มื้อนี่ไปกินข้าวนอกบ้านกันเถาะ

[ติ๋ม เปอร์โย]

http://timjaboon.googlepages.com/thaimad28.JPG
มื้อนี่อากาศฮ้อนคัก บ่เป็นตาอยู่ ติ๋มกะเลยสิพาพี่ๆน้องๆ ไปกินข้าวนอกบ้าน...ขอเฮ็ดกับข้าวก่อน..อะ อะ บ่ได้เหนียวเด้อ อิอิ
น้ำพริกปลาทูน่าเนาะ...กินแต่ปลาหนี่หละ...บ่แม่นหยั งดอกคือปลาทางนี่บางชนิดราคาถืกกะเลยกินบ่อย
เครื่องปรุง...ผู้ใด๋สิดัดแปลงให้เป็นแบบใด๋กะตามใจค นกินโลดจ้า...หอมแดง กระเทียม พริก คั่วให้หอม
ปลาทูน่าในน้ำเกลือ1กระป๋อง..บีบน้ำถิ่มซะ คั่วใส่หม้อแห้งๆให้สุก ใส่น้ำปลาแดกนิดหน่อย
ต้นหอม ผักชี หั่นไว้โลดจ้า...
http://timjaboon.googlepages.com/thaimad27.JPG
จัดการตำพริก กระเทียม หอมแดงให้แหลก ใส่ปลา โขลกต่อ ก่อนปรุงรส ชิมก่อนเด้อ เค็มเด๋
ติ๋มปรุงรสแค่บีบน้ำหมากนาวนิดหน่อย...มักรสชาดส้มๆน ำ น้ำปลา ผงชูรสคั่นกิน บ่กินใส่น้ำตาลแทนได้จ้า
http://timjaboon.googlepages.com/thaimad29.JPG
เทือนี่ขอเฮ็ดเป็นน้ำพริกแบบแห้งๆแบบนี่หละ....เสริ์ ฟกับผักปลูกเองในสวนตามเคย
มาเด้อจ้า นั่งปูสาดกินในสวนเลย...นอกบ้านคักๆหนี่หละ ใต้ห่มไม้อย่างดี::)
แซบคัก ที่สำคัญ มีส้มผักเสี้ยนพร้อม...ฟ้าวกิน ฟ้าวไปอาบน้ำ...ย่านอ้ายทิดกลับมาจากทำงานได้กลิ่นส้ มผักเสี้ยน
เลาสิว่ากินอาหารบูด อาหารเน่าอีก...คือแกงหน่อไม้ใส่ผักขา จำบ่ลืม::)

[พอกะเทิน]

ได้การเลยบาดนี่ ผมมีทูน่าเหลือยุ เปิดแต่ดนแล้ว เดี๋ยวสิเน่าะก่อน บ่อรู้สิเฮ้ดหยังกิน นอนคิดจนมือสิค้างอยู่เทิงหน้าผาก อิอิอิ

[ติ๋ม เปอร์โย]

http://timjaboon.googlepages.com/kokhave30.JPG
สวนผัก...2-3มื้อรดน้ำเทือหนึ่งงามบ่พี่น้อง...ใหญ่เร็วคัก ผักกะดายหน้าฮ้อนเนาะ
มื้อแลงค่อยสิหดน้ำ...ฉลาดบ่หดน้ำยามแลง...แดดจังบ่ฮ ้อน บ่เปลืองน้ำ...555++
มาเก็บเอาเด้อปิ๊ก...บ่แพงดอกจ้า มื้อนี่หมู่คนไทยแถวๆนี่กะมาขอเก็บไปกินคือกันจ้า...
แบ่งปันกันไปเนาะ...น้ำใจ...เฮ็ดเบิ่งเด้อปิ๊ก...แซบ คักกว่าป่นปลาพุ้นเด๋ 55++

[ศรีสะท้าน]

หาแต่แนวมายั่วย้ามยายแท้นอนางเอ้ย คืนนี้หนึ่งข้าวแล้ว บ่มีแนวกิน สงสัยย้านได้มาจ้ำหน้าจอนี้หละ อิ อิ อิ ปลาทูเค็มสองโตกินมาสามมื้อแล้วกะบ่เหมิด เค๊มเค็ม เค็มจนปากฝ่าว

[บ่าวคนเดิม]

ป้าด...สาวติ๋มเพิ่นพากันกินเข่านอกบ้าน ได้บรรยากาศดีคักน้อ

[nuzing]

เฮ็ดบาปหลานเขยยายอีกแล้วแกงผักขากะพอที ส่มผักเสี่ยนหว่านี่เหม็นหง่ายๆถ่าเผิ่นฮากกะอย่าหว่ าเผิ่นเด้อหล่า...เป็นตาฮากอีหลียุกลิ่นแต่มันกะแซบด ียุดอกหล่าเอ๊ย

[นิลมณีหยก]

เอาส้มผักเสี้ยนมาแต่ไสน้อเอื้อยติ๋มน้ำลายไหลเด้อเห ็นหละอยากนำ

[Blommor]

เป็นตาแซบคักน้อจ้าเฮื้อยติ๋ม ป่นปลากับส้มผักเสี้ยนว่าซั่น
อันส้มผักเสี้ยนนั่นเฮื้อยติ๋มเฮ็ดเองติจ้า หรือว่าซื้อแบบเป็นขวด
หนูไปร้านไทยยามได๋กะได้แต่แนม บ่กล้าซื้อย่านมันบ่แซบ(เสีย
ดายเงิน) แต่ว่าส้มผักเสี้ยนเฮื้อยเป็นตาแซบคัก

[ไอ้เก่ง คนเลย]

ข้าวเหนียว กะบ้านเอา
กับข้าว กะบ้านเฮา
ส้มผัก กะบ้านเฮา
คนเฮ็ด กะคนบ้านเฮา
แต่หว่าน้ำ คือมาเป็นขวดน้ำฝรั่ง น้อ บาดนี่ ...อิอิอิอิ
(หยอกเจ้าเล่น ลองใจเจ้าเบิ่ง...ซั่นดอก....มันสิเย็นจั่งน้ำ หรือสิฮ้อนหว่าจั่งไฟ......)

::)

::)

::)

::)

::)

[lucy]

มีน้ำพริก ผักสดๆๆพ้อม ครบสูตรเลยเนาะสาวติ๋ม ผักหอมปอ้มแหม กะลังงาม มว้นใส่แจ่วเข้ากันปานหยัง

สว่นส้มผักเสี้ยน เคยซื้อ ซุมเพิ่นอัดกะปุกส่งมาขาย บ่แซ่บ หวานโพด ฮอดกะบ่ส้มจักหน่อย

[ชายหล่ามาดามศรี]

มีผักสดๆๆ จากสวน เอื้อยติ๋มชายหล่าว่าเอาสาดมานั่งปูกินในสวนผักเรยดี กว่า จำป่นปลาทูไป มือกะซาวเอาผักอยุ่ในแปลงนะมาแกล้ม สิได้กินแบบสดๆๆ เด็ดใส่ปาก เคี้ยวพร้อมป่นปลาทูแซบๆๆ เป็นตาสะออนหลายเน้อ ยามดึกมีโจ๊กอีกแล้ว ลูกค้าซื้อมาฝากคราฟ อิอิ มาเเซบนำกันเด้อคราฟ

[ติ๋ม เปอร์โย]

อ้ายทิดกะโพดเว้าคือเนาะ...มา มา มายามน้องทางนี่ สิเฮ็ดให้กินดอก ประสากับข้าว..คั่นหิวมาแซบบ่แซบกะกินหละจ้าอ้าย
หึ๋ยยย...อ้ายบ่าวนั่งกินคนเดียว...กลางเว็นบ่มีไผอย ู่นำดอกจ้า...
คุณยายจ๋า เลาบ่อยู่บ้านไปทำงานจ้า...กินแล้วฟ้าวอาบน้ำตั๊ว อิอิ เลาบ่ฮากแหล่ว แต่เลาสิไล่ให้เอาถิ่ม กับข้าวบูดเนาะ555++
ส้มผักเสี้ยนซื้อมาอยูในโหลแก้วอะจ้า แซบอยู่บ่หวาน...ส้มกำลังพอดีจ้า...คักหลายกะยังว่าส าวลูซี่ มาเอาไปกินซ่อยแหน่
เก่ง คนเลย คั่นอยากให้เอื้อยกินน้ำบ้านเฮากะไปตักส่างหาบมาส่งเ อื้อยแม้หล่า...คั่นหาบมาฮอดพี้อิหลี...สิกินให้ฮอดค ุถังพุ้นแหล่ว5555++
55++ชายหล่านั่งกลางสวนบ่ได้ดอกจ้า แดดฮ้อนคัก...เอื้อยกะปูสาดใต้กกไม้ใกล้ๆสวนผักหละหล ่า อิอิ...คนมีเสน่ห์...ได้กินของฟรีอีกแล้ว กินเผื่ออีกแหน่หล่า

[nu_meaw]

มาแล้วจ้า หยับ ๆ น้องหล่านั่งนำแน่....

[น้ำตาล]

เห็นแล้วน้ำลายย้อยจ้า...พี่ติ๋มจ๋า...ตาแซบเนาะ...

[ขอโทษที่คิดถึง...เด็กดื้อ]

ฮ่วย!...ก่อนเข้ามาเด็กน้อยกะคิดว่าพาไปกินข้าวนอกบ้ าน...พู้นแล่วนึกถึงภัตตาคาร...กะว่าจะได้เห็นวิวสวย ๆ แมะ... ::) ::) ::) ส่มผักเสี้ยนอ้ายพลมัก..เด็กน้อยบ่ค่อยจ้าท้องบ่ดีจ้ า...อาหารตาแซบ สาดสวย บรรยากาศแจ่ม...สรุปข้าวกล่องหนึ่งต้องเบิดแน่นอน ::) ::) ::)

[ติ๋ม เปอร์โย]

มา มาหล่าเหมียว น้องน้ำหยับแล้วมากินนำกัน...นั่งกินข้าวในสวนคนเดีย วเหงาเด้อ.....

555++กะนอกบ้านปานนั่นหละจ้าเด็กน้อย...บ่อยากบอกคือ กันว่ากินส้มผักเสี้ยนแล้วท้องเสียอยู่2มื้อ...
แต่กะบ่หลาบ แซบเนาะ

[ไม่สวยแต่เร้าใจ]

ถ้าส้มผักเสี้ยนในกระปุกมันแซบคือเจ้าว่าบาดลุนสิลอง ซื่้ออยู่ดอก ย่านบ่แซบเสียดายเงิน