แกงเห็ดระโงก (ใส่แม่เป้งนำ)

[ฅนภูไท]

แกงเห็ดระโงก (ใส่แม่เป้งนำ)

ช่วงนี้อีสานบ้านเฮาเห็ดกำลังออก ฅนภูไทได้ข่าวว่าเห็ดระโงกออกอยู่โคกนาพ่อใหญ่สี ตื่นเช้ามาฅนภูไทกะเลยไปเก็บได้มาแกงหนึ่ง กะเลยสิแกงกิน พอดีพี่น้องทางร้อยเอ็ดเพิ่นบอกสูตรมาว่าให้ใส่แม่เป ้งนำรับรองว่าแซบคัก มื้อนี้ฅนภูไทกะเลยสิลองแกงกินเบิ่งว่าสิแซบส่ำได๋ มาเบิ่งกันเลยครับ

http://img91.imageshack.us/img91/352/ssl19369sj9.jpg

ไปเก็บมาใหม่ขี้ดินกะยังติดอยู่ ต้องเอามาล้างให้สะอาดก่อนเด้อครับ

http://img142.imageshack.us/img142/7155/ssl19370mw4.jpg

วิธีการล้าง กะเอาเห็ดไปแช่น้ำเกลือทิ้มไว้สักพักแล้วค่อยล้างออก

http://img145.imageshack.us/img145/6521/ssl19372yr0.jpg

ทีนี้เฮากะมาแกงกันเลย จัดการเอาน้ำใส่หม้อขึ้นค้างไฟ พอน้ำเดือด ใส่บักพริก ใส่เห็ด แล้วกะใส่แม่เป้งลงไป

http://img153.imageshack.us/img153/2171/ssl19373re7.jpg

พอน้ำเดือดอีกทีกะใส่ใบติ้วลงไป กะว่าเห็ดสุกดีแล้วกะใส่ผักอีตู่ลงไป ปรุงรสตามใจชอบ ยกหม้อลง

http://img150.imageshack.us/img150/6528/ssl19374dz8.jpg

ตักใส่ถ้วยเสริฟพร้อมข้าวเหนียว (t

http://img150.imageshack.us/img150/2729/ssl19375bc5.jpg

แกงเห็ดระโงกต้องซดน้ำโก้กๆ เด้อมันจั่งได้บรรยากาศ ::)


ปล. สูตรใส่แม่เป้งกะเข้าท่าอยู่เด้อพี่น้องสุดยอดครับ.. .(t

[บาวศักดิ์]

คึซิเป็นตะแซบหลายน้อ เห็นแล้วน้ำลายใหยเลย :-[
พี่ท่านหามาแตใสน้อ

[ชายหล่ามาดามศรี]

เอามาส่งแน่คราฟ อยากกินแบบซดฮ้อนๆๆเด้เน้อ คือสิแซบคักเน้อ

อ้ายภูเอาแต่แนวมาล่อ สิไปหาแนวได่เน้อกินห่านิ มีแต่ไข่ติในตู้เย็นเหลือโตนเจ้าของฮ่าย

[sompoi]

เหย่ยยย..น้ามยายไหยย...เป็นตาแซบเนาะ..อยากกินเด้.. :'(

[นิลมณีหยก]

หายากเด้เนาะอ้ายแม่เป้งนะคือสิหวานเนาะแกงเห็ดเพราะ ว่าคนแกงหน้าตาดี ;D

[ติ๋ม เปอร์โย]

มื้อวานโทรเว้านำเฒ่าแม่..ถามว่า แม่ แม่ ได้หยังกินแลง แกงเห็ดระโงกตั๊ว อยากบ่หล่า..โอ้ยย..ซ่างถาม
เป็นตาแซบคักอ้ายภู...ยามซดกะวางช้อนจักเทือแหน่ผู้เ พิ่นมานั่งกินก่อนหั่น...สิให้ทางนี่จ้ำเอาคือปลาแดก แจ่วนี่ตี้..555++

[nu_meaw]

อิจฉา ๆ อิจฉาผู้ได้กินแม่เป้งเนาะพี่ติ๋ม อิอิ

[น้ำตาล]

แวะมากินแกงเห็ด...หมดหยังน้อ..แมวววหยับออกนั่งดนแล ้ว...เอื้อยนั่งนำแน่...อยากคือกัน.::).::)::)

[กลางทุ่งสารคาม]

โอ้... พระเจ้าช่วย เห็นภาพน้ำลายไหลเป็นทางเลย ว่างๆเดี๋ยวหล่อยกลับบ้านไปหากินให้ได้เลยทีเดียว

[ผู้ฮ่ายใหญ่]

คัดมาอย่างดี บ่มีเห็ดผีเบื่อปน ซดพี่น้องซด:-[

[น้องโบว์]

ให้ซิมนำจักซ้อนนนนแน่เด้อจ้า เบิ่งทรงเป็นตาหนักปลากแดกหลายเนาะ กลิ่นลอยมาบัดหนึ่งแม่ะ :g8)

[aoxlee]

:)อยากกลับบ้านเด้แม่โทรมาว่าเห็ดอยู่ป่าแถวบ้านออก จะได้ลองสูตรแม่เป้ง;D

[ส.มักม่วน]

อ้ายภู แกงเห็นระโงกกะบ่เอิ้นแหน่เนาะสิไปกินนำแมะ สิข้ามมูลไปหาดอกอ้ายบ่ให้เอามาส่งดอก คิคิ

[Blommor]

คือซิเป็นตาแซบคัก ซดฮ่อนๆ คือซิม่อนคอดีเนาะจ้า ::)

[บ่าวชัยภูมิ]

เป็นตาแซบแท้ ข่อยกะบ่ได้กินมาหลาย

[lucy]

จักถว้ยแนจ้า ตะแซ่บเนาะ

[ขอโทษที่คิดถึง...เด็กดื้อ]

เห็ดระโงกซดน้ำโก้ก ๆๆๆ ว่าติ...หึยยยยยยยยยย
เว้าน้ำลายหยด...เหอ ๆๆๆๆๆๆๆๆๆๆๆๆๆๆๆๆๆๆๆๆๆ
ตาแซบน้อ...จักถ้วยแนะจ้า...โอ๊ะได้แล่วนี่ลืมไป่ ::)

[Borworn]

แซบๆๆๆๆๆๆๆๆๆๆๆๆๆๆๆๆคัก คันแกงเห็ดปวกให้ใส่ยอดผักไส่(มะระ) นำเด้อ มันสิออกขมอำหล่ำ แซบอิหลี

[เด็กบ้านนอก]

ปาดตาแซบน่...อยากกับบ้านไปกินแกงเห็ดแด......อยู่ตะ ทะเลอยาก.......กินแกงเห็ด