:,1- สบายดีมื้ออากาศดีๆหลังฝนตก ใหม่จ้าพี่น้องบ้านมหา ห่างหายจากการเข้าครัวไปดนเติบ

เพราะว่ายากการยากงาน เป็นลังช่วง จ้า มื้อนี้ มีเมนูเพื่อสุขภาพมาฝาก

เพราะว่าฝนตกมาอิหยังกะเจริญงอกงามบ่เว้นแม่แต่ผักที่ปลูกไว้

อยู่โรงงานพอมีพื้นที่น้อยๆไว้ให้ปลูกดอกไม้ และผักสวนครัว(กระถาง)พอได้เก็บกิน

ใบบัวบก ปลูกแซมไว้กับ ว่านสี่ทิศ +ต้นมหาลาภ พึ่งพาอาศัยกัน



เป็นใบบัวบก ชนิดใบใหญ่ จ้า บ่แม่นผักหนอกบ้านเฮา



เก็บมากำน้อยหยึ่งจ้า เพราะว่ากินคนเดียว :ข:) แล้วกะแวะลงตลาดซื้อกุ้งสด และบักนาว(ลูกละ5บาท) และตะไคร้



แล้วกะจัดการล้างให้สะอาด ซอยตะไคร้ ใบบัวบก พริก หอมหัวใหญ่ คื่นฉ่าย



ล้างกุ้ง แกะเปลือก ผ่าหลัง ล้างให้สะอาด แล้วกะลวกพอสะดุ้ง(เวลาลวกทุบตะไคร้ใส่นำดับคาบ) แล้วกะลวกหมูสับ



น้ำยำ...น้ำซุป(รสดี หรือ ซุปก้อน) กะเอาน้ำพอประมาณ ใส่ น้ำตาล น้ำปลา น้ำมะนาว แล้วกะใส่พริก..รสชาติแล้วแต่มักจ้า เปรี้ยวนำ เค็ม เผ็ดตาม หวานสุดท้าย



ซิมนำยำ โอเค แล้ว กะเอาส่วนผสม ทุกอย่างลง คลุกๆๆให้เข้ากัน จ้า



ออกมาหน้าตา พอไคแหน่ จ้า อิอิ



หัวกุ้งที่เหลือ บ่ได้ทิ่มจ้า เห็นมีมันกะเลย ต้มใส่ข้าวเพิ่มสีสันต์ ในการรับประทานอาหาร อิอิ



:b-b ว่าจะเฮ็ดน้อยๆ ส่ำกินคนเดียวบ่เหลือ แต่...เครื่องปรุงหลายไปๆมาๆ เต็มโต๊ะอาย่ะ เอาละ งานนี้ท้องแตกดีกั่วของเหลือเน๊าะพี่น้อง ย้อนว่าเสียดาย...ของ

สุดท้ายกะทู้นี้ ทำ..ภาพล่าสุดของ ต้นแก่นตะวันที่ปลูกไว้ ตอนนี้ ใกล้จะได้เก็บเกี่ยวผลผลิดแล้วจ้า กำลังลงหัว น้อยๆๆ



:*-:*- บ้านมหา และพี่น้องที่แวะมาเยี่ยมยามและให้กำลังใจทุกๆกระทู้จ้า

หมู่พวกเอากระรอกมาฝากสองโตกะเลยสิคั่วตะไคร้ใว้ถ่าแกล้มยามแลงๆ ซั่นดอกวา


อันนี่เครื่องแกงที่ขาดบ่ได้คือขี้หมิ้นเหลืองครับ ขี้คร้านตำสิปั่นเอาดอกครับ ต้องใส่กะปิแกงนำครับ


หลังจากสับเป็นชิ้นแล้วกะเอาลงกระทะรวนก่อนครับ


พอเริ่มสิสุกแต่บ่ทันสุกกะใส่ต้นตะไคร้ลงไปรวนนำ


พอสุกจั่งเติมเครื่องแกง เติมน้ำนำจักหน่อย แล้วกะปรุงรสตามใจชอบ


สุกแล้วหน้าตาสิเป็นจั่งซี่แหละครับที่เหลืองย่อนใส่ขี้หมิ้นครับ


มาพี่น้องมากินคั่วตะไคร้ใส่กระรอกนำกัน แซ้บ แซบ:b-b:b-b:b-b