อ่อมฮวก

[ฅนภูไท]

อ่อมฮวก

ฮวก หรือลูกอ๊อด คือลูกกบลูกเขียดตอนยังน้อย คนอีสานนิยมกินเพราะมีรสชาดอร่อย คนอีสานนิยมนำมารับประทาน เฮ็ดกินได้หลายแนว บ่ว่าสิเป็นแกง อ่อม หรือว่าหมก คุณค่าทางอาหารกะหลายบ่ว่าสิเป็นแคลเซี่ยม โปรตีน ฯลฯ มื้อนี้ฅนภูไทสิอ่อมฮวกสู่กินเด้อ ยามนี้ฝนตกน้ำขังนำหนองนำไฮ่นากบกะมาวางไข่ แล้วกะเจริญเติบโตเป็นลูกอ๊อดหรือว่าฮวก เวลาเอามาเฮ็ดกินกะสังเกตแหน่เด้อ อย่าเอาฮวกขี้คันคากมากินโดยเด็ดขาด :-[ มันสิเบื่อ เหอๆ มาเบิ่งวิธีเฮ็ดกันเลย

http://img201.imageshack.us/img201/2234/ssl19205mc3.jpg

นี่หละครับหน้าตาฮวกหรือว่าลูกอ๊อด พอเฮาไปซ่อนมาได้เฮากะเอามาบีบขี้มันออกให้เบิ้ดก่อน แล้วกะล้างน้ำให้สะอาด

http://img201.imageshack.us/img201/1965/ssl19206yt9.jpg

ทีนี้เฮากะเอาหม้อขึ้นตั้งไฟใส่น้ำพออุ๊จุ๊ อย่าใส่น้ำหลายมันสิล่วงน้ำ พอน้ำเดือดใส่ฮวก ใส่บักพริก ตะไคร้ลงไป พอฮวกสุกกะใส่ผักอีตู่ ต้นหอม ผักอีเลิดลงไป ปรุงรสตามใจชอบ

http://img201.imageshack.us/img201/433/ssl19209ia1.jpg

ตักใส่ถ้วยเสริฟพร้อมข้าวเหนียว (t สิได้กลิ่นหอมผักอีเลิด เอาข้าวเหนียวลงจ้ำ (t

http://img201.imageshack.us/img201/2962/ssl19210ez7.jpg

นี่หละครับเมนูเด็ดอีกเมนูหนึ่งของคนอีสานบ้านเฮา แต่ว่าอย่ากินมันหลายเด้อจ่งไว้ให้มันใหญ่แหน่ ซั่นเฮากะสิบ่ได้กินฮวกอีกเด้ ::)

[บ่าวเซียงน้อย]

สุดยอดครับนี้คืออาหารจานโปรดที่บ่าวเซียงน้อยมักที่ สุด เอาลาบอุบลขมแป๋ตายมาแลกก็ไม่ยอม ปกติบ้านผมสิอ่อมใส่ใบหมากพริกอ่อน ผักอิเลิศ หรือไม่ก็ผักออบแอบ อยากทราบว่าบ่าวป่องไปซื้อมาแต่ตลาดม่องได๋ หรือว่าเป็นภาพอยู่บ้านนอก สิไปซื้อมาอ่อมกิน สั้นดอกหวา อิอิๆๆ

[มั่วหน่าฮ่าน]

โอ้วววววว..............เมนูนี่บ่ได้กินโดนแล้ว...คึ ดฮอดบ้านเด้.......http://img100.imageshack.us/img100/7646/shy28la8.gif

[ฅนภูไท]

อ้ายเซียง ผมกะไปหากินเลาะท่งแถวบ้านนั้นหละครับ ::) ชื่อว่าท่งโอ๊ะตลาดสะพานสอง อยู่ตรงสี่แยกเจริญราษฎ์ตัดกับถนนจันทร์ มีขายวันเสาร์อาทิตย์ครับ แนวกินทุกอย่างกะเอามาจากบ้านเฮาทุกอย่าง แม่ค้ากะทางอุบล กาฬสินธ์ มีอาหารตามฤดูกาลมาขายสดๆใหม่ๆ เพิ่นมาแลงวันศุกร์ฮอดเช้าวันเสาร์ ถ้าอยากกินของสดของใหม่อาหารอีสานบ้านเฮากะมาซื้อตอน เช้าวันเสาร์ มีอาหารอีสานเกือบทุกอย่างครับ ที่แน่ๆกะเป็นของสดๆมาจากบ้านเฮาโดยตรง อยากกินหยังเป็นพิเศษกะสั่งเพิ่นไว้กะได้ครับ ถ้าข้ามมาจากบ้านอ้ายเซียงบ่เกินสิบห้านาทีกะฮอดแล้ว ครับ มากะอย่าลืมแวะบ้านผมนำเด้อหรือสิมาเฮ็ดกินอยู่พี้กะ สะดวกอยู่ครับ

[บ่าวเซียงน้อย]

ขอบคุณครับบ่าวป๋องที่แนะนํา.. แต่ว่าอ้ายบ่อเคยไปทางนั้น ส่วนมากอ้ายสิไปทางตลาดคลองเตย อาหารอิสานมีหลายคือกัน.. เอาใว้อ้ายมีวันหยุดติดต่อกันก่อนจั่งสิชวนบ่าวป๋องม าดวลกันอยู่บ้านอ้าย.. สิเอาเมนูเด็ดหูหมีย่างมาสู่กิน อิอิๆๆ(ตลาดพระประแดงมีเยอะ กิโลละ 25 บาท ย่างสดๆ ร้อนๆ เคี้ยวกรุ๊บกรอบ สุดยอดครับ ช่วงว่างก่อนสิประสานไปเด้อครับ

[แหลวแดง]

เป็นตาแซบคัก บ่ได้กินโดนแล้ว เมือบ้านมื้อลุนสิสั่งอี่แม่เฮ็ดสู่กินอยู่คับ

[ขุนสุราพ่าย]

สูตร น้ำพออุ๊จุ๊ พะนะ เป็นตาแซ่บยุอ้ายปอบคนเก่ง ให้น้องหล่าซิมนำแหน่เด้อจ้า 8)

[หล่อร้อยเมตร]

แน่ะ กินบ่เอิ้นอีกแล้ว งูเขียวเกี้ยวละแม๊เห็นหว่าของแซ่บกะพากันอักกินบ่เอ ิ้นพ๊อคำ ::)

[nu_meaw]

ให้น้องชิมนำแน่เด้ออ้ายปอบ บ่กินดอก ชิมซื่อ ๆ
http://i262.photobucket.com/albums/ii84/meaw1150/Animals/335958_7059511.jpg

[น้ำตาล]

ป้าดดด//ฮวกหยังหละอ้าย...ไปหาทางได๋น้อนิ..ได้หลายคัก..อิอิ ..มาซิมนำแน่อ้ายจักถ้วยบ่ได้กินดนแล้ว..::)::)

[ขอโทษที่คิดถึง...เด็กดื้อ]

อ้ายปอบหายไปจากครัวไปนานเลยนะ...เด็กน้อยอดอยากไม่ม ีไผมาทำอาหารให้กินที่ถูกใจคืออ้ายปอบจ๊ะ...วันมีเมน ู อ่อมฮวก...เด็กน้อยไม่กินดอกสงสารฮวก...ย้านบาป...อ้ ายกะพี่น้องบ้านลุงมหากินซะ...อย่าลืมแผ่เมตตาให้ฮวก ...น้องฮวกจ๋าจงเป็นสุขเป็นสุขเถิด...อย่าได้มีเวรซึ ่งกันและกันเลนนะ...สาธุ

ปล. ถ้าเป็นปลาซิวเอามาทอดมัน หรือหมกเอิ้นแนะเด้อ ......555555