ลำล่องนครกลางดง : หมอลำบุญเพ็ง

[บ่าวสายฟ้า]

http://wcs.hopto.org/up/file/Boonpeng_nakhongrangdong.wma

[ผู้ก่อการรัก]

ลองฟังดู แต่ก็ฟังไม่ออกอ่ะ

[บ่าวสายฟ้า]

ลองฟังดู แต่ก็ฟังไม่ออกอ่ะ


มา ท็อป แปลให้ฟัง โอละนอ แก้ม อ่ำถ่ำ แก้มอ้าย อ่ำถ่ำ แปลว่า สายฟ้า หล้อๆหล่อ

[nitiwit]

อิอิอิ

[tee1]

ม่วนครับ ผม

[ถามฟ้า]

ลองฟังดู แต่ก็ฟังไม่ออกอ่ะ


มา ท็อป แปลให้ฟัง โอละนอ แก้ม อ่ำถ่ำ แก้มอ้าย อ่ำถ่ำ แปลว่า สายฟ้า หล้อๆหล่อ


-*-

เป็นจั่งซั่นไปอ้าย ;D

[เซียงสีผีเป้า]

อั่น คือวา จั่งซี้เด้อครับเด้อ
กลอนนี้เป็นลำสั้น เด้อครับ บ่แมนลำล่อง เด้อ เดี๋ยวสิเข่าใจผิดไปเหมิด

[พอกะเทิน]

  อั่น คือวา    จั่งซี้เด้อครับเด้อ
กลอนนี้เป็นลำสั้น  เด้อครับ บ่แมนลำล่อง เด้อ  เดี๋ยวสิเข่าใจผิดไปเหมิด


ลำล่องกับลำสั้นต่างกันจังได๋ครับ

คือลำกลอนเนาะครับ

[เซียงสีผีเป้า]

จั่งได๋ดีล่ะบ่าวเอ้ย เอาจั่งซี้

ลำกลอน มีหลายแบบ
- กลอนสั้น (ลำสั้น)
-กลอนลำยาว(ลำล่อง)

ลำสั้น สังเกตจาก เสียงแคนตอนเกริ่นขึ้นต้น เสียงแคนสิห่าวกั่วกัน แล่วกะหมอลำสิโอ่ ขึ้นมาประมาณว่า โอ โอ่ โอ๋ละนอ ................

ส่วนวาลำยาว(ลำล่อง) เสียงแคนเกริ่นกะสิต่างกัน แล้วหมอลำกะสิขึ้นวา ฟ้าเอ้ยฟ้า............

มันต้องลองฟังเบิ่ง หลายๆอันครับเอาง่ายๆ ลองฟังสองกลอนนี่เบิงเด้อครับ
กลอนแรกลำลอง สังเกตเสียงคนขึ้น
http://www.baanmaha.com/forums/index.php/topic,2261.0.html

กลอนสองลำสั้น
http://www.baanmaha.com/forums/index.php/topic,6612.0/topicseen.html


เดี๋ยวมื้อลุนสิหามาให่ฟังคักๆเด้อครับ บ่าวอยู่ใสน้อครับ คั่นอยุ่ใกล้ๆกันกะมาเอาไปฟังโลดมีแผ่นหลายคัก สิให้ฟังจนซอด เอาให้เก่งอ้อแตกเลย ผมอยู่นครปฐมครับ บ่าวพอกะเทินอยุ่ไสน้อ

[พอกะเทิน]

ผมอยู่ชลบุรีครับ ถ้ามื่อได๋ได้ไปทางพุ้นสิไปขอยืมแผ่นมาฟังยุดอก

ขอบคุณหลายเด้อครับ // คือสิซ่องสอดเบิดกละเนาครับท่าน อันผมนี่ซำแนมบ่อเห็นteenกะของเอาโลดยังว่า(งัวลืมte en) ฮีตคองกะของคักๆกะบ่อแตกฉานจั๊กอย่าง

[เซียงสีผีเป้า]

โฮ้ย อย่าย่องหลาย ผมสิเหาะเดะ (อิอิอิ)


ผมกะบ่ได่เก่งอีหยังดอกครับ พอดีวาเป็นหลานหมอลำ (พุ้นแหล่ว.......บุ๊ย) แม่ใหญ่ผมเป็นหมอลำกลอนเก่าครับแม่ใหญ่ลาวเซาลำมา 20 กั่วปีแล่วครับ แม่ใหญ่ผมซือวา หมอลำ คำผัด อยู่บ้าน หนองไฮ-นาเลา อำเภอ วาปีปทุม จังหวัด มหาสารคาม ครับ

บ่าวพอกะเทินฮุ้จักวิธีเอาเพลงมาลงในเวบบ่ครับ คันฮู้กะบอกผมแน่เดี๋ยวผมสิได้เอากลอนลำต่างๆมาลงสู่ ฟัง


จั๊งซั่นแหล่วกะบาทเอ้ย
อันนี้ลำสั้นสอนใภ้สอนเขย

มาบัดนี้ มาบัดนี้สิลำกลอนสอนสั่ง อย่าเพิ่งซังผู้ข้าสิลำเรื่องเกี่ยวเขย ฟังแนเว่ยเขยใหม่บ่ทันเซา คันหรือวาเอาเอามาโดนแล้ว สาวนางแก้อยากกลอนสอนสั่ง จำได้ซำนี่ เหอๆๆๆ

