ขอเชิญชวนหมู่เจ้ามาจาเว้าตอบผญา

[บ่าวเต็งคนโก้]

ผู้อ่านเอ้ย....
ลองเปลี่ยนกันสัมพันธ์เว้า เฮาคนไทยไกลบ้างช่อง
ฮีตอีสานสืบคอง แผ่นดินทองค่าล้าน มาสานคล้องส่องกวี
อันผญาว่านี้ ของดีลื่น ราคาหลาย
ประมาณไปเป็นเงิน จั่งแม่นเกินสิตีได้
ขออภัยเมธีฮู้ ผู้เป็นครูไว้สาก่อน
ปราชญ์ผู้เก่งอำนวยพร ขอให้กลอนใส่บอร์ดนี้ มีแนวต้อนแต่สิ่งดี ฯ

[บ่าวคนเดิม]

สุดจุ่ดปุ่ดบ่าวเต็งเอ้ย...ปักหมุดไว้ก่อน....ขอบคุณ หลายเด้อ

[joe]

ผมอยากถามข่าวเจ้าถามข่าวทางปลาว่าอยากถามข่าวนาเป็น จังไดเด๊นั่น

[บ่าวเต็งคนโก้]

พี่น้องเอ๋ย ไผว่าเมืองอีสานฮ้าง ให้จูงแขนมาเบิ่ง
กอหมากยังซอนลอน กอมอนยังซ่ายล่าย
ศิลปวัฒธรรมยังโจ้โก้ สิไปฮ้างฮ่อมใด พี่น้องเอ้ย

[บ่าวคนเดิม]

พี่น้องเอ๋ย ไผว่าเมืองอีสานฮ้าง ให้จูงแขนมาเบิ่ง
กอหมากยังซอนลอน กอมอนยังซ่ายล่าย
ศิลปวัฒธรรมยังโจ้โก้ สิไปฮ้างฮ่อมใด พี่น้องเอ้ย


เป็นความจริงสั่นแล่วพี่น้องเอ้ย....

[cyberman101]

เพิ่นว่าเซื้อชาติแฮ้งอย่าเหม็นสาบกุยกัน
เกิดเป็นคนอิสานให้ฮักแพงกันไว้
ไผทำดีให้ซอยยู้ซอยซูอย่าย่านหลื่น
ไผทำผิดให้ซอยเว้าไขข้อดอกซอยกัน พี่น้องเอ้ย ;D

[cyberman101]

ว่า อยากถามข่าว เจ้า ถามข่าวบ่าวเต็ง
ว่าแมนเต็งเมืองอุบล แม่น บ่ น้อ น้อ นี่
ฟัง(อ่าน)คำเว้า คำผญาเกิน ว่าม่วน
จนว่าอด บ่ ได้ กะเลย เข้าทักทาย
.......ว่าอยากถามข่าวอ้าย ทางอุบลฝนดี บ่
การเฮ็ดนา ปลูกข้าว พอได้ แน่ บ่น้อ
ซุมสาว สี สาวน้อย คุ้มหัวหนอง แม่นเอาผัวแล้วไป่
สาววิไล คุ้มหย่อนๆ ทางคุ้มป่าขาม
.......คนงามๆ คือสาวอ้อย งานกินดอง มิดซีลี่
ฮอด บ่ มีข่าวให้ ทางก้ำ บ่าวโพนทอง
หรือ สิติว่า ข้อย บ่ มีเงิน บ่ ส่งข่าวซั่น บ๋อ
คงอยาก อาย พี่น้อง บ่ มีฮอด ข่าวคราว
......ปีนี้ เกินว่า แล้ง ทางโพนทอง(ร้อยเอ็ด)แห้งไง
จนว่าเขียดอีโม้ พากันลี้ ได้เยี่ยวกิน พะนะ
ร้อยเอ็ดถึงสิ แล้ง แต่ใจคน บ่ตกต่ำ ดอกนา
เงินใส่ซอง ว่านั่น สิพอได้ อยู่ดอก ตี้
.......หากเจ้ามาทางนี้ เมือง โพนทองฯ ให้มา ยามข่อย แน่
กลายทางมา ให้แวะเยี่ยม กินข้าวแล้ว จั่งไป
หรือ เจ้ามักกินเหล้า บัก สองซาว กะมีอยู่
ไก่โต มันหาย มื่อนั้น สิพา ต้ม สู่กิน ดอก นา

[จอนฟอนน้อยขี่ดื้อ]

ได้อ่านผญายาอ้าย อยากมีเข่า บ๊ายหมากขามหวานมาต้อน
กะย่อนว๊าออนซอน เพิ่นผู๊เจ้าบทเจ้ากลอน สะออนคัก

อันผญานี่ ว๊าแต่กี้ กะม๊วนมวน คนเก่าหลังกะบ่ฮู่จัก คันถามว๊าผักกะแยงหือว๊าผักอี๊หี่น คะเจ้าบ่ฮู่จั๋กเด๋

[jojojame]

ขอแค่แอบอ่าน (คงไม่ว่ากันนะครับ) เพราะเขียนผญาไม่เป็น

[kwin]

.................................................. ...........
.....อ่านผญามาแล้ว เขียนเป็นแนว เว้าซ่องหลอง
....ขอเชิญพวกพี่น้อง มาจาต้าน กล่าวแถลง
.....ยามมือแลง ตะเวนคล้อย หัวใจเฮา ผัดฮ่องฮัม
.....ความทุกข์มาเกิดขึ้น แสนซ้ำ บ่ำกระใจ
....นอนกะนอนบ่ได้ อ่าวอั่ง หนหวย
.....หัวใจกรวย เกิดหนาว แกมเอ้า
.....เป็นฮาวโพน ฮาวเล้า หนักเอา ล่นอั้ง
.....นั่งกะนั่งบ่อญืน ยืนกะยืนบ่อมั่น
......มันฝันแท้ แต่อิสาน
......คิดฮอดเด้ คิดฮอดบ้าน แดนอิสานบ้านเก่า
......ถิ่นเคยเนาสูมื่อ แต่น้อยย่างบ่อเป็น
.....บาดมาเรียนเมืองกว้าง นครหลวงกว้างใหญ่
.....แต่หัวใจ เต็มร้อย อิสานแท้แน่นอน
.....ผู้บ่าวเต็ง เพิ่นแต้ม เขียนแต่ง แปลงผญา
.....เฮากะมาสนอง แต่งปองไปบ้าง
.....อนุรักษ์กันไว้ อิสานไทยอย่าหลงฮีต
.....บ่าวเต็งขีด แต่งแต้ม แถมไว้ผัดแม่นควม
.....บ่าวโพนทอง เพิ่นกะเว้า คนเฮาให้ฮู้ฮวม
.....ลาวอิสาน กะให้พร้อม โฮมเข้าฮ่วมกัน
.....ควมสัมพันธ์ อิสานไท้ ฮวมใจให้มั่นแก่น
.....อยู่ไสกะดั่งน้ำ ไหลเข้าใส่กัน
.....ยามเจอกันมื่อหน้า หันมาเว้ากันแหน่
.....คนอิสานแท้แท้ อย่าเมินหน้าหน่ายลืม
.....ขอขอบคุณพี่น้อง แต้มแต่งแปลงผญา
.....รักษากลอนอิสาน ผ่านไปให้ญังเค้า
......เสียดายเด้ บาดเหลือแต่ ผู้เฒ่า
....ญังเนาอยู่ในถิ่น เหลือแผ่นดิน แห้งแล้ง
.....แพงไว้ ให้ผู้ใด๋
........เอาไปเอามา ผัดแต่งลงบ่อใด้
.......หาหม่องไป ผัดบ่อล่วง
.......ขอเซ้าไว้ถอนี้ มาต่อให้ดอกแหน้เด้อ (พะน่ะ.....เบิงเอาเด้อพี่น้อง นึกอยากลงกะลงซือๆ ผู้ใด๋เก่งมาต่อให้แหน้เด้อ)

[บ่าวเต็งคนโก้]

http://wcs.hopto.org/up/file/Lam Long006.wma

ผู้ฟังเอ้ย เดิกมาแล้วเว่าผญามาจนเมื่อย
ลองมาฟังเสียงลำเจื่อยๆๆฮ้อง สองพี่น้อง จ๊อบแอนด์จอย สั้นแหล้ว

[บ่าวอุบลมิวสิค]

เบิดแต่ฟังลำซิ่ง สิฟ้าวอ่วย ใส่ผญา
พวกพ่อลุงอาวอา อย่าหนหวย ให้ฟังไว้
ฟังพอเป็นกะษัยแจ้ง แถลงความ ผญาหย่อย
คำโบราณ คนอีสานตั้งแต่น้อย เป็นฮอยด้น สืบมา
ไผเผิ่นว่าอีสานต้อย เสียงคอยลอย สำเนียงว่า
อย่าไปซาเถาะเจ้า ให้เซาไว้ แต่บ่อนดี
คนอีสานสู่มื้อนี้ เริ่มสิอ่วย ลืมหลัง
ลืมมูลมังเจ้าของ ไปส่องแนมแต่ของนอก
กลับจากเมืองบางกอก ลืมบ้านนอกบ้านนา
คำอาวอาที่เคยมี เสียปานผี บ่มีใช้
ให้พากันดำรงไว้ ไทอีสานบ้านซ่อง
บ้านมหาเด้อพี่น้อง ลองมาเว้ากล่าวจา
เทิงผญาพื้นบ้าน คำอีสานให้จำจื่อ
ขั่นบ่เหล่าบ่ฮื้อ สิลืมจ้อยบ่ต่าวหา
ภูมิใจมีภาษาใช้ อย่าสิไลลืมป่อย
หวังพึ่งพาเจ้าผู้น้อย ซ่อยสืบไว้ดินอีสาน ซ่อยสืบไว้ ดินอีสาน

[ศรีสะท้าน]

..บู๊ยยยย..สุดยอดเลยเนาะคักแท้ๆๆๆๆๆยอมฮับ อีหลี(จิงใจ) kwin กับ บ่าวอุบลแมะ ยาวอาดหลาดเลยน้อ..
..ยาวปานสาด(สาดวัด) อาดหลาดคือผ่าผะเหวดเนาะ...เลยบ่อเหลือให่ข้อยเว่าเล ยตั้วนี่.. เอ๋า เจ้ามายาวๆ ข่อยสิไปแบบก้อมๆเด้อ..สิเดินทางแล้ว มื้ออื่นเซ้า...
""" หญา กะหญามาโลดเจ้า คำศรีบ่อได้ว่า ดอกหนา...หญากะหญาบ่อคือหมากหญ่า หญ่าได้กะบ่อคายดอก ฮึ......."""

[ศรีสะท้าน]

โอยย..ลืมอีกผู้หนึ่ง ...พ่อใหญ่หนวดโพนทองแหม....ขอยกยอ เด้อคะรับ.....อิ อิ อิ ว่างๆถ้ามีของสิเอาไปฝากเด้อ (กำลังสิตั้งกองผ่าป่าพอดี)

[jojojame]

พญากะม่วน เพลงกะม่วน......สุดยอดเล้ยบ้านมหานี่

[สันติ]

อันว่าใจประสงค์ต้าน เมืองแกวกะดั่นฮอด

[แป้งป๋อง]

อั่น อั่น อั่นว่าโตนางนี่ เป็นน้องใหม่ในวงการเนาะ
อิอิ แต่งบ่เป็นนำเขา เว่าบ่เป็นกะเลยมั่ว
ขอฝากใจน่อยๆ ไว่แหน่ นำจักคนเด้อ
ลูกอีสานของแท่ บ้านนั่นอยู่กาฬสินธุ์จ้า ฮ่วย!!!!
จบแล่วค่ะ
............

กรุณาอ่านให้เป็นผญาเด้อจ้า

[บ่าวเต็งคนโก้]

อั่น อั่น อั่นว่าโตนางนี่ เป็นน้องใหม่ในวงการเนาะ
อิอิ แต่งบ่เป็นนำเขา เว่าบ่เป็นกะเลยมั่ว
ขอฝากใจน่อยๆ ไว่แหน่ นำจักคนเด้อ
ลูกอีสานของแท่ บ้านนั่นอยู่กาฬสินธุ์จ้า ฮ่วย!!!!
จบแล่วค่ะ
............

กรุณาอ่านให้เป็นผญาเด้อจ้า


มาอีกแล้ว คนเมืองน้ำดำ รับบ่ดั้ยยยย อิอิอิ คนบ้านเดียวกานนนนน ฮ่าๆๆๆ

[ศรีสะท้าน]

"...ฮ่วย..ไปทางได๋กะมาพ้อแต่คนกะสินแท้น้อ..
ไปก่อนดอกสั่น ย้านฮู้จักกัน แนวบ้านข่อยอยู่ใกล้ยางตลาดโพด(5 กม.)..อิ อิ อิ

[แป้งป๋อง]

หืยเนาะ จั่งแหม่นเพิ่นขิวไทบ้านเดียวกัน

บ่ได้อยู่ใกล้ยางตลาดเด้อ ไปคือกัน...

กลับบ้านบัวขาวข่อยก่อน :(

[ศรีสะท้าน]

"..บ่อได้ขิวดอกหล่า อย่าฟ้าวว่าทางผิด ขอคำศรีไขคิดใส่ผญาก่อนเด้อน้อง
ให้เจ้าลองฟังข่อ แล้วยอกลอน มาโต้ตอบ ผิดและซอบบ่อนเบื้อง อย่าเคืองอ้าย จ่ายผญา เทาะเด้อ.."

[แป้งป๋อง]

โอย อ้ายเอ้ย อย่ามาตี๋แถลงหล่ม ตมบ่มีคะลาดหมื่นหลายอ้าย

อย่ามาตี๋คะลาดล้ม เดือนห่าก่อนฝนเด้อ

หืยยย

[ศรีสะท้าน]

..บ่อได้ตี๋แถลงหล่ม แม่นมีตมกะบ่อมื่น อ้ายสิยืนให่แหน่นๆ สิปูแป้นใส่ขี่ดิน พุ้นแหลว..

[บ่าวอุบลมิวสิค]

โอย อ้ายเอ้ย อย่ามาตี๋แถลงหล่ม ตมบ่มีคะลาดหมื่นหลายอ้าย

อย่ามาตี๋คะลาดล้ม เดือนห่าก่อนฝนเด้อ

หืยยย



มาแต่เดิ๊กเนาะเผิ่น ;D

[ศรีสะท้าน]

.....มาจอบผู้บ่าวสั่นแหล่วเพิ่น ทาแป้งปุ๊ยหลุ่ยอยู่ หน่าจักล้างบ่อล้าง ..

..........เพิ่นละมาตั้งแต่เซ้า แนวลาวเหงา มาจอบบ่าว นั่งหน่าขาวอยู่หน่าบ้านจักทันล้าง แล้วไป่นอ.......

[บ่าวอุบลมิวสิค]

ตื่นขึ้นมาทาแต่แป้ง ปากแห้งบ่ทาลิปฯ คุยผู้บ่าวเป็นสิบ เบิ่งปากลายม้อยย้อย เขียดน้อยสิเข้าไง เด้ ;D

[แป้งป๋อง]

โดนเต็มๆ อย่าให้นางคิดได้เด้อ
ตอนนี้คิดยังบ่ออก ฝากไว่ก่อน

ฝากเอาไว่ ขอฝากอ้ายไว่ก่อนเด้อ
เห็นว่าดำขี่หลี่ กะฟ่าวกายไปโลด อิอิ

[บ่าวอุบลมิวสิค]

โดนเต็มๆ อย่าให้นางคิดได้เด้อ
ตอนนี้คิดยังบ่ออก ฝากไว่ก่อน

ฝากเอาไว่ ขอฝากอ้ายไว่ก่อนเด้อ
เห็นว่าดำขี่หลี่ กะฟ่าวกายไปโลด อิอิ



ฝากไว้หลายมันสิช้ำ มันสิดำ มันสิเน่า เด้นาง ฟ้าวมาเอาไปถ่อน ให้คอนไว้มันสิหนัก

[แป้งป๋อง]

เห็นว่าเอื้อยผู้ฮ้าย อย่าฟ้าวหน่าย ฟ้าวว่าหลายบ่าวกรน้อย

ฝากไว้ 3 มื่อเด้อ ให้มันเน่าซะก่อน

[บ่าวอุบลมิวสิค]

สามมื้อผ่านไปแล้ว แนวเคยสดกำดำเน่า บ่อนเคยดีมาแต่เค้า โหลดเน่าจ้อยหนอนจ๋อ อิอิ

[12345]

เพิ่นว่าเซื้อชาติแฮ้งอย่าเหม็นสาบกุยกัน
เกิดเป็นคนอิสานให้ฮักแพงกันไว้
ไผทำดีให้ซอยยู้ซอยซูอย่าย่านหลื่น
ไผทำผิดให้ซอยเว้าไขข้อดอกซอยกัน พี่น้องเอ้ย ;D


ประทับใจ บทนี้แฮงขอยืมไปใช้แน่เด้อ อ้ายบ่าวโพนทอง

1 เม็ด

[maanoy]

""""""""""""""""""""""""นำแนเด้อ"""""""""""""""""""""ไผผู้ฟังข้อยเว้า อดเอาเด้อ อย่าเคียดง่าย บาดข้อยเว้าถืกต้อง ฟังดีแล้ว ค่อยเชื่อกัน
อันว่าคนเฮานี้ มีเทิงดี มีเทิงชั่ว คนขี้ตั๋ว มีสู่บ้าน คนขี้คร้าน มีสู่เฮือน

[chanyut2]

โสพาทีน้อมนำด้น ..........จากกมลที่ดูดดื่ม
ใจประสงค์มาตื่ม ..........บ่ม่ายลืมสิ่งเค้า ผญาเจ้าพ่อพญา..ซั่นดอก
หลายแสงเทียนก็แห่งจ้า ..ผญาแจ่มบ่มีจม
หลายคนโจม ผญาจา ......ซ่อยจารก็จึงมั่น
ฮ้อยเป็นพันจาแจ้วแจ้ว ....แจววาจาบ่จ้อจั่น
จาจนงึดอัศจรรย์ ...........ย้อน"ใจ" ขานจาเว้า ผญาเจ้าผู้แจง
จันทร์เอ้ยจันทร์นับว่าแจ้ง .......จ้าแจ่มดาราหนุน
แสงจันทร์จูนกับแสงดาว .....จั่งค่อยพราวอยู่เทิงฟ้า
มีดารา จันทร์จั่งแจ้ง ......ให้แสงงามซ่อยกันส่อง
นภาบนคนส่องมองแต่จันทร์.....บ่แม่นแท้หากแลซ้อนคู่ด าว
ขอฮ่วมดี จั่งได้ฟ้าว .....เป็นดาวหนึ่งพึงกำหนด
ประเดิมบทแต่งมา ......บ่เด่นตาอภัยบ้าง
เป็นดาวหางน้อยน้อย ......พอห้อยจันทร์แสงริบหรี่
"บ่าวขอนแก่น" ย้องใจคนเฮ็ดเว็ปนี้ .....ได้มีหม่องป่องแสดง
หม่องได๋ปิดกะสิได้เปิดแจ้ง .......เป็นแสงส่องมองให้เถิง...
นานโดนเหิงแต่เฮาหงอย .......มาซ่อยกันให้มันจ้า
ฝากผญาของแต่เค้า........โบราณเฮาเว้าความม่วน
หลายสิ่งอันแต่สมควร ......ล้วนแต่ดีบัดอ่านแล้ว
นี้แนวเค้าเพิ่นเฮ็ดมา
สืบสานไปจนตราบฟ้า ......ชีวาป่นเป็นผุยผง
ชีพยังคงสืบผญา .....ให้ปู่ตายายยิ้ม
ไผได้ชิมให้หลงฮ้อง .....คองอีสานสังมาใหญ่
บุญเหลือหลาย....สมได้เกิดเป็นปั้น ข้าวเหนียวมั่นอย่าเปลี่ยนแปลง....เด้อท่านเอ้ย.

[แป้งป๋อง]

ว้าวๆๆ เยี่ยมยอด ยอดเยี่ยมจ้า ปรบมือให้ก่อน แปะๆๆๆๆ 8) 8) 8) 8)

[คนเมืองแปะ]

..........ฮ้วยจั่งได๋จั่งสิมาปรบมือก่อนกันละเพิ่น. ........ปรบมือก่อน..แปะๆๆๆ...นั้นน้า.. ;D ;D

[sai]

ฟังผญาอ้ายจาต้าน ทางกาฬสินธ์ ส่างมาคล่องแท้น้อ
บ่มีแนวผิดพลาดพรั้ง ผญาอ้าย จั่งแหม่นงาม 8)

[hang]

ความลับบ่มีให้เถิงสาม ความงามบ่ให้เถิงสี่ ความมิดความมี่บ่ให้เถิงห้าเถิงหก
ความดีฝังไว้เก้าศอก ความชั่วชักออกมาเก้าวา
ใจหนักได้กินข้าว ใจเบาได้กินกลอยหัวใหญ่
เจ้านายดีบ่เห็นแก่เงินแสนไถ่ แต่เห็นแก่ไพร่แสนเมือง
เอาลูกใภ้มาเลี้ยงย่า ปานเอาห่ามาใส่เฮือน
เอาย่ามาอยู่นำลูกใภ้ ปานเอาไข้มาใส่เฮือน
เอาลูกเขยมาเลี้ยงพ่อเฒ่า ปานได้ข้าวเต็มเล้าเต็มเยีย
หนูกินม้อน จั่งเห็นคุณแมว ลูกแขวนแอว จั่งเห็นคุณพ่อแม่
กินแม่นปาก อยากแม่นท้อง เทียวขี้แม่นขา
แจงแวงน้ำ ทาวหาบ่เห็นต่อน ซดแต่น้ำ คาแข้วแสม่งตาย
ไฟไหม้ป่าจั่งเห็นหน้าหนู น้ำท่วมฮูจั่งเห็นจิหล่อ
บ่มีความฮู้อย่าเว้าการเมือง บ่นุ่งผ้าเหลืองอย่าเว้าการวัด
เป็นนายให้ฮักไพร่ เป็นใหญ่ให้ฮักลูกบ้าน ขี้คร้านให้ค่อยเพียรจา
อย่าได้ไลลืมถิ้มผักกะเดาทวนเก่า บาดได้กินลาบก้อย ยังสิโอ้อ่าวหา
เข่า (ข้าว) เต็มเล้านั่งเว้ากะคือ เงินเต็มถังเว้าหยังกะได้
ทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น
ทังหลายเพิ่นแพงซิ้นปูปลายามอึดอยาก ความปากความเว้าบ่ได้ซื้อแพงไว้เฮ็ดอิหยัง

[ไก่น้อย]

ฟังพญาอ้าย ..วาจา.สั่งมาม่วนแท้น้อ
ทั่งสระสำนวน..บ่มีแนว..ขาดข้อง
พะนางน้อง..อยากว่าเป็น สั่นแหล่ว ......
...แนวว่าสุมื้อนี้ ..ยากอิหลี ผุสิว่า
ผุสิพากันเว่า หายากฮ้าย ..หลดบ่มี
อย่าสะพากันลี้..หลบหนีบ่มาแหว่ เด้ออ้ายเด้อ...
คั่นว่ามาฮอด แล้ว มาจาต้าน แม่นสูฟัง อีกแน้เด้อ ...........(ขะน่อย แฮะๆ )

[ดอกหญ้า]

คั่นได๋กินลาบซี้น อย่าลืมแจ่งแพรวผัก
คั่นได๋กินพาเงิน พาคำ
อย่าเซ่าลืมกระเบี้ยงฮ้าง

ชอบผญกลอนนี้หลายเด้อพี่น้อง

[ศรีสะท้าน]

โอนอ ฮักบ่อได้ปากเว้ามันอุกอั่งในใจ
ไผเด้นอสิอ่าวหวนเห็นฮู้
คึดเห็นซู้ผู้เนาไกลแดนถิ่น แท้เด้
เคยได้ยินปากเว้า เสียงเจ้าเหนี่ยววอน
คึดอ้อนต้อนเลยเขียนแต่งความผญา
ฝากกับอินเตอร์เนตมาส่งหาเถิงเจ้า
โตพี่ชายคนเส่า เหงาในใจบ่อส่วง
คึดฮอดดวงดอกอั้ว มะโนน้อมห่วงหา แท้แหลว...

[ดอกหญ้า]

เก้าสิฆ่าสิบสิฆ่าให้เอาแก่นคะยูงตี มาซ่างเอาหัวใจตีเน่านูมในเนื้อ
ตายกะบ่ตายแท้พอทรงวิบาก อยากกะกินบ่ได้คาแค้นคั่งทวง
ขอให้หาหมอส้องทำขวัญให้แน่ จั่งสิหายพยาธิฮ้ายคายส้องบ่ให้เสีย

[assawin]

.... สุขซำบายหมั้นเสมอมันเครือเก่าบ่นอ เทิงพ่อแม่พี่น้องซำบายถ้วนอยู่สู่คนบ่เด...........

..............สุราเหล้าเมรัยให้ว้นขาด ใผประมาทข้อนี้ปัญญาน้อยถ้อยผญา ...............

[สาวบ้านนา]

ครั้นบ่มีขอนข่วง ซาวแหกะสิค่วง

ครั้นบ่มีผู้ท้วง ทางข่อยสิหว่านแห ลงเด

ครั้นบ่เป็นตาหล่าง สิลานางเลิกน่าง

ครั้นเป็นทางสิได้ สิโงโค้งต่าวคืน

[ศรีสะท้าน]

คันแม่นว่าเจ้าแน่ ให่โยนแหมาโลด อ้ายสิโดดเข่าซ้น เพาท้างหว่างจอม
อ้ายสิเฮ็ดอ้อมป้อมจอมแหขาดให่เพพัง แล่นเอาดังตำแหใส่แจหนองน้ำ
บ่อสนหนาม สนไม้สิเอาไลทั้งเงี่ยง หม่นไปบ่อฟังเสียง ให่แหขาดมุ่อุ้ยปุย ลุยหน่าผ่ากลาง...นั้นแหลว

[สาวบ้านนา]

ไผสิหลิงเห็นไส้ หัวใจนกขี้ถี่

ทางปากฮ้องพึดพึ้ง ใจเลี้ยวใส่กะปู

[ศรีสะท้าน]

หล่านางเอ้ยยย คันอยากเห็นใจอ้าย กะเอาใจน้องมาผ่า เบิ่งตี้
ผ่าแล้วจกออกเบิ่งพร้อม ว่ามันเลี้ยวหรือว่าตรง.......

[สาวบ้านนา]

ครั้นเจ้ามีฮั้วขั้น สามพันตาไม้ไผ่ป่า

วาสิเอาอีโต้ ถางหม่นก่นหา

[buntewee]

นางเอ๋ย..เจ๊าผู้ไซหลายท้าง จนใจผู้สิใส่แท้น้อ คันสิใสท้างเหนือ หผัดซิดายท้างไต้ คันสิใสท้างไต้ หผัดซิดายท้างเหนือ ใส่หัวมันดอก โยนมันใส่หนามนี่หล่ะ แคกๆ นางเอย

[buntewee]

ข่อยอยู่กาฬสินธุ์ก้ำ ดินดำน้ำซุ่มเด้อ

[Korawit]

พี่น้องเอ้ย.....คั่นแม่นนอนอยู่บ้านงานการป๋าป่อย
ข่อยคือสิทุกข์ยาก ลำบากอยู่คือทางหลัง

หย่อนว่าพอซั่มนี้จั่งได้มา....เมืองใหญ่
ความฮู้กะบ่มี....แต่มีแฮงนี่เหล่วให้...คือสิได้อยู ่ดอกเงิน

ห่อนสิคืนเมือบ้าน...ค่ารถข่อย..กะบ่มี
มะซ่างคึดฮอดแท้น้อ อีแม่เจ้าป่านนี้..สิอยู่จั่งได๋

หมากมีเขี่ยว เข่ากินแซบ แข็งแฮงดีอยู่บ่น้อ..อีแม่เอ้ย
ให้อดเอาสาก่อน...มีทุนฮอนแล่วสิเมือไปกราบเจ้าอยู่

มือใหม่เด้อพี่น้องบ่ม่วนกะซ่อยติ ซ่อยแนะนำ

[แป้งป๋อง]

ม่วนจ้า

[ตะวันนา]

...อ้ายเอ๊ย.... คันว่าคิดฮอดน้อง ให้มืนตาใส่น้ำแจ่ว
มันกะแสบจ้าว..จ้าว...ใจน้องกะดังกัน
คันมาแสบเอาฮ้ายเอาน้ำปลามาเทใส่
เติมบักพริกลงไปใส่บักนาวนำพ้อม
พอแต่แสบพอแล้วให้จกตาออกมาเบิ่ง
นั่นล่ะความคิดเถิงของน้องฝากไปต่อพี่ชาย....ซั่นดอก หวา....อิอิอิ

[hang]

ครั้นสิเป็นหมอว่านหมอยาหมอป่า
ครั้นสิเฮียนบีบเส้นเอ็นคั้นให้ส่วงดี
(บีบเส้น = การนวด, ส่วง = หาย)
หรือสิเฮียนคงค้อนคงหลาวหอกดาบ
เฮียนให้เถิงขนาดแท้ดีถ้วนสู่อัน
หรือสิเฮียนหนังสือให้เฮียนไปสุดขีด
ครั้นแม้เฮียนแท้ให้เป็นคนฮู้สู่คน
(คนฮู้ = คนดี)
หรือสิเฮียนเป็นหมอเต้น หมอตี หมอต่อย
ให้เฮียนแท้ๆ คนจ้างสู่วัน
หรือสิเป็นหมอน้ำตึกปลาแหหว่าน
ทำให้ได้เต็มข้องสู่วัน
(ข้อง = เครื่องจักสานใช้ใส่ปลา)
หรือสิเป็นหมอสร้างนาสวนฮั่วไฮ่
เอาให้ได้เกวียนซื้อแก่ขาย

[ศรีสะท้าน]

คันเป็นหมอ ข่อยอยากเป็นหมอปัวแก้ รักษาแผลที่มันเน่า ขอรักษาหมู่เจ้าใจนั้นให้ซื่นบาน
คันเป็นพราน ข่อยอยากเป็นพรานเถ่า หายิงเอา ใจคนก่อน สิไปหาไล่ต้อน ใจเจ้าเข่านั่งทรวง
คันเป็นดวง ข่อยอยากเป็นดวงประกายให่ แสงใสได้นำส่อง พอได้ให่พี่น้องเห็นฮู้ฮุ่งทาง....นั้นแหลว

[sinponglang]

พี่น้องเอย...

ก่อนสิจาวาทเว้า.....สำนวนเล่ากลอนผญา
สืบภาษามูนมัง.....อยากทักทายสหายเอื้อย
ผมแวะมายามเรื่อย.....เห็นผญาเลยมาอ่าน
ภูมิปัญญาอีสาน บ้านหมู่เฮาเจ้าและข่อย.....เสมอต้นบ่อเสื่อมหาย
ตราบได๋น้องและอ้าย.....สหายฮักยังคงสาน
สืบตำนานภาษา.....ตายายเฮาแต่คราวกี้
คำดีดีปรัชญาเค้า.....คงยืนยาวมีให้อ่าน
ขอย้องใจไทยอีสาน ที่บ่อลืมฮีตเค้า.....ความเว้าแต่เก่าเดิม
มีคนจาหว่าเริ่ม.....ผญาเก่ากะคงดี
ปราชญ์เมธียังสนใจ.....ผญาจากะคงแจ้ง
ขอแสดงไมตรียื่น.....ขอเป็นคนอีกคนหนึ่ง
ที่หนำรำลึกถึง ภูมิปัญญาค่าล้าน.....อีสานเค้าแต่เก่าเดิม

;D :D ;D

[Roi-Et]

ว่าโอน้อพี่น้องเอ้ย
สะออนปราชญ์ผู้ฮู้ จ่ายผญาจาต้านต่อ
มูนมังตั้งแต่พ่อ

[แป้งป๋อง]

เหอๆ อ้ายทิด

คันเป็นดวง กะอย่าสิเป็นดวงคือขี้กลากกะเกลื้อนเด้อ 5555

[baomuangnakorn]

ตัวข้อยนี่บ่าวเมืองนคร ใจออนซอนกลอนผญา
จากอิสานมาโดนฮอดอเมริกา อยากมาเล่นพญานำแน่ได้บ่อ
คึดฮอดบ้านฟังเสียงฝนฮ้อง เขียดอี้โม้ฮ้องโคมกันยามไฟส่อง
เบิ่งแต่ดาวแต่เดือน ยามนี้ มืดหลายเด้ใจอ้ายซิป่วง
สาวใด๋บ้านใด๋มีไผบ่ อยากขอลมนำเเน่นางเอ้ย

[baomuangnakorn]

ลี้หลบหน้าจากมาแต่บ้านเฮา มันโศกมันเส้าแท่เด้
น้ำตาย้อยปานเทียนหยอด มันออดสอดฮ้อนในใจฮุ่มๆๆ
สาวใด๋ใผ่น้อซิมาอิตน คนเหงานั่งจอดปอดเหลียวเบิ่งแต่ดาวแต่เดือน
ตะก่อนตะกี้เฮาเคยนั่งฮิมเขื่อนฮิมโขง กอดเกี้ยวเลี้ยวหลดหอมกลิ่นสาว
พญาก้อมน้องแก้มแอบอ้ายพี่ซาย ฟังหวานเว้าหลงจาอ้ายลืมเมา
เดี่ยวนี่เจ้าห่างเฮือน ก้อมคำหวานปานน้ำอ้อย น้องกลืนกินแล้วขากซากแล้วถ่ม
ไปหลงกลิ่นเมืองหลวง เจ้าล่วงไปแล้วจาลืมตน ปานป่อยเอี่ยนไหลหลุดมุดตม
ดอกจานบานแล้วยามหนาว ถามข่าวก็บ่เห็น สามปีแล้วดอกจานมันบานแล้วมันเป็น
นางเอ๋ยนางคอกลมเอวอ่อน ขาวออนซอนแต่ตั๊วะเป็น ยามนี่อ้ายอยากเว้าผญาก้อมมาเอิ่นมาเตือน
แยงเบิ่งแน่แว่นแก้ว แล้วเจ้าซิเห็นอ้ายในหั่น นั่งคอยอีนางน้อย เด้อนนางเอ้ย

[Tiddang]

โอน้อ......ทิดแดง ขอแถลงเว้า เอาผญาเป็นสื่อผ่าน
มรดกอีสาน มันหากมีค่าล้ำ คำคล่องคลองเคลีย
มาเสียใจแท้แหล่ว แนวคนบ่อเห็นค่า
ภูมิปัญญาตั้งแต่เค้า เคยเว้าต่อกัน
ผมทิดแดงว่านั้น.....อยากสานต่อพอตาย
อันว่าทางหนุ่มสาว หากบ่อเห็นดีด้วย
แต่ว่ายังบ่ส่วย เสียสูญพ้นผ่าน...ดอกนา
บ้านมหายังฮับต้อน ซูไว้บ่ ได้ลืม
คือจังฟ้ามืดคลึม เห็นสว่างทางแปน
ทิดแดงแสน ยินดีนำ ผู้เพิ่นมีใจฮู้
เปรียบเป็นคนซูสร้าง นำทางให้เห็นแน่
วัฒนธรรมแท้ ๆ เหลือไว้ให้เบิงแงง..........

[บ่าวคนเดิม]

พี่น้องเอ้ย...ทางทิดแดง มาจาเว้า ฮีตคลองเค้าแต่เก่าหลัง
มาเด้อมาพี่น้อง มาเที่ยวล่อง ท่องผญา
ภูมิอิสานบ่มีแล้ง ทางทิดแดงเผิ่นบอกผ่าน
มาสืบสาน ให้บ้าน มหานั้น คู่อิสาน สั่นเด้..

[แป้งป๋อง]

พี่น้องเอ้ย อ้ายบ่าวคนเดิมกะมาเว้า ผญาเฮานี่มาค่อง แท้น้อ

ปลาร้าน้อยคือเว้าบ่เป็น บาดนิ อิอิ

[somplanoy]

เข้ามาจอบ
สุขสันต์วันสงกรานต์ เด้อ พี่น้อง

[Tiddang]

อย่าได้ไลลืมถิ่ม ภูมิปัญญาผู้เฒ่าเก่า
มันหากเป็นแก่นแท้ สืบไว้ ให้ซืนซม
หากว่า ภูมิปัญญาหล่ม จมลงพื่นแผ่น
ผู้ได่หนอ สิแล่นต้อน ซูซ้อนให้อยู่คง นี้แล้ว

[baomuangnakorn]

พญาก้อมออดอ้อนออนซอนเด้ คนเมืองเวเมืองมุกเมืองนครจาเว่าหวาน
ปานน้ำอ้อยย้อยย้อยคือน้ำตาล หน้าเจ้าบานปานกะด้งแดงคือดอกจาน
ไม้เลี้ยวเกี่ยวพันมันม่วง ลมปากล่วงออกมาแล้วลอยหนี ใจกับปากซื่อกันคือสิบ่มี
น้องเอ้ยเฮามาสัมพันธ์ผูกแขนเเม่นไมตรี อย่าสุมีเคียดขี้เดียดนำ

[baomuangnakorn]

ม่วนจ้า
คันซิเว่าคึดฮอดเจ้าดอกจำปา น้องให้อ้ายลืมตาใส่น้ำแจ่ว มันคือสิแสบปานเอาหมากตำแยมาแหย่ใส่แท่น้อ
พญาหวานแสบแฮงแดงคือหมากพริก อ้ายอยากกินสูดปากสมหยากเด้อ คันซิเอาน้ำตาลหวานย้อยย้อยมาใส่ปากอ้ายบ่ออยากปานใด
อ้ายอยากกินจั้มปาแดกกับหมากพริกให้ลิ้นมันหยาบปานฝอ ยขัดหม้อ ซิได่ต่อกลอนผญาให้ม่วนเทื่อ เกี้ยวพันกันต่อปานเครือหมากติดต่อเครือผักปังเด้อนา งเด้อ

[ติ๊กต็อค]

อย่าสุไลเสียถิ้ม พงษ์พันธุ์พี่น้องเก่า
ย่าสุละเผ่าเซื้อ ไปย่องผู้อื่นดี
ให้เจ้าคอยเพียรสร้าง เสมอแตนแปงซ่อ
ให้สร้างก่อสืบไว้ เสมอเผิ้งสืบฮัง
ตกกะเทินว่าได้สู้ บ่ถอยหลังให้เขาว่า
นับแต่มื้อสิก้าว ไปหน้า บ่ถอย
สิบเบี้ยอยู่ฟากฟ้า อย่าโอ้อ่าวคะนิงหา
สองสลึงมามือ ให้คอยกำไว้
เห็นว่าเงินคำล้น เต็มถงอย่าฟ้าวอง
ลางเทือถงขาดก้น สิจนฮ้ายเมื่อลุน
เชือกสามวา ล่ามช้าง อย่าอวดอ้าง ว่าโตดี
เซื้ออึ่งเผ่า ความเว้าฆ่าโต
~-~.............~-~

[สาวบ้านนา]

ขันตีตั้ง สัจจังหมั้นเที่ยง อ้ายอย่าสิได่ตั่ว อย่าได่คิดเบี่ยงเลี้ยว ลวงล้อหลอกนางเด้อ...

หุหุหุ ออนซอนเจ้าของ ;D

[บ่าวเมฆ เมืองน้ำดำ]

บู้ยยยยยยยยยยยยยยยยยยยยยมีแต่ผู่แต่งเก่งๆๆ

[hot]

นางเอ้ย อ้ายนี้เปรียบดังเฮือลำน้อย ลอย นทีแก่งก้วง ยานเด้อ้ายย้าน ซิจมมิ่งแค่วังซันเด้

[hot]

นางเอ้ย อันว่า สัจจาอ้ายนั้นหนักปานหินถมแผ่น แน่นปานหินผาหลวง อ้ายบ่อลวงหลอกเจ้าตั๋วต้มดอกนางเอ้ย

[สาวบ้านนา]

.............ตามใจอ้าย คั่นสิตั่วต้มน้องกะบ่วา คั่นแม่นเซืออ้ายได้ ใจน้องสิมอบนําอ้ายเอ้ย...........

[ศรีสะท้าน]

@ อ้ายบ่อเคยสิตั๋วต้ม โจมใจผู้ได๋ดอก แค่อยากปอกเปลือกเจ้าเอามาย่างพ่างไฟ เอาเกลือทาพอดีได้ ปิ้งจี่ให้พอหอม ซอมสีสรร ว่ามันดีเหล่าโทเอามาแกล้ม @ อิ อิ อิ

[สาวบ้านนา]

.......อ้ายเอ้ย ควมผญาเจ้า สิย่างใจนางเผาไฟทาเกลือพร้อมกะตามซ่างเจ้าถ้อน ครั้นอ้ายเฮ๊ดลงนางเจ้ากะตายจ้อย ทอนั้นแหลว.........

[Phuripat]

อ้ายเอ้ยง..อย่าสิว่าจั่งซั่นคันหากแม้นนางดี อันว่าตัวข้านี้กะสิมีแนวจาพาเจ้าฮ่วมสอง
หากว่ามีใจป้องฮ่วมสองครองคู่ อ้ายอย่าไปดูถูกน้องจั่งซัน ติ. พะนะ !!!!!!
เด็กใหม่ครับ.....อิอิ

[ศรีสะท้าน]

@ โอนอหล่า..ความผญาอ้ายหัดใหม่ เพียงแต่พอเว้าได้ หยอส่วงหมู่ผู้สาว
บ่อพอคราว ย้านเพิ่นไลลืมถิ่มความผญาที่อ้ายกล่าว ย้านแต่พวกผู้สาว เพิ่นสิลืมวาทเว้า อ้ายศรีเถ่าได้นั่งคอง..นั้นแหลวว@

[TomUbon]

ม่วนมักขนาดครับ ผมฟังแล้วคิดฮอดบ้านอิสานอยู่จ้าว ๆ ๆ

[ศรีสะท้าน]

@ คันแม่นคิดฮอดบ้านให่เจ้าอ่านกลอนผญา เอาเด้อ เก็บเอาความพี่ชายจาแล้วทบทวนหวนฟื้น
อย่าฟ้าไลลืมพื้นวิถีทางอีสานเก่า เอกลักษณ์ วัฒธรรมของเฮา ยังคงดีสืบสร้างทางด้านคึตตะศิลป์...นั้นแหลว ฯฯฯ

[Phuripat]

อ้ายเอ้ย..ไกลกะไกลแต่บ้านเฮือนซ้านฮั่วส่วน
ไกลกะไกลแต่ม้วนหมู่เฮือนกับเล้า
แต่ว่าผญาเจ้าเฮ็ดให้เฮ้าบ่อไกลห่าง
ต่างกะต่างแต่เว่ากินเหล้าโทนำกัน
ให้หันหน้ากลับบ้านกลับเฮือนซ้านสาพี่น้อง
อิแม่..ยังครองคอยถ้ากลับบ้านอยู่เด้..พี่น้อง

[ไก่น้อย]

ไกลกะไกลแต่บ้านฮั้วไฮ่นาสวน
แต่สำนวนวาจา บ่ไกลกันพอน้อย
คนละนิดละน้อย มาเสริมเติมต่อ
มูลอิสานแต่เค้า กะสิมั่น บ่เสื่อมสูญ...สั่นแหล่ว..

[Phuripat]

คำผญานี้มีแต่แนวเป็นตาฟัง
อย่าให้พังสลายทิ้มของอีสานโบราณเก่า
มันสิเบิ่ดแนวจาเว่า เผ่าอีสานสิมุ้นม้าง
ให้เจ้าส่อย เจ้าสร้าง ไว้อวดอ้างลูกหลาน
ให้ได้ข่าน ได้เว่านำเจ้าอยู่สู่คน พู้นเด้อ..........

มักหลายแท้ๆครับ...ติเอาเด้อครับถ้ายังคิดว่าบ่อป่อง ม่องไดกะด่าย

[tomkoong]

เกิดมาอยู่ไกล๋บ้าน อีสานบ้างส่อง
ได๋มาสิหมายปอง เฮียนหนังสือคือเพิ่นว่า
บ่ลืมดอกพี่น้อง คนอยู่บ้านอีสานเฮา
สิเฮ็ดคือผู่เฒ่าเว่า พัฒนาบ้าน
สั่นเด้

เด็กใหม่เด้อพี่น้อง คั้นไม่ค่อง ไห๋ว่าติ

[tomkoong]

ผญาเฮฮา
เกินมาทุกยากร้าย งัวควยเต็มตาราง
บ้านกะหลังน้อยๆ สร้ายไว่ ตี้ง 5 ล้าน
พู้นเด้

[tomkoong]

คั้งเจ่าว่าฮ้ายบ่ดี ให๋คักหัวจัยออกมาปิ้ง
เอาออกพิ่งจี่ไฟสาน้องหล่า
คั้นว่าบ่ดี ไม้หน้า3 วางอยู่ฮั้น
ให๋เอาฟาดฟันคอฮ้ายสาเด้อน้องเอ้ย

คือเจ็บเเท้ว่ะ

[ไก่น้อย]

(ผญาซาดิสด์ตั่วนิ 555+ )
โอ่น่ออ้ายเอ้ย....นางบ่หาร การกล้าผ่าใจไผดอกพี่ ย้อนว่าเมิงตาพี่กะเห็นแม่นหัวใจ ...สั่นดอก

[TomUbon]

สังมามีแต่คนเว้าเป็นแท้น้อผญานี้ ผมเล่าอยากสิเว้าเป็นผู้ได๋สิซอยผมได้บ่อหนอ

[สาวบ้านนา]

คั้งเจ่าว่าฮ้ายบ่ดี ให๋คักหัวจัยออกมาปิ้ง
เอาออกพิ่งจี่ไฟสาน้องหล่า
คั้นว่าบ่ดี ไม้หน้า3 วางอยู่ฮั้น
ให๋เอาฟาดฟันคอฮ้ายสาเด้อน้องเอ้ย

คือเจ็บเเท้ว่ะ



ป้าด ครั้นเจ่าตั๋วน้อง สิโยนใจเจ่าลงหม้อวจี

ครั้นเจ่าเป้นงู น้องสิมั่ดหัวมั่ดหางติดกันจูตลูด

ครั้นเมิ่ดพิษแล่วน้องสิแควนเจ่าไว่ แหล่กินคือหมูฮั่นแหลว

โอ้ยน้อ จั่กพาข้อยวาหยัง

[ศรีสะท้าน]

ฮิ อิ อิ ผญาหยังหล่ะนางน้อง สังมาค่องเอาเหลือหลาย โตพี่ชายกลายมาเห็น ซักกะเซ็นอยากหัวพร้อม
ลองเจ้าเขียนให่มันก้อม ซอมดูสาก่อน เลือกเอาบทออนซอน สัมผัสคำให่ถืกต้อง จั่งลองแต้มแต่งลง ซั้นแหลวววว อิ อิ อิ

[สาวบ้านนา]

ฮ่าๆๆๆๆ บ่เป็นๆน้ออ้าย

[TomUbon]

สุดยอดอีกแล้วครับพี่น้อง

[Phuripat]

อ้ายเอ้ย..เขียนไปตามผญาสุภาษิต
อย่าให้ผิดทำนองคลองกลอน
สิค่องสิป่องกะลองว่าไป
ให้ได้ฮู้ความรู้มีซ้ำได...ซั้นเด้

ถ้าแม้นผิดครู ความฮู้พุทโธ กะอโห ลูกโต หลานโต แหน่เด้อ..ครับ

[tomkoong]

คือจังว่า คั้นบ่ไปไกลบ้านเฮื่ยนซานบ้านส่อง
การเฮียนสิบ่ข่อง เรียนสิบ่ป่อง
ไปเฮียนตามหมายปอง ของพ่อเเม่ได๋ภูมิใจอ้ายเอ้ย

[tomkoong]

ก่ะคนใหม่ เขียนบ่ค่อง เขียนบ่ป่อง คือคนเก่า
เลยสิอยากเว่า ตามผญ่า ให้ติเอาเด้อ อ้ายเอ้ย

[tomkoong]

เพลงบ่ม่วนบ้านมหา เพิ่นบ่เอามา
ผญาบ่ดี เพิ่นสิบ่มาเว้า
พวกเจ่าให้คึดเมิ่ง พวกเฮ้าไห้เพิ่ง
มาฮ่วมกันอยู่ม่องนี้
มาฮ่วมกันสุขขี มีเเต่ม่วนซี่น ชั้นเด้พี่น้องเอ้ย

[ไก่น้อย]

ขึ้นชื่อว่าเมืองอิสานนี้มีตะม่วนบ่มีเหงา
แม่นสิเนา ทางได่กะสิมีแต่รอยยิ้ม
ทั้งฮีตฮอง คองตั้งพ่อแม่น้อ เพิ่นพาว่า
คำผญาสิรุ่ง เอามามุ่ง ส่อยกันเติม ...สั่นแหล่ว..

