View RSS Feed

nuzing


จ่มจากใจ..

Rate this Entry

**********
ขออภัยบางหม่องบางตอนอ่านแล้วอาจสิบ่เข้าใจ ยายเองกะจั๊กสิเข้าใจจะของบ่ดอก.. อิอิ...จ่มควมเก่าโลด---->ตามมาๆ

เว็บในดวงใจ"บ้านมหา"นี่หละจร้า เว่าแล้วกะสิเว่าอีก บ่ได้ยอดากไผดอกจากก้นบึ้งใจเถ่าๆคนนี้เด้อไปแหล่นเลาะซุหม่อง

หม่องที่1 หม่องคลังความรู้ บ่ได้เฮ็ดหยังกะเข้าไปหม่าย/ไปส่งสายตาเบิ่งเด็กน้อยมาเรียนหนังสือหลายบ่ โดยเฉพาะหม่อง”ภูมิศาสตร์” มีความสุข/ภูมิใจหลายที่มีนักเรียนสนใจหรือหย่างหลงเข้ามา

หม่องที่2 หม่องบ้านจะของ ฮิ7 ไปจอบเบิ่งมีคนมาป้อยบ่ แล้วกะสินำไปเฮือนนั่น หรือคึดฮอดไผกะสิไปยามไปผ้อแนวเป็นตาลักยายกะหลอยโลดบ่คึดมาก ตอนหลังๆยายกะบ่ได้ไปเม้นท์ตอบกะสิหว่าเด้อจ้า

หม่องที่ 3 หม่องกล่องขอเพลงหลงเข้ามายามได๋เวียกงานที่ตั้งใจหว่าสิเฮ็ดกะล้มเหลวทันที มาผ้อบ่าวส่ำน้อย........โอ๊ยลืมเวียก

หม่องที่4 ยายไปเลาะจอบกระทู้ที่โพสต์ใหม่ เบิ่งสื่อๆบ่กล้าไปต้อยดอกย่านเขาหว่าไปลบ ๆบ่เป็นผ้อมหละกะสิกดขอบคุณยุถ้ามีตุ่มให้กดย่อนบางกระทู้บ่มีหม่องกดสินำไปกดยุเฮือนเผิ่นกะซงสิไปบ่ฮอดดอก

หม่องที่ 5 หม่องนี้พวมเป็นบ้า “หม่องเพลงเก่า” อั่นวัยรุ่นจั่งได๋พากันมักเพลงเก่าหละบ่าวยางตลาดเฮาแหมะหว่าสิโพสต์มื้อละ10 เพลง คอมมันบ่ให้โพสต์ให้แหน่กะบ่ได้ยายพวมจวดๆๆควันออกดากถ่วนๆแหมะ ขอแหน่บ่ได้บ้อท่านเว็บมาสเตอร์ยายอยากโพสต์แหมะ อิอิ

หม่องสุดท้าย...ไปจอบเบิ่งบ้าน แอดมิน / (เพราะบ้าน”บ่าวคนเดิม”ฮ่าง แล้ว เห็นแต่ดอกจานบานป่างส่างยุ) ใกล้หละยายสิเอาไฟไปจูดเฮือนยุจั๊กมื่อ เผิ่นเอาด้ายสายสิญจน์ ล้อมไว้ปานนั่นผุเถ่ากะยังเต้นเข่าป่องเอี้ยมเผิ่นจนดากเหลิ่นแหล่ว (ขออนุญาตไปดื่มน้ำจ้า)

กลับไปหม่องเฮือนแอดมินใหม่ยายเห็นเผิ่นแก้...(ระบบ)เด้อแนวอื่นนำบ่จักหละ ฮ่าๆๆ แก้........ๆๆๆๆๆ อยู่เบิ้ดคืนลางเถื่อเผิ่นกะมาแก้กางเว็นสรุปแล้วเผิ่นสิแก้สิไง่เว็บเผิ่นตลอดเวลาจั๊กเอายามได๋ไปซักผ้า/ไปล้างรถ/ต้มมาม่า สรุปแล้วยายแหล่นไปแหล่นมาแต่ตื่นขึ้นฮอดตี1 แต่หลังๆหลุดไปหาตี 2 (คอมยายถอยใหม่ยืมเงินผ่อใหญ่แล้วกะผ่อนรายเดือนเอาแหมะซังลูกยาด) เลาะหลายกะสิฮากแหมะมันหวิ่งเลือดลมบ่เดินซั่นแหล่ว เลาะ/จกอยู่แต่บ้านเดียว/เว็บเดียว จนเบิ้ดแฮงจก นอนตื่นมากะมาจกหม่องเก่านี่หละอยู่พอส่ำนี้โอ๊ยขะน้อยหละงึด/หน่ายจะของคือกันหละ ........

