ลาบนกเป็ด

[ฅนภูไท]

ลาบนกเป็ด

มื้อนี้ฅนภูไทไปหาเลาะท่งมาพอดีไปพ้อนกเป็ดเล่นน้ำอย ู่ในหนองเลยเอาหนังสติ๊กยิง ฟลุ๊กขนาดได้มาสองโตเลยสิเอามาลาบสู่พี่น้องเฮากิน แนวหากินยากอีกแล้วครับมาเบิ่งวิธีเฮ็ดกันเลย

http://img89.imageshack.us/img89/990/ssl19062jq5.jpg

หน้าตานกเป็ดกะเป็นจั่งซี้หละ คล้ายๆกับเป็ดแต่โตน้อยกว่า

http://img525.imageshack.us/img525/7084/ssl19068la9.jpg

ทีนี้เฮากะจัดการเลาะเอาแต่เนื้อ สับให้ละเอียดแล้วกะใส่น้ำบักนาว เกลือ ลงไป

http://img175.imageshack.us/img175/4272/ssl19069ot6.jpg

แล้วเฮากะปั้นน้ำมันออก น้ำที่ปั้นออกอย่าทิ้มเด้อเก็บเอาไว้คั่วใส่ลาบ

http://img59.imageshack.us/img59/7544/ssl19070sg6.jpg

ส่วนกระดูกเฮากะเอาไปต้ม ต้มหนังกับเครื่องในไว้ซอยใส่ลาบนำ

http://img59.imageshack.us/img59/1755/ssl19071on0.jpg

พอน้ำต้มเดือดเฮากะเอามาลวกเนื้อนกเป็ด ลวกจักสองน้ำเด้อ

http://img76.imageshack.us/img76/2773/ssl19073vy0.jpg

เอาน้ำที่เฮาได้จากการปั้นออกจากเนื้อไปคั่วให้สุก แล้วเอาไปคลุกเคล้ากับเนื้อที่สิลาบ เครื่องในที่สุกแล้วเฮากะเอามาซอย

http://img216.imageshack.us/img216/7554/ssl19076mh8.jpg

ทิ้มไว้ให้เย็น แล้วทีนี้เฮากะมาปรุงกันเลย ใส่พริกป่น ข้าวคั่ว ข่าอ่อนสับ ใบมะกรูดซอย ต้นหอม ผักชี ผักชีฝรั่ง แล้วกะสาระแหน่ ลงไป คลุกเคล้าให้เขากัน ปรุงรสตามใจชอบ

http://img216.imageshack.us/img216/535/ssl19081ug8.jpg

ตักลาบใส่จาน ตักต้มใส่ถ้วย เสริฟพร้อม ผักเม็ก ผักติ้ว ข้าวเหนียว 8) ก่อนลงมือกินลาบนกเป็ด ควรสิเป๊กบักสองซาวจักสองกรึ๊บก่อนเด้อครับ

http://img232.imageshack.us/img232/927/ssl19079wh8.jpg

http://img232.imageshack.us/img232/3240/ssl19080zt3.jpg

เอามาให้เบิ่งชัดๆอีกที ว่าเป็นตาแซ๊บขนาดได๋ ::)

[ศรีสะท้าน]

หาแนวมาให้คนหิวข้าวแต่เช้าอีกแล้วเจ้า บ่เคยได้กินจักเทื่อดอกผู้ข้ากะดายเพราะหายากหลายนกเ ป็ดกะดาย

[หมูหวาน]

แซบ บ่อ้ายภู กินเผื่อแน่เด้อ น้ำต้มเนาะ ตาแซบแท้ :g:g

[มั่วหน่าฮ่าน]

ลาบใส่ขี้เพี้ยเน๊าะ...ขมอ่ำหล่ำ...http://img100.imageshack.us/img100/7646/shy28la8.gif

[nu_meaw]

บ่เคยกินจักเทื่อย้อนหายากนกเป็ดน้ำนี้ แต่ว่ากะจิกินคือเก่า หาแต่แนวหากินยากมาล่อเนาะอ้ายภู 555

[น้ำตาล]

ป้าดดด//..มาสิยิงแม่นแท้อ้าย..เทื่อเดียวได้ตั้ง 2 ตัว..คักแท้บาดนิ..เบิ่งแล้งกะเป็นตาซิมยุ..อิอิ..ซด น้ำเอาดอกจ้าบ่เคยกินแมะ..::)::)