...ยินดีต้อนรับ บ่าวเเจ่นขอน บ่าวเรชอุรม เซียงหล็อย ..มาส่อย ต้อยเติ่มคำผญานำกันเด้อ.....

[Phuripat]

คำผญาอ้ายเข้าขายว่าเซียน
อ้ายไปหัดไปเฮียนล่ำเฮียนอยู่ใส
จั่งได้ไถแถลงเว่าเข้าขายสู่แนว
ส่างมาคล่องมาแคล่วแจวเว่าผญา
บาดโตน้องนั่นหนาคือปึกหนาเอาแถ
ส่างบ่อแป่บ่อป่องทำนองครองพุทโธ
อยากให้โตป่องแป๋วสู่แนวจา
อยากให้อ้ายนั่นหนาสอนผญาพาเว่าอยู่คู่แนว ซั่นเด้..

ขอบคุณหลายเด้อครับอ้ายไก่ ที่ต้อนรับอย่างเป็นทางการ

[tomkoong]

มื่อนี้มาเว่า มากล่าวขอบคุณ ผมนี้สุขใจหล่น
ขอบคุณอ้ายไก่น้อย ที่ซ่อยต้อนรับเป็นทางการ
กะผมสิได๋ประสาน กล่าวขาน ผญาเว้า
ตามปัญญาที่ฮ่ำเฮียน ชั่นดอกวา

[Phuripat]

คือโพสดู้แถน้อ...ฟังสำนวนเฮฮาจักบาดแหน่นา
ความหมายอาจผิดเผี้ยนถ้าท่านอ่านข้อความว่า (ยานี้ดีกินแล้วแข็งแรงไม่มีโรคภัยเบียดเบียน)
ถ้าอ่านผิดวรรคท่านจะได้ความหมายว่า (ยานี้ดี กินแล้วแข็ง แรงไม่มี โรคภัยเบียด)
ถ้าอ่านให้ถูก ต้องอ่านว่ายังไงอ่ะ( ยานี้ดี กินแล้วแข็งแรง ไม่มีโรคภัยเบียดเบียน)

โปรใช้วิจารณญานในการอ่าน
คำเตือนห้ามอ่านเกินวัน3รอบ(อาจทำให้เสียเส้น)

[tomkoong]

ผญา เฮฮา

คึดฮอดเจ่าหลายกินก่ะบ่ลง
กั้มๆ กืนๆ ฟืนกินจนเมิ๋ดก้องบักไหญ่ หนึ่ง

[tomkoong]

การเฮียน ให่มีความฮู้
การสู้ ให๋ มี เงินทอง
การมีคู่คอง ก่ะมีแฮงชั้นเหลว
พี่น้องเอ้ย

[tomkoong]

การที่ได๋มาเข้า มาเว่าคำผญา
มีความสุขหล้นฟ้า คำผญาได๋เพิ่มพูน
คำผญาได๋คั้มคูณ คำผญาได๋คั้มฟ้า
บ่ตายทิ่มอีสานเอ้า ซ่อยกันมาเว่า มากล่าวตอบผญา
ให๋คำผญาหล้นฟ้า ไปโรดพี่น้องเอ้ย

[koo]

พอแต่อ่านผญาแล้วในใจอยากต้านกล่าวเดนอ อยากถามข่าวพี่น้องคนอีสานผู้อยู่ไกล ผ่านไปทางเน็ตอันนี้สบายดีอยู่แนบ่ หรือว่าทุกข์อยากฮ้อนใจน่นบ่ซุมเย็น

[koo]

ขอฝากเสียงฝากโตแนเด้อท่าน เป็นน้องใหม่ในวงการ
ผ่านมาเห็นผลงานเพิ่นแตงเติมเสริมไว้
ผมอยากให้ของเค้าผญาเฮาแต่ครั้งก่อน
อันปู่ย่าเพิ่นสอนให้คงคู่คูอีสาน
บ่อยากให้มูนมังนี้ของดีได้เลือนจาก
พรากไปเบิดจากบ้านอีสานนี้ให้อยู่โดน
ผมเลยมานั่งแต้มเขียนตื่มทางผญา
ย่อนสะออนภูมิปัญญาของอีสานแขนงนี้
เป็นของดีควรค่าล้านทางลูกหลานควรสืบต่อ
อย่าให้เหลือข่อหล่อเสมอด้ามดั่งบักขาม

[ตะวันนา]

....ยินดีต้อนฮับเจ้าบ่าวkooคนอีสาน
ฮ่วมสืนสานวัฒนธรรมอันดีงามของเฮาไว้
ภูมิปัญญาเพิ่นสร้างไว้ชนรุ่นหลังได้มาอ่าน
เป็นของดีเมืองอีสาน..เป็นผลงานควรรักษ์ไว้ลูกหลานให ้ได้เบิ่งแยง

[peitai]

ขอจาเว่า กับซุมเฮาซาวอิสานแหน่จักหน่อย เว่าเถิงฮีดเถิงฮอย ของอิสานว่านั่น ผญาเว่าเล่าเบิ่งดู้ ขอ่ยนี่มาอยากฮู้ ฮีดสิบสองคองสิบสี ขอเมธีนักปราชญ์ ่ฉลาดฮู้ไห่ลองเว่าเล่าสู่ฟังแหน่ถ่อน กราบวิงวอนเพิ่นผู้ฮู้โปรดมาเล่าสู่ฟัง ว่าหยังคือฮีดแล้วอิหยังคือคองอย่ามองข้าม
เฮายังเฮ็ดยังทำเฮายังจำจื่อได้ ซั่นบ้อท่านถ่านทุกคน ขั่นหลูโตนโดนใจเจ้าไห่ลองเว่าแหน่ซั่นดอก

[ตะวันนา]

....บ่ฮุ้เรื่องนำเพิ่นดอกเด้อ อัน ฮีดสิบสองคองสิบสี่ นั่นแหมจ้า คันไผผ่านไปมาฮุ้จักแล้ว กะมาตอบเพิ่นแหน่เด้อพี่น้องเอ๊ย.....(ทางนี้กะอยากฮ ุ้นำฮั่นนะ)

[peitai]

ผ่านเดือนห่าผ่าเดือนหก ฝนกะตกมาแล่วแนวเดือนนี่คองสิบสี่มีอิหยัง คอยถ่าฟังนั่งถ่าเว่ากับซุมเจ้าอยู่เด้ .......โอ๊ะ..โอ้ย....มีคนเหล่มาแล่วแนวบ่อฮู้ดอกคือ กัน แล้วท่านผู้ฮู้ไปขุดฮูลี้อยู่หม่องได๋นอ :-\ :-\ ??? ???

[ตะวันนา]

.........โอ่น๊อ......อันทางนี้กะจนจ้อ บ่ฮู้เรื่องแม่นแน่วได๋
ประเพณีของไทย อยากสืนสานเรียนรู้บ้าง
คนรุ่นเก่าเพิ่นได้สร้าง ฮีดสิบสองคองสิบสี่
ถ้าอยากฮู้เด้อพี่ สิเอิ้นสั่งให้ผู้รู้.....เพิ่นมาเว่าจาแถลง
ทางแก้มแดงบ่ฮู้ซ้ำ เขียนตามเพิ่นให้มันม่วน
อยากเชิญชวนผู้รู้ เข้ามาเว่าจ่ายผญา....เนาะพี่น้อง.......

[สาวบ้านนา]

ฮีดสิบสองคองสิบสี่ แม่นประเพณี วัฒธรรมทางภาคอิสาน ที่มีไว่ให้พี่น้องได้ร่วมทํากิจกรรมหนําบ่ฮึ
สิเป็นช่วงๆดอก เช่นสงกราณ์เฮ๊ดหยังแหน๋ ออกพรรษาเฮ๊ดหยังแหน๋ จังซี่น๊า แม่นบ้อน้อ???

[koo]

สวัสดีทุกท่านท้องถิ่นไทยอีสาน สุขชื่นบานกันเบิดสู่คนบ่นอท่าน
หันมาฟังทางนี้กลอนผญาแบบเก่าๆ บ่าวครูเป็นผู้เว่าให้ซุมเจ้าได้ฮับฟัง ???

[manthai]

อ่านผญามาแต่ต้นของสู่คนจังแม่นมวน อยากสิซวนซุมสูเจ้ามาเข้าอ่านกัน
อันว่าโตฉันนี้คือพี่เณรเมืองลำดวน แมนสมควร ฮือบ่อฮือ คันสิจาแถลงเว้า

[บ่าวเต็งคนโก้]

ฮ่วยๆ พี่เณรเลามา ยกมือไหว้เด้อพี่น้อง อั่นผุแส่ผุสาว กะสงบเสงี่ยมแหน่ล่ะ คาตะมั่วหน้าเวทีหลาย อิอิอิ

[ตะวันนา]

ฮ่วยๆ พี่เณรเลามา ยกมือไหว้เด้อพี่น้อง อั่นผุแส่ผุสาว กะสงบเสงี่ยมแหน่ล่ะ คาตะมั่วหน้าเวทีหลาย อิอิอิ


.....กราบนมัสการ พี่เณร(น้อย) manthaiเด้อค่ะ...พอดีเลย...สิได้มาสอนซุมคะน้อยให้เ ขียนผญาเก่งๆ แหน่เนาะ.....

....อัน...หัวหน้าปิคอัพฮ่าง..........ให้เต้นแหน่เถ าะเนาะ หน้าฮ้านกะดาย....ได้ยินเสียงดนตรีหมอลำบ่ได้ตั้ว... มือไม้มันละไปเองโดยอัตโนมัติตั้วท่าน อิอิอิ

[เซียงข่อล่อ]

พี่เณรเอย.........
ย้านเด้ย้านถืกสาวต้ม เฮ้ดให้หลงคารมแล้วเป็นต่าง
เฮ็ดให้ฮักแล้วปล่อยฮ้าง ผ้าเหลืองม้างมุ่นทลาย.......คือเซียงข่อล่อนี้เด้

[tomkoong]

กลับมาบาดนี้ คนเต็มที่อยู่บ้านมหา
คนกาเต็มก้อเก่า พากันเข่ามาเว่าตำผญา
มาจาคำอีสาน ดีใจคักเเท้ลุ่งป้า
คำผญา สิเพิ่มพูม จั่งสี้ล่ะเด้อ พี่น้องเอ้ย

[koo]

มาอีกแล้วบ่าวครูคนโก้ คนงามคนเก่า งามตั้งแต่วาดเว่า เมียซ้อนแมนบ่มี
สุชสำบายหมั่นเสมอมันเคือเก่า ย่อนคึดฮอดหมู่เจ้าจังโงโค้งต่าวมา :-*

[ตะวันนา]

....สุขขีหมั่น เสมอมันเครือใหม่ ย้อนคิดฮอดคำอ้าย จั่งโงต้าวเว่าหา
เชิญเด้อจ้า ผู้บ่าวครูคนงาม บ่มีผู้ติดตาม ย้อนบ่มีดอกคู่ซ้อน
งามงอนน้อง อยากถามข่าวบ่าวคุณครู คันว่าอ้ายบ่มีชู้...อยากหยับยู้ย่างกราย...ใกล้..ใก ล้ เด๊น๊อ......อิอิอิ

[เซียงข่อล่อ]

สาวแก้มแดงเอย
เป้นตาซั่งน้อเจ้าลืมซู้เก่าคนหลัง คนอีหยั่งลืมไวยังบ่หลายวันม้ม
พ้อคารมคูโก้ เพิ่นโสถิ่มซู้เก่าลืมเซียงข่อล่อที่เคยเว้า บ่อมีโค้งตาวหวล......อิอิ

[Noom-noi]

มา...ซิลองเบิ่ง...เทื่อแรกเด้อผญานี่น่ะ...

....หล่า...สาวแก้มเอ้ย...เว้าพื่นหัวใจอ้าย กะแม่นมีอยู่สี่ห่อง
ลองมาซอกเบิ่งดู๊ บ่มีไผหลบซ่อน
ยังอ่องต่องอยู่เด้อหล่า ให้เหลียวตามาส่องแหน่..
คาดเป็นคู่ฮัก ให้หยับแหย่...หม่นเข่ามา พะนะ

[ตะวันนา]

....ป๊าดดดด...ขนาดเทื่อแรกยังดึงหัวใจข่อยไปหลายคัก เติบแล้วน๊อ...อิอิอิ (มาคือสิพ้อแต่บ่าวส่ำน้อยแท้น๊อบัดนี่แหม) อิอิ

บ่าวหนุ่มน้อยเอ๊ยยย....เว่าพื่นหัวใจน้อง ยังอ่องต๊องเหลี่ยมใส..ใส
ยังบ่มีผู้ได๋ เข้ามานั่งในใจน้อง
คันใจสองเฮาตรงกัน สิลองฝันร่วมกันเบิ่ง
คันแม่นว่าบุญเฮาเถิง ได้คู่เคียงกับอ้ายเจ้า.....สิลองเว่า...เบิ่งกะน๊า. ....อิอิอิ

[ตะวันนา]

สาวแก้มแดงเอย
เป้นตาซั่งน้อเจ้าลืมซู้เก่าคนหลัง คนอีหยั่งลืมไวยังบ่หลายวันม้ม
พ้อคารมคูโก้ เพิ่นโสถิ่มซู้เก่าลืมเซียงข่อล่อที่เคยเว้า บ่อมีโค้งตาวหวล......อิอิ


...น้องหล่าข่อล่อเอ๊ยยยย... อย่าสุว่าความนั้น มันบ่แม่นจั่งเจ้าจา เด๊คำ
ที่อ้ายครูอยากเว่านำ เป็นเพียงคำผญาต้าน
ใจของเอื้อยนางนั้น ยังใสผ่องบ่มีไผ
ย้อนว่าเคยปวดใจ อยากฮักไผกะบ่กล้า
ให้เข้าใจเด้อน้องหล่า อันว่าความผญา..เอื้อยอยากเว่าให้มันม่วน
บ่ได้คิดสิไปกวน บ่ได้หวังเป็นอื่นซ้ำ...คำกล่าวเอื้อยนั่นแม่นจริง.. เด้อหล่าเด้อ...

...................ฮักเจ้าคือเก่าล่ะ.............. .......พะนะว่า อิอิอิ

[Noom-noi]

จั่งแม่นเจ้าเว่าเก่งเนาะ...ผญานี่แหมะ สาวแก้มแดง

.......แม่นอีหลีบ๊อสาวแก้มแดง คำที่เจ้าแถลง ว่าใจเหลี่ยมใสส่อง
อ้ายนี่อยากทดลอง เข้าจับจองใจน้องหล่า แม่นซิกล้ารับไป่น้อ...นางเอย
อย่าสุยิ่มเป้ยๆ ให้ลองเอ่ยคำจา มันซิมีปัญหา หรือบ่นาแบบนี่.......หัวใจพี่ซิถ่าฟัง...ซั่นดอกวา. ....

[เซียงข่อล่อ]

มาทางนี้แล้วกะไปซ่อยแต่งผญาครูนำ คะน้อยแหน่เด้อ ทางผญา ภาษิต อีสานพู้นหล่ะ ต้องการด่วน

[hot]

อ้ายข่อล่อเอ้ย คันอ้ายเว้าจั่งซั่น ให่หันอ่วยมาทางพี้ มีคนดีปัญญษล้น คนนั้นคือ คนพ้อว้อ
ได่ข่อล่อแข่แหล่จริงแท้แม่นผญา ไห่อ้ายมาจาต้านตอบถามนำน้อง น้องซิได่ซ่อยไขข่อซ่อยต่อปองแปง

[koo]

สุขสำบายหมั่นเสมอมันเคือใหม่ ความทุกอย่าเข้าใกล้ความไข้อย่าสุมี

สาวแก้มแดงเอย ย่านบ่เป็นคือจั่งเว่า บักหว่าสีชมพูคือจั่งว่า
ย่านเป็นคือตอกมัดกล้าดำนาแล้วเหยียบใส่ตม
ว่าอยากถามข่าวข้าว ข้าวผัดอยู่ในว่า
ว่าอยากถามข่าวปลา ปลาผัดอยู่ในน้ำ
เลยอยากถามข่าวเจ้าว่ามีแฟนแล้วหรือบ่
หรือว่ามีแต่ซู้แฟนซ้อนแมนบ่มี

คันเจ้าเว่าจั่งซั่นกะเซิญย่างมาหา กรายมาทางบุรีรัมย์บ่อนบ่าวครูเด้อเนายั้ง
มีแต่สอนเด็กน้อย กอ ขอ ให้หัดอ่าน เทิ่งขีดเขียนอีกพร้อม รำร้องแมนตืมกัน
เว้นจากการสอนแล้วมานั่งตอบเขียนผญา ย่อนว่าทางใจนั่นมักผญาเด้อเหลือล้น
อยากหาแนวร่วมแกนนำมาสานต่อ ย่านมันสั่นข่อหล่อคือบักขามข่อเดียว
จักว่าบุญกรรมหยังจั่งได้พ่อ เวปไซต์บ้านมหา หรือเป็นบุพเพพังสิพ่อคู่อยู่ทางนี่ ;D :D

[adinbera]

อันนี้ตัวอย่างของผญาผู้ไท เด้อคับพี้น้อง

โอ้ย เด้ หม้อมน้องสาวเอ้ย..
เพิ้นว่าบ้านต่างบ้าน น้องอย่าย่านเพิ้นมีเฮือง
คันว่าเมืองไกลเมือง โอ้ยเด้ น้องอย่าย่านมีได้ล
บัดว่าลมผัดไม้ ปลายยังเนิ้ง เสื่อเด๋ว
เขียวเบอมอญ ซ่อนไม่ไล่ อ้ายลากไกลกันยามนอน

โอยเด้สาวผู้ไทเอ๋ย อ้ายนี้มักแต่น้อง เสมอเดดั่งดวงตา แม่บักหำเอ๋ย
อ้ายนี้แหลว กะแต่เป็นซายมา ยังมีได้คู่สิซ้อน นอนเหลียวหลัง บังคือเฮือน
ท้ายลามเลือ ตาเบ้อแม่เพิ้นแพง

โอ้ยเด้สาวผู้ไทเอ๋ย อ้ายนี้แหลว คันมีจริงมีลงเฮือนมาเว้า
คันมีเอา มีลงเฮือนมาว่า
อ้ายนี้แหลว คันแม้นมีแม่นท่า ตีควายลง

โอ้ยเด้สาวผู้ไทเอ๋ย อ้ายนี้เกิดผิดชาติ มีเห็นคู่เพิ้นดอกจาน อ้ายนี้แหลว
คันแม้นเกิดผิดป๋าน มีทันสาวเพิ้นผู้ฮู้ มีทันซู้เพิ้นผู้งาม
ท้ายลาบลาม หงษ์ลอยเวิน

โอ้ย เด้.. สาวผู้ไทเอ๋ย
อ้ายนี้เด๋ ว่าหยากซูเอาน้อง ขึ้นเทิงดอยเก็บดอกดู่
สาวผู้ไทเอ้ย ขึ้นเทิงภูเก็บผักหวาน
ลงไปด๋าน เก็บดอกข่อย
สาวผู้ไทเอ้ย เห้อน้องเก็บอ้ายหละฮ้อย เอาเมือต้อนแม่ยายเฮา น้องเด้

โอ้ยเด้สาวผู้ไทเอ๋ย
อ้ายนี้เด๋ คันแม่นถามคาวน้องถามคาวดอกเทิงปลา
คันแม่นถามคาวน้องถามหาดอกเทิงเข้า
คันแม่นถามคาวเจ้า อยู่บ่อนเลอ
เทิงโหเฮือน น้องผัดอยู๋ดีบ้อ
หรือเขาตัดฮากสั้น
หรือเขาฟันฮากแก้ว
หรือเขาถอนไปแล้ว ตั้งแต่เหิง บ่อนาง

[hot]

นงนางหล่าผู่โสภาแต้มแต่ง
แพงไว้แน่เด้อหล่าหม่องอ่อนๆขาวๆ
อย่าสิฟ้าวแฮงหลายแนวการเรียนบ่อทันแล้ว
อย่าไห่มันมีแป้วจุดจ้ำดำด่าง
ด่างกะไห่ด่างถ่อนนำเสื้อผ่าแพรพัน
แต่ความสาวของนางอย่าได่ม่ฮอยเปือน
เรียนบ่อทันผัดหลงส่นกามะรนฮ้อนฮัง
อ้ายขอสั่งเจ้าไว้ไห่ตรองเอาเด้อหล่าเด้อ

[เซียงข่อล่อ]

ผูสาวไปทางได๋เบิดน้อบ้านมหานี้.................... มีแต่ผูบ่าว กับผูเฒ่า ;D ;D

[koo]

อัศจรรย์ใจม่อนกินมอนสังมาเยียว บัดว่าไก่บักโจ้นกินน้ำเยียวบ่เป็น
อัศจรรย์ใจโอ้แตงโมหวานบ่ได้บ่ม บัดบักพร้าวสุกจนหล่นข่วนบ่มได้กะบ่หวาน

************************************************** ******************
คันเจ้าขี่ซ่างกั้งห่มเป็นพญา อย่าสิลืมซาวนาผู้ขี่ควายคอนกล้า
คันเจ้าได้ขี่ซ้างก้างห่มสัปทน อย่าสิลืมคนจนผู้แห่นำตีนซ่าง

************************************************** ******************

[tomkoong]

คำโบราณเพิ่นว่าไว่
น้ำสิท่วมฟ้า ปลาสิกินดาว สาวขี้ดื่อสิมักบ่าวพระ บ่าวเณร ชั่นเเหลวพี่น้องเอ้ย

[hot]

อันว่าคำโบราณนี้ มีคติอยู่หลายอย่าง อย่าได่พากันม่างถมถิ่มบ่อเหลียวแล

[ศรีสะท้าน]

@ อันว่าคำผญานี้ เมธีนักปราชญ์ ผู้ฉลาดแต่งแต้มแกมให้สั่งสอน
บทออนซอนกะมีไว้ คำในเกี้ยวสวาท อันนักปราชญ์ตื่มตั้ง ยังไว้ให้ลูกหลาน
ขอสมภารเพียงตั้ง ปุพฺพํเป็นเค้าก่อน จั่งสิสอนสืบเซื้อ เมือหน้าต่อไป...ท่านเอยยย ฯฯฯ

[tomkoong]

ไปอยู่ไกลบ้าน คนอีสานอย่าลิมถถิ้น
อย่ากินเข่าเหนียว ปลาร่าปลาเเดกบอง
อย่าลิมคันเเท ซ้อนมันสิมองผู่ลืมถิ้น
อย่าลืมทุก อย่าลืมสิ้น มั่งมูลสิหมุ่นหมาง
มือนี้ก่ะว่าง เป็นไข้หังกะเซา ก่ะเลยได่มา
เว่า มากล่าวผญา ชั้นเหลวพี่น้องเอ้ย

[เซียงข่อล่อ]

คันเจ้าได้ขี่เบนซ์ รถเก่งคันใหญ่ อย่าสุลืมคันไถ อีพ่อเฮาเคยไง้
ไห้เฮาจำจือไว้ ลูกชาวนาคือเก่า คันลืมกำพืชแล้ว ไปหน้าเขาสิหยั่นเด้อ หล้าเอย.....

