ส้มทูน

[ฅนภูไท]

ส้มทูน

มื้อนี้ฅนภูไทเอาส้มทูนมาฝากครับ วิธีการเฮ็ดส้มกะเฮ็ดคือส้มผักทั่วๆไป ไปตัดทูนมาแล้วลอกเปลือกออก เอาไปล้างน้ำเกลือ ให้สะอาด เอากะเอามาหั่นเป็นท่อนๆ ใส่ผักแป้น ข้าวเหนียว เกลือ ผงชูรส ลงไป แล้วคั่นให้เข้ากันทิ้มไว้จักสองคืนกะกินได้แล้ว 8)

http://img152.imageshack.us/img152/3219/ssl13377fm3.jpg

หน้าตาของต้นทูนเป็นจั่งซี้หละ

http://img186.imageshack.us/img186/3535/ssl19249cp6.jpg

พอเป็นแล้วกะเอามาใส่จานกินได้เลยครับ

http://img186.imageshack.us/img186/5440/ssl19251qr2.jpg

กินกับบักพริกสด ปิ้งกบ ปิ้งปลาทู 8)

[หน้าเกาหลี]

8) เอามาลองชิมเบิ่งจักถ้วยแหน่ครับ

[บ่าวคนเดิม]

สุดยอดครับเป็นทั้งอาหาร และยาแก้ร้อนใน ขับพิษในร่างกายนำเด้อ

[น้ำตาล]

เอ๋าอ้ายพึ่งเคยเห็นเด้อบาดนิ...:g:g::)::)

[บ่าวเซียงน้อย]

บ่อเคยเห็น บ่อเคยกิน แต่ก็อยากลองอยู่.. ย้ายบ้านไปอยู่ใกล้ๆคนภูไทยสาบ้อ จั่งสิได้กินของแปลกๆ

[หล่อร้อยเมตร]

เคยกินแต่กับตำบักหุ่งบ่ฮุ้หว่าคั้นส้มได้นำ คือส้มผักตั่วหละเนาะซงสิกินกับป่นแซบยุดอกคือ ::)

[ขอโทษที่คิดถึง...เด็กดื้อ]

บ่รู้เน๊าะว่าทูนกะเอามาเฮ็ดส้มผักได้...หัวสิเคยนี่ ล่ะ..กะเป็นตาแสบอยู่จ้า...บ่กล้าเฮ็ดย้านกินบ่ได้แม ะ...อิอิอิ...ขนาดเฮ็ดหน่อไม้ส้มกะยังเน่าทิ้มเลยล่ะ ...::)

[nu_meaw]

มาขอชิมนำแน่จ้า....

[นิลมณีหยก]

หัวแต่เห็นนี่หละอ้ายป๋อง เคยกินแต่ส้มผักเสี้ยน ส้มหอมบั่ว ส้มผักกาดผักติ้ว อันนี้บ่เคยลองดอกแต่ว่ากะเป็นตาแซบอยู่เด้หละเนาะ:: )::)

[สาวเมืองอุดร]

ส้มทูนจอยบ่เคยกิน เคยกินแต่ ส้มผักกาด ส้มหอมปั่ว จอยกะว่ากินได้แต่กับตำหมากฮุ่งท้อนั้นแล้ว เอามาเฮ็ดเป็นส้มทูนกะได้ ::)::)

[ไม่สวยแต่เร้าใจ]

เคยกินแต่ก้านสด ๆ แกล้มกับตำบักหุ่ง แต่เฮ็ดแบบส้มผักยังบ่เคยกิน

[หนุ่มเมืองสาเกตนคร]

เป็นตาแซ่บอยู่ครับ แต่แนวดอง ๆ นิกินหนำบ่ได้ดอก :g

[สาวบ้านนา]

ผักดองกะวาผักดองแหน๋