ครัวบ้านมหาอินเตอร์ หมูผัดพริกเหลือง+แกงไก่ใส่หน่อไม้ส้ม

[ติ๋ม เปอร์โย]

http://jo.jedsadakorn.googlepages.com/678.JPG
แม่ครัวแบบอินเตอร์เริ่มประจำการอีกคือเก่าจ้า...มีค นมาอยู่นำกะจำเป็นต้องได้เฮ็ดกับข้าวเลี้ยงเขาเนาะพี ่น้อง
เริ่มเลยจ้าหมูผัดพริกเหลือง...เนื้อหมูหั่นบางชิ้นพ อดีคำหนี่หละจ้า...เตรียมไว้
โขลกกระเทียม+พริกชี้ฟ้าเหลือง..ติ๋มใส่พริกเม็ดเดีย ว..แฟนกับลูกกินเผ็ดหลายบ่ได้ แต่มักกินอาหารไทย
ถ้าเป็นคนไทยกินเองกะใส่พริก5-6เม็ดพุ้นหละจ้า...ผักต่างๆหาใส่ได้ตามชอบ..หรือบ่ใส ่กะได้คั่นบ่มัก
ตั้งกระทะโลดจ้า ใส่น้ำมันพืชนิดเดียวพอจ้า พอฮ่อนกะผัดพริกกระเทียมพอหอมใส่หมู
ปรุงรส..เกลือ น้ำตาลนิดหน่อย ซีอิ๊วขาว..น้ำปลานิดหนึ่ง...ฝรั่งบางคนเหม็นน้ำปลาบ ่ใส่กะได้จ้า
แล้วเริ่มใส่ผักที่สุกยากก่อน ผัดพอผักสุก กะใส่ต้นหอม ใบโหระพา ใส่น้ำมันหอยนิดเดียว
ปิดไฟ...คนเร็วๆตักใส่จาน...รับรองบ่เผ็ดฝรั่งกินได้ จ้า
http://jo.jedsadakorn.googlepages.com/679.JPG
ตักเสริ์ฟกับข้าวหุงฮ่อนๆคือเก่า เพิ่มพริกน้ำปลาถ้วยหนึ่ง...แซบแบบไทยๆเลยบาดทีหนี่: :)
http://jo.jedsadakorn.googlepages.com/670.JPG
เมื่ออาทิตย์ที่แล้ว..หมู่มาซวนให้แกงไก่ใส่หน่อไม้ส ้มสู่กินจ้า เขาซื้อไก่กับหน่อไม้ส้มมาเองเลย
จัดให้หละเนาะ...เครื่องปรุงขาดผักอิตู่อย่างเดียวจ้ า...นอกนั่นคึดว่าใส่ครบ..แซบดีคือกัน
มาเด้อกินข้าวนำกัน:)

[ไก่น้อย]

โอยยยหิวเด๋ พี่ติ่มจ๋า :g

[nu_meaw]

ป้าดดดดดมาเป็นตาแซ่บแท้น้อเอื้อยเอ้ย.....น้องขอนั่ งนำแน่

[sompoi]

อะปร้าดด..สงสัยบรรลุผลสำเร็จแล่วอิหล่าเอื้อย8)..ต่ อไปนิกะสิมีแต่ควมสุขละเนาะ ดีใจๆนำหล่า:g

[ติ๋ม เปอร์โย]

กะพอกินยุจ้าน้องไก่ น้องเหมียว...ยามหิวมาไข่ต้ม+น้ำปลา กะแซบดอกพี่อะ อิอิ

ติ๋มกะหวัง..แล้วกะคึดว่าเจ้าของ เดินทางมาถืกทางแล้วหละจ้าพี่มิก...แต่บางสิ่งบางอย่ างกะยังใช้เวลาทำใจแหน่จักหน่อยอยู่จ้า..
คั่นได้ถ่ายรูปคู่กันแล้วสิส่งไปให้เบิ่งจ้าพี่....

[nuzing]

เฮ็ดหยังกะซงสิแซบเบิ๊ดเนาะแม่ศรีเรือน ระวังผ่ออีนางเลาสิหลงเสน่ห์ปลายจวักเด้อ
หล่า..(.หลงเตลิดเปิดเปิงไปทางอื่น ) สะล่าล้า...เอิ๊กกส์

[pui.lab]

แซบ ๆ น้องติ๋มชอบกินหน่อไม้ปุ้ยอ่ะ เฮ็ดเป็นเฉพาะผัดใส่หมู ไก่ อยากกินหมกหน่อไม้ :'(

[หนุ่มเมืองสาเกตนคร]

เมื่อกี้กะไปฟ้าดตำบักหุ่งกับต้มงัว แซ่บหลายอีหลี

[สาวเมืองอุดร]

ชิมนำแน่แม่ดอง เป็นตายกให้อยู่ดอกลูกชายแม่เฒ่าเฮ้ดแนวกินมีแต่แนวแ ซบๆๆ อิอิอิ::)::)

[บ่าวเซียงน้อย]

แม่นไผ๋มาอยู่นําละน้อง..อ้ายคือตกข่าว อิอิๆๆ

[ติ๋ม เปอร์โย]

55++คุณยายกล้าแล่นหนี หนูกะกล้าหาใหม่หละเนาะ^-^
เจ๊ปุ้ยจ๋า...ติ๋มสั่งผักอิตู่จากร้านไทยได้อิหลี... คั่นติ๋มมีเวลาเดี๋ยวหมกสู่กินจ้า..
แม่ดองจอย...รับรองคั่นหล่อๆคือลูกชายเจ้า..ข่อยสิเล ี้ยงบ่ให้อึดกินเลยหละจ้า..แต่ลูกสาวข่อยฮ่ายคักแม่เ อารูปมาลงเนต::)
55++อ้ายเซียงอยากหายหน้าหายตาดีหลาย...กลับมาเอาปาน นี่น้องๆกะมีสามีไว้ถ่าแหล่ว...อิอิ

[โด้ไดอารี่]

เอื้อยติ๋ม น้องว่า มีข้าวเหนียวฮ้อนๆๆกะดีคือกันเด๊ คับ กินแล้วยุได้ดน เที่ยวบ้านมหาเบิดมื้อ จั่งสิบ่ได้หิวหลายเทื่อ แกงหน่อไม้ของเอื้อยแซบแฮง

[miaw]

ให้กินนำแหน่เป็นตาแซบ:)