[บ่าวคนเดิม]

พี่น้องเอ่ย...ให้เฮามาฮ่วมสร้าง สือต่อประเพณี เอาไว้เด้อ ให้ลูกหลาน เหลน โหลน ได้ท่องจำ ในภายหน้า

บ้านมหา เว็บนี้ซิ ขอรับอาสา ซ่อยนำพา ฮีตคลอง วัฒนธรรม อีสานพุ่ง ซั่นตั๊ว

[ตะวันนา]

สุขสำบายหมั่นเสมอมันเคือใหม่ ความทุกอย่าเข้าใกล้ความไข้อย่าสุมี

สาวแก้มแดงเอย ย่านบ่เป็นคือจั่งเว่า บักหว่าสีชมพูคือจั่งว่า
ย่านเป็นคือตอกมัดกล้าดำนาแล้วเหยียบใส่ตม
ว่าอยากถามข่าวข้าว ข้าวผัดอยู่ในว่า
ว่าอยากถามข่าวปลา ปลาผัดอยู่ในน้ำ
เลยอยากถามข่าวเจ้าว่ามีแฟนแล้วหรือบ่
หรือว่ามีแต่ซู้แฟนซ้อนแมนบ่มี

คันเจ้าเว่าจั่งซั่นกะเซิญย่างมาหา กรายมาทางบุรีรัมย์บ่อนบ่าวครูเด้อเนายั้ง
มีแต่สอนเด็กน้อย กอ ขอ ให้หัดอ่าน เทิ่งขีดเขียนอีกพร้อม รำร้องแมนตืมกัน
เว้นจากการสอนแล้วมานั่งตอบเขียนผญา ย่อนว่าทางใจนั่นมักผญาเด้อเหลือล้น
อยากหาแนวร่วมแกนนำมาสานต่อ ย่านมันสั่นข่อหล่อคือบักขามข่อเดียว
จักว่าบุญกรรมหยังจั่งได้พ่อ เวปไซต์บ้านมหา หรือเป็นบุพเพพังสิพ่อคู่อยู่ทางนี่ ;D :D


อ้ายบ่าวครูเอ๊ย....
อยากสิกรายย่างย้าย ไปทางเขตบุรีรัมย์แท้แหล่วววว....
ย้านแต่พ้อฮอยแป้ว เพิ่นก่นทางถิ่มไว้
แนวสัมพันธ์ก้ำกาย ไกลแท้ ไผมีฮู้
แสนอดสูคักฮ้าย ไปฮักผู้บ่าวเขา ซั่นแหล่ว อ้ายครูเอ๊ย......



((ผญาใหม่พวมหัด...ทนอ่านเอาเนาะผู้อ่านกะดาย))

[เซียงข่อล่อ]

ว่าสิเอาหมากเกลี้ยงมาแลกเปลี่ยนหมากนาวสี สิขอสาวผูดีมาเปลี่ยนใจกันไว้
เจ้าสิสนคนผูฮ้ายดากลายลายแน่บ่อุ่น เจ้าแม่คุณผู้ฮู้สิสนใจแน่บ่น้อ

[pomjr]

สิบ่โจ๊จิดโจ๊ยนำเครือบอกจิดโจยแน่ะบ่น่อ
สิบ่โทกทิงทื่นนำอ่ายผู้ทิดโทยแน่ะบ่อน่อ :-[

[ศรีสะท้าน]

....อ้ายอยากจ๋าจิโจ่ย จาโดยพระนางนาถอยู่แหล่ว หากแต่ซาติก่อนกี้บุญนี้บ่อส่งมา
คำวาจาเพียงปลายลิ้น สีนหัวใจพระทัยขาด วาสนาต่าวปี้น ปีนได้กะบ่อเถิง
อยู่แต่เหิงบ่อพานพ้อ โอนอฮักฮ่วม บ่อมีความสิเว้า แลงเซ้าแค่คิดนำ...ซั้นแหลวววว ฯฯฯ

[sutthipong sukha]

มักหลายๆเด้อพี่น้อง

[tomkoong]

บ่ได๋เข้ามาโดน สิกล่าวจาว่าหยังเหลวน้อ ก่ะสิอยากพ้อคำที่เคยสนใจไว่ชั้นเหลว
สาวแก้มเเดงเอ้ย ได๋เเล้วบ่ ฮิต สิสอง ครอง สิบสี่ คั้นได๋เเล๋วให้บอกนำ บอกไห้ฮุ้ เเน่เป็นหยัง
(ซ่ำนี้ละเด้อพี่นอ้ง)

[tomkoong]

ควมฮักแรก หวานปานกลืนกิน ปานน้ำอ้อยเเตะลิ้น น้ำต้มผักยังว่าหวาน
สุขใจเเท้ ควมสุขล้นฟ้า ควมบ้าล้นแผ่นดิน โอ้ยสุขเด้

เมื่อฮักสิ้น น้ำตาลยังว่าขม บ่หลงคารม วาจาของผู่สาว
เฮ็ดให้เจ็บปวดร้าว ปานฟ้าสิทับคอ
บ่อยากพ้อเเล้วควมฮัก มันปักอยู่ใจ เฮ็ดให้พังทะลายสิ้น
ขั้นว่าคือ อกหัก (อกหักเเล้วพี่น้องเอ้ย)

[tomkoong]

ความทุกยาก บ่เข้าไผ๋ออกไผ๋
ลูกคนจนก่ะกลายเป็นบัณฑิตได่คือว่า
ลูกชาวนายังกลายเป็นเศรษฐี
ลูกผู่ดี ยังจนได๋ ขยันไว่นั่นบ่จน

[ศรีสะท้าน]

ขออนุญาตแก้ไขหน่อยหนึ่งเด้อคะรับ เพราะข้อความมันเขินกันกับห้องโพด (ห้องเจ้าโพสต์บักใหญ่ แต่ข้อความบ่อหลาย มันเลยเขินกัน ซั้นดอกหวา ลงให้ใหม่เด้อ)

...บ่าวแจ่นขอนเลาว่า......
พี่น้องเอ้ย เพิ่นว่าไว๋
ทุกหยากฮ้าย งัวควยเต็มตะล๋าง
บ้านก่ะหลังน้อยๆ สร้างไว๋ ตั้ง 5 ล้าน
สิได๋มาขยายความ ไห้เเจ่มเเจ้งให้ชื่นบาน

ทุกหยากฮ้ายงัวควยเต็มตะล๋าง บาดนิ บ้านสร้าง 5 ล้านมันน้อยจังได๋
ย้านเเต่คอกสิพังฮ้างโขมยโจรสิปล้นหนี มันก่ะน้อยอกน้อยจัย ของคนรวยชั่นดอกว่า
ทุกหยากละอีหลี่ ห่วงเเต่นำงัวควย คนเฮานี้บ่มีพอ บ่มีว้าง รวยเเล้วบ่พอจัย
มันสิซ่วยคั้นถึกปล้น มีเเต่อยากได๋ ไห้มันหลาย ไห้ซ้ำเก่า
เมิงในหลวงเพิ่นเว่า เศรษฐกิจพอเพียง
นั่นอยู่สุขสำบาย บ่ทุกยากคือจังว่า

(ชั่นดอกหว่า)

คั้นบ่ดีให้ตี่ได๋ คั้นพอจัยให้ชมเอา พี่นอ้งเอ้ย

[sompoi]

คักๆๆอ้าย..โอ้ยยเก่งหลายเป็นตาหน่าย.. :-[ :-[ 8)

[tomkoong]

ขอคุณหลายที่ได๋เเก้ ที่ได๋ไห้กระทัดรัด
มันสิบ่ขัด จัดไห๋เข้าหน้าเวปหน้ออ้ายหน้อ
ขอโทษหลายๆ ทีมันไหญ๋ มันก้วง
มันได๋ขวงตา หน้าหน้าเวป
ขออภัยขอโทษเด้ออ้าย

[tomkoong]

มื่อนี้สิมาเว่าสามน้ำสี่ มีนสิมีจังได๋ไห้เมิ่งต่อเด้อพี่น้อง
เฮียนสามเพิ่นว่าไว๋ เฮียนซานไห้เกียงเกลา
เฮียนรับเเขกให๋เบิ่งเอา อย่าไห๋เพิ่นว่าได๋
เฮียนที่สามสิ่งของอย่าได๋ขาด ให๋เอาไว๋ตอนรับ
น้ำสี่นั่นสิได๋กล่าวเเถลง น้ำใจอย่าได๋เเพงคนทุกยากไห๋ซอ่ยกั้น
น้ำต่อมาคือน้ำเเอ๊ง อย่าสิเเพงตักให่เพิ่น ชั่วเเหลว
น้ำสามคือน้ำไส๋ ไห้เพิ่นได๋ อาบไห๋ชื่นบาน
น้ำสี่คือน้ำล้างปาก ไห๋เพิ่นป่วนไห้ชุมคอ
น้ำสี่มัวดอกพี่น้องเเต่เข้าท่าตั๋วหละเลยเอา
----------------------------------------------------------------------------------------------------------------------------------------------
ต่อผญ่าเก่าเอามาเล่นขานหน๋อ
คึดฮอตเจ่าหลายกินเข่าก่ะบ่ลง
ก้ำๆ กลืนๆฝืนกินจนเมิ่ดก่องบักไหญ๋
(กินบ่ลงเด้นิ)

-----------------------------------------------------------------------------------------------------------------------------------------------
บาดนี้ผญา คำสั่งลาเเม่
เกิ่บเหี่ยนๆ หย่างลงเฮียนเกียกขี้ขี้ฝุ่น
หันเห็นตาเเมงม้อย อีเเม่ไห่เทิ่งพร้อมหัว
ลูกเเม่ลาเเรมบ้าน ไกลอีสานบ้านส่อง
ไกลถ่งนาห่องห่วย ควยบักตู้สิจมหา
ไปสาเด้อลูกหล่า ไปหาเฮียนไห๋ฮู่ห่อง
ไห่หัวป่องปานเเก้ว เเนวสิได๋ไห่ฮู้งเฮีอง
อีสานเฮาเเห้งเเล้ง แมงขุดจี่สิเมิ่ดขวย
ควยสิเมิ่ดห่องคู อีปูสิเมิ่ดฮูซกซ่น
ฝนสิลงเป็นก้อน ขอนสิไหลลงถ่ง
ดงสิเป็นเเดนเอิดเติด เถียงสิห่างฮ้างคน
เเม่สิถ๋าอยู่บ้าน เฮียนซ้านกับอีพ่อ
บ่ต้องห่วงดอกหล่า นาสิฮ้างกะส่างมัน
พ่อเจ่าเฮ็ดมาโดนเเล้ว บ่เห็นดีจักเทื่อ
มีเเต่สูญมูลจ่อย เมิ่ดเกี่ยงคู่สู่อัน
จำเอาไว๋เด้อลูกหล่า อย่าได๋หลงเมืองก้วง
ไห๋เเม่ส่วงเเน่จักบาด สิ่งเสพติดอย่าก่ำก้าย

ซ่ำนี้หละคับ

-----------------------------------------------------------------------------------------------------------------------------------------------
ผมได๋มาไกลบ้าน ไกลอีสานบ้านส่อง
คึดฮอดหลายหัวห่อง บ้านส่องที่เคยอยู่
อยู่เมืองหลวงได๋สู่ มาคู่ได๋ฮ่ำเฮียน
สิได๋ป้องปานเเก้ว มีควมฮู้เมียเฮียน
คึดฮอดหลายเด้อพี่น้อง สิอดเอาบ่ขี้คร้าน
ทางบ้านสิได๋ชื่อบาน เมืองอีสานได๋ซุ่มซ๋ำ
ชั่วเเหลวพี่น้อเอ้ย

[sompoi]

ป้าดดด เจ้ากะคักเด้อหนุ่มแจ่นขอน..สามารถๆๆ ..สิบคะแนนๆ..

[เซียงข่อล่อ]

พี่น้องเอย.........
ว่าอีสานเฮาแล้งแห้งเขินน้ำขาด แต่น้ำใจบ่ได้ขาดเมืองบ้านยังซุ่มเย็น
แสงตะเว้นแดนฮอดพอป้านสิเผาถิ่น อยู่เมืองดินบ่มีน้ำ อยู่ท่งนาบ่มีหญ้า บักตู้น้อยสิจ่อยตาย
ฟังเอาเด้อผู้ไกลบ้านหนีอีสานบ่มีมื้อต่าว ซุมผู้สาวผู้บ่าวอย่าได้ลืมแม่เจ้ายายเฒ่ายังจ่มหา
ได้ไปอยู่เมืองฟ้าหนีนาดอน ลมพัดไงกิ่นๆ ให้เจ้าหวนกลับถิ่น ดินอีสานแล้งๆ ยังถ้าเจ้ามาซอยซู เอย........ลงซำนี้หละ

[sompoi]

เออ สิเมื่ออยู่เดือนหน่าเดือนใน นิล่ะ ถ่าแน่ะเด้อแม่ตู้เด้อ..

