อ่างเก็บน้ำซับปะดู่

[ไก่น้อย]

..อากาศครึ้มๆมื้อนี้สิพาพี่น้องไปเล่นน้ำที่อ่างเก็ บน้ำซับปะดู่ อ. สีคิ้ว จ. นคราชสีมา แล้วกะงมหอยลายมาผัดนำพี่น้องหลายคัก
ไก่น้อยไปมามื้อวาน คนบ่ค่อยหลาย ปกติถ้าวันหยุดร้านอาหารเลาะนั้น คนสิแน่นคัก แต่ไปมื้อวาน อากาศมันครึ้ม คนเลยเมิงบางตาไปหน่อย คะ


http://img213.imageshack.us/img213/3971/dsc07025ja1.jpg

http://img135.imageshack.us/img135/1707/dsc07027jh8.jpg

http://img80.imageshack.us/img80/5938/dsc07026tn1.jpg

http://img132.imageshack.us/img132/9563/dsc07023gn0.jpg

http://img135.imageshack.us/img135/9521/dsc07027ub4.jpg

[บ่าวไทกสิน]

ป้าดว่าแม่นอ่างห้วยแกงอยู่ทางบ้าน อิอิ เคยโดดเรียนไปงมหอยอยู่ เหอๆๆๆ ม่วนๆ ขอบคุณนายกสมาคมครับ อิอิ

[ฅนภูไท]

เขาให้ตกปลาบ่ครับ....

[ไก่น้อย]

..คนในพื้นที่แถวนั้นกะเทิ่งใส่เบ็ดลอย ตกปลา ..ปลาที่ยุเลาะตลาดกะสิมาจากอ่างซับปะดู่นิหละส่วนให ญ่ เป็นอีกอาชีพเสริมยามแล้วเวียกจากไร่ จากสวนคะ

[พอกะเทิน]

มีหอยเล็บม้าเบาะครับ

[ติ๋ม เปอร์โย]

คั้นแมนข้อยไปบักหอยดับคักๆ อ้ายพอกะเทินบักหอยเล็บม้าเป็นจั๋งใด๋ อิอิ บ่เคยเห็น

[ชายหล่ามาดามศรี]

หอยเล็บม้าเป็นแนวได๋บ่าวพอกะเทิน บ่เคยเห็นคือกัน เคยเห็นแต่บักหอยกาบกี้ แถวบ้าน แนวบ่เคยไปงมจักเถือ
ถ้ามีภาพประกอบการแสดงเอามาเบิ่งแน่เด้อ

[บ่าวไทกสิน]

โอ่ะ ๆๆ หอยเล็บม้านั้นน่ะ มันสิเป็นคือเล็บม้านี่ล่ะ สั่นข่อยจำบ่ผิด แม่นบ่หึ

[ไก่น้อย]

แม่นอันเดียวกันบ่ฮึกับหอบกาบแมะ....ถ้าแม่นกะมียุ.. แต่บ่หลายคือหอยลาย

[ศรีสะท้าน]

หวืยยย คนละแนวกัน หอยเล็บม้ากะหน่วยน้อยๆส่ำเล็บมือเฮานี้ หอยกาบกะคล้ายหอยแมลงภู่ แต่กาบมันสีบ่อแหล่บ่อเขียว สีออกนำตาลซีดๆ อยู่นำน้ำจืด บางคนกะเอิ้นหอยจิบจี้ ซั้นตั้ว

[ไก่น้อย]

โอ่ๆๆ..โอ ไอ ซี ...มียุ..แต่บ่ค่อยมีโตใหญ่ ต้องที่อ่างห้วยแกง บ้านดงพยูงเมืองกาสิน เด้ออ้ายศรี ถ้าแม่นบักหอยแนวนี่หลายคัก จนเพิ่นเอามาขายตลาดพุ้นตั้ว ..

[ฟากฟ้า]

คั้นแมนข้อยไปบักหอยดับคักๆ อ้ายพอกะเทินบักหอยเล็บม้าเป็นจั๋งใด๋ อิอิ บ่เคยเห็น
มาเว้าเป็นตะบ่ให่ไปแถวบ้านแท้ ย้านบักหอยดับแนวหมด อิอิอิ

[คนเมืองแปะ]

เป็นตาเย็นดีเนาะ เว้าฮอดเรื่องงมหอยข่อยกะมักนำยุดอก อิอิอิ

[บ่าวเซียงน้อย]

หอยกาบกี้..มีบ่อน้องไก่น้อย....อ้ายทิดคําศรีมาอธิบ ายแหน่ครับว่าหอยกาบกี้ลักษณะเป็นแบบได๋....

[ติ๋ม เปอร์โย]

มาเว้าเป็นตะบ่ให่ไปแถวบ้านแท้ ย้านบักหอยดับแนวหมด อิอิอิ
อย่าให้ฮู้เด้อว่าบ้านอยู่แถวใด๋ อิอิ มักไปหางมหอย แต่บ่มักกินหอย กินยามใด๋เมายามนั้น

[บ่าวเซียงน้อย]

เว้าเรื่องหอยนี้ผมก็ชอบทุกชนิดเด้อครับ.....