[ติ๋ม เปอร์โย]

นกเป็ดนี่เคยกินจ้า...เคยไปล่านำ ลูกซองยาวใส่โลด ตกลงหมาไปคาบมาให้
ยามเอาไปเฮ็ดกินกะเก็บลูกตะกั่วออกบ่เบิด...หลงหย่ำเ ข้าไปเกือบสาแม่นแข่วหักกะยังว่า...แซบสุดยอดจ้า

[สาวบ้านนา]

ต้นตําหรับเปิบพิสดาร ต้องคนภูไท อิอิๆๆ

[ขุนสุราพ่าย]

พี่ปอบหากับแกล้มมาล้อน้ำลายอีกแล้ว ลาบเป็นตาส้มบักนาวแกล้มเหล้าพอดีเนาะอ้าย
ต้มกะเป็นตาซดน้ำนำแท้อ้าย ว่าแล้วขุนฯ กะสิหาลาบเป็ดแถวม. แทนนกเป็ดอ้ายเอาดอก น้องหล่าเห็นลาบอ้ายแล้วกะคึดอยาก ::)

ปล. พี่ปอบคนเก่ง คือหมานแท้อ้ายยิงหนังสติกได้นก 2 โตเลยเก่งๆ :g

[บ่าวคนเดิม]

ขอบคุณหลายๆ ท่านปอบแมน สำหรับกับแก้มชั้นยอด ขุน
ออกไปซื้อยาดองมาจักขวดแหน่...แวะเอิ่นไหย่ศรี กับอาวเซียงมานำแหน่เด้อ

ได้ยินเลาจ่มให้ฟังยุหว่าอยากกินลาบนกเป็ด...8)

[สาวต้นอ้อ]

หาแนวมาให้คนหิวข้าวอีกแล้วอ้ายบ่าวฅนภูไทก็ดาย
ขี้กะตืดสำไส้ในท้องดิสโก้อีกแล้ว ::)
บ่เคยได้กินจักเทื่อดอกจ๊ะ
เพราะหายากหลายนกเป็ดกะดาย

เป็นตาแซปเนาะค่เนาะ (t

[คนเมืองแปะ]

:g พ่อครัวบ้านมหาแมะหาแต่แนวมาสู่กินเนาะ8):g

[นวรัตน์]

เคยกินตะลาบนกกับลาบเป็ด บ่เคยกินลาบนกเป็ดจักเทื่อ เป็นตาแซบ 8)

[ไม่สวยแต่เร้าใจ]

อยู่ข้างเฮือนนี้หล้าย หลาย อยากหลอยมาลาบจักโตอยู่ ได้ยินว่าเขาอนุรักษ์พันธุ์ตั้วถ้าบ่จั้งซั่นสิหายิง มาลาบอยู่

[หล่อร้อยเมตร]

พึ่งรู้นะครับหว่าเฒ่าปรอบบบบ เป้นคนยิงปืนนัดเดียวได้นก 2 โต::) บ่ใช่ย่อยนะนี่


จั่งได๋กะอยากนำเด้อ หายากเอาพะโลนกเป็ดกะดาย ลาบนกกะแทด เอาดอกข่อย

[ดีเจปอ บ้านมหา]

สัพเพ สัตตา น่าสงสารจัง 5555555555

เเต่กะเป็นตาเเซบเนาะท่าน ปอบ อยากกินข้าวเลยบาดนี่
::)::)::)::)

[ไม่สวยแต่เร้าใจ]

ผู้ว่าน่าสงสารนั่นหล่ะ คุ้ยกินคำใหญ่กั่วหมู่ เป็นเป้าแนแม้

[บ่าวเมฆินทร์]

มาตั๋วล่อให้หิวเข่าอีกล่ะน้ออ้ายเอ่ย
ฮ่วย!...แม่นผู้ได๋ส่างมาหลอยตีนไปไวแท่ หว่างหั่นคือจั่งเห็นอยู่ในถ่วยยุ

[samran butgate]

เป็นตาแซบอยู่คับ แต่ว่าคือสิหายากคัก แล้วกะเฮ็ดยากนำ ขี้ค้านหลกขน แต่บ่เป็นหยังดอก โดนๆ เทื่อหนึ่ง เซิญแซบสะหละหละ

[หนุ่มเมืองสาเกตนคร]

กัดพริกดิบกับเบิ่งเด้