tenko

เมือบ้านแหน่เด้อ

Rating: 2 votes, 5.00 average.
บัด ได่เล่น"แกแลคซี่"ขี่"แจ๊ส"เป็นพญา
พั่น ลืมแม่ พ่อ ซาวนา ผู่เลาะดำนาจ้าง
บัด ได่นั่งในห่างสั่งพิซซ่ามาท่าใหญ่
อัน ป่นปลาเคยกินได่ จั่งได๋เจ้ามาเหล่าลืม
เงินพ่อ แม่ ยืมแสนห่า ทุนศึกษาให่เจ้าใหญ่
หวังบาดหย่าง บ่ได่ ยังมีเจ้า ผู่ซ่อยซู
พ่อ แม่ กัดฟันสู่ หนักกะเอา เบาบ่เกี่ยง
เพียงเห้นลูกเป็นจ้าว พอได่เว่า เล่าผู่คน
บ่ทันโดน พั่นลืมจ้อย พ่อ แม่ คอยอย่างหว้าเหว่
แข่วกะเพ แอว กะ ซ่ง หลงลืมซ่ำกระหน่ำมา
คอยลูกหล่าสิมาบ้าน ว่าสงกรานต์มื่อคักแหน่
แต่กะแค่ลมปากเว่า ลูกหล่าเจ้าบ่ต่าวมา
เมือบ้านแหน่ลูกหล่าสอง ยายา ตา เพิ่นจอบส่อง
เงินกะบ่เอา คำ กะบ่ต้อง ขอเพียงเจ้านั่นต่าวมา
ขอแค่ได่เห็นหน่า ก่อนกายาสิหล้าหล่อย
ตากะฝ้าอ่อนแสง แฮงกะเหลือน่อยสิคอยเจ้าได่ส่ำ
ได๋น้อ...คำเอ้ย

Submit "เมือบ้านแหน่เด้อ" to แชร์ไปที่ Facebook Submit "เมือบ้านแหน่เด้อ" to แชร์ไปที่ Twitter Submit "เมือบ้านแหน่เด้อ" to แชร์ไปที่ Printerest

แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ หนุ่มนานอนหนาว
    โอ้คักหลายหัวหน้าเอ๋ย อ่านจบแหล้วคิดฮอดบ้าน
  2. สัญลักษณ์ของ เขย ตระการ
    ยอดเยี่ยมคับ..อ่านแล้วเห็นภาพเลย
    ออกพรรษานี่ กลับบ้านซะน้อ
  3. สัญลักษณ์ของ tenko
    ขอบคุณทุกไลท์ครับ นานๆแวะมาที /บ่าวยะโส
  4. สัญลักษณ์ของ เขย ตระการ
    ผมกะหนุ่มสารคามคับ
    ยะโสผมกะผ่านทุกเทือเวลากลับบ้านเพราะวามีแฟนอยู่อุบลฯคับ
    ยะโสอยู่แถวได๋น้อคับ
  5. สัญลักษณ์ของ tenko
    ห่างลุมพุก 11 กิโล ยโส 15 คะรับ
  6. สัญลักษณ์ของ คุณฉุยเลย
    มีอยู่บ้อฮึ ลูกอีสานสิลืมป่นปลากับลวกผักได้ ของแซบสิตาย เกิดซาติได๋ข้าน้อยกะขอเป็นคนอีสานคือเก่า อยู่ง่ายกินง่าย ไปได้ทุกภาค
  7. สัญลักษณ์ของ lungyai1123
    ผญ๋าชุดนี้ฟังแล้วกะม่วนอ่านง่ายได้ใจความครับ
  8. สัญลักษณ์ของ teerapat
    อ่านแล้วกะอยากกลับบ้านแล้วหล่ะ เมื่อบ้านก่อนเด้อพี่น้อง ย้านบ่ทันรถทัวร์สายกรุงเทพ - เขมราฐ

Trackbacks

Total Trackbacks 0
Trackback URL: