักน้อ...ต้มปลาแมะ::)

[มั่วหน่าฮ่าน]

ว้ายยย....ว้ายยย...อ้ายมั่วรับบ่ได้.....รับบ่ได้เด ๊ดขาดที่สิเอาไปคั่ว...(ขี่กะตืกมันประท้วง)..เหอๆ http://jedsadan.googlepages.com/i39.gif

[บ่าวไทกสิน]

พงศ์น้อยกินบ่ได่ ย่านเป็นขี้กะตืก ::)

[บ่าวเซียงน้อย]

โอ๊ย..กาสิน ดินดําน้ามชุ่ม อาหารการกินอุดมสมบูรณ์เด้.. อยากไปอยู่ทางพู้นเบิ่งเด้ เน๊าะพี่บ่าวคนเดิม ติดต่อผู้สาวทางพู้นใหอ้ายจักคนแหน่น๊าน้องไก่น้อย.. อิอิๆๆ

[แหลวแดง]

สูตรได๋ใส่อี่หยังบ่ใส่อี่หยังผมกะกินนำได้เบิดหละคั บ ท้องว่างๆ สี่สิบจักสองเป๊ก วินหม่องแฮ่งแซบคัก:g