อยากฮู้วิธีเลือกซื้อพิณแนะนำแหน่ผู้บ่าว

[บ่าวสารคาม]

:-\ :-\ อยากสิฮู้วิธีเลือกซื้อพิณครับว่าสิเลือกจังได๋ คือว่าผมอยากหัดเล่นน่ะครับ ย่านไปซื้อมาแล่วเสียงบ่ดี อยากให้ผู้บ่าวซ่อยแนะนำแหน่ครับ ว่าเลือกจังได๋ แล่วก่าฟังเสียงจังได๋ว่ามันเพี้ยนบ่อเพี้ยนครับ ขอบคุณหลายๆครับ ....ผู้บ่าววสารคาม :-[

[มือพิณน้องใหม่]

วิธีการเลือกซื้อพิณเด้อ
อันดับแรก เบิ่งงบก่อนเด้อครับว่ามีหลายปานได๋ ที่บอกว่าเบิ่งงบ กะเพราะว่าอยากให้ซื้อโตที่ดีๆไปเลย มันสิบ่ต้องมานั่งปวดหัวนำก้น ;D ;D
ราคาพิณเด้อ (ประมาณ)
- พิณโปร่ง (ไม้บักมี่) 1800-2000 บาท
- พิณไฟฟ้า (ไม้บักมี่) 2300-2500 บาท
- พิณไฟฟ้า (ไม้ประดู่) 3000-3500 บาท
- พิณไฟฟ้า (ไม้พยุง) 4000 บาท ขึ้นไป
ต่อไปกะ เลือกตามการใช้งานเด้อ ว่าสิเอาแบบได๋มักแบบได๋ถ้าเล่นอยู่บ้านธรรมดาบ่ได้ไ ปเล่นทางอื่นกะเอาแบบพิณโปร่งกะได้ครับ รึสิเอาพิณไฟฟ้าเลยกะได้ตามใจมักเด้อครับ
ตอนซื้อเด้อ อันดับแรกกะเบิ่งหน้าคนขายก่อน ถ้าเป็นผุสาว ซื้อโลด ห้ามต่อ 5555 .. :D ;D......โอ๊ยยย บ่แม่น เข้าเรื่องเด้อ
เอาตั้งแต่เริ่มย่างไปซื้อเลยเด้อ เให้เบิ่งคนขายว่าเป็น ผู้ชายหรือผู้หญิงผุเฒ่ารึเด็กน้อย (เอ๋า แล้วมันเกี่ยวหยังกัน) ..........คือว่าก่อนซื้อ เฮาต้องฮู้ให้ได้ว่าคนขายเล่นพิณเป็นหรือบ่ ถ้าเล่นเป็น นี่สิดีแฮง เพราะว่าคนขายพิณที่เล่นพิณเป็นเขาสิฮู้ เวลาเขารับของมาขาย เขาสิฮู้จักเลือกสิดีกว่าคนขายพิณที่เขาเล่นบ่เป็น
เบิ่งโตพิณ... กะให้สำรวจเบิ่งภาพรวมของพิณเด้อครับว่ามีตำหนิอิหยั งบ่ พิณที่ดีจะต้องเป็นท่อนเดียวเทิงพิณโปร่งและพิณไฟฟ้า อั่นนี่สำคัญแฮง เพราะว่าสิเกี่ยวกับความแข็งแรงของโตพิณเอง
โตพิณไฟฟ้า ถ้าอยากให้ดีต้องท่อนเดียวเด้อ ห้ามต่อคอ แล้วกะโตพิณ ที่เจาะใส่คอนแท๊ค(ปิ๊คอัพ) จะต้องเจาะแค่แต่พอใส่คอนแท๊ค(ปิ๊คอัพ) บ่แม่นว่าเจาะไปเบิดเลย มันสิมีความแข็งแรงกว่ากัน ส่วนตำแหน่งการวางอุปกรณ์ อื่อนๆเช่นลลูกบิดโวลลุ่ม กะเบิ่งพิจารณาโลดครับ
โตพิณโปร่ง ต้องเป็นท่อนเดียวคือกัน ห้ามต่อคอ ส่วนเรื่องโปร่งมันนี่ผมบ่แน่ใจยังบ่กล้าเว่าครับเดี ๋ยวถ่าให้ผู้เชี่ยวชาญเผิ่นมาเว่าดีกั่ว
เบิ่ง คอนแท๊ค(ปิ๊คอัพ) ตำแหน่งการวางของคอนแท๊ค(ปิ๊คอัพ)ถ้าคอนแท๊ค(ปิ๊คอัพ )วางไกล้หย่องหลังแฮงปานได๋เสียงกะสิเป็นเสียงสูงอัน นี่กะแล้วแต่คนมักเด้อว่ามักเสียงแบบได๋ แต่ส่วนมากแล้วคนสิมักเสียงกลางแหลม การวางคอนแท๊ค(ปิ๊คอัพ) สิค่อนข้างไกล้หย่องหลัง....แต่ว่ากะขึ้นอยู่กับคอนแ ท๊ค(ปิ๊คอัพ) คือกัน
เฟรต (ขั่นมันนั่นหล่ะ) จำนวนเฟรต แล้วแต่มักครับอันนี่บ่เกี่ยง แต่ว่าขนาดของเฟรต ควรจะเป็นเฟรตใหญ่กว่าของกีตาร์ เพราะว่าเวลาเล่นลายพิณ สิเล่นง่ายครับ (หมายเหต...อั่นนี่ประสบการณ์ส่วนตัวครับ) ขนาดส่ำเฟรตของเบสจั่งดี หรือใหญ่กว่านั่นกะได้ครับตามชอบใจ

เอาส่ำนี่หล่ะครับ.....เดี๋ยวเว่าหลายมันสิบ่สุด

ไผมีข้อมูลกะมาเพิ่มเติมได้เด้อครับ................ .....)

