มีเงินเต็มภา บ่ท่อผญาเต็มบุง

[cyberman101]

พี่น้องเอย...
เผิ่นหว่าสายแนนน้าวผลายาวยู้ใส่ ได้มาพ้อพี่น้องวันนี้อุ่นทรวง อย่าสะฟ้าวตื่นฟ้าวท้วงแปลกต่างสงสัย
หว่าแหม่นไผนอมาส่งผญามาอ้อน เจริญพรเด้อท่านศรัทธาเฮาชาวอีสานบ่อลืมบ้านลืมส่อง
ยังตามฮอยตามคองประเพณีฮีตเค้าโบราณเฒ่าเผิ่นสอน ยังแพงกันเป็นกลุ่มก้อนบ่อได้อ่อนกำลังใจ
ไทยอีสานเฮานอบ่อแหม่นขอไผซ้น คนอีสานเฮามั่นศรัทธาเฮาบ่อตีบตันฮีตคองบ้านยังสานต่ อ
คนโบราณเผิ่นได้ก่อเฮาซ่อยกันสืบไว้ อีสานเหนืออีสานใต้รับรองได้ย่อมเจริญ
ฮอ้งให้ลุกปลุกแล้วเอิ้นให้มาซ่อยกันสาน เปิดตำนานคำผญาภูมิปํญญาอีสานเค้า
ลูกหลานเฮาอย่าไลถิ่มฮ้องสตริงลืมของเก่า บ่าว.โพนทอง.ขอเชิญชวนพวกหมู่เจ้ามาจาเว้าตอบผญา

[cyberman101]

หว่าโอนอ?
เขียนจากห้องน้อย ๆ ซอยสาวปล่อยป๋าหนี
นอนโสกีน้ำตาริน ย้อนยุพิณเธอใจร้าย
ถนนชายหัวใจซื่อ ฮักยึดถือบ่อแปรเปลี่ยน
ทุกวันเดือนใจยึดมั่น บ่อกลัวย้านแหม่นทุกข์จน
อยู่ตำบลแสนเศร้า
เกิดเป็นบ่าวผู้สาวตั๋ว
อยากเป็นผัวของผู้ได๋ บ่อสมใจได้หมายแม้น
อำเภอแฟนชอบลวงเล่น
สาวหลอกเป็นนั่นตาหน่าย
ตั๋วต้มชายทุกค่ำเช้า จนนอนเศร้าเก่าหมอง
ขึ้นจังหวัดได้แต่ฮ้อง ก้องสนั่นฝันหา
สาวชาวนาคนดี ผู้ที่มีกระใจตั้ง
ผู้ที่ยังบ่อทันได้ ห้องหัวใจเจ้ายังว่าง
สองนวลปางปอดอ้อยซ้อย ขาดชายต้อยยังเปล่าแปน
อ้ายสิฮักแข๋น ๆ ฮักแก่น ๆ แทนชีวา
สุดบูชาถนอมฮัก พักดีทวีตุ้ม
ไปทางได๋กะสิอุ้ม คุมเชิงไปเถิงที่
ดวงชีวีบ่อให้เศร้า ถนอมเจ้าชั่วนิรันดร์
พุ้นแหล่วพระนางเอย (อย่าสิอยู่เป็นโสดไปจนตายให้ผู้ชายเสียดายเล่นถอน **เสียดายอีหลี)

[บ่าวคนเดิม]

บึ่ย...ท่านนักสืบ คือคักแท้น้อเผิ่น 8)

[ผู้ก่อการรัก]

ท่อนสุดท้ายนี้ คุ้นๆ จัง ... เหอ เหอ

[cyberman101]

เพิ่นว่าเมืองอีสานนี่ดินดำน้ำซุ่ม
ปลากุ่มบ้อนคือแข้แกว่งหาง
ปลานางบ้อนคือขางฟ้าลั่น
จั๊กจั่นฮ้องคือฆ้องลั่นยาม
คนมีศีล ดินมีน้ำ บ่ห่อนขาดเขินบก
ฝูงหมู่สกุณานก บินซวนซมปลายไม้
ไทเมืองไกล เมืองใกล้ ไปมาได้จอดแว
ประเพณีเก่าแก่ ให้พากันสืบไว้อย่าไลถิ่มให้ปล่าวแปน (ว่าบ่)

[บ่าวอุบลมิวสิค]

โอ้ นับถืออีหลีครับ แต่ผญาเก่งแนวนี้ กลอนลำสิส่ำใด๋น้อครับ อาจารย์

[cyberman101]

"เห็นว่ามีสุขแล้วบ่เหลียวแลพวกเพื่อน
คันหาสุขบ่ถ้วนสิเหลียวหน้าเบิ่งไผ
ในโลกนี้บ่ห่อนอยู่เดียวเป็น
มีแต่คนเดียวดายบ่เป็นเมืองบ้าน
คันว่ามีผืนผ้าบ่หาแพรพาดบ่า
สินุ่งแต่ผ้าไปได้จั่งได๋"

[cyberman101]

พี่น้องชาวบ้านมหาเอ้ย
กลับมาอีกเถื่อนี้มีเรื่องเก่ามาขอถาม
เข้ามายามไทเฮาให้อ่วยตาเข้ามาจ้อง
บ่าวโพนคนเค้าจับสำเนากลอนมาเอ่ย
เผยสำนวนออกเว้าถามข่าวเจ้าเลือดข้าวเหนียว
เผิ่นหว่าถามข่าวบ้านถามข่าวเถิงเสา
ถามข่าวข้าวถามข่าวเถิงนา
ถามข่าวปลาถามหาเถิงข้อง
คันถามข่าวพี่น้องสุขสำบายดีบ่อ
หรือแหม่นมีความทุกข์สิ่งได๋บ่อน้อป้า
เฮ็ดไห่หมานปลาเฮ็ดนาเจ้าหมานฝ้าย
หรือแหม่นสุขสำบายหายฮ้อนนอนอั่ง บ่อเด้
หรือมีทุกข์อีหยังเงินคำหลั่งอั่งเต้าโฮมเจ้าคู่สู่ค นบ่อนอ

[บ่าวสายฟ้า]

โอ้ คักขนาด สายฟ้าอายเลยท่าน cyberman เอ้ย จ่ายผญาได่ดีขนาด

[ปลัดโตคนเดิม]

อยากเป็นนักกลอนนักผญานำผู้อื่นแท้นอ หัวสมองบ่พาไปแน่แล้ว