[พอกะเทิน]

หวืยยย คนละแนวกัน หอยเล็บม้ากะหน่วยน้อยๆส่ำเล็บมือเฮานี้ หอยกาบกะคล้ายหอยแมลงภู่ แต่กาบมันสีบ่อแหล่บ่อเขียว สีออกนำตาลซีดๆ อยู่นำน้ำจืด บางคนกะเอิ้นหอยจิบจี้ ซั้นตั้ว

แม่นคืออ้าศรีเว่านั่นกละ หอยเล็บม้ามันกะซำกันกับหอยแครงนี่หละ แต่มันอยู่น้ำจืด แล้วเปลือกมันกะเรียบ เวลาต้มใส่ใบบักขามผักอีตู่นำจังแซบ มันสุกแล้วกะสิอ้าเปลือกออก ปลือกข้างในเป็นสีขาว หรือสีม่วง แซบหลายครับ แซบกว่าหอยทุกชนิดที่ผมเคยกินมา ไผบ่อเคยกินไปซื้อเอาอยู่ที่อำเภอหนองกุงศรีเด้อ บ้านทับปลาเพิ่นขายยุ โลละ 10-30 บาท แล้วแต่ขนาด (ผมเคยซื้อโลละ 3 บาท กระสอบนึงแจกพี่น้องกะบ่อเบิด) หรือ ไผสนใจงมเองกะบ่ออึดเด้อ คันไปถืกยามมัน (ยามน้าลดมันจังอยู่ตื้น) หาแถว เกาะมหาราช บ้านไชยวาร หนองบัว ท่อนสังห์ หนองไผ่ ไชยศรี นาอวน หนองสรวง ทับปลา คำโอ่ง โคกครึม (ที่เว่ามานี่อยู่อำเภอหนองกุงศรีเด้อครับ) มีเบิดอะโลดครับ แต่อยู่ทางอื่นผมบ่อเคยไปหาเลยบ่อฮู้ว่ามีเบาะ ถ้ามีโอกาศสิหาถ่ายรูปมาให้เบิ่งเด้อ

[สงัด903]

มักหลายๆเอาไป ๑ เต่ง ได้เห็นที่เที่ยวเก่าๆแล่วคึดฮอดบ้านเพื่อนทางสีคิ้ว กะหลายอยู่ จั๊กเป๋นจังได๋กันบางกะบ่ฮู้ ๒๐ กว่าปีแล่วเนอะ น้ำหยังหลายคือเก่าบ่น้องไก่น้อย ร้านขายของกะคือซิหลายเนอะ

[ฅนภูไท]

แม่นคืออ้าศรีเว่านั่นกละ หอยเล็บม้ามันกะซำกันกับหอยแครงนี่หละ แต่มันอยู่น้ำจืด แล้วเปลือกมันกะเรียบ เวลาต้มใส่ใบบักขามผักอีตู่นำจังแซบ มันสุกแล้วกะสิอ้าเปลือกออก ปลือกข้างในเป็นสีขาว หรือสีม่วง แซบหลายครับ แซบกว่าหอยทุกชนิดที่ผมเคยกินมา ไผบ่อเคยกินไปซื้อเอาอยู่ที่อำเภอหนองกุงศรีเด้อ บ้านทับปลาเพิ่นขายยุ โลละ 10-30 บาท แล้วแต่ขนาด (ผมเคยซื้อโลละ 3 บาท กระสอบนึงแจกพี่น้องกะบ่อเบิด) หรือ ไผสนใจงมเองกะบ่ออึดเด้อ คันไปถืกยามมัน (ยามน้าลดมันจังอยู่ตื้น) หาแถว เกาะมหาราช บ้านไชยวาร หนองบัว ท่อนสังห์ หนองไผ่ ไชยศรี นาอวน หนองสรวง ทับปลา คำโอ่ง โคกครึม (ที่เว่ามานี่อยู่อำเภอหนองกุงศรีเด้อครับ) มีเบิดอะโลดครับ แต่อยู่ทางอื่นผมบ่อเคยไปหาเลยบ่อฮู้ว่ามีเบาะ ถ้ามีโอกาศสิหาถ่ายรูปมาให้เบิ่งเด้อ

จังแม้นเพิ่นเชี่ยวชาญเรื่องหอย อ.หนองกรุงศรี อยู่จังหวัดได๋บ้านเจ้าบ่

[พอกะเทิน]

อำเภอหนองกุงศรี จังหวัดกาฬสินธุ์ครับ

[ไก่น้อย]

มักหลายๆเอาไป ๑ เต่ง ได้เห็นที่เที่ยวเก่าๆแล่วคึดฮอดบ้านเพื่อนทางสีคิ้ว กะหลายอยู่ จั๊กเป๋นจังได๋กันบางกะบ่ฮู้ ๒๐ กว่าปีแล่วเนอะ น้ำหยังหลายคือเก่าบ่น้องไก่น้อย ร้านขายของกะคือซิหลายเนอะ


ร้านอาหารกะหลายขึ้นจ้า พี่นิด มีฮอดรีสอร์ทพุนตั่ว ....แต่ปลาเผา ปลาทอด ส้มตำยังแซ่บคือเก่าคะ

[ตุ๊กตาไล่ฝน]

บรรยากาศดี หลายเนาะเอื้อย ลมกะเย็น .....กินปลาเผาสดๆแมะ แซบคัก
เห็นแล่วให้คึดฮอดหมู่แฮง อยากไปม่วนอีกอยู่เด้