เว่าแล้ว ตอนนี่สิ 5โมงแลงแล้วยายทันได้อาบน้ำ/สีแข่ว/ข้าวกะบ่ได้กิน ยากหลาย......เอ๋าบ่มีหม่องลงบาดหนิ ท่านผู่อ่านอยู่นี้หละมาต่อให้แหน่ยายสิไปกินข้าวก่อนจ้า โอยขาจัง-------->>

Updated 03-10-2010 at 22:45 by nuzing

แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ หนุ่มน้อย
    บ่อมีผู้สาวเว้านำ มาเว้ากับยายนี้สาก่อนดอกซามมีสาวหลงมาคุยนำ อั่นยายคือไปจกนั่นจกนี่แท้ละ ระวังเด้อไปถืกหม่องงูเห่างูเหลือมละก้อแหล่นหนีบ่อทันได๋ ว่างๆยายกะโหลดอัพขึ้นเพลงทูล ทองใจ เด้อยาย มักเบิ๊ดทุกเพลงหละ ตั้งแต่นิราศเวียงพิงค์ มนต์เมืองเหนือ อ่านหัวใจ รังรักในจินตนาการ น้ำตาเทียน สาส์นสวาท เธอรู้หรือปล่าว เพลงเหล่านี้ฟังได้ตลอด บ่อเบื่อ ฟังได้ทุกยาม ยกเว้นยามนอนหลับ อ้อ เดียวนี้พ่อใหญ่คือสิสบายดีอยู่น้อ ฝากความคิดฮอดคิดถึงไปหาเผิ่นแหน่เด้อครับ
  2. สัญลักษณ์ของ สะใภ้อิสาน
    ไม่รู้นะนี้ยายเป็นฝ่ายตรวจสอบ ดูแลความเรียบร้อยของบ้านมหาด้วย อิอิอิอิ มาแซวยายจ้า พี่หนุ่มน้อยเพลงที่พี่ว่ามาเพราะๆที่งนั้นเลยจ้าพี่
  3. สัญลักษณ์ของ ข้าวปาด
    555555555 เข้ามาฟังคุณยายจ่มจากใจจ้า สะพอละแหม ยามเข้ากล่องขอเพลง คุณยายสิเข้าๆๆออกๆๆ เพิ่นไปหาเลาะซอดหม่องนั่นหมองนี้ นี้เอง ลังเทือประกาศหากะบ่เห็นซอดมา สงสัยตอนนั้นกะลัง พ้อของดีติคุณยาย อักอยุ่อักกินแท้ๆๆดอก 5555555555
  4. สัญลักษณ์ของ สาวทองแพง
    ยายหนูจ๋า แพงเอาปิ่นโตมาส่งจ้า ฮอดเวลากินข้าวกินน้ำแล้วจ้า
    ยายๆๆไปซอดทางได๋อีกน้อ แพงวางไว้ในตู้กับข้าวเด้อจ้า
    ยาหม่อง มดแดงกะอยู่ข้างๆคอมนั้นเด้อจ้า
    เทื่อวิงซั่นดอกจ้า
  5. สัญลักษณ์ของ pui.lab
    จ่มหยังค่ะคุณยาย อิ อิ
    อั๋นบ้านคนสำคัญของยายน่ะ เป้ย บ่กล้าไปดอกย่านผีหลอก
    เงียบป๋านหยังบุ๊
  6. สัญลักษณ์ของ khonsurin
    ตะเอ๋คุณยายคะ
    เข้ามาฟังจ่มเทศนาจ้า

    น่ารักจังเลยนะคะ จุ๊บบบบบบบบ
  7. สัญลักษณ์ของ pcalibration
    ซอมๆแล้วก่ะมีผู้อาวุโส(สว.)บ่กี่ท่านดอกยายที่ยังมีเวียนว่าย
    อยู่ในซอกหลืบบ้านมหาหนิ่ก่ะดาย ผมเคยให้ฉายาคุณยายเมื่อปีก่อน
    ถึงเฒ่าก่ะเมาได้(เมาเน็ต)ผมก่ะพยามสิบ่เลิกดอกครับปล่อยไปตามเรื่อง
    ตามลาวเพราะเป็นเรื่องที่ดีและมีประโยชน์สำหรับผู้ที่อาวุโสทั้งหลาย
    มีผลงานวิจัยมาแล้วครับสำหรับเรื่องนี้...จงทำต่อไปครับยายหนูซิง:1-:l-:1-
  8. สัญลักษณ์ของ แดงน้อย
    ฮ่าๆๆๆ ขาจัง พะนะ.. โอ้ยย เทิ้งอ่านเทิ้งอยากหัวยายหนู.. หน่ายผุเถ่าบ้านนี้เนาะจ้า...เอิ้กๆๆ
  9. สัญลักษณ์ของ sompoi
    ไหนๆกะซื้อคอมใหม่มาแล้ว ใช้ให้คุ้มเลยจ้ายาย หย่าวๆ เฝ้าบ้านให้ลูกหลานไปหาเลาะเฮาบาดนิ.. กิกิกิ