อันนี้ลำลอง-ต่อด้วยลำเต้ย หมอลำ สุภาพ ดาวดวงเด่น
โอย โฮ้ โอ่ย ฟ้าเอ้ยฟ้าฮ๋องสักกะหลา ฟ้าเอ้ยฟ้าเจ้าฮ่องสักกะลาย ละบ่าวผู้นังฟังลำเอ๋ย เจ้าอย่าฟ่าวเปิดหน่ายว่าสุภาพนางน้องนี่เป็นนักร้อง บัดห่าน้องเลิกแล่วจั่งโงโค้งเข่าใส่กัน จั่งโงโค้งเข้าใส่กัน โอ้ยนอ โฮ้ยนอ กราบเรียนพวกพี่น่องท้องถิ่น เจ้าดินไทย เป็นสมัยไทยเจริญ ล่วงเกินมาแล่ว แนววาการลำร้องศิลปินก็เสริมส่ง ลำก็ป่งขึ้นหน้าพอปานฟ้าเจ้าล่วงบน
สุภาพขอเริ่มต้นสิร้องกล่าวชาวประชา พวกดาราโทรทัศน์ได้ส่งเสียงมาแล่ว แนวทางไกลเขาก็เอิ้น อันทางไกลเขาก็เอิ้นซาพอแมเอ๋ย ออกอากาศผ่านฟ้าเสียงห่าวป่าวคะเน นางนี่ฮูปฮางเอ้ อย่าฟ่าวเฮ อั่นเด้อแฟน บ่แมนสาวเมืองแมนเทพธิดาลงมาปั้น ก่อนสิออกมาขั้นขอบรรยายถึงพวกท่าน ถึงพี่น่องต่างบ้านได้เคยยื้อ เจ้าย่องยาม โอ๋ยพ่อใหญ่เอ๋ย คันได้กินปลาปิ้งอย่าลืมฝากนำกา พวกลูกหลานชาวคณะเพชรบูรพาห่วงหาอั่นญาเจ้า คันได้กินปลาต้มอย่าลืมหลานผู้เอิ้นใส่ พวกลูกหลานนี่หนา ได้กินน้ำแต่ละขัน ได้กินเข่าแต่ละปั้น โฮ้ยหลานน้อยสิบ่ลืม มื้อนี่ขอเสนอเสียงตั้งคุณผู้ฟังที่มาล่ำ ชาวคณะหมอลำเพชรบูรพาแม้ร่างน้อยทะยอยก้าวได้ป่าวเสี ยง มายืนเฮียงแอ็คท่าออกท่าทรงสะเด็ด พอปานดาราเพชรกระจายวาวขาวแจ้ง มาเห็นแสงไฟฟ้ากะรังสีเจ้าใสส่อง แสงระยับระยิบย่องใจน่องกะปิ่นเวิน เอ้อ ฮะ เอ่อ เอ้อ เอ้ย นี่ น่อ เผอิญมาพบพ้อรูปหล่อน้อคอกลม ให้ท่านชมฟังเสียงท่านได้ยินหรือไม่ ดิฉันมีนามให่ สุภาพนางดาวดวงเด่น เอาละเว้นน้อลักไว้ให้ฟังเรื่อง ต่อนิทาน จงฟังเรื่องต่อนิทาน เด้ หนอ โฮ่ โอ่ นี่นา
(เต้ย) เอ๋าเด้อพอคราวแล้ว พอคราวแล่วสิหากลอนมาวา บ่ได้คาได้ข้องโอ้ยลำร้องคล่องคือ ลำนั่นเดอ เด้อลำสุมื้อบ่ได้หล่าทางเสียงละเวียงลำเพลินวาไปตาม เรื่อง ชอบสำเนียงเด้อละแม่นได๋พี่ วาปี ขอนแก่น ขอนแก่น ขุนซ่างขุนแผน ขุนแผน ขุลู ขุอั่วมีลำได้ซุแนว เรียนได้แล้วจั่งวาหมอลำ เรียนได้แล่วจั่งวาหมอลำ บ่เอาเงินเอาคำสิเอาผัวมาซ้อน พลับพลึงกำลังช่อใหม่ ปลูกเอาไว้อยุ่ในแดนดง ดอกกำลังจะบาน ดอกกำลังจะบาน น้ำโขงนี่กำลังจะนอง น้ำโขงนี่กำลังจะนอง รักก่อนจึงได้มาซ้อน รักก่อนจึงได้เกี้ยวกัน เกี้ยวกันสาละวันเกี่ยวกัน ลำพันเกี้ยวลำพันเกี้ยวมาเป็นไว้ก่อน โอ้ยมาทะแม้เจ้าหล่อนมาลำเข่าใส่กันโฮ้ยนั่นละนานวลน วลหน่า ชาติเพินละมันเป็นชาติโพธิ์ ชาติเพินละมันเป็นชาติโพธิ์ ชาติโตละมันเป็นชาติพร้าว ชาติโตละมันเป็นชาติพร้าว แมนไผเด้น้อสิมาจับจ่องน่าว ดึงห้าวเข่าใส่กัน โฮ้ยนั่นละนานวลๆหน่า โฮ้ยนกเขาคอนดอนนั้นหันมานอนอยู่ดอนซอกแป้น คิ้วเจ้าก่งมันเป็นวงแล่นแค่น แล่นแค่นโอ้ยแล่นแค่นแล่นแค่น โอ้ยเขยอำเภอตระการเอ่ย ตระการเอ้ยยยยยยยยยยยยยยยยยยยยย ตี้ ตะลี้ ตี้หยุด(อันนี้เติมเอง อิอิ)

[พอกะเทิน]

ลองศึกษาเบิงเด้อครับ

http://www.baanmaha.com/forums/index.php/topic,54.0.html

ก่อนลงก็ต้องแปลงไฟล์ก่อน
http://www.baanmaha.com/forums/index.php/topic,13091.0.html

การตั้งชื่อเพลง ตามนี้ครับ
http://www.baanmaha.com/forums/index.php/topic,9367.0.html