ป่นเห็ดไค (เห็ดตะไคร)

[ฅนภูไท]

ป่นเห็ดไค (เห็ดตะไคร)

เห็ดไค มีลักษณะ คล้ายเห็ดก่อ ดอกสิใหญ่แข็งและกรอบ มีสีขาวปนเทา เวลาย่างสิมีกลิ่นหอมฮ่วยฮวย ชอบขึ้นตามจอมปลวก เห็ดไคส่วนหลายมักสิเอามาป่นบ่นิยมเอามาแกง ทางเหนือเอิ้นเห็ดหล่ม ทางภาคกลางเอิ้นเห็ดตะไคร ส่วนเรื่องราคากะรองจากเห็ดปลวก ปัจจุบันประมาณ กก.ละ300-350 มาเบิ่งป่นเห็นไคสูตรฅนภูไทกันเลยครับ

http://img215.imageshack.us/img215/2712/picture001resizetx1.jpg

หน้าตาเห็ดไคกะเป็นจั่งซี้หละ ก่อนเอาไปย่างต้องทำความสะอาดให้คักๆ บ่ซั่นมันสิแหย๋ขี้ดิน

http://img215.imageshack.us/img215/6006/picture003resizelh3.jpg

จัดการติดเตาย่างเลยครับ เวลาย่างสิได้กลิ่นหอมของเห็ดไค หอมไปสามบ้านสี่บ้านพุ่นหละ อย่าหลงชิมดู๊หลายเด้อมันสิบ่พอป่น :-[


http://img215.imageshack.us/img215/5948/picture004resizeju7.jpg

ทีนี้เฮากะมาป่นกันเลย ตำบักพริกกระเทียมหัวผักบั๋วให้ละเอียด แล้วใส่เห็ดลงไปตำให้ละเอียดอีกที แกะเนื้อปลาใส่ลงไป ตำให้เข้ากัน


http://img215.imageshack.us/img215/2994/picture005resizeto8.jpg

มาถึงขั้นตอนนี้เฮากะใส่ต่อนปลาแดก ต้นหอมผักชี ลงไป ตำให้เข้ากันปรุงรสตามใจชอบ

http://img215.imageshack.us/img215/9476/picture006resizeru6.jpg

ตักใส่ถ้วยเตรียมยกไปกินได้ ถ้าไผบ่มักแห้งกะใส่น้ำต้มปลาแดกลงไปกะได้เด้อครับ แซบคือกัน

http://baanmaha.us/up-img/users/public/j47578Picture c59.jpg

เสริฟพร้อม ผักพราย ผักกาดย่า ข้าวเหนียวฮ้อนๆ (t(t ได้หน่อไม้ต้มนำแฮ่งคัก ::)

[หมูหวาน]

เป็นตาแซบ เนาะ แต่ว่ามักแกง หลายกว่า แมะอ้าย 555+ มันได้ซดน้ำ สั้นดอกหว๊า ::)::)

[เต็มใจให้เธอ]

สวัสดีครับท่านประธาน
ป้าดมาเฮ็ดเป็นตะแซบแท้ครับ มาๆๆๆ ข้าวเหนียวฮ้อนๆพร้อมแล้วครับ

:g::)

[บ่าวคนเดิม]

ป้าด..หากินยากเด้อพี่น้องป่นเห็ดไค หาแต่แนวแซบๆมาฝากพี่น้องคัก ฅนภูไท
พอดีละผู้ข้ากะถืโอกาสเอาผักมาฝากนำ...
http://baanmaha.us/up-img/users/public/v5057428052008175o81.jpg

[น้ำตาล]

ป้าดดดดดดดดดดด//ต่อนปลาแดกคือเป็นตาย้านแท้...::)::)

[ไม่สวยแต่เร้าใจ]

เห็ดแพงกั่วเนื้อพุ่นติ้ โอ้ยอยาก

[ขุนสุราพ่าย]

ป่นกะเคยกินยุอ้าย แต่ว่าผักนี้ตี้ ผักพราย ผักกาด น้องหล่ายังบ่เคยชิมเลย ::)

[ผู้บ่าวเมืองยศ]

เห็นแล้วหิวเข้าหลาย
:g

[หน้าเกาหลี]

หอมเห็ดไคเด้ครับ ผู้ใดมาจี่เห็ดไคแถวนี้หน้อ
ป่นแล้วกะขอจ้ำนำจักคำแหน่เด้อครับ...

[ติ๊กต็อค]

เว้ามาละ...หิวข้าวแลง

[Jong714]

เป็นตาแซบคัก.....สีกปาแดกเนาะ บู้ยน้ำลายหยังคอยไหลน้อบาดทินี่

[nu_meaw]

บ่ย้านบาปบ่น้อ เอามาล่อคนอยู่ไกลนี้ 5555555

[samran butgate]

ต่อนปลาแดกเป็นตาย่านอี่หลีหละคับ ขอใส่แต่น้ำปลาแดกได้บ่ ยามนี้เห็ดไคคือสิเบิดแล้ว พ้อกันปีหน้ากะแล้วกันเนาะ สิได้เฮ็ดเบิ่งอยู่:g

[หนุ่มลำซี]

8)8) สุดคำบรรยาย :g:g