[ekaphysics]

ขอบคุณหลายๆท่านพี่เอ้ย

[tomkoong]

อีสานบ้านเฮา
ฝนฟ้าปีนี้ เป็นบ้าคือจั่งบ่พอ เเล้งก่ะเเล้งก่ะด้อจนขุดกี่บ่มีขวย
ควยบ่มีหญ่ากิน เข่าก่ะสิ้นตายเเล้ง เเมงก่ะจอยท่อเม็ดทราย
ปาดสิตกก่ะถ่วม ควมเว่านั่นว่ามา ตกจนถ่วมเมืองศรีศเกษ
ชั่นดอกหว๋า

[hunvuo]

พี่น้องเอย ไกลขอให้ไกลแต่บ้าน ฮั่วไฮนาสวน

ไกลขอให้ไกลแต่มวน หมู่เฮือนกับฮั่ว

ส่วนว่าวาจาเว้า ซุมเฮาอย่าได้ห่าง

แม่นซิอยู่ต่างบ้าน แม่นซิมาต่างบ้าน

ความเว้าอย่า ห่างกัน

จากผู้ไกลบ้าน มาเรียนหนังสืออยู่กรุงเทพฯ

[hot]

แมนคักๆ

[ekaphysics]

เพิ่นว่าฮักกันใว้คือจั๋งปั้นข้าวเหนียว...อย่าสุละเ พม้างคือนำถืกข้าวเเหนียว ซั่นดอกว้า

[ศรีสะท้าน]

@ คึดค้อยค้อยหน่อยหนึ่งคนึงหา เถิงกันยานาถทนงนางน้อง
จิตตะใจห้องหวนเห็นเฮิงฮ่ำ ยังจดจำจื่อไว้แวนเว้าวาทหวาน
ศรีสะท้านหากทุกข์ทั่งทางพระทัย คิดเถิงเฮียมคนไคอยู่ค่ำคืนคีคล้อย
สอยวอยต้านหาญคำเคียดเค่ง อ้ายบ่อเส็งเสี่ยงสู้สะหาวต้านต่อตาม
คึดต่อน้ำทางใจกะจบจอด คำอิดออดเอ่ยเอื้อนพะอวนอ้ายบ่อเล่าลืม
คิดหากปลื้มเป็นป่องแปวไป บ่อเคยลืมนวลในหนึ่งนางคนนั้น
สิบทะเลมาขั่นบ่อมีวันสิเว้นหว่าง อยู่นำน้องบ่อวางจิตและใจผูกหมั่นหมายแม้งมอบมา..นั้ นแหลว ฯฯฯ

[ศรีสะท้าน]

บ้าน...หม่องนี้เป็นที่ความสำราญ
มหา...ศาลคณานับแห่งภูมิความฮู้
ดอด...มาดูเด้อท่านความสำราญยังมีต่อ
คอม...ว่ามาเบิ่งพ้อเห็นแล้วบ่ออยากหนี แท้ด๋ายย

[napho]

ได้ฟังคำจาต้าน น้องพี่มาแถลง มาแสดงเชิงกวี จ่ายผญาความเค้า
เป็นสำนวนวาจาเว้า อิสานเฮาตั้งแต่ก่อน มาออนซอนคักฮ้าย บ่อไลถิ่มปล่อยวาง
ยังซ่อยกันสืบสร้าง แปลงความมาไขต่อ มรดกแต่แม่พ่อ ให้คงยั้งซั่วนิรันด์

[ศรีสะท้าน]

@ เดิกดื่นคืนค่ำค้อย...คอยหา
จิตพี่หวนมะโนหา...ห่วงน้อง
ใจอ้ายนำวนข้อง....บ่อจาง
คึดไปหลาย กล่าวอ้าง เสินเว้าอวดตน ฯฯฯ
(อันนี้บ่อแม่นผญาดอก เป็นโคลงลาว/อีสาน อิ อิ อิ)

[sompoi]

ค่อนคําคืนยืนเฝ่า...เศร่าทรวง
เหงาหนาวเหน็บเนื้อใน...หน่วงโน้ม
เป็นจังได๋น้อคนเคยอยู่..เคียงใจ
ห่างจากกายเพียงพบได้พ้อ..พออุ่น.

..อันนิ กะ จักแม่นหยัง.. อิอิ.

[ศรีสะท้าน]

@ ตีสามค้อยไก่ขันงอยคอนหน่ำ ทางหมอลำกะสิม้วนจวนสิแจ้งต่าวเมือ
คึดฮอดน้อยหนุ่มเนื้อบ่อเคยหน่ายแหนงหนี แต่ว่าศรีคนพอยต้องจากจรจำเจ้า
คึดมาหลายใจเศร่ามะโนเหงาแง้นง่าย จื่อแหน่เด้อบักอ้ายชายพี่ได้ปากจา
พ้อเทื่อหน่าให้ถามแหน่แวเถิง ให่ฮ่ำเพิงแหน่เด้อนางผู้หนึ่งในใจเจ้า
ถึงเวลาสิจวนเซ้าทางเฮาสิได้ห่าง...กันแหลว พอฟ้าใสจ่างป่าง โตพระนางและหม่อมอ้ายสิลาย้ายจากหนี ฯฯฯ

หมายเหตุ : แง้น = ทน , อด / แว = แวะ / ฮ่ำเพิง = รำพึง

[sompoi]

สิไปมาไกลใกล้ทางได๋กะบ่ส่วง
คึดเถิงดวงดอกดั้วพัวซ้อนซื่นซม
สิหนีไสกะบ่ม่มย่อนคึดจ่มนำแต่ซาย
คึดไปหลายทนทุกข์ห่วงละเมอนำเจ้า
นางนิแสนอุกเศร่าเหงาใจหทัยห่วง
ขอควมสุขทั้งปวง จงเกิดมีแก่อ้าย ซายคนนั่นผุห่วงหา..

[ศรีสะท้าน]

ห้าทุ่มคล้อยหัวใจลอยเป็นเหวิ่งหว่าง คึดเห็นนางยอดซู้ผู้เคยซ้อนซื่นซม
พั้วดอกอ้มฮมกลิ่นอินถวา หอมกายานางนวลแจบพะอวนองค์อ้าย
กายหอมกุ้มสุมดังพอดิ้นด่าว เลาคีงขาวหน่อเนื้อ เคยเฝือฝั่นสั่นคีง นั้นแลว ฯฯฯ

ปล.อันนี้บ่อได้ตอบเจ้าเด้อนางแต่งขึ้นมาซื่อๆด อก อ่านเหล่นม่วนเด้อคะรับผม

[sompoi]

คล้อยคำคืนฝืนพรำคำฮักเจ้า
คนเคยเฝ้าเว่าคำห่วงฝากเสมอ
เจ็บป่วยไข้ขอได่ส่วงมีแด่เธอ
จากคนเก้อคองคอยละเมอ..อยู่ดายเดียว

ปล..อันนิกะบ่ได่ตอบเจ้าเด้ออ้าย..แต่งขึ่นมาซือๆคือ กัน..พออ่านได่ยุติ้..อุอุ

[commo]

มหาสมุทรกลืนกินได่แสนปีบ่ฮู้อิ่ม ซุมมนุษย์เห็นแก่ได่กินซ้างอิ่มบ่เป็น
ฮอดอยากกลืนกินฟ้าจักรวาลเอามาโหม่ม ไผผู่คึดจั่งซั่นสิกินได่บ่ ข่าหมี

อิ อิ อิ ผู่ข่ากะจ่มไปซาตินั่นหล่ะ มันอุกอั่ง พี่น้อง...

[sompoi]

อะโจ้ยยย ผญา เพิ่นแม่ะ แจ่มๆๆ พี่น้อง ..คักๆ มาอิกแน่ะเด๋ออ...อุอุ..

[ตะวันนา]

...คำโบราณเพิ่นกล่าวไว้ ซุมพ่อชายหัวใจแบ่ง
หนึ่งกะตั๋วท่อนั้น ........สองปากหวานกะท่อนั้น หาแนวจริงผัดบ่มี...แท่แล้ว...พ่อซายเอ้ยยยย

[โป้ยก่าย]

หล้านางเอ้ย
อย่าสุว่าจั้งสั้นมันบ่แม่นความจริง คำวาจาของชายบ่ได้มาตั๋วต้ม
อันคารมณ์ความเว้าสรรหาเอาแต่คำม้วนมีแต่จริงล้วน ๆ บ่มีต้มหลอกตั๋วหล้าเอ้ย

[ข่อหล่อแข่แหล่]

ย่อนหว่าคึดนำเจ้า จนหลงเอา เลามาจักตอก จักบ่อถืกข้อ หย่อบ่อถึงป้อง มันมันโหลดเสี่ยวใส่ใจ::)

[s.lawan]

น้องสาวเอ๋ย ในหัวใจอ้ายนี่ มีแต่ควมบริสุทธิ์ เปรียบดั่งฝ้าย ขาวผุด ผ่องพัน เพิศแพร้ว ไสงามจั่งมณีแก้ว ในมือเมขลาพู้นตั๊ว ขอยกให่น้องหล่า นางน้องให้ฮับเอา แหน่เด้อ
คันมื้อได๋บ่เห็นหน้า กินเกลือกะบ่หวาน กินนำตาลกะบ่เค็ม พู้นแหล่ว บัดมื้อได๋ได้เห็นน้อง กินข้าวบ่ายบักตูมดิบซือซือกะมีแฮง(T)

[ศรีสะท้าน]

โอนอ ความที่คึดฮอดน้องมันแหน่นอั่งในมะโน
คันสิโสความคึดบ่อจืดจางลงได้
อุปมาคือขอนไม้ในตมโจมบ่อแก่น
โจมขึ้นมาผั่นแฮ่งแหน่นยอแง้นกะบ่อฟู
ควันตัณหาอูดอู้สุมอยู่คือเผาสวน
มันหากกวนมะโนเฮียมห่วงหายามแฮมฮ้าง
คึดแต่ทางสิเป็นได้ในใจสังเป็นต่าง
บ่ออาจวางละม้มโจมขึ้นได้ดั่งขอน

[nu_meaw]

เข้ามาเบิ่งซื่อๆดอกจ้า เว้าบ่เป็นนำเผิ่นดอก......

[wit]

โอน้อนางเอ้ย..อ้ายนี้ทุกข์ยากฮ้ายเขินขาดแลงงาย
พริกยุเฮือนเหนือ บักเขือยุเฮือนใต้ หัวชิงยุเฮือนเพิน
หาเข่าได้เกลือสิจ้ำกะบอมี บอหาญเก็บดอกหว่าน
บ้านเพินมาชม สิขออดสาดม ดอกกระเจียวแคมฮั้ว...นั่นแหลว

[ตะวันนา]

...ว่าโอนอ.....ความที่คิดฮอดอ้ายมาแน่นทรวงมโนอั่ง
นั่งกะนอนบ่ได้...กินข้าวกะบ่หลับ พี่เอ๊ย
นับตั้งแต่มื้ออ้าย...กลายจากจรหนี
ในฤดีของพระนาง...บ่เคยจางลืมเจ้า
มีตั้งแต่คอยเฝ้า....มื้อได๋ชายสิอ่วย
คันชีวามอดม้วย...มื้อตะเว็นบ่มีฟ้า...
หัวใจน้องจั่งสิลืม....ตี๊เนาะ...

[โป้ยก่าย]

ว่าโอ้น้อ ซู้เพิ่นแฟนเขาเอ้ย...
หวังอันใด๋กะเพม้างบ่สมหวังดอกจักเถื่อ
เหลือแต่ใจนอฮ้างๆอดสาส่างหย่างเทียว
เหลียวทางใด๋กะมืดครึ้มอึมครึมหนทางหย่าง
ทางที่มีกะมาฮ้างๆหนทางน้อยจั่งข่อยเดิน..สั้นแหล่ว

[ekaphysics]

ถืกใจหลายม่วนเเฮง
อ่านเเล้ว..ภูมิใจเดที่เกิดมาเป็นคนอิสาน ซั่นเเล่ว