[บ่าวสารคาม]

ขอบคุณหลายๆผู้บ่าว

[มือพิณน้องใหม่]

ขอบคุณหลายๆผู้บ่าว ป่องแล่วล่ะ จากที่ปึกกมาโดนแล่ว แต่หว่าเรื่องพิณนี่ผมได้สั่งไปก่อนแล่วล่ะเซิฟๆก่อน เอาธรรมดาพินโปร่งก่อนเรื่องงบหนี่บ่อมีปัญหาครับ ท้อได๋ก่าได้ขอให้ได้ของดีก่าเป็นพอ เอ๋ายุ่งแล้วตั๊วบาดนี่เห็นบอกหว่าต้องเมิ่งคนขายนำห ว่าเป็นผู้ยิงหรือผู้ซาย ตาย ตอนโทรไปสั่งพิณผู้ยิงรับสาย คือผมโทรไปสั่งเห็นพิณ แบบสั่งพิเศษตามเบอร์ที่โพสไว้ในเน็ตครับ บ้านท่าเรือยโสธร ตอนโทรไปแม่ใหญ่ผู้นึงรับสาย แย่แล่วเด้อข่อย........(ก่าเห็นผู้บ่าวแนะนำจังซี่เ นาะ) บ่อเป็นยังครับถ้าได้บ่อดีเดี๋ยวหาบ่องใหม่ ให้ผู้บ่าวแนะนำว่าบ่องได๋ดีสุด ............. อ่อแล่วก่าพินโป่งติดคอนแทค(ปิ๊กอัพ) กับพินไฟฟ้า อยากให้ผู้บ่าวให้ข้อมูลเรื่องเสียงหรือว่าข้องแตกต่ างของเสียงแหน่ครับ เผื่อหว่าคนบ่ป่องก่าสิได้ป่องนำกั๋นเด้อ*********** *


;D ;D 55 ขั่นโทรไปอีกจักหน่อยผมว่าเด็กน้อยคือสิรับสาย...... .

พิณโปร่งติดคอนแทค(ปิ๊กอัพ)
สำหรับเรื่องเสียงของพิณโปร่งที่นำมาติดคอนแทค(ปิ๊กอ ัพ) เสียงที่ได้ กะสิออกมาบ่ค่อยแตกต่างจากพิณไฟฟ้าปานได๋ดอกครับ แต่ว่ากะขึ้นอยู่กับไม้นำเด้อถ้าสมมมุตว่าเป็นไม้แข็ ง เสียงกะสิไกล้เคียงกับ พิณไฟฟ้าเลย.......มีองค์ประกอบหลายอย่างครับที่เกีย วกับเสียง เช่น โต คอนแทค(ปิ๊กอัพ) แล้วกะตำแหน่งการวาง สายกะมีส่วน อั่นนี่สำคัญแฮงครับ ถ้าใช้สายที่ใช้สำหรับกีตาร์โปร่ง เสียงกะสิออกมาค่อยครับ ให้เปลี่ยนมาเป็นสายที่ใช้สำหรับกีตาร์ไฟฟ้าเด้อ กิ๊บสัน ดีที่สุดครับ ผมกะใช้ยี่ห้อนี่มาตลอด เส้นละประมาณ 30 (1 2 3) 3เส้นกะเกือบร้อยพอดี :D
สรุปแล้ว เสียงที่ออกมา บ่ค่อยแตกต่างกันปานได๋ดอกครับ ถ้าหากใช้คอนแทค(ปิ๊กอัพ) ดีๆ มันสิเสียแต่ว่า ความทนทาน เท่านั้นเอง....

[Yahoo]

การเลือกซื้อพิณ เบื้องต้นเลยเด้อครับ ให้พิจารณาวัสดุที่เอามาเฮ็ดก่อน (ความคิดเห็นส่วนตัวเด้อครับ) ไม้ที่นิยมใช้กันคือ ไม้บักมี่(ไม้ขนุน) ส่วนตัวผมแล้ว ผมบ่เคยซื้อพิณ ครับ (มีตั้งแต่เฮ็ดเอาเอง ตามใจชอบเด้อครับ ) มีตั้งแต่ 1 คอ พิณ 2 คอ กับ 3 คอ ครับ ส่วนตัว 3 คอ เฮ็ดบ่ทันเสร็จ เพราะว่าบ่มีเวลาครับ ตอนนี้ที่มีใช้อยู่ 2 ตัวครับ เป็นพิณที่เฮ็ดเองสมัยเรียนอยู่ ปี.1 เป็นไม้บักมี่ทั้งสองตัว ครับ ถ้าสนใจอยากเบิ่ง เดี๋ยวผมจะถ่ายรูปไว้ เอามาให้ชมเบิ่งเด้อครับ ช่วยพิจารณาให้แหน่ว่า เป็นจั่งได๋ เด้อครับ

[บ่าวสารคาม]

ดีครับ ดีหลายครับ อยากเมิ่งนำอยู่ ถ้าดีบอกวิธีเห็ดนำกะดีหลาย........... บ่าว ก้อยอึ่ง

[Yahoo]

กำลังเฮ็ดอยู่เด้อครับ ยังบ่ทันได้แล้ว
http://img83.imageshack.us/img83/3450/31dj4.jpg
ตัวนี้เฮ็ดแล้วเมื่อ 10 ปีที่แล้วครับ
http://img92.imageshack.us/img92/2603/mediumun7.jpg

http://img92.imageshack.us/img92/9766/21mediumib4.jpg

[+มือพิณหนองหารหลวง+]

อ้าว คอนแทค กับ ปิ๊กอัพ บ่เเมนอันเดียวกับบ่ครับ