หมกอันนี่แม๋..."แมงก้องแขน + แมงอ่อนช้อย + ฮวก + ปลาเข๋งน้อย + ปลาลูกคอก"

[thi]

หอมฮ่วนๆ มาแต่ในครัว มื่อนี้ไปนากะยังว่า น้ำอยู่ไฮ่นามันสีค่อนๆ กะเลยเอาหวิงไปส่อนเบิ่งจักหน่อย โอคักตั้วละ ได้มาหลายแนวคือจักไล่ให้ฟังฮั่นหล่า บัดทีนี่กะเลือกเอาขิงเยี่ยออกจักหน่อยล้างดีๆ ถิ่มใส่หม้อ ใส่น้ำจักหน่อย
ตามด้วย ปลาแดกขี้หร้า น้ำปูน้ำปลา ผงซูรสจักหน่อย หักอักพริกอ่อนใส่นำ อ๋อ เอาะ ๆ ฝุดเบบๆ บัดซิปลงหม้อกะดึกผักอีตู่ใส่นำเด้อ....หอมคักขนาด.. .กินกับข้าวเหนียวฮ้อนๆ .......ฮุ้ย...เอาไปไกลโลดพิซซ่ากับเคเอฟฉี

[บ่าวเม้า]

โอ้ย อยากเด้ ว่าแล้วกะต้มมาม่าก่อนเด้อ อยู่เมืองกรุงกะจั่งสิล่ะ

[ปลัดโตคนเดิม]

โอ้ยอยากกิน มาอยู่กรุงฯโดนบ่ได๋กินของอิสานแซบๆต้องกลับไปหากินแ ล้ว

[ผู้ก่อการรัก]

อาหารจานนี้ ขอผ่านก่อนน๊า อิอิ ..

[luksaulha]

ของเเซบเเฮงกะเเมงก้องเเขนเด้อ หากินหยากเก่งก๊อสมัยสุมือเนี่ย เเกงใส่หยอดบักอึ เเซบปานหยัง ใส่น้ำน้อยๆ ข้าวนึ่งยามื้อเลงใหม่ฮ้อนๆ เเซบเบิ่ดเมียงมัน

[itpaza]

แมงอิหยังครับลูกพี่ ถ้ามีรูปอธิบายนำกะดีคือกัน ลังเทื่ออยู่บ้านผมอาจบ่เพิ้นคือลูกพี่กะได้

[เซียงสีผีเป้า]

แมงก้องแขน ที่วานี่แมนอั่นเดียวกันกับที่บ้านผมเอิ้น แมงอี่อีด บ่ครับ โตเป็นสีปล้องๆคือแมงบ้ง แข่วกอมๆ กัดปวดๆ แมนบ่ครับ เอามาจี่กินหนังสีหยาบๆแซบดี
ลางเทียไปส่อน ได้แมงละงัม แมงเข่าสาร ปลาเข็งน่อยโตทอในแตงโม เอามาแกงใส่บักแตงโมน่อย แซ้บ แซบ