คาถาตีปอบกับวิธีแก้คุณไสย์ เบื้องต้น

[maxlinee]

อิกะวิติ เพียงสี่คำสั่นๆ เด้อ เสกใส่มือหือเสกใส่แส้กะได้ ขั้นมีใบหนาดนำแห่งแต่ดี ขั้นเป็นไปได้กะอฐิษฐานก่อน แล้วกะท่องนะโมก่อนเด้อ จัก 3 จบ แล้วกะต่อด้วย อิกะวิติ นี่หละ ลองเบิง
แล้วกะมีวิธี แก้คนใส่ของอยู่วิธีหนึ่งเด้อ ขั้นแม่นคิดว่าถึกของกะ ให้คนผู้นั่น นุ่งสิ้นเด้อ แล้วกะไปเยี่ยวใส่หม่องที่เป้นโพนแปน โพนหัวโล่นตามไฮ่น่าเฮา เอาหม่องที่มั่นบ่มีหญ้า เยียวละกะกราวถึงแม่นางธรณี สิ่งศักดิ์สิทธ์ทั้งหลายให้มาซอย แม่นบ่สามารถแก้ได้ทันที่ แต่กะสามารถสิซอยบรรเทาลงไปได้ ขั้น บ่มีโพนกะ หาขี้ดินหม่องใด๋แปนๆ กะได้เด้อ

[อิแหล้โสตาย]

มาเว่าเป็นตาย่านแทะ สุมื่อนี่ยังมีอยู่ติปอบบึยๆๆ อั่นแนวแนมบ่เห็นนิย่านหลายเด้ข่อย

[สาวบ้านนา]

บรึ่ย บ่อยากเว้า

[อิแหล้โสตาย]

บ้านโตปอบหลายติคือบ่อยากเว่า เว่าให่ฟังเหน่

[สาวบ้านนา]

บ่ ขออยูไผอยูมัน ดีกว่า อย่าไปเว้าถึง แนวบ่ดี พ้อกันเด้อสูมื้ออื่น

[maxlinee]

ปอบ เดียวนี้มีอยุ่เกือบทุกหมอ่งเด้อ คนเล่นของหลาย พวกเสน่ห์ พวกอยากได้เมียเขาผัวเขาแล้วเอาไปถือบ่ได้ กะเป็นปอบ พวกมหานิยม เพิ่นว่า พวกคาถาที่ขึ้นต้นด้วย โอม ขั้นถือบ่ได้กะอย่าไปเล่นมัน คาถานี้มักสิเป็นปอบ กันเกือบทุกคน แข็งแน่กะ 9 โต สังเกตง่ายๆเด้อ เฮือนใด๋ บ่มี เขียดขายาว เขียดตาปาด (คางคก) ฮ้อง แถว ๆ บริเวณบ้าน แสดงว่ามีปอบ ละกะเป็นปอบที่แข็งนำ 9 โตพู้นหละ จังสิจับกินเขียดตาปาดได้ เว้าละกะอยากเว้าอีก ต่อจักหน่อยดีกว่า ปอบ แข็งคักๆ มันสิเป็นกะสือเด้อ ถ้าเป็นถึงขนาดนี้แล้ว ส่วนใหญ่เจ้าของมักสิอยู่บ่เป็นสุขดอก ปอบบ่ได้เลือกว่าสิเป็นผู้หญิงผู้ชายเด้อ เป็นได้เบิด ขั้นเล่นของแล้วถือบ่ได้
วิธีสังเกต ตาขวางแนมบ่หลบตา(อันนี้อย่าไปจ้องมันดลเด้อ ขั้นจิตอ่อนมันเข้าเฮาโลดใด๋) บ่กินของคนอื่น แถวหมองอยู่บ่มีสัตว์นอ้ยๆอาศัย กลางคื่นสิมีเสียงคล้ายวัว กับห่าน แซวๆ ในเมืองกะเบิงยากอยู่ แต่ว่าบ้านนอกเบิงบ่ยาก ส่วนใหญ่กะสิฮู้ๆ กันอยู่ ย้อนกลับนิดหนึ่งสำหรับพวกที่เป็นกะสือแล้ว ขั้นมันได้หย่างข้วม มันกินเฮาได้โลดเด้อ เอาแค่นี้ก่อนดีกว่า

[หล่อร้อยเมตร]

ตาย่านแท่

[itpaza]

บ่เคยเห็นจั่กเทื่อ อยากไปเบิ่งเขาจับปอบเด้ บ้านได๋เฮ็ดเซียงข้องกะมาเอิ้นนำเด้ออยากฮู้

[Rwlumsing]

ตาย้านแท้หน้อ :-[ :-[ :-[