ป่นเห็ดปลวก

[ฅนภูไท]

ป่นเห็ดปลวก

เห็ดปลวกหรือเห็ดโคน เป็นเห็ดที่มีรสชาติอร่อยที่สุดในบรรดาเห็ดทั้งหลาย มีรสชาดหวาน หอม ราคาแพงหายากพอสมควร ทางอีสานบ้านเฮานิยมเอามาแกง หรือว่าเอามาป่น มื้อนี้ฅนภูไทสิป่นสู่กินเด้อครับมาเบิ่งกันเลย

http://img215.imageshack.us/img215/6628/ssl19307li4.jpg

นี่หละครับหน้าตาเห็ดปลวกหรือเห็ดโคน

http://img215.imageshack.us/img215/8383/ssl19308ym7.jpg

ที่นี้เฮากะเอา เห็ด ปลา แมงดา หอมแดง กระเทียม พริกสด เอาไปย่างไฟให้สุก

http://img215.imageshack.us/img215/8355/ssl19310oi8.jpg

จัดการเอา แมงดา พริก กระเทียม หอมแดง เห็ดปลวก ลงครกตำให้ละเอียด แล้วกะแกะเนื้อปลาใส่ลงไปตำให้เข้ากัน

http://img215.imageshack.us/img215/169/ssl19311pc6.jpg

มาถึงขั้นตอนที่สำคัญที่ในการป่นเพื่อให้ได้รสชาดของ อาหารอีสานขนานแท้ ใส่ต่อนปลาแดกลงไปจัก2-3 ต่อน เพื่อความแซบ ใส่ผักชีต้นหอมลงไป แล้วตำให้เข้ากันปรุงรสตามใจชอบ

http://img215.imageshack.us/img215/1017/ssl19312dr9.jpg

ตักใส่ถ้วยเสริฟพร้อม หน่อไม้ต้ม ข้าวเหนียวฮ้อนๆ 8)(t

http://img215.imageshack.us/img215/9520/ssl19314hv9.jpg

เวลาเฮากิน สิได้กลิ่นหอมของแมงดา กลิ่นหอมของเห็ดปลวกย่างและรสชาดหวานของเห็ด ความนัวของปลาแดก แล้วกินหน่อไม้ต้มตาม สุดสิบรรยายครับ นั่งกินอยู่เถียงนายามฝนตกริน สุดยอดดดครับ 8)

[ขุนสุราพ่าย]

มักกินเห็ดปลวก ป่น แกง ผัด กะแซบสุดยอดเห็ด ป่าหลังบ้านน้องขุนฯ เด้อหลายคัก ไปเก็บกันเด้อพี่น้อง ขุนฯ บ่ไปดอกยุงหลายโพด ไปเก็บเอาอยู่แต่ตลาด บ่สั่นกะลัดซื้อเอายุหน้าบ้าน ::)

[หนุ่มเมืองสาเกตนคร]

ป่นเห็ดปลวกนี่ล่ะครับของแซ่บ

[nu_meaw]

กินนำแน่ได้บ่น้ออ้ายปอบต๋า หน่อไม้นางดินนั้นน้า.....

[ตุ๊กตาไล่ฝน]

อ้ายภู อันแถวหม่องอยู่นี่ มันคือมีของกินขายสาระพัดเลยเนาะ...ปานหล่ะบ่ได้อยู่ ในเมืองเลย

มามะ บ่ต้องย้ายมาพิจิตร แล้วหล่ะ เดี๋ยวน้องจะย้ายไปอยู่ใกล้ๆ อ้ายเนาะ จิได้กินของแซบๆ

>:d >:d

[น้ำตาล]

กินนำแน่อ้าย..หยับให้นั่งนำแน่แมะเนาะ..นั่งผุเดียว หลายแมะ..อิอิ..

[lucy]

อยากกะบ่ได้กินนำดอกอ้ายภู นั่งเบิ่งตะรูปนี่ล่ะ ของหาอยากปานนี่ เมือบ้านพุ้นล่ะ จังสิหามาป่นกิน

[นิลมณีหยก]

เป็นตาแซบเนาะมีต่อนปลาแดกให้ฉีกพร้อม ส้มแค่วเด้ อ้ายป๋อง

[ติ๋ม เปอร์โย]

ไสหละข้าวเหนียว...จักปั้นดู้...บ่กินหลายดอกจ้า ขอคุ้ยนำจัก3คำ...เป็นตาแซบ แต่อดคักเมนูนี่บ่มีเห็ดปลวกแหล่วทางนี่

[บ่าวเซียงน้อย]

สุดยอดของอาหารอิสานครับ..เมนูนี้ จิ้มด้วยข้าวเหนียวร้อนๆ ป๊ะ..เอาลาบซี้นมาแลกก็บ่อยอม.. หมายเหตุ เมนูนี้ถ้าเป็นเห็ดปลวกตาบ แห่งคักเด้อพี่น้อง

[ศรีสะท้าน]

มาเฮ็ดให้อยากเข่า(ข้าว)แต่เซ้าแท้นอบัดนี้..อั่น ท่านเซียง กินกับข้าวเย็นแซบบ่หล่ะเหอ ผู้ใด๋เว้ากะมีแต่กินกับข้าวเหนียวฮ้อนๆแมะ อิ อิ อิ

[มั่วหน่าฮ่าน]

เห็ดปลวกเฮ็ดหยังกินกะแซบ...http://jedsadan.googlepages.com/i39.gif

[ขอโทษที่คิดถึง...เด็กดื้อ]

โอ้! ป่นเห็ดปลวก....เป็นตาแซบเน๊าะกินนำแนะ...ยังบ่อได้ก ินข้าวเช้าเลยจ้า
หิว ๆๆๆๆๆๆๆๆๆๆๆๆ แล้วจ้า